婆媳關係 今日: 0 | 主題: 27758

積分: 260

1^#

發表於 08-2-15 00:53 |只看該作者 |倒序瀏覽 |打印

首先, 我只係一個20歲的女仔來的! 但現正面對住一個煩惱, 請幫下我, 感謝各位!
2006年, 第一次跟男朋友上佢屋企拜年, 話晒第一次, 都有買兩份賀禮去!
2007年, 我男朋友去左外地讀書了, 我亦投身社會工作, 難得休年初一至四, 只係年初一打過俾佢媽咪話會搵佢拜年, 後黎冇左件事, 佢媽媽打俾我BF, 話我應承左佢冇黎到, 最後我差唔多年初九先搵佢!
2008年的新年... ...男朋友係外國打黎話我知, 佢呀媽打俾佢同佢講我冇同佢呀媽拜年! 我真係打左個凸囉!
我由07年9月就轉左工, 入左佢父母間公司做個文員仔! 個時係自己係舊公司做得唔開心, 打算轉工, 佢呀媽咁岩同我講佢請人, 我就諗住轉了, 加上我契媽話佢係一個能幹的女人, 跟住佢可以學唔少野, 我就跟左佢喇! 後黎聽人講相見好, 同住難, 已經有D淆底ga喇, 我亦都問過BF, 佢覺得唔會有問題, 因為見到我同佢呀媽一齊話佢唔執野個陣好齊心, 覺得我地會好夾, 咁我就去馬了!
~唔好覆住, 故仔長要分兩篇~

0 0 0

私人傳訊

積分: 260

2^#

發表於 08-2-15 01:22 |只看該作者

幫佢地打工, 我都唔見得開心去邊! 俾我見盡以前大時大節先見下&考敬下gei Auntie的醜態! 我本以為佢係一個女強人, 點知原來佢只係一個凡事講野大大聲, 冇儀態&野蠻gei女人! (包括: 撩完牙拿住牙簽周圍行, 講電話個陣周身痕不顧儀態地抓肚皮抓背部, 師傅上來幫佢修理影印機又大大聲鬧人... ...)

更討厭的是, 她不喜歡扮靚的! 堂堂一個老闆娘, 著得好醜樣囉!

佢唔鐘意都算了! 成日哦我買好多衫, 又話化妝冇用咁, 我依家好唔鐘意佢! 我咁後生, 唔扮等幾時?? 我真係服左佢, 竟然可以話我知面霜冇晒個陣就塗handcream時順便塗埋面! 佢48咋, 同個呀婆冇分別囉, 我呀媽大佢一年, 有保養d皮膚真係靚好多!

佢條友呀, 成隻牛咁, 狂做野但又唔會買野獎勵下自己, 一尾儲埋好多錢, 竟然話我知係留返俾2個仔! (我bf係大仔) 我心諗你d仔大過左自己會搵ga啦, 唔搵佢gei事丫, 洗鬼幫佢儲咩?

我bf同我講返今年冇同佢呀媽拜年, 我真係忍唔住同我bf爆左好多野! 第一, 我覺得同佢都日對夜對了, 佢對我好似對親人咁, 對你好個陣就好好, 要教訓你個陣同鬧佢d仔冇分別, 仲有拜年的必要嗎? 我大年初一訓醒覺都唔會同呀媽講恭賀說話的!

我同我bf講, 佢媽媽成日話我買衫扮靚浪費錢, 咀形唔岩, 我真係好想避開佢! 年廿九個晚, 我放左工之後, 我三十至初四都冇開過電話, 我好驚佢搵我, 仲要係搵我講工事就死伙! (佢依家去左旅行, 差唔多20號先返!)

我講左好多對佢媽咪的不滿, 我覺得自己好傻, 忍唔住啖氣!! 但我bf都有用心聽我講, 覺得我都有我的道理!

咿, 我依家好煩! 好有罪惡感! 因為講過對佢媽媽的不滿! 又煩緊佢返到黎hk仲洗唔洗同佢拜年?? 因為都應該過了年十五囉! 而且佢呀媽雖然同佢講, 但就叫佢個仔唔好話我知ga!

