回覆：寧靜 . 天朗
二、
四人先後大學畢業，大家用打兼職賺番黎嘅積蓄，豪氣咁去左一次長達三個月嘅旅行。穿州過省、足跡處處，痛快咁花光所有錢財、奢侈咁揮霍正茂嘅青春熱情……
盡興過後，各人重回崗位，各自覓得理想嘅工作。對於年青男女，事業萌芽起錨，下一步要諗嘅，好自然就係組織家庭、成家立室。兩對壁人、兩個婚禮，正是雙喜臨門、好事成雙！
四人同屋企人商量，決定一齊搞、一齊高興！感情深厚嘅寧靜兩姊妹、兩個待嫁新娘、兩顆待嫁的心，同大家嘅愛郎合力籌辦一場合二為一嘅婚禮。
呢晚忙完靜落黎閨中盡訴心中情，寧靜兩姊妹望住狹小房間兩張床，彼此想到不久之後姊妹分離、各組家庭，心中百感交集，又是期待、又是不捨……
一向佻皮活潑嘅細妹阿靜話:"家姐，你覺得自己係咪好幸福？"
阿寧目綻異彩:"我簡直覺得自己係全世界最幸福嘅女人！"
聽見家姐咁答，阿靜慧黠狡惑一笑:"家姐你錯喇！你極其量只會係全世界第二最幸福嘅女人！因為全世界最好嘅男人，已經比我俘虜左，最幸福果個……應該係我！"
跟住係一場又溫馨又搞笑嘅姊妹枕頭戰……
做女人，有咩開心得意得過一出世就執枝好簽投生於一個溫馨和諧嘅家、繼而中埋六合得個天生投緣、血脈相連嘅好姊妹，最後更標埋尾會揾到一頭好歸宿？兩個人真係瞓著都足以笑醒，要比較誰更幸福，扯平！
(待續……)
老虎囡2010年2月10日於嘉諾撒出世喇, 早過預產11日~ 重6.71磅
發表於 
返回列表
