懷孕前後 今日: 5 | 主題: 330635

積分: 2920

1^#

發表於 13-11-21 14:35 |只看該作者 |倒序瀏覽 |打印

由於好的婦產科醫生，預約期個個都最少要１。５月，
但我ＢＢ生長情況欠佳，所以急著要睇，
唯有去荃灣中心的仁安診所睇住先。

對上一星期睇黃Ｘ(X濤)醫生，佢態度算是不錯，照左，再睇我三個星期之前響另一個醫生處照的片。
見到ＢＢ只大了一個星期左右，個心跳開始有，但跳得好慢，唔穩定，就叫我有心理準備，但要再比ＢＢ多一星期觀察，下星期再睇有無進展。不過就咩野証明、分析都無寫比我，

只是比左兩小張超聲波相比我地。
我問佢可以做Ｄ咩會好Ｄ，佢話做咩都無用。最後無藥，無假，無証明，收左錢就走了。

過左一星期，因為星期五晚覺得有些不妥，所以星期六立即再去睇，
因無預約，只有李Ｘ(X傑)醫生得閑，唯有照睇啦!
佢同我照超聲波BB已沒有任何反應,佢建議改照陰超，再睇清楚Ｄ
睇左一輪都是沒有，而且胎兒ＳＩＺＥ比上星期委縮了。
照的時候，我都算鎮定，
但埋到診証枱就開始有些激動，

佢話，你睇幾個醫生都無寫任何證明比你呢？
我話：係呀，個個醫生都要檢查多一次睇下先嘛！我都唔明個個都唔寫証明比我，我朋友去普通診所驗，都即刻寫懷孕証明比佢啦！我而家個個都唔寫，好似＂佢＂從來無存在過咁（我開始激動）
佢就響到解釋：我地呢Ｄ專業，唔穩定，係寫唔到預產期比你個喎！
我話：寫唔到預產期，但個個睇過都無一張分析，斷診証明會唔會太過份呢？

（我其實並非針對佢，而是講緊包括佢在內的三個醫生）

佢就黎料了，語氣有些吋，佢話，我睇你資料，你是老師，你倆個應該係Well-educated的嘛(意思是唔好亂發脾氣,咁唔educated!)

然後開始自顧自介紹:拿！你有三個方法揀：仁安刮宮手術就包咩咩咩。。。。就咁咁咁。。價錢就$18000-19000,正常就唔過二萬。
我已經覺得好不耐煩。我話我未決定做唔做手術，或者，你寫幾日假比我休息下先啦！
佢愕左然，竟然問我要假黎做咩？？幫襯做手術就會有一星期假比我

我就開始激動了

，我爆發：我話ｂｂ有事你地一ｄ有用建議都無，假又唔比休，令我而家有內疚，覺得害左ｂｂ。我老公都發作：佢而家身體同心情都要休息，寫幾日假都唔得？

佢唯有話寫三日假比你啦！出到姑娘到，睇番假紙，佢竟然寫：「星期六、日、一」三日，真係多謝曬

我叫佢一定要寫張證明同分析比我，佢先答應。

佢的問題，不在斷証，而是無一個醫者父母心的態度

又話，你呢ｄ情況我每日見得多，好普遍
咁又點呢？

我地是人還是會傷心的。
人地傷心緊，安慰都無句，就響到推銷服務，算點呢？？

仲有，包括「黃ｘ」佢地兩個仁安醫生，都係覺得ｂｂ有事，做咩都無用。
相反，我去睇瑪嘉烈，佢比左張小冊子我，反而建議作小產要卧床休息。
我唔係話佢講得無根據(bb如有先天問題, 做咩都改變唔到), 但工作,壓力又點會無影響呢?
媽媽咩都唔做,bb最後出左事,個心唔多唔少都會自責的。

我見人地睇醫生，會盡量開咩安胎藥比你，建議你在家休息兩，三日，都叫盡量幫你諗辦法
仁安呢？只會收錢，藥無，假無，証明都無，我將來一定唔會再幫襯

0 0 0

私人傳訊

積分: 275

2^#

發表於 13-11-21 15:10 |只看該作者

回覆：mcesther 的帖子

呢個e生我上次小產都睇過佢，不知所謂。。。果種憤怒到而家都仲好深刻

私人傳訊

mcesther

積分: 2920

3^#

發表於 13-11-21 15:21 |只看該作者

回覆 Marcusbabytam 的帖子

可以講下事發經過嗎？？

私人傳訊

積分: 275

4^#

發表於 13-11-21 15:44 |只看該作者

引用：回覆+Marcusbabytam+的帖子可以講下事發經

原帖由 mcesther 於 13-11-21 發表
回覆 Marcusbabytam 的帖子

可以講下事發經過嗎？？

我喺5wks作小產，當時BB應該吾得，得佢有得即刻睇，其它E生都冇期，咁就睇佢啦，一瞓上張床，竟然check我個胸先，仲要好大力

，跟住陰超，痛到癡線，佢話個胎己經吾係到，跟住成個身挨落我大脾到，成只右手喺下面伸入去狂㩒，起麻幾分鐘，我喺咁話好痛，佢都冇理，只手伸返出來時，成個手套都係血。。

