自由講場 今日: 1521 | 主題: 1364543

積分: 18914

好媽媽勳章

1^#

發表於 10-12-13 10:45 |只看該作者 |倒序瀏覽 |打印

阿仔今年k1開始有d功課，不過只係d畫線、填色既簡單功課，每次我都會坐係隔離講解俾佢聽，初初佢話唔識(實情係隻手唔願郁)，我都會捉住佢隻手教佢或者一齊做，但依家已經返左四個月學，每次功課係油顏色就永遠唔願做，做親就話眼訓，但我好很定佢唔係唔識，因為佢已上畫畫班差不多一年，
唉..."乙水"又"乙水"過，鬧又鬧過，打又打過，我就黎痴線架喇，我應該點做好，大家可以俾d意思我嗎？

0 0 0

私人傳訊

LILY媽咪

珍珠宮

積分: 41995

2^#

發表於 10-12-13 10:48 |只看該作者

我地大人覺得好淺的事情, 但對小朋友來說, 可能已好深.

k1即係3歲姐, 好細個, 妳試吓他開始晝時, 妳唔好係他旁邊, 由他自己鍾意點晝就點晝, 妳越叫他越唔郁的, 因有壓力.

原帖由 joe_1206 於 10-12-13 10:45 發表
阿仔今年k1開始有d功課，不過只係d畫線、填色既簡單功課，每次我都會坐係隔離講解俾佢聽，初初佢話唔識(實情係隻手唔願郁)，我都會捉住佢隻手教佢或者一齊做，但依家已經返左四個月學，每次功課係油顏色就永遠唔願做，做親就話眼訓 ...

私人傳訊

sasa0208

象牙宮

積分: 248090

馬年勳章 2026勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 15週年勳章親子王國15週年勳章 2018復活節勳章 2018母親節勳章 2018父親節勳章 FUN享自然‧郊遊一夏親子探索遊玩具勳章畀面勳章叻叻勳章有「營」勳章趣教勳章好媽媽勳章醒目開學勳章環保接龍勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回最關心BB問題熱投勳章美好大世界2017勳章開心吸收勳章食得好勳章瞓得好勳章 HiPP勳章(1) HiPP勳章(2)

3^#

發表於 10-12-13 10:52 |只看該作者

有無係學校開左頭先？如果有老師應該知佢識先叫佢返屋企做埋。同埋問下老師佢係學校做成點先

小朋友個個唔同，其實真係唔知佢識唔識喎

私人傳訊

晴B媽

積分: 53075

熱血金章至尊種植勳章畀面勳章 2011精緻種植勳章大廚勳章 BK Milk勳章

4^#

發表於 10-12-13 10:54 |只看該作者

原帖由 joe_1206 於 10-12-13 10:45 發表
阿仔今年k1開始有d功課，不過只係d畫線、填色既簡單功課，每次我都會坐係隔離講解俾佢聽，初初佢話唔識(實情係隻手唔願郁)，我都會捉住佢隻手教佢或者一齊做，但依家已經返左四個月學，每次功課係油顏色就永遠唔願做，做親就話眼訓 ...

你講解D咩呢??? 如果代入做你仔仔, 我會覺得媽媽好煩, 功課好討厭。

你愈迫愈唔想做, 人的天性。

私人傳訊

oscarmama

侯爵府

積分: 20356

5^#

發表於 10-12-13 10:58 |只看該作者

只不過你k1，何不俾佢自由發揮，佢知你越緊張，佢更吾想做，責任係佢，交翻俾佢自己承擔，反正只係k1。不過話時話，你間幼稚園k1就要帶功課翻屋企做，都幾係嘢。其實佢哋咁細就要咁辛苦。

原帖由 joe_1206 於 10-12-13 10:45 發表
阿仔今年k1開始有d功課，不過只係d畫線、填色既簡單功課，每次我都會坐係隔離講解俾佢聽，初初佢話唔識(實情係隻手唔願郁)，我都會捉住佢隻手教佢或者一齊做，但依家已經返左四個月學，每次功課係油顏色就永遠唔願做，做親就話眼訓 ...

私人傳訊

Sindymanman

大宅

積分: 2214

好媽媽勳章

6^#

發表於 10-12-13 11:06 |只看該作者

我囝囝都係k1. 佢有時做功課都好扭計. 我都係"乙水"下"乙水"下咁. 有時一人做一半. 油顏色, 佢油一個. 我又油一個.
有時又玩下. 睇下邊個做得靚d咁.

不論佢做得好唔好. 我都會讚佢. 即使好唔靚. 都只會叫佢下次不如做靚d.

