懷孕前後

跳至

首頁
12

尾頁
   1


大宅

積分: 2920


發表於 13-11-21 14:35 |顯示全部帖子
由於好的婦產科醫生,預約期個個都最少要1。5月,
但我BB生長情況欠佳,所以急著要睇,
唯有去荃灣中心的仁安診所睇住先。

對上一星期睇黃X(X濤)醫生,佢態度算是不錯,照左,再睇我三個星期之前響另一個醫生處照的片。
見到BB只大了一個星期左右,個心跳開始有,但跳得好慢,唔穩定,就叫我有心理準備,但要再比BB多一星期觀察,下星期再睇有無進展。不過就咩野証明、分析都無寫比我,
只是比左兩小張超聲波相比我地。
我問佢可以做D咩會好D,佢話做咩都無用。最後無藥,無假,無証明,收左錢就走了。

過左一星期,因為星期五晚覺得有些不妥,所以星期六立即再去睇,
因無預約,只有李X(X傑)醫生得閑,唯有照睇啦!
佢同我照超聲波BB已沒有任何反應,佢建議改照陰超,再睇清楚D
睇左一輪都是沒有,而且胎兒SIZE比上星期委縮了。
照的時候,我都算鎮定,
但埋到診証枱就開始有些激動,

佢話,你睇幾個醫生都無寫任何證明比你呢?
我話:係呀,個個醫生都要檢查多一次睇下先嘛!我都唔明個個都唔寫証明比我,我朋友去普通診所驗,都即刻寫懷孕証明比佢啦!我而家個個都唔寫,好似"佢"從來無存在過咁(我開始激動)
佢就響到解釋:我地呢D專業,唔穩定,係寫唔到預產期比你個喎!
我話:寫唔到預產期,但個個睇過都無一張分析,斷診証明會唔會太過份呢?(我其實並非針對佢,而是講緊包括佢在內的三個醫生)

佢就黎料了,語氣有些吋,佢話,我睇你資料,你是老師,你倆個應該係Well-educated的嘛(意思是唔好亂發脾氣,咁唔educated!)
然後開始自顧自介紹:拿!你有三個方法揀:仁安刮宮手術就包咩咩咩。。。。就咁咁咁。。價錢就$18000-19000,正常就唔過二萬。
我已經覺得好不耐煩。我話我未決定做唔做手術,或者,你寫幾日假比我休息下先啦!
佢愕左然,竟然問我要假黎做咩??幫襯做手術就會有一星期假比我
我就開始激動了,我爆發:我話bb有事你地一d有用建議都無,假又唔比休,令我而家有內疚,覺得害左bb。我老公都發作:佢而家身體同心情都要休息,寫幾日假都唔得?
佢唯有話寫三日假比你啦!出到姑娘到,睇番假紙,佢竟然寫:「星期六、日、一」三日,真係多謝曬
我叫佢一定要寫張證明同分析比我,佢先答應。


佢的問題,不在斷証,而是無一個醫者父母心的態度
又話,你呢d情況我每日見得多,好普遍
咁又點呢?我地是人還是會傷心的。
人地傷心緊,安慰都無句,就響到推銷服務,算點呢??

仲有,包括「黃x」佢地兩個仁安醫生,都係覺得bb有事,做咩都無用。
相反,我去睇瑪嘉烈,佢比左張小冊子我,反而建議作小產要卧床休息。
我唔係話佢講得無根據(bb如有先天問題, 做咩都改變唔到), 但工作,壓力又點會無影響呢?
媽媽咩都唔做,bb最後出左事,個心唔多唔少都會自責的。
我見人地睇醫生,會盡量開咩安胎藥比你,建議你在家休息兩,三日,都叫盡量幫你諗辦法
仁安呢?只會收錢,藥無,假無,証明都無,我將來一定唔會再幫襯


複式洋房

積分: 275


發表於 13-11-21 15:10 |顯示全部帖子

回覆:mcesther 的帖子

呢個e生我上次小產都睇過佢,不知所謂。。。果種憤怒到而家都仲好深刻


大宅

積分: 2920


發表於 13-11-21 15:21 |顯示全部帖子
回覆 Marcusbabytam 的帖子

可以講下事發經過嗎??


