基督家庭 今日: 0 | 主題: 9939

積分: 5977

1^#

發表於 11-7-20 18:37 |只看該作者 |倒序瀏覽 |打印

對住亞女, 我學到忍耐, 包容, 謙卑, 依靠, 順服, 我相信神透過佢黎操練我, 要我明白主耶穌有幾愛我. 曾經聽到聖靈提醒我要信得過神必帶領亞女, 但我仍然信心唔夠. 特別係今次又見到亞女唔返學校補課, 重話唔讀書添, 唉! 中六喇, 差幾個月都唔捱埋佢, 無論學校老師或父母費盡唇舌, 佢都依然唔明. 我問神我可以點做? 箴言19:18提到"趁有指望, 管教你的兒子, 你的心不可任他死亡." 見佢一次又一次令我失望, 我真係好心淡, 我諗只有耶穌基督才有咁大忍耐黎等世人回轉, 但作為母親, 即使幾困難都唔可以就咁放棄, 不過我又可以點做? 繼續勸告? 定還是任憑佢選擇自己嘅路, 神自會教導的. 有冇人可以比到d意見我?

0 0 0

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

bkchunpapa

複式洋房

積分: 328

2^#

發表於 11-7-20 19:03 |只看該作者

亞女話唔讀書係乜野原因?
會唔會係情緒困擾或問題?

我教會都有一位姊妹中四, 又係「點極都唔明」,
睇醫生斷症先發覺係情緒問題~

私人傳訊

topkidsmom

寶石宮

積分: 288888

大廚勳章玩具勳章 BK猜猜猜慶中秋 BK Milk勳章畀面勳章

3^#

發表於 11-7-20 21:43 |只看該作者

我會等待她的蛻變和支持她的决定! 只要她幸福快樂和健康。我會用心聆聽, 給她中肯的意見和所需的恊肋。我們要對神保持信任, 或者神正在考驗你。{:1_1:}

點評

estw 我係等緊佢蛻變, 但過程好漫長...... 發表於 11-7-21 23:56

私人傳訊

積分: 24044

4^#

發表於 11-7-20 21:53 |只看該作者

最近都有個女仔同我講, 要唔讀書; 同佢傾下傾下, 原來係唔識做某D野, 令同學之間合作唔到, 所以想放棄...教左佢一個方法之後, 仍又肯用, 解決左個問題, 今日, 有人話我知, 佢進步左, 開心左....我都好開心

咁, 一直以來, 你女女有咩問題, 令佢唔想讀呢?

如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉

私人傳訊

sshoi

大宅

積分: 4598

5^#

發表於 11-7-21 02:44 |只看該作者

生命路向嘅選擇權係佢嘅。
只要佢一日仍然活在你嘅養育之下﹐你仍然有權去管佢。
但某一天佢可以自力更生﹐養活自己﹐佢想點就唔到你管喇。

點評

estw 而家已經唔到我地管喇....... 發表於 11-7-21 23:57

私人傳訊

anntx3

大宅

積分: 2019

6^#

發表於 11-7-21 10:20 |只看該作者

為你們禱告，求主賜智慧給你們！阿們！

點評

estw Thanks! 發表於 11-7-21 23:58

私人傳訊

estw

積分: 5977

7^#

發表於 11-7-21 15:10 |只看該作者

其實我都唔明佢究竟有咩問題, 同佢講嘅時候佢好似好明, 老師好苦口婆心咁勸佢嘅時候佢都好似好接受, 但最後岀黎嘅行為卻好令人吃驚. 問佢個心點諗又唔肯講. 以為佢曾經犯過大錯會知錯啦, 點知而家又翻番轉頭. 我曾經好期望有一個人可以幫到亞女, 但無論學校, 教會, 親友中都冇人可以幫到我, 不過咁樣反而迫使我單單依靠神. 暫時係亞女身上我學到溫柔, 由以前好惡, 發晒巔咁鬧佢, 變到而家識得將怒氣化為關心, 里個都係我最近領悟到神要我學嘅功課, 不過始終人係軟弱, 求主不斷加能賜力, 幫我做個合神心意嘅媽媽, 能夠將亞女帶到去神面前.

