1-3歲 今日: 0 | 主題: 19434

積分: 506

1^#

發表於 17-4-25 19:51 |只看該作者 |倒序瀏覽 |打印

個囡一歲，越嚟越鍾意食手，每次三隻手指放落口，早排用咗手指水，初初有啲驚有抗拒過手指，仲要苦到嘔，但係最近又食返，仲要食得勁過之前，都唔知點算好。。。最近佢仲要腸胃炎每日都瀉幾次睇咗醫生，醫生覺得九成九都係因為佢成日擺隻手落口，有冇媽媽有咩辦法可以幫BB戒食手指架？

0 0 0

私人傳訊

積分: 4224

2^#

發表於 17-4-25 21:28 |只看該作者

tinachan127 發表於 17-4-25 19:51
個囡一歲，越嚟越鍾意食手，每次三隻手指放落口，早排用咗手指水，初初有啲驚有抗拒過手指，仲要苦到嘔， ...

越禁越想食，食夠就唔食，我從來無禁，無戒過都無食。

你驚腸胃炎就搞好衞生，乾淨無菌點食都唔病。

私人傳訊

我要做媽媽

珍珠宮

積分: 47642

BB防敏心得分享勳章

3^#

發表於 17-4-25 22:03 |只看該作者

回覆樓主:

好多bb都係鐘意食架，買牙膠俾佢得唔得?

私人傳訊

積分: 506

4^#

發表於 17-4-25 22:22 |只看該作者

我要做媽媽發表於 17-4-25 22:03
好多bb都係鐘意食架，買牙膠俾佢得唔得?

佢將個牙膠掉落地，試咗好多次都唔得

私人傳訊

積分: 506

5^#

發表於 17-4-25 22:22 |只看該作者

dativebond 發表於 17-4-25 21:28
越禁越想食，食夠就唔食，我從來無禁，無戒過都無食。

你驚腸胃炎就搞好衞生，乾淨無菌點食都唔病。

但係佢已經食到隻手起枕

私人傳訊

積分: 4224

6^#

發表於 17-4-25 22:42 |只看該作者

tinachan127 發表於 17-4-25 22:22
但係佢已經食到隻手起枕

本帖最後由 dativebond 於 17-4-25 22:49 編輯

我認真，唔好禁，由佢。佢食夠，到歲半，你叫佢食佢都唔食。

戒食手真係咁簡單，你唔好當食手係唔好既行為，食手係正常架，無BB唔食手就係最好既証明，經過幾萬年進化我地仲保留呢個習慣，你就知呢個行為對佢成長幾咁重要。

你一開始禁佢已經錯。好彩仲未係到三四歲仲係戒食手呢度糾纏，你仲可以補救，就係而家開始由佢食，食夠佢唔會再食。通常戒極都戒唔甩果D咪就係會用禁既方法既家長囉，你做好清潔，由佢食，你想佢兩歲仲食仲難。

等於你痕我唔比你R，你係咪仲想R過之前？

私人傳訊

艾森

子爵府

積分: 11164

7^#

發表於 17-4-25 22:51 |只看該作者

dativebond 發表於 17-4-25 22:42
本帖最後由 dativebond 於 17-4-25 22:49 編輯

我認真，唔好禁，由佢。佢食夠，到歲半，你叫佢食佢都唔 ...

我同意
我都係由得個囡食手指，6-10個月期間食得最密，可以一次過放3隻手指入口，平日長時間食手指+訓緊覺都要食住手指訓

睇過資料話，bb透過食手指得到安全感，bb口腔期係靠放野入口黎認識一樣野

依加一歲已經少食左好多，淨係間中玩同眼訓前會食下手指

私人傳訊

積分: 4224

8^#

發表於 17-4-25 23:00 |只看該作者

艾森發表於 17-4-25 22:51
我同意
我都係由得個囡食手指，6-10個月期間食得最密，可以一次過放3隻手指入口，平日長時間食手指+訓緊覺 ...

頭先我叫我兩歲大既仔食手，佢都唔明點解要食手，踩我都廢事。

我諗得佢好似大約一歲至歲半度就無再食手。

私人傳訊

積分: 506

9^#

發表於 17-4-26 08:38 |只看該作者

dativebond 發表於 17-4-25 22:42
本帖最後由 dativebond 於 17-4-25 22:49 編輯

我認真，唔好禁，由佢。佢食夠，到歲半，你叫佢食佢都唔 ...

因為我要返工，多數都係工人湊佢。
所以我經常唔係屋企，個姐姐衛生意識比較差，未必幫BB成日洗手，所以有時候我想BB戒咗佢，就可以煩少一樣嘢，最近BB又腸胃炎。。。。

私人傳訊

積分: 4224

10^#

發表於 17-4-26 10:28 |只看該作者

tinachan127 發表於 17-4-26 08:38
因為我要返工，多數都係工人湊佢。
所以我經常唔係屋企，個姐姐衛生意識比較差，未必幫BB成日洗手，所以 ...

本帖最後由 dativebond 於 17-4-26 10:50 編輯

日間唔係你湊，咁你得兩個選擇比你工人：(1)每一個鐘(當然瞓緊就唔駛啦)或污糟時幫個仔用梘液洗手；(2)繼續你的『戒』行為。你要迫個工人做好簡單，你整個表，叫佢一有洗手就寫時間，佢唔敢呃你，無做又寫時間去呃你好需要勇氣，搞得黎不如真係洗手仲簡單。你同佢講無寫時間等於無做，無借口話唔記得寫，佢地最興用唔記得做擋箭牌。

無借口架，睇你自己選擇。你一日改變唔到自己都覺得食手係錯誤行為，就算有日小朋友係強權下唔再食手，佢都會有另外一些奇怪習慣，因為佢口腔期不能得到滿足。你話大唔大問題？唔大既，好似我細個就變左咬手、咬唇、郁眼，咁大個左都可以戒既。但其實，本來有個簡單又自然的方法唔跟，係要用強權迫佢，咁做又啱咩？

其實係戒手呢個心態可以引伸你湊仔哲學，有人湊得好辛苦，硬要強權改變小孩天性；有人比較輕鬆，引導小孩天性符合社會期望。食手已比較簡單，因為唔影響別人，小孩再大點，會有坐唔定、打人等等所謂壞行為，你淨係禁係於事無補，乜都禁你唔辛苦你個小朋友都辛苦。你首先要明白呢D係正常行為，係唔影響人係要由佢做，你要諗過程中點樣幫佢消除行為引伸出黎既副作用，唔係乜都禁，你要尊重佢係人，唔係犯。當然影響到人要制止，再轉移佢精力去符合社會期望既地方。舉例，佢身痕想R，但大庭廣眾好肉酸，你要做既係教佢去無人既地方(例如廁所)R，咁樣一黎滿足佢需要，又符合社會期望，而唔係禁止佢，你明唔明？

Anyway，腸胃炎個原因係污糟，地方污糟隻手污糟，你要搞好源頭。隻手乾淨，點食都唔會有腸胃炎。因果要認清。一日你工人搞唔到衞生，就算佢唔食手，食飯或零食都會用手，唔通你同佢戒食野呀？

私人傳訊

JuliaJune