心聲留言 今日: 4 | 主題: 17546

積分: 11510

1^#

發表於 04-4-14 03:11 |只看該作者

呢期為錢煩到出汁~~~!!!好唔開心...!!!

話說我間舖做到八月尾真係唔做,要執笠,呢幾個月嚟我都忙於搵工順便又再試吓搵吓有無平舖,但係出番嚟搵工做真係好難,我又要供樓同負責屋企一切開支,真係一定要搵至少八千九千蚊人工以上既工,但係又唔可以搵sales工,因為要照顧個仔,始終個仔有番咁上下大個,下年又要升小學,我真係唔可以因為番工而唔理個仔...所以我搵工既選擇好少,我依家都係搵文職,諗住打份文職(八九千蚊人工真係少到極,無乜文職會有),夜晚開商場車仔檔賣幾個鐘頭嘢(都係賣番美髮用品),九點前可以番屋企唞...其實今日有份工搵我去見,佢仲話可以俾夠六千五蚊我,但我拒絕咗...真係幾可惜,講真六千五蚊查實佢都俾唔少,如果我仲係女,無經濟負擔我一定做,但係依家唔係,供得樓嚟都無錢俾燈油火'立',都未講有無得食同有無錢交亞仔依家嗰二百蚊學費...剩係諗呢堆嘢已經搞到我好煩好無mood,我又要積極啲去幫我老公搵嘢做(佢係做音樂既),我呢期真係覺得好大壓力囉,唔知係咪就嚟m到,呢幾日我成日好易黑面同發老脾,收舖之後又放縱自己去超市買嘢食同買種子番屋企種(我興趣種花...),總之有少少失控,務求令自己個心輕鬆番少少,無咁緊....但有時真係覺得老公唔理我感受(我知佢唔係卦...),每逢我同佢講話我煩緊間舖同搵工做,佢就講佢煩緊出唱片同做音樂...

好似大家諗既嘢有啲唔同咁,有時我諗埋一邊諗衰啲咪覺得佢好似由得我負擔重咁,但我又知唔應該咁諗,但有時真係好炆,亦好想休息吓,但依家咁既狀況話到俾我知,我係無得唞... :-( 我依家真係好擔心到八月舖頭唔做時我仲未搵到工;...今日又收到電話,知道天然護髮用品中心諗住等我間舖執咗之後會响番同區(北角)開分店,變相我又雙手送咗批熟客俾人,聽完我個心真係有千萬個唔願意 :-x !!!但可以點?我又無錢再開舖,但又唔想去佢地分店打工,費時日後有乜問題會破壞咗現時既關係,始終我都仲想賣佢地啲貨(佢地啲貨真係賺到錢---相比其他牌子),唔想到時無得入貨...始終都要俾條後路自己囉...唉...真係好多嘢煩...煩到自己唔知仲想呻乜... :-(

私人傳訊

katrina959

大宅

積分: 4533

2^#

發表於 04-4-14 03:28 |只看該作者

Re: 呢期為錢煩到出汁~~~!!!好唔開心...!!!

唔好咁忟啦,第日你既車仔檔無人睇檔,我做你既"簾價勞工"丫;你唔開心行超市果陣,你打俾我,我陪下你丫!
有咩打俾我啦,我屋企裝左電話喇,可以慢慢傾!

私人傳訊

sfiawong

男爵府

積分: 5238

畀面勳章

3^#

發表於 04-4-14 03:37 |只看該作者

Re: 呢期為錢煩到出汁~~~!!!好唔開心...!!!

Hi, Bandband,

Please don't think too much! "Ship arrives the bridge head, naturally gets straight".

You are thinking deep too much and geting troubles for yourself. I think you can solve the problem later when you can relex your self with a natural heart. Don't think too much in the problem!

I hope you can overcome the temperary bad moment, and get help from many sources. God Blesses you! :-(

你要身體好、記得時時要飲水、不一定等到等到口渴嘅！

私人傳訊

積分: 11510

4^#

發表於 04-4-14 04:03 |只看該作者

Re: 呢期為錢煩到出汁~~~!!!好唔開心...!!!

