我覺得呢度俾我地為人父母一個反思嘅機會,不論親生或領養都應該有一生一世嘅責任,小朋友唔係一件貨物,開心時放喺屋企玩,唔想要時就可以退返去,生活耐咗都應該有感情,點會話捨得唔理佢。
我覺得做得出將個小朋友退返去俾領養機構果D父母,其實係冇真心愛過佢地。我好睇唔起陳沖,講到有幾偉大有幾母愛泛灠,到頭來都係假。以前我有個朋友好恨生BB,但努力咗好耐都冇,去晒睇醫生,醫生話佢因為有子宮後屈加上內膜移位,好難有BB,佢先生因為長期吸煙飲酒,精子比正常同齡男人少十陪又活躍度低,基本上佢地有BB嘅基率近乎零。有次佢又同我地幾個姊妹講起,其一個就提議佢去領養一個BB,咁佢可以如願有自己小朋友,而個小朋友又有人愛,初初佢都有D心動,但突然講咗一句:「但個BB同我冇血緣關係喎,唔係我親生。」
另一個朋友好細個時媽媽病死咗,佢有兩個弟妹,爸爸冇耐娶咗另一個女人,後母同人講會待佢同三人如同己出,冇耐後母有咗自己嘅女,而爸爸覺得佢待前妻嘅三個子女唔好,日日都打到死去活來,所以對個新任太太都唔好。如是者過咗幾十年,前妻三個子女一直都叫後母做媽媽,點知到佢臨死時,佢話佢只有一個女,其他三個仔女都唔係佢親生,聽落真係傷心,我朋友都好心淡,雖然後母待佢唔好,佢都算盡咗做仔嘅責任,但估唔到佢阿媽會話佢唔係自己個仔,咁呢幾十年來叫呢聲媽媽係咩意義?
花旗太太生活在花旗國,留意時差,你問我未必即時答到。