有時我都會忍唔住好惡鬧佢. 不過事後就提自己咁樣對佢. 對自己都唔好. 一陣令佢怕左功課就慘啦

其實3歲既功課, 幼稚園要求應該唔係好高. 就又佢開開心心咁做. 拎d功課當遊戲咁做囉. 輕鬆d.. 可能佢會鍾意多d

私人傳訊

emmypun

珍珠宮

積分: 37585

畀面勳章大廚勳章

7^#

發表於 10-12-13 11:07 |只看該作者

原帖由 joe_1206 於 10-12-13 10:45 發表
阿仔今年k1開始有d功課，不過只係d畫線、填色既簡單功課，每次我都會坐係隔離講解俾佢聽，初初佢話唔識(實情係隻手唔願郁)，我都會捉住佢隻手教佢或者一齊做，但依家已經返左四個月學，每次功課係油顏色就永遠唔願做，做親就話眼訓 ...

嘩......唔駛呀? K1就要打........

女人是很脆弱, 但媽媽卻很堅強:)

私人傳訊

晴B媽

積分: 53075

熱血金章至尊種植勳章畀面勳章 2011精緻種植勳章大廚勳章 BK Milk勳章

8^#

發表於 10-12-13 11:08 |只看該作者

K1只不過係3歲, 係應該是玩的年紀, 你要諗辦法令佢認為做功課=玩, 佢覺得好玩,有趣, 才會自動自覺做功課的。

我覺得你太認真, 令佢FEEL到一D都唔好玩......

私人傳訊

大力mi

大宅

積分: 2738

畀面勳章

9^#

發表於 10-12-13 11:13 |只看該作者

係咪啲木顏色要好大力先出色?
小朋友咁用力, 好易攰㗎

日本の平安を祈ります

私人傳訊

積分: 18914

好媽媽勳章

10^#

發表於 10-12-13 11:13 |只看該作者

我試過講完俾佢聽點油，之後問番佢又能夠講得出同理解到點做，我就行開唔望住佢叫佢自己試油，不過佢就會發呆咁又唔願做

原帖由 LILY媽咪 於 10-12-13 10:48 發表
我地大人覺得好淺的事情, 但對小朋友來說, 可能已好深.

k1即係3歲姐, 好細個, 妳試吓他開始晝時, 妳唔好係他旁邊, 由他自己鍾意點晝就點晝, 妳越叫他越唔郁的, 因有壓力.

...

私人傳訊

積分: 18914

好媽媽勳章

11^#

發表於 10-12-13 11:15 |只看該作者

我有問過老師，老師話佢上堂係會自己做的！

原帖由 sasa0208 於 10-12-13 10:52 發表
有無係學校開左頭先？如果有老師應該知佢識先叫佢返屋企做埋。同埋問下老師佢係學校做成點先

小朋友個個唔同，其實真係唔知佢識唔識喎

私人傳訊

積分: 51912

12^#

發表於 10-12-13 11:15 |只看該作者

K1咋喎!嚴格黎講佢地都仲係亞B,,,

我本身都係上門教小朋友寫字,我都有學生係兩歲開始跟我學寫字,跟本教佢地學點拎筆到畫線甚至寫ABC都要氹唔可以心急迫佢囉...

正如樓下位媽咪所言,大人眼中好容易既事,對於小朋友真係好唔簡單唔容易做到架!如果真係想佢日後鐘意讀書,做功課合作D少D扭計既話,就千祈唔好迫到佢地怕咗拎筆畫野寫野...否則真係好大鑊...

你試下同佢好似玩遊戲咁一齊畫一齊寫啦!先教識佢拎好支筆先,然後同佢一人一邊一齊畫同一條線,買D填色簿、迷宮、連線嗰D同佢一齊玩,唔好要求亦唔好期望佢畫得好好,只要佢肯畫,就算離哂行都由佢先,點都先令佢對執筆寫字既抗拒,一步一步黎,每日你抽十五分鐘同佢畫就得喇,因為呢個階段既小朋友專注力好低,佢能夠維持到十至十五分鐘同你坐低做野已經超級叻仔&合作架喇...

慢慢黎啦,學習日子流流長,依家迫成咁,日後你同佢仲大壓力仲難搞呀...我D學生有好多都成四五歲都寫唔好D字,但只要同佢一齊學,點都追得上囉,至緊要一開始先好好培養同打好基礎,唔好未學行先學走,佢做到第一步,至好教佢行第二步,否則過於心急同迫,真係會弄巧反拙.