各位媽媽, 我應該點做? 我就黎頂唔順呢個未來99了! 我同frd講ga, 依家未過門真係忍屎忍屁都要忍住, 過左門真係睬佢都傻了!

[ 本文章最後由 man1228 於 08-2-15 01:28 編輯 ]

私人傳訊

瑤瑤~

積分: 49369

醒目開學勳章環保接龍勳章 15週年勳章親子王國15週年勳章

3^#

發表於 08-2-15 01:36 |只看該作者

我諗你0係疊埋心水嫁比你bf之前一定要知道下將來結婚後你bf會唔會要你同99一齊住囉

我見你話你未來99係開公司既....相信家境都唔錯....d有錢人好鍾意三代同堂咁住埋一齊架....小心小心

現階段黎講....你同你bf又未結婚....我係你就寧願轉工喇....好過日日對住佢丫

雖然你話你bf都有聽你呻....但你要諗下其實你仲未係佢老婆....已經0係度咁樣數佢阿媽....呻一兩次都仲ok....但以後越黎越多野呻你bf好可能會覺得你好煩架

佢0係外國讀書又多引誘....所以你呻還呻....記住要適可而止呀

私人傳訊

積分: 260

4^#

發表於 08-2-15 01:51 |只看該作者

原文章由 瑤瑤~ 於 08-2-15 01:36 發表
我諗你0係疊埋心水嫁比你bf之前一定要知道下將來結婚後你bf會唔會要你同99一齊住囉

我見你話你未來99係開公司既....相信家境都唔錯....d有錢人好鍾意三代同堂咁住埋一齊架....小心小心

現階段黎講....你 ...

首先, 好多謝你睇我gei故事呀! 不過, 你地唔好以為我傻, 是我一廂情願想同bf結婚, 佢自己都想的!

我曾經有諗過轉工, 不過以自己gei學歷, 轉唔到d咩, 又唔係好挨得苦! 依家留係到, 話晒都叫自己友, 而且想第日幫到bf, 但另一方面, 我覺得自己工作表現未如理想, 個心會內疚囉, 真係好掙扎!

講樣野你知, 我曾經好白痴, 直接同佢呀媽講結左婚唔想同佢住, 佢聽完話"我先唔想同你地住, 等d仔自己照顧自己" 個時聽到幾開心, 但睇得多咁多位gei經驗, 我都係唔好咁快開心住!

最後, 我會記得你話我唔係佢老婆, 講野要小心返d好! 我今次真係第一次同佢呻咋, 我平時忍埋忍埋都係同frd講!

私人傳訊

瑤瑤~

積分: 49369

醒目開學勳章環保接龍勳章 15週年勳章親子王國15週年勳章

5^#

發表於 08-2-15 02:46 |只看該作者

係呀....幾時都好....你既心底話千祈唔好同男家d人講(老公除外)....就算佢地對你點nice都係假....唔好咁傻揭起自己底牌比人睇

有咩谷氣野多d上黎bk傾....呢度d太太好好人架....傾完個人都會輕鬆d

私人傳訊

E@V

積分: 1312

6^#

發表於 08-2-15 04:30 |只看該作者

其實如果你未來99 對你好似自己人一樣先好呀!
唔通對你好似外人咁好咩!!

當然, 佢對你自己人咁, 唔代表佢唔難頂!!
你可能太細喇..唔係咁識人情世故..
尤其對住老人家(雖然佢唔係好老~), 過時過節, 你幾唔願意, 你都要做d 野o架!!! 係為佐你自己未來著想咋! 有時假d 都要..呢個世界係咁..無法子o架!

重有, 佢儀容的野...佢鍾意喇...佢話你化粧, 你未"哦哦哦.." 應佐未算囉~

我對阿媽都係咁o架!

佢話留返d 錢俾兩個仔..未好囉!! 好過我99, 成日諗住我同老公d 錢都要俾哂佢吖!!