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

bkchunpapa

複式洋房

積分: 328

8^#

發表於 11-7-21 15:53 |只看該作者

estw 發表於 11-7-21 15:10
其實我都唔明佢究竟有咩問題, 同佢講嘅時候佢好似好明, 老師好苦口婆心咁勸佢嘅時候佢都好似好接受, 但最後 ...

唔係講笑,
真係好似我教會一位姊妹啊~
佢可以一剎那好明白自己既問題, 覺得自己要改,
但轉個頭又係咁;
我建議你真係同佢見見醫生好D喎~
因為可能係佢控制唔到自己既情緒, 而唔係唔想~

點評

estw 睇醫生? 佢未必肯wor. 發表於 11-7-22 00:02

私人傳訊

積分: 24044

9^#

發表於 11-7-21 23:46 |只看該作者

咁即係點解佢唔想讀書?

唔想讀, 當然唔去補課喇, 好順理成章啫
17歲女, 唔想讀, 有好多原因: 成績差, 無成功感; 同同學不和; 老師針對佢; 想工作有錢用; 家庭關係差, 覺得無人O易佢, 所以唔需要O易自己; 無目標(上大學, 工作), 所以唔明點解要讀書...太多"理由"喇

而家7月, 仲有幾多個月先完成學業呢? 要放暑假嗎?

其實, 我地咪一樣重複犯錯, 仲要係一模一樣O既錯...天父都無放棄我地吖~
何況, 唔想讀書唔等於壞...

私人傳訊

積分: 24044

10^#

發表於 11-7-21 23:50 |只看該作者

回覆 estw 的帖子

"同佢講嘅時候佢好似好明, 老師

好苦口婆心咁勸佢嘅時候佢都好似好接受, 但最後岀黎嘅行為卻好令人吃驚"

咁咪即係你地講O既, 唔中POINT囉, 佢為免你地傷心, 所以扮明, 扮認同...
我而家個女仔都係咁, 因為成長背景, 好識氹人, 不過心O個句同口O個句, 對埋行為, 都未必一致

私人傳訊

estw

積分: 5977

11^#

發表於 11-7-22 00:45 |只看該作者

pyjess 發表於 11-7-21 23:46
咁即係點解佢唔想讀書?

唔想讀, 當然唔去補課喇, 好順理成章啫

唔想讀, 當然唔去補課喇, 好順理成章啫
之前好認真問左佢究竟想唔想讀, 佢話讀, 又應承會比心機, 點知轉頭又係咁.

17歲女, 唔想讀, 有好多原因:
成績差,
曾經中三時考過全班第一, 而家老師都話佢係應該掂嘅.

無成功感;
佢話老師問親問題冇同學識答, 得佢舉手答.

同同學不和;
同同學經常來往, 間唔中重會黎我地屋企玩添.

老師針對佢;
佢重惡過D老師, 夠膽駁老師咀.

想工作有錢用;
里個可能係其中原因, 自從做左M記part time後就冇晒心機返學, 但已經同佢講過好多次, 又分析過好多次, 比佢知道咩先係最重要, 最能幫助自己前途.

家庭關係差, 覺得無人O易佢, 所以唔需要O易自己;
里個係我一直好疑惑, 又好困擾我嘅問題. 自從亞女出事, 我就一直好內疚又好自責. 曾經問過佢係未覺得亞媽唔錫你, 所以好想有人錫. 亞女係一個好依附感情嘅人, 佢可以愛情大過天. 佢唔想讀書嘅另一個原因係拍緊拖, 雖然有好多學生都會拍吓拖, 但一般人都可以保持平衡, 而佢就只想拍拖拍拖拍拖, 連佢男朋友都話好難忍受.

無目標(上大學, 工作), 所以唔明點解要讀書...太多"理由"喇
其實要讀書嘅理由比唔讀嘅理由多, 目標亦好明確, 里點佢自己應該清楚,

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

estw

積分: 5977

12^#

發表於 11-7-22 01:05 |只看該作者

回覆 pyjess 的帖子

仲有5個月考文憑試, 所以學校係暑假密密幫班學生補課, 好緊要架.

