吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 2016年1月流咗一次，今日又再流，好擔心同傷口 ...

想生BB 今日: 0|主題: 109637

收藏本版

發帖

返回列表

跳至頁

查看: 4118 | 回覆: 28

2016年1月流咗一次，今日又再流，好擔心同傷口 [複製鏈接]

ra1113

大宅

積分: 1212

1^#

發表於 17-2-27 00:50 |只看該作者 |倒序瀏覽 |打印

好吾開心2016年1月8W流產，念住2017家中可以再添新成員，我剛踏入36就係好擔心，今日再流，真係都吾知重有無得生

（醫生就咁計就話10W,但上星期五有少少見紅，星期三已去急症睇，醫生話嗰胎無10W大，又無心跳，可能已停咗，叫我隔多個星期再去睇先知係咪停咗）。
上年流產阿囝都每隔幾個月就問一次幾時會有細佬妹，我之前同佢講媽媽攪錯咗未有細佬妹住，今次有咗同佢講9月會有細佬妹，佢好開心，有時會同肚仔傾計，佢真係好想有細佬妹，但頭先食飯前已感覺到個胎已保吾到，我忍住淚水，同阿囝講，媽媽要去醫院，你要去爺爺麻麻屋企要聲話，阿囝摟住我同我講你同細佬妹要小心啲呀。
嗰刻真係好想喊，但都忍住，跟著同阿囝講細佬妹要遲啲先黎，阿囝問點解9月吾黎咁係咪10月先黎，我話我都吾知道，阿囝問係咪細佬講比你知，我話係（跟住佢聲吓我嗰肚，話得啲咕嚕咕嚕聲細佬妹都無講野），我同阿囝講到時細佬妹黎再話比你知。
我老公聽完我咁講已經好傷心喊，我見佢行咗去厠所喊，就行去摟著佢講吾緊要，我地再努力，能夠做的事我地都做曬，吾好傷心，重有阿囝要照顧。我叫佢喊一陣會好啲。
其實我自己一邊打字，一邊流淚，又無乜朋友，想同阿媽講又怕老人家擔心，就係無奈。

0 0 0

私人傳訊

33154

男爵府

積分: 5960

2^#

發表於 17-2-27 07:32 |只看該作者

我一個都無你向好方面諗至少有一個小朋友(emoji)

私人傳訊

DAYPOPO

大宅

積分: 1645

3^#

發表於 17-2-27 08:13 |只看該作者

ra1113 發表於 17-2-27 00:50
好吾開心2016年1月8W流產，念住2017家中可以再添新成員，我剛踏入36就係好擔心，今日再流，真係都吾知重有 ...

我37啦，流產2次，今年2月21週停左心跳，你只少都仲有一個小孩子係身邊，唔好太傷心。向前看，美好的一定會來臨。

私人傳訊

Mrswayne

大宅

積分: 1101

4^#

發表於 17-2-27 08:33 |只看該作者

回覆樓主:

我都係剛剛流產, 而我一個小朋友都未有. 希望大家都可以快快康復 ,帶住祝福同希望再懷孕

私人傳訊

apingbb

大宅

積分: 1438

5^#

發表於 17-2-27 09:19 |只看該作者

ra1113 發表於 17-2-27 00:50
好吾開心2016年1月8W流產，念住2017家中可以再添新成員，我剛踏入36就係好擔心，今日再流，真係都吾知重有 ...

樓主你要加油!
我超明白你感受，我case同你一樣。個種無奈真係冇法形容。你要記住你仲有個仔仔已經好好。小朋友講既野雖然做媽咪聽落好在意，但其實佢地好多野都未懂所以你唔好太在意，因為你太在意會傷痛呀！
我有個仔5歲幾，15年10月第2胎29週1突穿水入左醫院第二日胎水變綠緊急開刀，點知bb直上nicu 4小時在10幾個護士醫生搶救下都係搶救唔到。當時我同我生先崩潰，仲叫左我媽帶仔仔見妹妹最後一面，我仔見到bb仲話叫佢起身。我地全家人都喊了。一路個幾個月佢都問係咪去醫院接妹妹。
所以我好明白樓主個種痛苦。
到上年7月我又再有，但一有就有少血。一路都去中西醫安胎，7週見到心跳，點知10週返去私家睇個胎冇大仲停左心跳，我去了政府做藥塞流產但唔成功，我決定自行去私家，做完人工流後我返去我媽家接仔仔，佢一見我地入門口就問bb呢。唉！
樓主你要頂住，因為將會一路會遇到心中的刺，好似你帶佢去公園佢又會同細過佢既小朋友玩，仲有有時d人仲會問你佢有冇兄弟姊妹，個時真時無奈既痛。

我依家已經接近放棄，因為開刀完我身體好虛。之後上年做完人流，我經期第一次都要食通經藥，第二次自然，到今次遲左一個月仲未黎，我諗我身體已經好差了。點可能再有，加上我3月快38啦！