複式洋房

積分: 275


發表於 13-11-21 15:44 |顯示全部帖子

引用:回覆+Marcusbabytam+的帖子可以講下事發經

原帖由 mcesther 於 13-11-21 發表
回覆 Marcusbabytam 的帖子

可以講下事發經過嗎??
我喺5wks作小產,當時BB應該吾得,得佢有得即刻睇,其它E生都冇期,咁就睇佢啦,一瞓上張床,竟然check我個胸先,仲要好大力,跟住陰超,痛到癡線,佢話個胎己經吾係到,跟住成個身挨落我大脾到,成只右手喺下面伸入去狂㩒,起麻幾分鐘,我喺咁話好痛,佢都冇理,只手伸返出來時,成個手套都係血。。果一刻應該係BB的傷痛令我對佢d不知所謂行為吾識反抗。。。check完後行去枱到,佢d對白就同你果d差吾多,冷血到爆,覺得小產冇乜特別,又係一日假都冇。返到屋企後,覺得成個過程似俾人抽水多過產檢,有諗過投訴,但果陣時心情低落,後尾不了了之,但陰影係一世,雖然件事己過左兩年,但成個過程我都仲好深刻



大宅

積分: 2920


發表於 13-11-21 20:09 |顯示全部帖子
回覆 Marcusbabytam 的帖子


佢仲係個人黎的嗎??
你老公當時無一起去??無姑娘睇住咩??
應該要告到佢除牌先得。

佢一定好唔受歡迎,我去的時候都是只有佢無預約都可立即睇。
唉,可惜當時我都無咩可以選擇了


大宅

積分: 1902


發表於 13-11-21 20:20 |顯示全部帖子

回覆:仁安李X醫生,態度欠佳,大家小心

有無搞錯


大宅

積分: 3729


發表於 13-11-21 22:54 |顯示全部帖子

blacklist


大宅

積分: 1394


發表於 13-11-21 23:23 |顯示全部帖子

引用:Quote:原帖由+mcesther+於+13-11-21+發表回

原帖由 Marcusbabytam 於 13-11-21 發表
我喺5wks作小產,當時BB應該吾得,得佢有得即刻睇,其它E生都冇期,咁就睇佢啦,一瞓上張床,竟然check我個 ...
超級無敵過分!!




大宅

積分: 2852


發表於 13-11-22 01:03 |顯示全部帖子

回覆:Marcusbabytam 的帖子

下唔係呀嘛咁過份擺到明抽水又唔專業!


大宅

積分: 2534


發表於 13-11-22 08:07 |顯示全部帖子

回覆:仁安李X醫生,態度欠佳,大家小心

如有抽水成份,絕對可投訴去醫務委員会,太過份的李醫生


大宅

積分: 1909


發表於 13-11-22 08:19 |顯示全部帖子

回覆:仁安李X醫生,態度欠佳,大家小心

好恐怖!!!




複式洋房

積分: 275


發表於 13-11-22 08:19 |顯示全部帖子

引用:回覆+Marcusbabytam+的帖子佢仲係個人黎的

原帖由 mcesther 於 13-11-21 發表
回覆 Marcusbabytam 的帖子
我當時係去仁安睇架,間房都幾大,佢叫我老公坐喺枱果邊等,我入去布廉後面檢查,第一胎乜都都吾識,任由佢擺佈,如果係而家,我肯定剷佢上天花板(我而家有左第二胎,從來未試過咁嘅產檢法)


複式洋房

積分: 275


發表於 13-11-22 10:29 |顯示全部帖子

引用:Quote:原帖由+Marcusbabytam+於+13-11-21+

原帖由 sin_tse 於 13-11-21 發表
超級無敵過分!!
雖然事隔咁耐,仍然有陰影


複式洋房

積分: 275


發表於 13-11-22 10:32 |顯示全部帖子

引用:如有抽水成份,絕對可投訴去醫務委員会,太

原帖由 abibo 於 13-11-22 發表
如有抽水成份,絕對可投訴去醫務委員会,太過份的李醫生
但事隔咁耐,驚口同鼻拗,係見樓主jm提到呢個不知所謂的E生,又撩起之前的陰影