Katrina & sfiawong,

多謝你地...其實我都知我既缺點,我就係唔知點解係咪都鐘意狂俾壓力自己,連以前公司個上司都話我自我要求過高,但無計!改唔到!我都覺得咁樣係好影响自己既工作情緒,但係每次番工或者做生意,我就自自然然要求自己做好份工佢!但係好似我上司咁話我:"無錯係!做到一百分當然最好啦,但每個人都唔同,你既能力只可以做到六十分就係六十分,你點迫自己都無用!"我個份人就係睇唔過眼自己係咁!再加上依家責任好大,咁大個女都未試過一條友撐起頭家,好怕自己真係做得六十分甚至唔合格,會累咗個仔同老公...我唔想囉!大既唔食細都要食飯架!諗吓諗吓...自己又會好擔心...因為我曾經試過响半年內寄咗四十幾封cv都搵唔到工!!!我驚呢次又係咁...以前就話自己唔做有老公養啫,但依家唔係,我一無工做成家人陪我一齊餓!你話,真係無得我唔咁樣煩法!!!仲有幾個月咋!八月尾真係唔知點算,而且依家我地生意真係唔好...真係!!! :-(

私人傳訊

arron媽

積分: 14934

5^#

發表於 04-4-14 05:48 |只看該作者

Re: 呢期為錢煩到出汁~~~!!!好唔開心...!!!

你老公真係好幸福, 一個女人支持住, 比佢去追求理想, 比著我, 一陣就得, 長期我真係同佢死過, 唔通女人無理想咩?
你獨力養家的情況會維持幾耐?? 譬如, 出完唱片之後, 佢會不會幫番手??

私人傳訊

Msma

大宅

積分: 3049

6^#

發表於 04-4-14 09:33 |只看該作者

Re: 呢期為錢煩到出汁~~~!!!好唔開心...!!!

你真偉大.... 我真唔及你十分一.. 但sorry 唔好怪我，　我想講ｄ你唔ａｒｍ　聽ｄ說話：

你好好連理想都放棄... (唔開得誧) 稔著去打兩份工(+埋湊仔三份) 去為頭家...，　好戁得，佢係知，　但佢明唔明同感唔感受到你ｄｐｒｅｓｓｕｒｅ　同擔心呢？　佢係未真係覺你偉大定係：　ｔａｋｅ　it 　for　ｇｒａｎｔｅｄ　呢？　

你可唔可以提示下你老公犧牲少少呢? 試下同人伴奏/教下音樂賺下小小收入都好丫嗎!

我讚成後生有理想... 亦好欣賞你咁好, 咁真情付出... 但我覺你pressure 好大...

你不如同佢傾下.. 比一個deadline（兩年？三年？四年？）佢去試搞音樂，　任得佢．．但ｄｅａｄｌｉｎｅ過左就叫佢接受返現實得嗎？　成功＝＞繼續，　未如理想＝＞入返正行，　當音樂為副業得嗎？？

你唔好挂我多事，　我老豆當年係一定要做生意．．　工唔去打（話自己叻，打工ｄ老世好白痴，　舐晒自己窩），　搞到我細個好窮．．．　呀媽捱得好慘．．所以我多事乍！

Msma

私人傳訊

timtim-mame

複式洋房

積分: 201

7^#

發表於 04-4-14 10:26 |只看該作者

Re: 呢期為錢煩到出汁~~~!!!好唔開心...!!!

bandband,

你諗定一條路啦! 咁會容易的掛, 你而家個舖無錢租呀? 係附近搵一間租可以嗎? 無哂的客好哂喎! 而家做文員要開ot架, 唔係咁理想, 8,9千想朝9晚5? 而家無呢支歌唱, 6500文員真係算高
我認為你做番本行好的, 唔熟唔做, 起碼搞掂兩餐同供樓先

私人傳訊

STH920

積分: 12657

8^#

發表於 04-4-15 16:52 |只看該作者

Re: 呢期為錢煩到出汁~~~!!!好唔開心...!!!

bandband,

我都好同意timtim-mame所講.

如果因為鋪租貴, 咁可唔可以搵過個平d或者細d既鋪呢? 我媽咪都係0係北角開地產的, 如果有需要, 可以搵佢幫手搵個合適既鋪位架(請勿誤會我0係度搵生意ar, 只係純粹意見咋)

timtim-mame 寫道:
bandband,

你諗定一條路啦! 咁會容易的掛, 你而家個舖無錢租呀? 係附近搵一間租可以嗎? 無哂的客好哂喎! 而家做文員要開ot架, 唔係咁理想, 8,9千想朝9晚5? 而家無呢支歌唱, 6500文員真係算高
我認為你做番本行好的, 唔熟唔做, 起碼搞掂兩餐同供樓先

私人傳訊

阿早!