我中醫針灸浸腳滴雞精艾灸都做齊，所以我諗我唔會再有了。

你要加油最緊要養好身體仲要調理好心靈呀！

私人傳訊

ckso4

大宅

積分: 2265

6^#

發表於 17-2-27 13:19 |只看該作者

我2015年5月空心，2016年6月生阿囝，2017年2月再次空心，第一次當自己唔好彩，心諗唔會咁黑仔再xx掛，點知又中，真係好傷心，我都會諗點解3份之2都係咁，唔開心時喊下，望下阿囝就會開心返。

我都好希望比多個家人佢，唔想佢咁孤單，我會再試但可能係半年後既事。
之前上網睇過有英文文章話冬天卵子同精子無咁靚，可能係因為少曬太陽同少做運動，我會夏天再試，一齊加油！我見身邊人好多4-7月出世既bb身體真係幾好，好強壯咁。

私人傳訊

ananlove

男爵府

積分: 6913

7^#

發表於 17-2-27 19:56 |只看該作者

ra1113 發表於 17-2-27 00:50
好吾開心2016年1月8W流產，念住2017家中可以再添新成員，我剛踏入36就係好擔心，今日再流，真係都吾知重有 ...

好明白你感受，我2013都生左個女，之後兩次小產，你呀仔同你的對話，我女同樣都講過，佢近排見到其他同學有細佬妹返黎同我講，再講多句好快到你有bb啦，我要做姐姐啦！唉，有d心酸！
我第二次小產後去左台灣驗免疫，而家食緊藥，遲d我會努力試多次，如果都唔得就算了！
你而家好好休息，遲d做下運動、睇中醫身體會復原快d,bless u!

私人傳訊

cherry車厘

大宅

積分: 4477

8^#

發表於 17-2-28 00:03 |只看該作者

回覆樓主:

樓主你要堅強呀，我都明白你心情，我一年內都小x左兩次，今個月剛好距離第一次小x一年，真係百感交雜。。
我同樣也有一個小朋友，每日見到佢都係獨自咁玩，有時都覺得佢好寂寞，無奈自己個肚又唔爭氣。。。
不過我暫時唔會諗放棄，但亦都唔會強求，順其自然吧，上天一定會將最好的留給我們。。。
加油

點評

mandychan0510

發表於 17-3-11 23:04

私人傳訊

ra1113

大宅

積分: 1212

9^#

發表於 17-2-28 09:30 |只看該作者

多謝各位關心同支持，我會努力。
剛接到阿媽打黎問候時，我先話佢知，無咗了，今日可以出院，佢老人家係咁話吾怪得這兩日係咁眼尾條，係咁話佢地（男家）係咩家山黎架，咁攪法好傷身體，由於阿媽要返工，只係講咗兩句叫我休息一下同要補返嗰身體，跟著就收咗線。
其實我只知道老爺同我老公都係單傳，而老爺啲堂兄弟都係單傳同無仔得女，咁我真係吾知關吾關時。
因為我嗰妹夫家山無擇日子動咗土，所以嗰排阿妹同妹夫，佢地老爺奶奶都黑到無論（佢老爺無了了入咗院好耐，都未出得院，佢奶奶就整到手，妹夫就腳拗柴入院，阿妹就被轉走同小產）

所以我聽到阿媽咁講都有啲擔心。

私人傳訊

chu_lsc

大宅

積分: 1159

MommyPanel勳章 Poo得好勳章笑得好勳章 BB防敏心得分享勳章食得好勳章

10^#

發表於 17-2-28 09:53 |只看該作者

睇到眼濕濕，樓主加油！各位加油！

私人傳訊

ra1113

大宅

積分: 1212

11^#

發表於 17-2-28 10:21 |只看該作者

回覆樓主：

本帖最後由 ra1113 於 17-2-28 10:22 編輯

多謝關心，大家都加油！
我想要就無咗，隔離床嗰個就係咁叫醫生寫信去瑪麗加快比佢做人工流產手術，真係聽到都心痛

私人傳訊

joeyjoeywong

大宅

積分: 3162

畀面勳章

12^#

發表於 17-2-28 11:03 |只看該作者

回覆樓主:

其實你已經有一個小朋友已經好好，好多人好努力，都係無，比上不足，比下有餘，要堅強D呀媽媽

私人傳訊

ibe

大宅

積分: 1116

13^#

發表於 17-2-28 12:49 |只看該作者

回覆樓主:

我一個月前流了，下個月快38了，想追第二胎，都唔知還有冇機會

但我未放棄，我深信我自己好好調理身體，緣份會再來，唔好傷心太耐，我們要一齊努力

私人傳訊

shanshan827

大宅

積分: 2038

認識瑞士牛牛第一回

14^#

發表於 17-3-1 12:07 |只看該作者

一路睇住你啲文字啲眼淚一路流出黎。
明白已經36歲，要再生都有壓力，不過至少你有一個仔。都明白有一個就梗想有多個陪佢，不過每次懷孕係獨立的，你既然生到大仔，即係你自己本身係無問題既，我覺得可以快啲再試。唔洗好似上次咁等左成年先黎過。

我都岩岩流左產，1月1知道有，1月7流啡，1月19真係流埋粒胎囊出黎。我而家岩岩黎左1次M了，諗住準備開始再試架喇。希望生到12月雞B。

加油呀~