大宅

積分: 4040


發表於 13-11-22 12:05 |顯示全部帖子

引用:由於好的婦產科醫生,預約期個個都最少要1

原帖由 mcesther 於 13-11-21 發表
由於好的婦產科醫生,預約期個個都最少要1。5月,
但我BB生長情況欠佳,所以急著要睇,
唯有去荃灣中心 ...
Hi Mcesther,
我有看你的post,知道你小x了,我也替你難過。我是一個媽媽,十分明白你傷心的心情。你首要是處理好情緒(千祈唔好自責),養好身子,然後再努力造人,不要俾自己太大壓力,健康的BB定會來臨!

利申:我今年和上年都生了BB,兩胎都是Dr Li幫我產檢及剖腹生產的。以下是我的經驗,同你分享一下。

我一直都認為人與人的關係好微妙,好講緣份,正所謂人夾人緣!

我兩胎的第一次產檢是在大約week4-5進行,都是陰照,都是聽唔到心跳(這是正常,因為BB太細,要大d先聽到)。兩胎的第一次產檢,他都沒有寫懷孕證明書俾我(縱使我自己用驗孕棒見到係兩條線,又有普通診所的懷孕證明(第一胎時)。佢叫我大約2 weeks後覆診。

做女嗰陣,我一直以來都以為懷孕係冇乜風險/危險的。後來我開始上BK,發現原來係自己孤陋寡聞。原來喺整個懷孕期,係可以有好多唔同嘅狀況發生。我理解到點解Dr Li要喺聽到BB心跳後才寫懷孕證明書俾我。

Dr Li幫我做產檢不下20次,我認為他是一個相當有經驗而又專業的醫生,性格好內斂、正經、冷靜、謙虛。初次見面時,都覺得佢cool cool地架,但我之後諗深一層,佢係醫生,又唔係做sales/ customer service,喺建立關係上面可能係會慢d。

到第1次覆診時,他確認我懷孕了,佢就話俾我知,我將要做一系列的檢查(eg抽產前血、唐氏、結構),佢首先講政府有得免費做頭兩項,之後我問仁安有冇得做,佢先講有及價錢。呢次產檢,我印象好深,私家醫生竟然話我知政府有免費檢驗(竟然冇sell我在仁安做)。

機乎每次產前檢查,我C6都同我去,每次佢都有邀請我C6跟我入去檢查,就算有冇我C6喺度,每次都有護士在場。每次都好專業及好好手勢,我從來都唔覺得佢粗魯或者唔規舉。

其實佢係婦產科專科醫生,真係每天都會遇到好多唔同的cases。我成功懷孕,佢沒有好高興,所以我估,如果有病人小x了,他都未必會有好大反應。但有樣嘢我認為是:他會冷靜地提供solution。我第一胎時,曾經發生過一d狀況,令到我好擔心BB,佢當時係好冷靜咁同我分析(現在回想,都慶幸佢咁冷靜,佢嘅冷靜令到當時激動又擔心嘅我都冷靜番)

其實仲有好多好多事都令我感覺到Dr Li是關心病人,例如他每天巡兩次房(我兩胎的隔離床的JM的醫生都只巡一次)。我預約生第一胎的日子咁啱係佢同family去旅行的日子 ,佢都幫我開完刀先至出發(可能有JM覺得,佢有$賺架嘛,梗係做啦!但上年是龍年,佢大把生意,我覺得多我一個唔多,少我一個唔少!哈哈!)

這次你遇上內斂的Dr Li,可能未能乎合你心中所想而引致你唔開心,可能當中大家的表達令到氣氛唔好吧。都過去了,唔好諗咁多喇!

祝您身子快快回復!健康BB快快來臨!



點評

minimirror  醫生要照到有正常心跳,先有証明!是真的!

