Re: 我仔仔2個月時 有尿道炎.
Hi, 各位媽咪!
你地好! 都好似都有好多小朋友患此病!
我仔仔都係5月時因尿道炎發高燒入院, 未入院前已燒左6日都無其他病症, 其間已睇私家醫生, 食左退燒藥又退, 藥力過左又燒番, 到很7日仲係有燒, 我地兩公婆好擔心, 心想唔知係咪尿道炎, 就決定送佢入東醫急診室睇, 檢查後, 真係証實係尿道炎, 並要即時入院, 一住就住左4日, 住院期間經詳細檢查後, 係因大便細菌即大腸幹菌而引致今次尿道炎, 仲要係手上打左"豆豆"係度, 每日都係"豆豆"度打抗生素, 好在第5日, 仔仔情況好轉, 醫生俾佢返屋企"回家渡假"轉食口服抗生素, 第6日返醫院再覆診&出院。
住院期間, 醫院仲派左個專科醫生睇仔仔, 睇仔仔包皮是否有問題, 檢查後, 發現佢過窄, 因仔仔每次vv都有個好似balloon咁先去呵vv, 所以亦因此機會才會引致今次病發, 醫生很好人, 立即安排時間幫仔仔係9月做包皮手術, 希望會減低再覆發尿道炎。之後, 每日仔仔都要食口服抗生素, 直至照超聲波 & x-ray止。
咁! 我仔仔就係上兩星期前就照超聲波 & x-ray, 係2個小時檢查期間就喊足2小時, 照x-ray時, 就最心痛, 因為醫院姑娘會幫小朋友插條尿管係尿道(即小朋友呵vv既地方), 將顯影既液體經尿管輸入去, 要令兩邊既腎都脹滿, 脹滿後仲要小朋友自己呵番出黎才可照x-ray, 因為要依個動作才知道尿液受壓而有無倒流上番腎度。果次照x-ray係我老公陪仔仔入去做, 因我有細B唔可以陪仔仔做, 全個過程都係我老公講番俾我聽! 連我老公睇到仔仔咁樣都好心痛, 唔想佢做, 但如果唔做又點知仔仔會唔會有"尿倒流"情況!
到了, 今日又番東區覆診睇report, 醫生就報告照超聲波就無事, 但照x-ray依part就發現仔仔有"尿倒流"情況, 1級最輕微, 4級最嚴重 - 就要做手術, 而仔仔就係第3級, 算高, 所以要繼續食口服抗生素, 食3個月後覆診再睇情況, 同等埋做完手術後再check情況!
真係希望仔仔做左手術後會好d, 真係唔想佢食咁耐抗生素! 亦希望你地bb快d好番晒!
仲有, 我發覺至仔仔有此病後, 我覺得佢比從前好易疲倦, 瞓多左, 因為以我所知從中醫角度睇, 腎有事, 人係會易疲倦d, 都唔知係咪? 等我明天問問我個中醫朋友先得!
Oscar's Studio Portrait影樓相
http://www.babydreamland.com/oscar/main.html