仲有, 唔好同男友呻咁多佢媽咪呀! 始終係佢阿媽, 聽得多佢實有反感o架!
(我都唔會成日係老公面前話佢媽咪, 生日呀, 節日呀...重會扮下野咁叫佢打電話問候下佢地:lol )

私人傳訊

karemom

積分: 451

7^#

發表於 08-2-15 08:13 |只看該作者

原文章由 E@V 於 08-2-15 04:30 發表
其實如果你未來99 對你好似自己人一樣先好呀!
唔通對你好似外人咁好咩!!

當然, 佢對你自己人咁, 唔代表佢唔難頂!!
你可能太細喇..唔係咁識人情世故..
尤其對住老人家(雖然佢唔係好老~), 過時過節, 你幾唔願意, 你都 ...

同意, 樓主, 雖然我唔知你未來99的為人, 但聽你形容, 佢對你算唔錯, 當你是自己女咁教, 可能你唔受啦. 希望你唔好介意我直言, 人情世故當然要做足啦, 拜年都係一種禮貌嚟架, 過時過節送下禮啦, 可能你太年輕, 新一代唔著重呢d, 不過, 你未來99對你要求真係唔過份喇, 比起好多99, 已經好好.

佢唔捨得自己駛錢, 都留返d錢俾佢兩個仔, 證明佢係一個好媽媽, 有好多99都要個仔和新抱個個月出糧都俾哂d錢佢, 然後由佢分"零用錢", 我99都係d咁嘅人, 佢冇做野喇, 我老公個個月俾成萬元佢, 佢就買到周身名牌, 同我地出街, 唔貴唔食, 有套餐唔叫, 鐘意散叫, 買野唔貴唔要, 仲好似我地欠佢咁, 難為我地兩公婆, 死慳死抵, 出街食飯都好慳, 有咁cheap食咁cheap, 十幾元蒸飯一餐. 我99仲想我地將成份糧俾哂佢, 然後由佢分番dd俾我地, 不過我唔"蘇"佢啫. 將來你寧願99係俾哂d錢你地果一類, 定係要你兩公婆無私奉獻果種呢? 希望你明白我的意思啦.

私人傳訊

sharonwing_17

積分: 2494

好媽媽勳章

8^#

發表於 08-2-15 08:31 |只看該作者

你個未來99算好了
你仲細好多野都唔明
如果你地結左婚咩野大時大節話之你十二萬分唔想都好
都要做d野嫁一齊食下飯都要
結婚唔係你同你男朋友2個人既事黎嫁
唔通你話結左婚就唔理佢呀媽咩
同埋我覺得係你自己答應左人地會去拜年無做到就係你自己不對
可能係我個人既問題啦我覺我答應左人地既野就一定要做

佢話你你未哦哦哦咩都係哦囉
我99日日都話我嫁啦由早上到晚上都係咁
仲要日日話我地唔比錢佢話我唔出去做野話我買咁多衫
我都癈事理佢

千萬唔好對男家講自己既心事
只會拿苦黎辛同你講丫未結婚次前d99多數都會幾好
真係簽左紙你就知咩事了即刻大條道理煩死你- -

私人傳訊

hinhofion

積分: 4120

9^#

發表於 08-2-15 09:57 |只看該作者

原文章由 man1228 於 08-2-15 00:53 發表
首先, 我只係一個20歲的女仔來的! 但現正面對住一個煩惱, 請幫下我, 感謝各位!
2006年, 第一次跟男朋友上佢屋企拜年, 話晒第一次, 都有買兩份賀禮去!
2007年, 我男朋友去左外地讀書了, 我亦投身社會工作, 難得休 ...

可能樓主年紀仲細la.......首先你答應左去伯母到拜年,你後來冇去,係你唔岩,第2年過年,就算你冇再答應伯母去拜年,你都應該識做,自己主動去,佢係你bf呀媽,唔係其他3唔識7 ga人,禮貌上你係應該去拜年的,仲有呀,如果同伯母同一公司做得唔開心ga,咪轉工lo,你唔一定要留係到做的,(選擇權係你手上喔)
至於忍唔住向男友呻ga野

,好坦白講...你未來99算對你唔差,相對係e度ga姊妹,你未來99唔惡哽

,所以呢......同bf呻過一次就算la,唔好成日係bf面前埋怨佢呀媽呀,會反感的,而且...將來結左婚,唔係剩係顧自己兩公婆咁簡單ga,幾唔like99都要面對,你e+仲細,過多幾年你可能會明白我地同你講ga野