果一刻應該係BB的傷痛令我對佢d不知所謂行為吾識反抗。。。check完後行去枱到，佢d對白就同你果d差吾多，冷血到爆，覺得小產冇乜特別，又係一日假都冇。返到屋企後，覺得成個過程似俾人抽水多過產檢，有諗過投訴，但果陣時心情低落，後尾不了了之，但陰影係一世，雖然件事己過左兩年，但成個過程我都仲好深刻

私人傳訊

mcesther

積分: 2920

5^#

發表於 13-11-21 20:09 |只看該作者

回覆 Marcusbabytam 的帖子

佢仲係個人黎的嗎？？
你老公當時無一起去？？無姑娘睇住咩？？
應該要告到佢除牌先得。

佢一定好唔受歡迎，我去的時候都是只有佢無預約都可立即睇。
唉，可惜當時我都無咩可以選擇了

私人傳訊

hkcscs

積分: 1902

6^#

發表於 13-11-21 20:20 |只看該作者

回覆：仁安李Ｘ醫生，態度欠佳，大家小心

有無搞錯

私人傳訊

mrandmrshappy

積分: 3766

7^#

發表於 13-11-21 22:54 |只看該作者

blacklist

私人傳訊

sin_tse

積分: 1682

8^#

發表於 13-11-21 23:23 |只看該作者

引用：Quote:原帖由+mcesther+於+13-11-21+發表回

原帖由 Marcusbabytam 於 13-11-21 發表
我喺5wks作小產，當時BB應該吾得，得佢有得即刻睇，其它E生都冇期，咁就睇佢啦，一瞓上張床，竟然check我個 ...

超級無敵過分！！

私人傳訊

Papa201432

積分: 2864

9^#

發表於 13-11-22 01:03 |只看該作者

回覆：Marcusbabytam 的帖子

下唔係呀嘛咁過份

擺到明抽水又唔專業！

私人傳訊

abibo

積分: 2534

10^#

發表於 13-11-22 08:07 |只看該作者

回覆：仁安李Ｘ醫生，態度欠佳，大家小心

如有抽水成份，絕對可投訴去醫務委員会，太過份的李醫生

私人傳訊

pinkcouture

積分: 1909

11^#

發表於 13-11-22 08:19 |只看該作者

回覆：仁安李Ｘ醫生，態度欠佳，大家小心

好恐怖！！！

私人傳訊

積分: 275

12^#

發表於 13-11-22 08:19 |只看該作者

引用：回覆+Marcusbabytam+的帖子佢仲係個人黎的

原帖由 mcesther 於 13-11-21 發表
回覆 Marcusbabytam 的帖子

我當時係去仁安睇架，間房都幾大，佢叫我老公坐喺枱果邊等，我入去布廉後面檢查，第一胎乜都都吾識，任由佢擺佈，如果係而家，我肯定剷佢上天花板(我而家有左第二胎，從來未試過咁嘅產檢法）

私人傳訊

積分: 275

13^#

發表於 13-11-22 10:29 |只看該作者

引用：Quote:原帖由+Marcusbabytam+於+13-11-21+

原帖由 sin_tse 於 13-11-21 發表
超級無敵過分！！

雖然事隔咁耐，仍然有陰影

私人傳訊

積分: 275

14^#

發表於 13-11-22 10:32 |只看該作者

引用：如有抽水成份，絕對可投訴去醫務委員会，太

原帖由 abibo 於 13-11-22 發表
如有抽水成份，絕對可投訴去醫務委員会，太過份的李醫生

但事隔咁耐，驚口同鼻拗，係見樓主jm提到呢個不知所謂的E生，又撩起之前的陰影

私人傳訊

Karenabb713

積分: 4116

15^#

發表於 13-11-22 12:05 |只看該作者

引用：由於好的婦產科醫生，預約期個個都最少要１

原帖由 mcesther 於 13-11-21 發表
由於好的婦產科醫生，預約期個個都最少要１。５月，
但我ＢＢ生長情況欠佳，所以急著要睇，
唯有去荃灣中心 ...

Hi Mcesther,
我有看你的post,知道你小x了，我也替你難過。我是一個媽媽，十分明白你傷心的心情。你首要是處理好情緒(千祈唔好自責），養好身子，然後再努力造人，不要俾自己太大壓力，健康的BB定會來臨!

利申：我今年和上年都生了BB，兩胎都是Dr Li幫我產檢及剖腹生產的。以下是我的經驗，同你分享一下。

我一直都認為人與人的關係好微妙，好講緣份，正所謂人夾人緣!