如果佢係盡左力都讀唔到我唔會怪佢, 問題係佢好似自我放棄咁, 我唔想佢再次走歪路. 雖然我相信主耶穌愛佢多過我愛佢, 祂必會帶領佢嘅人生, 但係里一刻我有責任去管教. 我希望主賜我更多智慧能夠適當地管教亞女.

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

積分: 24044

13^#

發表於 11-7-22 01:11 |只看該作者

回覆 estw 的帖子

代入一個１７歲女仔，"真心"同阿媽你對話, 希望你唔好嘔血....我只係估佢唸咩
(PYJESS 發問)

唔想讀, 當然唔去補課喇, 好順理成章啫
之前好認真問左佢究竟想唔想讀, 佢話讀, 又應承會比心機, 點知轉頭又係咁.
我梗話你聽想讀喇, 同你講唔想讀, 我仲唔俾你"鵝"到暈? 但, 我唔讀, 你奈我咩何? 阿媽, 我同你講想讀, 都係唔想傷你心啫, 唔讀書無前途吖嘛, 讀左, 你又擔保到我成就輝煌咩?

17歲女, 唔想讀, 有好多原因:
成績差,
曾經中三時考過全班第一, 而家老師

都話佢係應該掂嘅.
中四之後, 課程都唔同晒, 而家深左幾多, 你知唔知呀?
(PYJESS問: 佢以前O係唔O係唔洗溫書, 都成績唔錯?)

無成功感;
佢話老師

問親問題冇同學識答, 得佢舉手答.
(PYJESS: 老師都係咁話?)

同同學不和;
同同學經常來往, 間唔中重會黎我地屋企玩添.

老師

針對佢;
佢重惡過D老師

, 夠膽駁老師

咀.
(PYJESS: 咁即係老師鐘唔鐘意佢呢, 駁咀, 唔係個個老師接受到)

想工作有錢用;
里個可能係其中原因, 自從做左M記part time後就冇晒心機返學, 但已經同佢講過好多次, 又分析過好多次, 比佢知道咩先係最重要, 最能幫助自己前途.
你仲話讀書先有前途, 家陣我咪一樣搵到錢, 阿媽你知唔知咩叫PRESENT VALUE? 即係而家搵到一蚊, 多過聽日搵到個一呀? 何況邊個話讀書先有前途?

家庭關係差, 覺得無人O易佢, 所以唔需要O易自己;
里個係我一直好疑惑, 又好困擾我嘅問題. 自從亞女出事, 我就一直好內疚又好自責. 曾經問過佢係未覺得亞媽唔錫你, 所以好想有人錫. 亞女係一個好依附感情嘅人, 佢可以愛情大過天. 佢唔想讀書嘅另一個原因係拍緊拖, 雖然有好多學生都會拍吓拖, 但一般人都可以保持平衡, 而佢就只想拍拖拍拖拍拖, 連佢男朋友都話好難忍受.
(PYJESS問: 出咩事?)

無目標(上大學, 工作), 所以唔明點解要讀書...太多"理由"喇
其實要讀書嘅理由比唔讀嘅理由多, 目標亦好明確, 里點佢自己應該清楚,
咪係囉, 要咁多理由讀書, 我不如唔讀喇...

私人傳訊

積分: 24044

14^#

發表於 11-7-22 01:15 |只看該作者

回覆 estw 的帖子

佢唔O係香港?
歪路?

點評

estw 香港新高中文憑試出年3月考啦. 發表於 11-7-22 01:39

私人傳訊

ndw

子爵府

積分: 13877

15^#

發表於 11-7-22 01:36 |只看該作者

我覺得 pyjess 分析得合人性D。回想自己成長時期讀書階段，常有事情環境另到自己唔想翻學　（係唔想翻個間學校，或唔想翻個過班）去面對現實。多數係因為我唔識以適當態度來看事情，人關係。別人對自己讀書成就期望高過自己所能及的。真係好唔想面對人地對自己的負面反應。