私人傳訊

Charlotte_mom

王國長老

積分: 223366

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

10^#

發表於 08-2-15 10:40 |只看該作者

恕我直言喇
睇黎樓主都係細路女脾氣, 好多野, 真係要自己識做架

我細佬個女友又係, 其實佢ok架, 不過我媽唔鐘意佢, 衰咩呢, 咪就係唔黎拜年lor! 講真, 一年一次, 你點唔鐘意見到個女人都好, 呢d係禮貌, 話晒佢都係你未來99, 無必要為左d雞毛蒜皮野, 令自己扣分丫! 新正頭, 大家識做lor!
至於呻你99d野, 你要諒解返, 無人鐘意人地話自己阿媽(就算係佢100%唔arm都好), 唔好令男友難做, 呻完又算喇
要做到面面俱圓, 仲有排學呢:mrgreen:

原文章由 hinhofion 於 08-2-15 09:57 AM 發表
可能樓主年紀仲細la.......首先你答應左去伯母到拜年,你後來冇去,係你唔岩,第2年過年,就算你冇再答應伯母去拜年,你都應該識做,自己主動去,佢係你bf呀媽,唔係其他3唔識7 ga人,禮貌上你係應該去拜年的,仲有呀,如果同 ...

私人傳訊

碟碟

男爵府

積分: 5839

11^#

發表於 08-2-15 14:11 |只看該作者

係呀樓主, 其實你未來99 對你算OK架啦. 既然你同BF有諗住結婚
, 過年過節你真係要去見下佢架,就算你幾唔願都要做架, 講真句,我地呢度大部分人都唔想見99, 但係年年節節都要捏住條頸去見佢, 咁做唔係為的咩,係為左俾面老公, 唔想佢唔開心. 就算幾唔鐘意都會去應酬下, 除非個99真係超衰或者反晒面先可以免疫....

你有提到你99唔打扮+烏where, 仲要哦你買衫+打扮....我估佢覺得你同佢個仔都已經係一對, 都上左岸咯, 所以唔使再扮咁靚囉

你講既野當然有道理, 唔通八十歲先扮靚咩, 咁你咪依依哦哦應左佢就算, 唔使真係跟佢個套o者...佢同你媽媽唔同,佢唔打扮, 所以覺得大家都冇需要囉, 我諗如果佢有個女, 佢可能都係咁教個女架:mrgreen: , 你諗下如果佢係你阿媽, 佢咁同你講,你會唔會冇咁反感?

佢唔捨得使錢話留俾的仔, 我話你應該買隻燒豬還神, 可能你仲後生, 同埋我估你應該唔使俾家用你媽媽,冇咩經濟負担, 所以唔知道你未來99o係呢方面有幾可愛...你睇下回覆你既人, 佢地的99不但唔會留錢俾的仔, 仲想連人地個份都使埋.....我6299都係做生意既人, 但我99都從來唔會咁樣為個仔, 佢只會孤寒人地, 濶佬自己,咁你話你未來99幾難得先.

不過咁, 如果你真係唔想成日對住佢, 你不如考慮下辭工再讀書或者去進修下啦, 一來可以好名正言順咁離開佢公司, 二來又可以upgrde自己, 第二時可以真係幫到手唔使自卑, 同埋又可以俾自己多的時間選擇,諗下係咪一定要返去佢公司度做.有時相見好同住難唔一定淨講一齊住架, 一齊做野其實都會好容易有磨擦架.

你唔好怪我長氣多事, 其實你未來99好ok 架啦, 我講咁多都係希望你會明白, 唔好越攪越僵啦.

p.s.記得有野上黎呻好啦, 唔好再同bf講啦,雖然佢覺得你岩, 但係第二時佢唔覺意講左俾佢阿媽知就有排煩啦. 而且講得太多, 你bf都會覺得你唔應該話佢, 因為o個個點都係阿媽.....

原文章由 E@V 於 08-2-15 04:30 發表
其實如果你未來99 對你好似自己人一樣先好呀!
唔通對你好似外人咁好咩!!

