吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 想聽一個青少年講真心話，真係咁難？

少年成長今日: 0|主題: 16055

收藏本版

回覆發帖

返回列表

跳至頁

查看: 4480 | 回覆: 8

想聽一個青少年講真心話，真係咁難？ [複製鏈接]

angel-papa

大宅

積分: 1433

1^#

發表於 25-11-6 12:18 |只看該作者 |倒序瀏覽 |打印

我想喺呢一度抒發一下最近的心情⋯

我仔細個嗰陣時成日笑，而家已經係中三，唔知幾時開始已經冇乜見到佢以前嘅笑容，

成日問佢嘢都係單字回答，講嘢又吚吚哦哦咁，問親佢學校學習上嘅嘢就一定答案冇問題，但係睇到成績上結果出嚟全部都唔合格……

知道佢學校係有好幾個唔同嘅朋友，周不時同佢打機，打波嘅又有另外幾個朋友，但係每次問佢同邊個出去玩嘅時候佢就唔會講，只係話學校嘅朋友，問佢點解唔講俾我知叫乜名，佢話唔想我再繼續問落去，所以唔想講咁多嘢……

我已經唔係管得佢好嚴，佢同邊個打機或者打幾多個鐘？

我已經好寬容佢，總之唔可以俾佢打到太夜搞到唔瞓覺⋯ 最多都係10點幾一定要佢熄電腦……其他嘅嘢我根本問唔到咁多⋯ 問咗佢都唔答，又或者是但答……根本唔知點溝通！

中學之後偶然都會真係唔舒服要睇醫生而需要早退，今年中三開學冇幾耐，佢就就已經成日都話唔舒服早退返屋企，返到去又係瞓覺，瞓足大半日然後就冇事！根本唔知佢搞乜！

而家成日見到佢個樣對住我嘅都係一碌木咁，

好似冇乜感情，好似對屋企冇乜感覺咁…… 不過暫時最安慰的是：我知道佢同同學出去嘅活動並沒有跟我講大話⋯

但係我真係唔知點同佢溝通，

才可以令佢真係開懷的跟我講真心話⋯⋯我只係想聽到佢個心到底諗緊啲乜、喺學習上到底有沒有什麼不滿意⋯ 唔想聽到佢句句都係敷衍我⋯

感謝每一位閱讀過這個post的過路人(emoji)

0 0 0

私人傳訊回覆引用

webjen

珍珠宮

積分: 45833

2^#

發表於 25-11-6 17:51 |只看該作者

只可以話青春期係咁

大家要重新找出相處方法

我覺得做父母只可以放手,唔係話完全唔理,要比"小朋友"知道你嘅界線,咩事過界就一定唔比

我囡曾經講過青春期時睇咩都唔順眼,當然包括父母,過左呢幾年,情況會好D

至於可唔可順利過渡,就睇你由佢細儲番黎嘅感情,呢D係要由0歲儲落

我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!

私人傳訊回覆引用

angel-papa

大宅

積分: 1433

3^#

發表於 25-11-7 00:55 |只看該作者

webjen 發表於 25-11-6 17:51
只可以話青春期係咁

大家要重新找出相處方法

好多謝你嘅分享意見

以前一直同佢關係都好好⋯ 而家其實都唔係話好差⋯不過一講到學校嘅嘢、又或者係想問多啲佢自己嘅想法嘅時候，佢就會起晒鋼咁講嘢⋯

之後問多兩句佢就爆，然後見到佢咁嘅狀態我又爆

我都唔知為咗呢樣嘢⋯一諗起又會唔開心⋯然後佢又會問做乜我諗咁多嘢⋯

私人傳訊回覆引用

wan_sosin

珍珠宮

積分: 49386

4^#

發表於 25-11-7 09:41 |只看該作者

回覆樓主:

首先你想佢講真心話，你又有無同佢講真心話？
不斷問係無用，你越問佢佢越唔想講。
我會講下多啲我自己嘅事，細個做錯過嘅野，克服過嘅困難，參加過嘅課外活動，佢有興趣聽已經係第一步

私人傳訊回覆引用

lusciniafung

複式洋房

積分: 401

5^#

發表於 7 天前 |只看該作者

回覆樓主:

明白你的感受，我都經歷梗。
聽好多過來人的經驗，只能默默的等佢地自己出返嚟。

其實我都好擔心佢地要幾耐，甚至會否出返嚟？！

私人傳訊回覆引用

angel-papa

大宅

積分: 1433

6^#

發表於 7 天前 |只看該作者

呢排我都聽咗好多網上嘅青少年相處影片教學分享之類的，有校長分享、有專家分享、也有家長分享……

自問我都已經唔係一個對佢好嚴格嘅家長，

我都係一樣等時間希望佢唔知幾時會醒覺，只不過呢段時間已經係中三了，

我覺得好似時間好緊迫咁，好似不容許他這樣散漫，這樣遲才醒覺，但係我又真係無能為力……所以覺得好無助咁！有時覺得相反要人開解的係我不是他

私人傳訊回覆引用

angel-papa

大宅

積分: 1433

7^#

發表於 7 天前 |只看該作者

wan_sosin 發表於 25-11-7 09:41
首先你想佢講真心話，你又有無同佢講真心話？
不斷問係無用，你越問佢佢越唔想講。
我會講下多啲我自己嘅事 ...

我有同佢講真心話㗎！有時佢見到我自己講講吓，我都眼濕濕咁

佢都好似有啲知道自己咁對我唔係咁好……但係轉個頭又係咁

其實我覺得真係關打機事，唔係我偏見，感覺真係打機之後佢嘅性情變得好暴躁，樣樣其他事都好似唔關佢事咁！但係我又阻止唔到佢打機……

就算同佢出街或者到外面唔知做啲乜都好，到晚上回家他又係埋頭苦幹的打機

真係好似打少陣都唔得⋯

私人傳訊回覆引用

MonkeyGirl

大宅

積分: 3227

8^#

發表於 6 天前 |只看該作者

完全明白. 我都係一樣. 講到口臭, 一樣無改變, 甘可以點? 我自己就諗, 一係大家繼續互爆, 甘佢心情一定唔好, 就會繼續打機, 踩你都傻, 傷心只有自己..為咩 ? 第2條路, 就係放過自己, 同自己講, 唔好再圍住佢轉..唔使再問學校點..總之有返學, 就算...自己搵其他野做, 盡量另自己心情好d. 你可搵野學, 搵朋友食飯, 精神放返落自己度. 如果有咩提佢, 只可以講3句, 多一句, 佢地又黎料... 如果你之前, 教過, 提過有關佢學業呀, 人生呀, 拍拖個d 野, 就唔好再問啦..佢地係記得的, 但做唔做到-就唔會因為我地提, 佢就會做. 唔提, 就做唔到. 所以, 你講多句, 佢就會覺得你煩, 你越問, 越唔講...
其實我地以前細個咪一樣? 自己都經過青春期吧! 比d 時間佢地成長啦, 成長過程係包含失敗的.. ..