唔知道點面對才可以有好０既情緒，想逃避。

後來都係靠神的安排，到時到後就給我或轉校或移民的機會逃避，直到我認識神夠深，可以從明白神來掌握正確的人生觀和正確的態度面對困境，人事關係後才要我面對挑戰，接受試練。

"...成績差,
曾經中三時考過全班第一... 老師針對佢..." ~estw
我的成績又係可以好考滿分，超曬普通標，但係我經受不起老師與父母的寄望的壓力，下次考試可以跌剛剛及格。
我唔喜歡同人競爭，好唔中意男同學次次問我考得幾分，要同我比較似的。這些人們的眼光好造成我少年時期的學習的心裡障礙。

點評

pyjess 大家都年輕過嘛~ 發表於 11-7-22 01:42

私人傳訊

estw

積分: 5977

16^#

發表於 11-7-22 01:36 |只看該作者

本帖最後由 estw 於 11-7-22 01:44 編輯

回覆 pyjess 的帖子

好多謝妳PYJESS. 我實在好想聽佢真心話, 只要係'真心', 我唔會嘔血的.

唔想讀, 當然唔去補課喇, 好順理成章啫
之前好認真問左佢究竟想唔想讀, 佢話讀, 又應承會比心機, 點知轉頭又係咁.
我梗話你聽想讀喇, 同你講唔想讀, 我仲唔俾你"鵝"到暈? 但, 我唔讀, 你奈我咩何? 阿媽, 我同你講想讀, 都係唔想傷你心啫, 唔讀書無前途吖嘛, 讀左, 你又擔保到我成就輝煌咩?
(之前好似都有咁講過, 佢話大學生都搵唔到野做啦.)

17歲女, 唔想讀, 有好多原因:
成績差,
曾經中三時考過全班第一, 而家中四之後, 課程都唔同晒, 而家深左幾多, 你知唔知呀?
(PYJESS問: 佢以前O係唔O係唔洗溫書, 都成績唔錯?)
(係呀! 佢話不嬲都唔溫書嘅.)

無成功感;
佢話老師問親問題冇同學識答, 得佢舉手答.
(PYJESS: 老師

都係咁話?)
(我又冇問過老師係未咁wor, 不過老師有講過話佢其實比其他同學資質好.)

同同學不和;
同同學經常來往, 間唔中重會黎我地屋企玩添.

老師

針對佢;
佢重惡過D老師, 夠膽駁老師

咀.
(PYJESS: 咁即係老師

鐘唔鐘意佢呢, 駁咀, 唔係個個老師

接受到)
(老師當然唔鍾意學生咁嘅態度, 不過老師冇因此針對佢, 反而好苦心咁勸佢, 而亞女都冇數過老師點唔好.)

想工作有錢用;
里個可能係其中原因, 自從做左M記part time後就冇晒心機返學, 但已經同佢講過好多次, 又分析過好多次, 比佢知道咩先係最重要, 最能幫助自己前途.
你仲話讀書先有前途, 家陣我咪一樣搵到錢, 阿媽你知唔知咩叫PRESENT VALUE? 即係而家搵到一蚊, 多過聽日搵到個一呀? 何況邊個話讀書先有前途?
(所以同佢計過而家搵到嘅係未夠佢將來生活所有開支.)

家庭關係差, 覺得無人O易佢, 所以唔需要O易自己;
里個係我一直好疑惑, 又好困擾我嘅問題. 自從亞女出事, 我就一直好內疚又好自責. 曾經問過佢係未覺得亞媽唔錫你, 所以好想有人錫. 亞女係一個好依附感情嘅人, 佢可以愛情大過天. 佢唔想讀書嘅另一個原因係拍緊拖, 雖然有好多學生都會拍吓拖, 但一般人都可以保持平衡, 而佢就只想拍拖拍拖拍拖, 連佢男朋友都話好難忍受.
(PYJESS問: 出咩事?)
(可以PM話妳知.)

無目標(上大學, 工作), 所以唔明點解要讀書...太多"理由"喇
其實要讀書嘅理由比唔讀嘅理由多, 目標亦好明確, 里點佢自己應該清楚,
咪係囉, 要咁多理由讀書, 我不如唔讀喇...
(所以話佢仲未丁醒lor)

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