我兩胎的第一次產檢是在大約week4-5進行，都是陰照，都是聽唔到心跳（這是正常，因為BB太細，要大d先聽到）。兩胎的第一次產檢，他都沒有寫懷孕證明書俾我（縱使我自己用驗孕棒見到係兩條線，又有普通診所的懷孕證明（第一胎時）。佢叫我大約2 weeks後覆診。

做女嗰陣，我一直以來都以為懷孕係冇乜風險／危險的。後來我開始上BK,發現原來係自己孤陋寡聞。原來喺整個懷孕期，係可以有好多唔同嘅狀況發生。我理解到點解Dr Li要喺聽到BB心跳後才寫懷孕證明書俾我。

Dr Li幫我做產檢不下20次，我認為他是一個相當有經驗而又專業的醫生，性格好內斂、正經、冷靜、謙虛。初次見面時，都覺得佢cool cool地架，但我之後諗深一層，佢係醫生，又唔係做sales/ customer service,喺建立關係上面可能係會慢d。

到第1次覆診時，他確認我懷孕了，佢就話俾我知，我將要做一系列的檢查（eg抽產前血、唐氏、結構），佢首先講政府有得免費做頭兩項，之後我問仁安有冇得做，佢先講有及價錢。呢次產檢，我印象好深，私家醫生竟然話我知政府有免費檢驗（竟然冇sell我在仁安做）。

機乎每次產前檢查，我C6都同我去，每次佢都有邀請我C6跟我入去檢查，就算有冇我C6喺度，每次都有護士在場。每次都好專業及好好手勢，我從來都唔覺得佢粗魯或者唔規舉。

其實佢係婦產科專科醫生，真係每天都會遇到好多唔同的cases。我成功懷孕，佢沒有好高興，所以我估，如果有病人小x了，他都未必會有好大反應。但有樣嘢我認為是：他會冷靜地提供solution。我第一胎時，曾經發生過一d狀況，令到我好擔心BB，佢當時係好冷靜咁同我分析（現在回想，都慶幸佢咁冷靜，佢嘅冷靜令到當時激動又擔心嘅我都冷靜番）

其實仲有好多好多事都令我感覺到Dr Li是關心病人，例如他每天巡兩次房（我兩胎的隔離床的JM的醫生都只巡一次）。我預約生第一胎的日子咁啱係佢同family去旅行的日子，佢都幫我開完刀先至出發（可能有JM覺得，佢有$賺架嘛，梗係做啦!但上年是龍年，佢大把生意，我覺得多我一個唔多，少我一個唔少!哈哈!）

這次你遇上內斂的Dr Li，可能未能乎合你心中所想而引致你唔開心，可能當中大家的表達令到氣氛唔好吧。都過去了，唔好諗咁多喇！

祝您身子快快回復!健康BB快快來臨!

點評

minimirror 醫生要照到有正常心跳，先有証明！是真的！

作小產無假紙，睇下醫生覺得幾嚴重! 發表於 13-11-25 21:23

私人傳訊

MiuMiu414

積分: 371

16^#

發表於 13-11-22 14:47 |只看該作者

回覆：仁安李Ｘ醫生，態度欠佳，大家小心

我今個月頭因為見紅所以去仁安睇急症，由於當時只係6週，又未做過產檢，去到醫院，姑娘話我可以上去睇婦產科急症，當時只有李醫生有位
入到去問左幾條簡單問題就開始檢查，最初係做肚上既超聲波，但照唔到，醫生叫我做陰超，由於我末做過產檢，都有啲擔心同緊張，但醫生都再三説明陰超唔會影響到個胎。當時個胎好細，未見到閃閃，但醫生就開聲俾我聽話係個胎的心跳，當時我心諗，係咪架，咁快聽到？定係我心跳咋

Sofar,成個過程我無任何唔舒服既感覺，至於佢成個人挨落隻腳到，我個人認為係佢方便照個位置，並無惡意

不過到埋枱，佢所講既真係令我莫明其妙
醫生：你作小產，有啲人話食藥得，但係食藥唔一定無事，又有人話瞓床休息，但係休息多都唔一定無事
我問：咁我可以做啲咩可以減低小產機會
醫生：無！我開多倆星期葉酸俾你，寫倆日假俾你，同懷孕證明，咁得架喇

埋單千幾蚊，我老公打電話問我醫生點講，我話我用左千幾蚊聽左幾下唔知係我定BB既心跳聲

私人傳訊

Mandyfufufu

洋房

積分: 35

17^#

發表於 13-11-23 22:42 |只看該作者

我係自然流產去到仁安李醫生幫我攪嘅，我喊哂佢都有安慰我同我老公，之後都係搵佢覆診，我話覺得周身唔舒務佢就自動自覮開多一星期病假比我，又冇亂開藥比我，我覺得佢比近嘉x醫生唚較有耐性同埋冇金趕時間，可能佢收貴少少，但比我嘅時間多好多囉

私人傳訊

applemi123

別墅

積分: 635

18^#

發表於 13-11-24 10:07 |只看該作者

Marcusbabytam 發表於 13-11-21 15:44
我喺5wks作小產，當時BB應該吾得，得佢有得即刻睇，其它E生都冇期，咁就睇佢啦，一瞓上張床，竟然check我個 ...

即check 胸又好似怪怪地

私人傳訊

applemi123

別墅

積分: 635

19^#

發表於 13-11-24 10:25 |只看該作者

我7weeks時睇黃x(x濤）的,佢話個胎size啱,不過未check到心跳,沒有照陰超,自動寫咗懷孕證明給我. 個人好有耐性,睇到而家.

私人傳訊

waiwai8890