...今次為左d小朋友返學嘅問題,又要搬新居啦!但今次裝修到搬屋入伙,我真係好開心...事源係第一同第二次裝修之後,我對呢d裝修公司完全失去信心,心諗今次裝修又唔知會發生咩事啦,我完全唔敢行入去個d室內設計公司呀...幾經朋友介紹,我先知道原來呢個行業仲有d有職業操手嘅人,係我裝修其間出現左問題,個水喉位漏水,仲要比我見到(係我想鬧佢之際 
),佢竟然同我講:小姐你企埋一邊先...跟住佢走去教d師父點樣做返好,我已經心諗,真係唔同我上兩次經驗(個d designer,只係識畫公仔,唔識d工程野,仲要問返d師父點做)...之後我等左一陣,佢行出黎同我講,頭先我知你好想鬧我,我都會企係度比你鬧,同埋同你say sorry,但一定要解決左件先,如果唔係就仲大件事(因為會漏到成屋水)... 
我聽完佢講,真係想笑出黎...之後我同返我個朋友講,我覺得佢地嘅服務態度好到令我出奇,佢先同我講,原來佢地公司show room係上樓店,從來都唔會做生客,個老闆d客全部都係山頂客...(嘩...咁我咪好好彩,我係九龍城唐樓客都有咁嘅服務 )到而家裝修完,我有d咩問題,都有人同我跟架(唔會好似個d室內設計公司,收完$連影都唔見呀)就係呢樣野,已經令我開心到不得了! 
發表於 
返回列表