作小產無假紙,睇下醫生覺得幾嚴重!  發表於 13-11-25 21:23


複式洋房

積分: 371


發表於 13-11-22 14:47 |顯示全部帖子

回覆:仁安李X醫生,態度欠佳,大家小心

我今個月頭因為見紅所以去仁安睇急症,由於當時只係6週,又未做過產檢,去到醫院,姑娘話我可以上去睇婦產科急症,當時只有李醫生有位
入到去問左幾條簡單問題就開始檢查,最初係做肚上既超聲波,但照唔到,醫生叫我做陰超,由於我末做過產檢,都有啲擔心同緊張,但醫生都再三説明陰超唔會影響到個胎。當時個胎好細,未見到閃閃,但醫生就開聲俾我聽話係個胎的心跳,當時我心諗,係咪架,咁快聽到?定係我心跳咋

Sofar,成個過程我無任何唔舒服既感覺,至於佢成個人挨落隻腳到,我個人認為係佢方便照個位置,並無惡意

不過到埋枱,佢所講既真係令我莫明其妙
醫生:你作小產,有啲人話食藥得,但係食藥唔一定無事,又有人話瞓床休息,但係休息多都唔一定無事
我問:咁我可以做啲咩可以減低小產機會
醫生:無!我開多倆星期葉酸俾你,寫倆日假俾你,同懷孕證明,咁得架喇

埋單千幾蚊,我老公打電話問我醫生點講,我話我用左千幾蚊聽左幾下唔知係我定BB既心跳聲




洋房

積分: 35


發表於 13-11-23 22:42 |顯示全部帖子
我係自然流產去到仁安李醫生幫我攪嘅,我喊哂佢都有安慰我同我老公,之後都係搵佢覆診,我話覺得周身唔舒務佢就自動自覮開多一星期病假比我,又冇亂開藥比我,我覺得佢比近嘉x醫生唚較有耐性同埋冇金趕時間,可能佢收貴少少,但比我嘅時間多好多囉


別墅

積分: 635


發表於 13-11-24 10:07 |顯示全部帖子
Marcusbabytam 發表於 13-11-21 15:44
我喺5wks作小產,當時BB應該吾得,得佢有得即刻睇,其它E生都冇期,咁就睇佢啦,一瞓上張床,竟然check我個 ...
即check 胸又好似怪怪地


別墅

積分: 635


發表於 13-11-24 10:25 |顯示全部帖子
我7weeks時睇黃x(x濤)的,佢話個胎size啱,不過未check到心跳,沒有照陰超,自動寫咗懷孕證明給我. 個人好有耐性,睇到而家.


複式洋房

積分: 418


發表於 13-11-24 20:35 |顯示全部帖子

引用:Quote:原帖由+mcesther+於+13-11-21+發表由

原帖由 Karenabb713 於 13-11-22 發表
Hi Mcesther,
我有看你的post,知道你小x了,我也替你難過。我是一個媽媽,十分明白你傷心的心情。你首要是 ...
我都覺得李醫生好似你甘講既,好專業,無上面jm講果d行為,仲每次都主動邀請我c6入去一齊睇超聲波,其實系我地做媽媽既角度覺得懷孕系好大件事,可能系醫生角度,呢d都系平常既事。又或者系人夾人緣。
但李醫生比我感覺就系所有事都順其自然,距覺得如果要發生既總會發生的,做咩都會發生甘咯,所以比人感覺距漠不關心甘。
距都同我講過,其實剖腹產只是一個小手術,系醫學上還有更多更複雜的,只是事情發生在自己身上,當然倍受重視。
李醫生一直鼓勵我順產,到過了預產期幾日,距都問我會五會繼續等,五會hardsale我開刀,其實距開刀同順產都一樣價錢,最後我決定開刀,成個過程好順利,李醫生好好,中途時間有d改變,姑娘已經同我C6解釋左,但距都親自出去解釋一次,同埋我住院期間,距日日上來巡房兩次,親自幫我換傷口防水膠布,重點系距除了手術費,巡房費無收,但兒科醫生每日巡房一次,但收足巡房費喔




首頁
12

尾頁

跳至