當然, 佢對你自己人咁, 唔代表佢唔難頂!!
你可能太細喇..唔係咁識人情世故..
尤其對住老人家(雖然佢唔係好老~), 過時過節, 你幾唔願意, 你都 ...

私人傳訊

Melody_Che

積分: 4192

12^#

發表於 08-2-15 15:36 |只看該作者

我有問題呀, 請恕我直言呀!! 你甘年輕, 點解要未來奶奶前, 未來奶奶後甘贊呼你伯母呢?? 就算你同bf係非君不嫁,非卿莫娶既程度, 點解好似當左佢依家係你奶奶甘款呢??:-| 我唔係嘴咒你地, 但我覺得平常心面對佢羅, 佢係你auntie兼老闆, 新年你打個電話慰問下都好應該呀!!:恭:
佢老人家慳錢比d仔, 自己唔捨得用係美德, 唔打扮又關你事?? 佢關心你細路女亂洗錢, 先叫你少化妝, 買少d衫, 你唔岩聽未應句羅!! 女強人唔係指獨立, 工作狂, 事業強咩?? 佢身為老闆娘, 做到隻牛甘有咩唔妥?? 唔通日日去high tea就應該咩??
我覺得你應該睇野唔好睇一面, 自己做好自己本份, 一步一步慢慢黎先好羅!!

私人傳訊

DebuPegg

子爵府

積分: 10183

13^#

發表於 08-2-15 16:23 |只看該作者

我都覺得呢位未來99好好勒
個仔係外國都仲當你係親人咁照顧(有d 99淨係係個仔面前先對你笑笑口咋), 俾你係佢自己公司度唔使捱得咁辛苦又唔使受其他人氣.

有d 野, 你其實可以做好d (可能你仲細), 一兩句問候說話, 係無聊, 但係對上一代人黎講, 係禮貌. 好似我細個時(即20歲), 我前bf係外國讀書, 我都醒目會係聖誔節/新年/ 佢地生日打個電話俾bf係香港既父母, 等佢地知我都關心佢地(時間就到咪約食飯囉).
佢對你好; 你咪禮上往來囉. 禮貌既野無話過好既.

私人傳訊

Lumpy

積分: 2542

14^#

發表於 08-2-15 16:31 |只看該作者

死都唔好同佢阿媽玩 "真情"呀,話晒果個唔係自己阿媽,仲有,你一日未結婚,你都係外人.

仲有呀,唔好同你bf講咁多你對佢阿媽的意見呀,記住,果個始終係bf的阿媽,係男人都唔鍾意人地話佢阿媽,你地又未結婚,有危機的.

最好當佢係客人,對佢客氣d好.仲有,千萬不要叫佢做未來奶奶,話晒都未結婚,唔好等佢以為你無人要.

私人傳訊

吱仔與lo仔

積分: 42723

好媽媽勳章

15^#

發表於 08-2-15 17:11 |只看該作者

我覺得你第一年唔去放咗飛機，佢都冇嬲你，係好好架。
到現時為止，新年個幾日你都避咗佢，我諗佢返嚟你都唔駛刻意去佢屋企拜年，等佢去完旅行返嚟打個電話比佢囉，然後佢第一日返工時你拎盒禮物拜年囉

其實你99真係好好好好好好架

[ 本文章最後由吱仔與lo仔於 08-2-15 17:17 編輯 ]

私人傳訊

小小太陽

積分: 2301

16^#

發表於 08-2-15 22:48 |只看該作者

唉, 你太唔識做勒版主....

佢條友呀, 成隻牛咁, 狂做野但又唔會買野獎勵下自己, 一尾儲埋好多錢, 竟然話我知係留返俾2個仔! (我bf係大仔) 我心諗你d仔大過左自己會搵ga啦, 唔搵佢gei事丫, 洗鬼幫佢儲咩?

--->呢個真係唔係佢錯喎.....幫下個仔有咩唔好? 你想佢做吸錢怪? 又或者, 你高估左你未來老公既搵錢能力或者低估左結婚買樓既使費?