私人傳訊

積分: 51912

13^#

發表於 10-12-13 11:22 |只看該作者

原帖由 joe_1206 於 10-12-13 11:13 發表
我試過講完俾佢聽點油，之後問番佢又能夠講得出同理解到點做，我就行開唔望住佢叫佢自己試油，不過佢就會發呆咁又唔願做

同佢一齊油啦!先唔好同佢做學校功課先,始終功課要交俾老師睇,唔能夠做得太樣衰,,,平時同佢額外油其他填色紙/簿先,你同佢一齊油,用咩顏色你可以提議但唔可以硬性規定,呢下俾佢一個自由度先,,,

佢唔願郁時,你可以先油俾佢睇嘛,叫佢同你一齊油同幫你手油顏色,佢只要肯落一筆你都要即刻讚佢叻仔/讚佢油得好叻好靚!呢下真係要,因為小朋友都係鐘意得到人認同同讚賞,呢D至係佢地既動力黎.

至於顏色筆,佢咁細暫時唔好用木顏色住,因為筆身太幼,佢地初學拎筆畫野會好容易手痛同攰架!呢D都好打擊佢地執筆寫野既心,暫時買D大大支又肥既crayon先啦,拎得零舍舒服D架!鉛筆都係買番D for初學寫字肥身三角形嗰D,等佢升到K2下學期,至嘗試俾佢地習慣用正常size既筆同木顏色,一步一步黎.

私人傳訊

晴B媽

積分: 53075

熱血金章至尊種植勳章畀面勳章 2011精緻種植勳章大廚勳章 BK Milk勳章

14^#

發表於 10-12-13 11:24 |只看該作者

突然想起一樣好重要的, 樓主你本身有無在家寫下字,拎下書來看?

小朋友好鐘意跟大人的, 佢見到你唔會寫字唔會做功課, 佢就會覺得點解自己要做? 相反, 見你經常做功課/寫字/拎起支筆寫寫畫畫, 佢地就會好好奇, 覺得一定係好有趣的事, 就會主動跟大人做! 會模仿大人。模仿對小孩來說就是有趣的事。

當然, 你唔好期望今日你拎起支筆寫野, 阿仔就即刻學你, 呢D潛移默化是要長時間的, 一年半載也不奇。總之, 就是耐性.耐性.耐性.......

私人傳訊

積分: 51912

15^#

發表於 10-12-13 11:25 |只看該作者

原帖由 joe_1206 於 10-12-13 11:15 發表
我有問過老師，老師話佢上堂係會自己做的！

因為老師本身教開小朋友,好自然會識得用方法去氹佢地寫字囉,再加上學校唔係佢既地頭,佢點都會就住就住,同埋又有其他同學仔响度,有比較,佢自自然然會有個心想做好D,至少自己同其他小朋友一樣可以做到同樣既事情.所以响屋企做練習同响學校做就係有咁大既分別.

我自己上門教,我都零舍吃力...因為嗰度屋企係班學生既地頭...有亞媽响度,零舍扭計D.

私人傳訊

LILY媽咪

珍珠宮

積分: 41995

16^#

發表於 10-12-13 11:26 |只看該作者

上堂做, 係家唔做.
即係要人陪, 先夠樂趣, 小朋友鍾意熱鬧, 唔想咩事都一個人做, 下次佢做事, 妳又一齊, 仲要扮話真的好好玩, 仲多謝妳教我點晝添.

原帖由 joe_1206 於 10-12-13 11:13 發表
我試過講完俾佢聽點油，之後問番佢又能夠講得出同理解到點做，我就行開唔望住佢叫佢自己試油，不過佢就會發呆咁又唔願做

私人傳訊

積分: 51912

17^#

發表於 10-12-13 11:29 |只看該作者

原帖由 晴B媽 於 10-12-13 11:24 發表
突然想起一樣好重要的, 樓主你本身有無在家寫下字,拎下書來看?

小朋友好鐘意跟大人的, 佢見到你唔會寫字唔會做功課, 佢就會覺得點解自己要做? 相反, 見你經常做功課/寫字/拎起支筆寫寫畫畫, 佢地就會好好奇, 覺得 ...

都係架!我班學生都係咁,有好多都係一聽到我讚佢寫D字好似爸爸媽媽咁靚時,佢地真係好開心好興奮架!真係有個心想學到好似媽媽爸爸一齊咁叻...同埋佢地都好鐘意我同佢地一人一筆咁寫字,甚至佢地會好主動叫我一齊同佢畫公仔、油顏色同寫字,始終佢地都會怕悶既,兩個人一齊參與去完成任務總好過全程都只係佢自己一個人去做.

私人傳訊

葡萄仙子

男爵府

積分: 7119

18^#

發表於 10-12-13 11:30 |只看該作者

男仔同女仔都有天生嘅本性，男仔好動，女仔就好靜，男仔鍾意超人，女仔鍾意白雪公主，各有所好，選錯對象就難生興趣！男仔會鍾意果d乜鬼兵團，多過鍾意果d兔仔。

私人傳訊