積分: 11405

好媽媽勳章

9^#

發表於 04-4-15 17:20 |只看該作者

Re: 呢期為錢煩到出汁~~~!!!好唔開心...!!!

bandband,

唔好唔開心啦. 呢段時間搵工真係唔係咁易架. 因為中五, 中七, 大學生都係響呢幾個月畢業搵工, 佢地無經驗, 叫價肯定低過你.......

我都贊成唔熟唔做, 不過你最好知清楚"天然"係咪會響你附近開舖, 如果係, 你真係要諗諗計點keep客(例如入下新牌子, 搞下優惠噱頭咁).

呢個係真人經驗, 話說幫我做facial既A小姐, 佢有做某牌子護膚品代理, 當時果隻護膚品未進軍地舖, A小姐入貨賣比熟客, 因為好用且利潤高, 佢都話呢隻牌子幫佢搵唔少. 弊在幾年後, 呢隻護膚品進軍地舖, 仲要大減價照價65折搶客 (A小姐要用七折入貨架). 結果佢d客靜靜雞去專門店買, 而A小姐就"責"晒貨, 最後要用6折賣比d客清貨.

而佢改變策略, 四圍物色其他好用牌子, 屈sample送比d客試新產品, 又推出十送一優惠, 生意先開始好番d.

私人傳訊

積分: 11510

10^#

發表於 04-4-15 18:21 |只看該作者

Re: 呢期為錢煩到出汁~~~!!!好唔開心...!!!

arron媽寫道:
你老公真係好幸福, 一個女人支持住, 比佢去追求理想, 比著我, 一陣就得, 長期我真係同佢死過, 唔通女人無理想咩?
你獨力養家的情況會維持幾耐?? 譬如, 出完唱片之後, 佢會不會幫番手??

佢諗住全程投入搵啲有關音樂既工做,我諗佢唔會出嚟再開舖賣嘢,因為佢個性格真係唔啱對住客,佢忍得好辛苦,成日遇到啲麻煩客,又唔可以發脾氣,要好好serve客,我得,佢真係唔係太忍得囉...其實我唔介意我一個人做生意既,本身我都鐘意同啲客social,有時遇着啲客鐘意同我買嘢又好好傾又讚我,真係滿足感好大, :-P 可能我真係鐘意講嘢,唔做呢行嘥哂卦...
不過今日心情都好啲喇,因為噚晚無意間同個朋友傾呢啲問題,同佢傾傾吓,我同佢都有意一齊開公司做生意,佢仲教埋我set頭化妝,仲要一個仙都唔收我錢添(佢自己學咗兩三年都要成幾萬蚊學費啦...),嗰刻我真係好感激佢!佢話都係想搵人同佢一齊做,有個照應,但係因為我要學同實習都要一段時間(我朋友話要至少一年半載我要係咁搵朋友個頭同臉嚟練習),所以我都係要搵工做,但真係希望呢次一咁轉行,可以有轉機啦...真係唔想因為我而搞殘屋企,搞到老公同亞仔無地方住...

私人傳訊

積分: 11510

11^#

發表於 04-4-15 18:36 |只看該作者

Re: 呢期為錢煩到出汁~~~!!!好唔開心...!!!

Msma,

其實我老公唔係唔做嘢,而係我同佢都好清楚做音樂呢樣嘢真係好難撈得好囉,佢呢次出隻碟,唔係諗住靠賣碟賺錢,而係整得隻碟好啲方便搵工啫...我老公學歷低,又細粒又唔強壯,要佢做勞動力重既工根本無可能,就算佢肯我都唔俾佢做!
其實佢都明白我架,前晚佢見我黑口黑面,佢都走埋嚟攬吓我拍吓我,我覺得咁樣己經好夠...算啦, :-P 鬼叫我咁鐘意佢咩~!

同埋我知佢都努力緊.

私人傳訊

積分: 11510

12^#

發表於 04-4-15 18:38 |只看該作者

Re: 呢期為錢煩到出汁~~~!!!好唔開心...!!!

STH920 寫道:
bandband,

我都好同意timtim-mame所講.

