elainehopl 寫道:
我唔知幾時開始, 仲未羅過對鞋返學喎!
冇畫樹既畫?-( 唔通亞囡冇畀我睇. 新年前有一幅"途"花, 聽個囡話係用手指同spoon畫. 唔知真定假??-(
[quote]
llcathy2004 寫道:
翠茵媽,
今日係咪第一次上體操堂呀?知唔知咩情況呀?
evamama 寫道:
海倫,
講番晴晴個問題先.
我諗晴晴係要多d鼓勵, 佢可能唔夠自信心, 抵受唔到一些挫折, 或者少少負面的說話!
好簡單, 投其所好!佢唔話得, 咪唔好話佢lor, 多d讚佢, 例如晴晴洗手時無整濕件衫喎, 就讚佢叻女, 洗得好好, 今日件衫無濕喎, 仲要提佢有時洗手盆側邊有水架, 會整濕衫衫架, 或者有時個水龍頭開得太大都會喎, 所以開水既時候都要小心喎, 咁就一定唔會整濕啦!
試下將個問題變成日常的生活小貼士, 攞出黎一齊討論, 等佢自己理解下, 思考下, 點樣先可以唔整濕件衫呢? 咁下次, 佢就會諗起, 媽媽曾經講過點樣可以唔整濕衫, 你又可以係洗手時提下佢, 洗手時要點先可以唔濕衫呀, 大家傾下講下, 用溝通形式黎解決問題!
晴晴記仇, 我諗反而係佢擔心, 自己唔夠乖, 一返到學就會畀老師話, 問題的根本係佢唔夠信心, 一方面唔夠信心信自己係乖的小朋友, 另一方面就唔夠信心接受批評/建議。
同樣都係個句, 多d讚佢, 一捉住機會就讚, 飲湯飲得快, 同佢講湯湯熱熱地飲係咪好好味呢, 必要時有獎品, 但千祈唔好成日畀物質, 例如邊個最快飲晒自己既湯, 等陣就可以食晒成杯粟米!將一些原本對佢既要求變成遊戲, 令佢感到有趣味, 佢成功過之後(當然要讓賽啦), 先同佢解釋, 點解老師要佢飲快d, 因為d湯凍左就唔好飲, 其他小朋友飲得快, 個個都有粟米, 我地都要粟米, 所以晴晴下次都要飲快d。咁下次晴晴有進步, 咪係晚餐度加多杯粟米lor!
仲有, 就係要控制晴晴發脾氣, 佢喊唔可以由佢喊, 一定要佢係兩分鐘內安靜, 可以面壁, 可以坐係角落, 安靜唔到就要隔離, 困入房或者留佢自己一個係廳! 一定要佢自己收聲, 如果留佢一個都仲係發脾氣, 就要罰, 罰佢無得去公園, 或者無得睇vcd.....要佢知道發脾氣係有後果, 而唔係手段!
初期可能晴晴都會反抗, 要試多幾次, 畀佢知道一發脾氣, 就會有乜事發生, 自己唔收聲就無得玩。當晴晴識安靜, 唔好即刻同佢講道理, 反而要讚佢做得好, 可以安靜落黎, 跟住就做番之前做既野, 玩既就繼續玩, 食既就繼續食。而家講道理, 一來佢聽唔入耳, 二來佢又會以為你講佢, 又唔高興/記住!
搵日晴晴心情好d, 又無乜出事, 就要抱抱佢, 同佢講媽媽好開心, 因為晴晴今日好乖, 有禮貎, 食飯食得好好, 又無發脾氣, 所以媽媽好開心! 晴晴開唔開心(通常都係開心), 咁晴晴想唔想日日媽媽都咁開心, 晴晴又咁開心, 咁我地每日都要好似今日咁!
要講道理, 就黎番傾計個時講, 搭車時唔覺意提下, 慢慢滲d滲d咁, 潛移默化佢, 等佢知道, 媽媽或者老師心目中乖的小朋友係點, 仲要讚下佢, 晴晴都做到喎, 等佢知道自己有能力做到乖的小朋友, 為佢加油!
希望可以幫到晴晴!
wilfredchan 寫道:
Cathy,
真係吾駛擔心woh, 鏗之前未返全日我又係好擔心佢訓晏覺問題.... 點知佢一返左全日好快就適應到..... 佢地係學校有好大運動量, 根本到左午睡時間已經好倦, 同埋 missy 如果見佢吾訓都會拍佢地訓架.... 到時傑傑見到人地訓, 又無人同佢反, 甘靜吾訓都吾得啦.... 你吾駛憂 woh, 我隻 stitch 甘鬼煩, 係學校訓覺食飯去廁所都問題woh.... 傑傑一定無問題架.... 你拿拿臨比佢5月返啦
發表於 
返回列表
