吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 再見愛人

夫婦情感今日: 2|主題: 42773

收藏本版

回覆發帖

返回列表

跳至頁

查看: 4258 | 回覆: 6

再見愛人 [複製鏈接]

FongSiuHung

複式洋房

積分: 329

1^#

發表於 26-1-7 14:58 |只看該作者 |倒序瀏覽 |打印

陪老婆睇《再見愛人》真係睇出兩種心境！佢全程代入何美延，話睇到佢喺婚姻入面嘅委屈同掙扎 —— 明明有好多想講嘅嘢，卻總係被打斷、被忽視，連情緒崩潰都要忍著顧及旁人感受，話呢種「無聲嘅消耗」真係太戳心。
我反而覺得梁松都好唔容易，佢唔擅長表達，成日講嘢唔著調，卻會默默記低老婆嘅喜好，喺佢唔開心嘅時候笨拙咁遞上溫暖。佢哋嘅問題根本唔係誰對誰錯，而係兩個人始終喺兩條平行線，一個渴望被理解，一個卻唔識點樣去體諒。
明明係相愛嘅兩個人，卻喺相處中互相折磨，呢種無力感真係睇到我哋兩個都唏噓。

0 0 0

私人傳訊回覆引用

Victory1

大宅

積分: 3604

2^#

發表於 26-1-7 19:03 |只看該作者

FongSiuHung 發表於 26-1-7 14:58
陪老婆睇《再見愛人》真係睇出兩種心境！佢全程代入何美延，話睇到佢喺婚姻入面嘅委屈同掙扎 —— 明明有好 ...

等我都睇吓先，可能反映緊大部分夫婦的現實情況。

私人傳訊回覆引用

PTMCYS

伯爵府

積分: 15661

3^#

發表於 26-1-7 19:12 |只看該作者

本帖最後由 PTMCYS 於 26-1-7 19:13 編輯

FongSiuHung 發表於 26-1-7 14:58
陪老婆睇《再見愛人》真係睇出兩種心境！佢全程代入何美延，話睇到佢喺婚姻入面嘅委屈同掙扎 —— 明明有好 ...

好多野都係由誤會，無溝通而引起，又或者愛自己多過愛對方。

為何捉緊了，自己親手放開，當失去了就概嘆生不逢時，獨醉街頭羡慕旁人。其實只要放低自己的固執，改為主動了解和讓步，以對方幸福為目標，係可以改變好多嘢，只要對方是對的人就可以了。

正所謂退一步海闊天空。

私人傳訊回覆引用

KILW

子爵府

積分: 11270

4^#

發表於 26-1-7 22:08 |只看該作者

我覺得梁明顯愛自己多過老婆，似係如果唔係大咗肚就唔會娶嘅感覺，由1）佢面巾死都唔比老婆用，2）只覺得自己搵錢最有用，老婆唔返工就係零，同埋3）既然老婆係廢嘅，一比老婆話到佢無得駁就即發脾氣，因佢唔應該輸可以睇得出。
何都有問題，佢為梁放棄咗好多，所以病態地要老公幫佢做各樣事，包括明明自己做到嘅，去感受老公嘅愛，去說服自己嘅犧牲係值得。
但問題癥結係老公最愛只係自己，第二/三似係父母同3個女，梁點求都唔會得到佢渴望成為老公最愛嘅位置。
樓主老婆代入何，你就要問下自己你係咪真係有放老婆嘅需要喺心，有冇充分表達對佢嘅愛惜同感激。

私人傳訊回覆引用

花花b

侯爵府

積分: 21411

5^#

發表於 26-1-7 23:18 |只看該作者

我都有睇，我覺得個男既好吃力好辛苦，一個人搵錢7個人洗喎

平時將所有精神都搵錢，放鬆時只想靜靜地又好正常。但呢個時候個老婆又狂嘈，聽到唔順意或者唔係佢期待既答案佢就係咁訓導主任上身係咁調教佢。我係女人都怕都覺得煩。

而且，三個小朋友主力係嫲嫲屋企住，係嫲嫲屋企訓。何小姐雖然口講有幫手湊小朋友，但相信嫲嫲先係最付出最辛苦果個。反而我覺得何小姐有d太戀愛腦完全做左人阿媽，好似唔多理小朋友？如果有理點解成日咁得閒將專注力落個男人度？