如果因為鋪租貴, 咁可唔可以搵過個平d或者細d既鋪呢? 我媽咪都係0係北角開地產的, 如果有需要, 可以搵佢幫手搵個合適既鋪位架(請勿誤會我0係度搵生意ar, 只係純粹意見咋)

我只係俾得起一萬蚊留下既租,同埋依家咩舖到加到好貴,真係無可以搵到咁平而又做到生意既舖囉,其實有好多客都唔想我地走,但真係無計.

私人傳訊

claudia

禁止訪問

積分: 26738

好媽媽勳章

13^#

發表於 04-4-15 23:45 |只看該作者

Re: 呢期為錢煩到出汁~~~!!!好唔開心...!!!

提示: 作者被禁止或刪除內容自動屏蔽

私人傳訊

積分: 11510

14^#

發表於 04-4-16 01:01 |只看該作者

Re: 呢期為錢煩到出汁~~~!!!好唔開心...!!!

claudia,

都唔係既~!查實就算我老公養得起我,我都會番工,始終我知我係鐘意有工做多過叫我日日悶响屋企嗰類人,只係依家無得俾我揀,要勤力做嘢...希望拿拿聲搞掂依家經濟就一天都光哂lu...

私人傳訊

markli

別墅

積分: 734

15^#

發表於 04-4-17 15:33 |只看該作者

Re: 呢期為錢煩到出汁~~~!!!好唔開心...!!!

妳都好勁喎^_____^我都煩錢煩到出汁佐幾年,不過女人就好少見!^______^妳為男女平等......作出了一大步!!!^____^

努力呀^^妳一定可以攪得掂既!!!努力!努力!努力!^+++^

私人傳訊

sweetsau

複式洋房

積分: 446

16^#

發表於 04-4-17 15:55 |只看該作者

Re: 呢期為錢煩到出汁~~~!!!好唔開心...!!!

bandband,
加油呀,呢樹好多人支持你o架~~
你仲整唔整網頁賣野?

私人傳訊

積分: 11510

17^#

發表於 04-4-17 17:15 |只看該作者

Re: 呢期為錢煩到出汁~~~!!!好唔開心...!!!

markli,

你真係~~~!!!咪當啲女人流先得架~!我地都可以protect男人架~~~!!! :-P 我老公係我大仔嚟嘛~~~!!!

不過老公都好乖,噚晚同佢傾偈,佢都同我傾諗住搵咩兼職freelance嚟做,雖則除咗音樂外都無咩啱佢做,但係佢有咁既心己經好夠~!

:-P 真係好鐘意我老公~!佢太可愛喇~~~!!!

sweetsau,

收到喇!我都仍然會整網頁做生意既...我會努力架!俾個sub我啦~! :-P

私人傳訊

積分: 11510

18^#

發表於 04-4-19 22:05 |只看該作者

Re: 呢期為錢煩到出汁~~~!!!好唔開心...!!!

各位:

我聽日有工做喇~!係親戚介紹,雖則都係臨時工,但人工都唔錯,可以俾我儲錢開舖...希望我捱得住,儲到錢就好喇...

聽日開始要番八點半...所以今晚要早啲瞓覺...ZZZZZZZZZZ....

私人傳訊

markli

別墅

積分: 734

19^#

發表於 04-4-20 00:14 |只看該作者

Re: 呢期為錢煩到出汁~~~!!!好唔開心...!!!

恭喜^^恭喜^^祝妳早日達成心願^_____^不過咁早要番工....我諗妳都吾係好慣.......捱下啦^______^bandband ^O^

私人傳訊

積分: 11510

20^#

發表於 04-4-20 06:46 |只看該作者

Re: 呢期為錢煩到出汁~~~!!!好唔開心...!!!

markli,

就係俾你估中咗~!我真係唔係好慣!家吓係朝早六點半...可以話俾你知既就係.... :-x 我由噚晚到家吓都緊張到瞓唔到覺!係...未.瞓.過.呀~~~~~~~~~~~~~!!! :-x 激死我喇!!!一陣我番工都唔知點死...人地教緊我做野我鐘眼瞓點算!!!家吓仲覺有啲胃痛添!!!<---我每逢失眠緊張一定會胃痛!!!一陣我出門口前一定要攞定胃藥食...費時番工時痛死!仲有,番工係無得煲煙...無响自己舖度咁嘆...一陣都唔知用咩嚟止眼瞓....!!!帶定衣夾先!!!用嚟夾開眼皮~! :-x :-x :-x