被譽為「最美麗港姐」的朱玲玲，前晚率領一眾港姐出席「慧妍雅集30周年慈善晚會」，艷光冠絕全場。原來54歲的朱玲玲將榮升新奶奶，首度開腔證實今年33歲的兒子霍啟剛和10月便滿31歲的郭晶晶將於年底拉埋天窗，她透露母親節未能與準新抱一齊慶祝，但相信「剛晶」喜訊定是朱玲玲多年來收過最窩心的母親節禮物。
慧妍雅集前晚在灣仔君悅酒店舉行「30周年慈善晚會」，77年港姐冠軍朱玲玲穿上銀黑色的喱士晚裝，美艷如昔，她率領歷屆港姐趙雅芝、王愛倫、向海嵐、曹敏莉、翁嘉穗、葉翠翠、楊思琦、朱凱婷、陸詩韻、莫可欣和馬賽等出席盛宴。朱玲玲的現任丈夫羅康瑞也有撐場，二人大方合照，之後羅康瑞更細心扶愛妻上樓梯，盡顯恩愛，朱玲玲一臉幸福說：「今晚（即前晚）有啲唔舒服，但囝囝唔得閒，所以老公嚟支持。」
超緊張赴宴偷師最近盛傳朱玲玲的大仔霍啟剛將於今年10月迎娶拍拖7年多的國寶級「跳水皇后」郭晶晶，有指二人將在機場亞洲博覽館筵開600圍宴請親朋，但又有傳霍家早前涉及億元爭產官司有機會影響婚期，但霍家上下一直三緘其口，未有證實消息。朱玲玲前晚在晚宴上終於揭開所有疑團，她心情大靚首度開腔證實兒子婚訊，她說：「係呀！今年年底結婚，但月份留畀佢哋講。派帖時大家都會知，唔係乜嘢秘密。」
榮升新奶奶的朱玲玲全程笑瞇瞇，當年她嫁給霍震霆時曾舉行盛大婚禮，被追問兒子是否會延續經典，舉行一個超豪世紀婚禮？朱玲玲代為否認說：「唔係，普通啫，等佢自己講啦。」她直言現在心情好緊張，因為是第一次娶新抱，要不停向朋友取經，她說：「一般結婚嘢我都唔識，家好多嘢諗、好緊張。咁啱身邊好多朋友嘅仔女結婚，一個月出席四次婚禮，有留意學啲嘢。」郭晶晶今年10月便滿31歲，問朱玲玲可心急抱孫？她笑說：「唔諗呢啲，等佢哋自己諗。」
婚禮分兩日舉行朱玲玲無論思想和打扮都很新潮，不擔心將來會有婆媳糾紛，問她有沒有嚴厲家規？她說：「我哋係好 modern嘅家庭，冇乜特別嘢要教，好多嘢會明白，晶晶亦係好傳統嘅女仔。」她表示會送一些具紀念價值的禮物給一對新人，但未肯透露是否飾物，朱玲玲說﹕「唔講嘞！有心就得。」她續透露婚禮會分兩日舉行，她說：「應該簽紙同請客係唔同日子，屋企人都唔使太緊張。」而昨日母親節，朱玲玲只能與大仔啟剛和二子啟山一同慶祝，她解釋：「啟人（孻子）喺上海工作，晶晶唔喺香港，唔知佢哋送乜，要聽日（即昨日）先知。」
採訪：王崇穎 攝影：陳志嵐 
發表於 
返回列表
