siti 發表於 20-5-8 02:28
係大爐,唔係好識用個爐新手,係個面硬啲,不過第日食更加好味,過兩日會再整,想減糖同加啲朱古力粒粒,第 ...
烘焗好多細節都要自己調節下,爐溫每一個爐都有出入,是否對流式、有冇上下火等都會影響成品,仲有材料例如麵粉吸水量、牛油質量等都會對成品起有一定作用,其實每次煮嘢食都係一個化學實驗,材料加溫度、濕度、方法、時間都會令成品產生變化,所以我每次整嘢食都盡量做筆記,一方面可以改進,另方面可以將來還原,煮嘢食真係好好玩,玩完有得食,食飽肚之餘連個心都飽埋。
講番個香蕉蛋糕,個面比較受熱,硬係正常(當然唔係太硬果隻),如果想冇咁燶(深色)的話,去到差不多上色時可以再蓋上錫紙,但就要再調一調焗嘅時間。
花旗太太生活在花旗國,留意時差,你問我未必即時答到。