美麗的春卷 寫道:
我現年15歲,是1個中四學生
不過牙媽養到我咁大都咪話唔煩
自細唔知點解特別多病痛
病親仲要睇專科至好,次次都600蚊up
唔知點解一出世個扁桃線就特別大
經常性發炎,由細到大都睇左牙媽唔少錢
到左e加,個扁桃線愈黎愈大(姐住半個喉嚨)
doctor suggest我去做手術cut左佢
不過如果私家做就夾夾埋埋都差唔多要2萬5
可能對大家黎講2萬5唔係大數目,但係對我媽媽黎講
2萬5都唔平,不過都總算afford到,打算暑假做
因為呢排真係惡化左唔少,連續3個月係咁發炎
搞到我呢次大考都考得唔太好(係咁發燒)
為左我個會考,媽媽打算賣左佢d股票比錢我做手術
雖然代價都幾大,但總算可以了結呢個長期戰爭
為左考好個會考第時讀大學搵好工報答牙媽
想請教一下做完手術後要注意既野
要食d乜野保身,唔好食d乜野,做完手術會唔會好痛?
我e加個喉嚨就發哂炎,出哂濃,"難"哂,會唔會痛過e加?
e加既痛楚我都仲可以忍受到...做完手術有無話食d乜止痛藥?因為太痛既話我專心唔到溫書
我想專心暑假做完手術之後準備個會考
唔該各位幫下手,如果大家既仔仔囡囡做過既話
可唔可以講下d經歷同要注意既野呢?
因為唔想下下都要牙媽take care我
發表於 
返回列表
