奉勸各位想喺美國冒險樂園幫小朋友搞生日會嘅家長要諗清諗楚，尤其係黃埔分店。事情係咁嘅
我喺7月22日book咗8月4日黃埔分店嘅Party Area B 幫個侄開生日會，亦都喺當日full pay俾囇錢，之後就歡天喜地咁發囇邀請卡俾所有小朋友同家長，仲訂好囇蛋糕同派對食物
兼且安排好曬運輸送貨
好不幸 7月24日我收到美國冒險樂園職員嘅電話，話佢哋同事搞錯overbook咗
叫我改日期
仲要限一個月內。生日都有得改嘅咩？我叫你遲一個月先同令壽堂擺壽酒得唔得呀？但慶祝生日係開心事，我亦都唔想勞氣，所以只係要求退款
佢哋亦都喺25日黃昏同意咗，不過都有表明需時大約一個月
到今日 9月11日
佢哋終於有同事send email 叫我check下有冇收到退款，如果有問題就打番電話去佢哋黃埔分店。我check咗冇
咪按佢哋指示打番去黃埔分店問囉，但個電話響到爛都冇人聽嘅，到終於俾我打通喇(可能仲辛苦過cut有線🙄) 又遇到串串貢嘅職員態度奇差。
我從來唔擔心退唔到款，亦都相信咁大間公司唔會呃我嗰幾千蚊。但從Day1到依家，都係得我主動查詢退款狀況
仲要send email問又唔覆
黃埔電話又經常冇人聽，到搵到人問又態度差。其實我想講
我先係受害者嚟㗎
點解仲要受你氣？
你冒險樂園有冇諗過
咁樣取消客人嘅booking 會為客人帶嚟幾多麻煩？知唔知要逐位逐位賓客通知改時間地點有幾核突？要重新改過囇啲食物同蛋糕嘅送貨安排
又嘥咗我幾多時間？究竟你仲憑乜嘢串串貢同態度差？
發表於 
又會咁都有既...我之前都有想係黄埔搞,但時間唔啱
返回列表
