隻眼開, 隻眼閉 。
當然也要視乎佢做了咩, 芝麻小事唔好放大, 例如佢日頭主要照顧BB, 其他做得家務不夠好, 可以體諒一下。
不宜太鬆, 又不宜太緊 ;
覺得佢有咩唔妥, 一定要同佢講, 講, 唔代表責備, 只係想佢改進而已! 嚴重既過失, 一
定要訓示, 亦同佢講返嚴重性。小錯也要說, 你不說,佢不是你肚內的虫, 佢係唔會知你諗咩! 唔好成日諗, 正路都識啦~ 你唔可以以我地既文化同認知, 去諗佢地, 認為佢地會有COMMON SENSE! 好多工人都唔會有架~
做得好要讚, 做得唔好要講;
唔好只挑唔好既野黎話佢, 如果有時佢做得好, 要適當地讚下佢, 讚美中成長既人, 多數較正面同積極! 例如佢煮了好味既小炒, 咪話佢知, 好好味啊~
不要用金錢收賣, 只會加重佢貪念。
不要償賞錢給工人, 人既貪念通常由此而起, 今年收了你500蚊生日利是, 下一年佢會覺得今年也如往年一樣會有, 少了不高興, 同樣銀碼覺得好應該, 有增長才會覺得高興。人既心態就係咁。反而生日送佢小禮物及蛋糕, 偶爾獎賞1天假期, 可能效果會來得好些
要有適當既尊重同關心。
工人也是人, 有些時候都要保障佢(保障佢既同時, 都係保障緊自己,佢受了傷, 自己都唔好受, 冇人用+醫療) 例如工人菜刀放不好, 不要一開口就責怪佢, 可以換個角度, 出於關心地同佢講,刀唔好亂放呀, 一會兒掉下來斬到自己腳呢~你都要學會好好保護自己。有些事情唔好老馮...例如佢幫你做野, 你都講聲唔該。大家舒服之餘, 也是好好既身教。怪錯工人也要SAY SORRY! 如果真係自己怪錯了人, 雖然你係出糧個位, 但都好應該講聲SORRY!
衰工人好工人我都遇過...
有時遇到D衰既, 都好難沉得住氣...
我都深深明白加同情...
不過本住自己對得住良心, 大家好來好去啦~
希望自己做得好時, 工人會感受到。我唔係講自己係咩好好既僱主, 但求問心無愧就算。自己都係打工, 都想老闆對我仁慈。如果工人衰,寧願唔忍, 一刀切好了(炒姐,唔係搵刀劈佢~
) 。
希望大家都遇到好工人。
Childhood is journey, not a race.
發表於 
返回列表