私人傳訊

小寶貝兒

積分: 30295

17^#

發表於 08-2-16 03:34 |只看該作者

樓主,
我真係唔覺得你bf阿媽有幾難頂喎?

上年你應承左去拜年但又放飛機, 比著係我99, 我死左9世啦! 佢打電話call我, 我一分鐘內唔現身, 已經被人用粗口圍剿啦!!

今年你連電話都熄埋..... 萬一人地真係有急事搵你咁點算?

你bf阿媽講到明會留d錢比d仔, 姑勿論佢係講真定講下, 佢有呢個心已經好好, 你睇下幾多媽咪既99, 成隻貪錢怪咁, 比多多都唔夠佢洗呀! 你bf阿媽肯留錢比d仔, 咪即係留埋比你!!

我雖然成日講我99既不是, 但有一樣野我一直都好感激, 就係當日佢逼我老公買樓(62比左畢錢做首期)同用好短時間內供完! 當日我的確有怨佢, 因為佢咁做, 令到佢個仔既身體差左好多, 而家成日病, 但亦都因為到結婚前已經供完樓, 所以我地而家可以plan下幾時買下一層樓, 買黎收租等等, 而且手頭既錢好鬆動, 對比一d為左供一層新樓, 要成世人(供30年呀, 仲唔係供到退休?)所有錢都係比晒地產商, 我地真係幸運好多架啦!

須知道, 有上一代人既幫忙, 真係可以少努力十年架!!

比個例子你, 我地打算每十年就儲夠錢可以買多層樓收租, 咁計下, 到退休時, 應該可以收到萬幾蚊租(以現時的價值, 不計通脹), 咁到時我地即使退左休, 都仲有d收入, 唔洗驚坐食山崩~
但如果當初唔係6299幫手, 我地可能要到結婚時先買到第一層樓自住, 到時因為我地開支大左, 就要供好多年, 坐底都廿年啦, 供完時, 距離退休只係得返十年, 即使我地可以買多一層樓收租, 即係退休後每個月只係可以收到幾千蚊, 同萬幾蚊差好遠架!!!

我信你bf阿媽真係為你好, 先會叫你慳d, 有冇聽過"小富由檢, 大富由天"呀!! 有錢, 先可以有選擇權, 呢個, 係真理黎架!!!

[ 本文章最後由小寶貝兒於 08-2-16 03:35 編輯 ]

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

SK77

積分: 3119

18^#

發表於 08-2-16 14:28 |只看該作者

樓主其實你bf 阿媽都算唔話得, 可能你嬲佢話比你bf 知你冇去拜年, 但你真係答應o左佢話會去後來冇o左件事所以佢先同你bf 講下o者, 可能佢用意並唔係嬲你or有心話你, 只係同你bf 講開咁樣, 你bf又覺得你應該同佢阿媽拜年所以先會發生咁o既事.

你bf 阿媽會想留多d 錢比兩個仔以後真係好好, 比好多人冇父母依靠幸福得多. 依家經濟唔好, 就算你bf 第日讀完書都未必搵到好似佢阿媽咁, 況且我相信佢阿媽都係想自己辛苦d 第日你o地生活好d咁解. 當你結o左婚同有埋小朋友就唔係話兩公婆一人一份就攪得掂, 就算係都會好辛, 佢比你o地o既可能係你o地用十幾廿年時間去搵o既仲多.

珍惜眼前o既o野, 或者我o地講o既你會唔o岩聽, 因為你好激氣, 但以後你就會明白, 你比好多人幸福好多.

[ 本文章最後由 SK77 於 08-2-16 14:31 編輯 ]

私人傳訊

小小太陽

積分: 2301

19^#

發表於 08-2-16 15:18 |只看該作者

冇錯.....我6299 雖然對我地唔錯, 但佢地真係冇乜錢銀觀念, 只係諗住養兒防老....莫講買樓, 平時想去個旅行都要諗過度過........佢地永遠只係問個仔攞錢, 又唔識儲錢或者幫個仔慳錢囉......
我地結左婚都冇錢買樓, 老公搵唔少但要養兩個屋企, 根本儲唔到...我連仔都唔敢生

你睇下你未來99 對你地幾好丫.....珍惜勒

私人傳訊