吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 你地奶奶會唔會套取小朋友說話來知你行蹤.... ...

夫婦情感今日: 4|主題: 42738

收藏本版

發帖

返回列表

跳至頁

查看: 1488 | 回覆: 6

你地奶奶會唔會套取小朋友說話來知你行蹤.... [複製鏈接]

lau

子爵府

積分: 11754

1^#

發表於 04-7-4 19:38 |只看該作者

你地奶奶會唔會套取小朋友說話來知你行蹤....

我同奶奶住, 不過每星期返外家都係老公同她講, 費事我自己講時, 又話我成日返外家呢D難聽說話, 所以好多時都係經老公做傳音, 我就唔會樣樣都同她講, 好似呢排細佬生左個bb, 我須去外家幫手, 所以要over night, 近日就唔駛, 咁我囡{三歲}識講好多野, 突然講胡鬚佬, 胡鬚佬咁講, 其實係佢老豆買左個鬚刨, 係個囡面前僣鬚, 又叫個囡幫佢僣, 咁她咪成日講胡鬚佬, 奶奶咪問我囡邊個胡鬚佬, 佢又講唔出係爸爸, 到食飯時, 我奶奶特登係個仔面前講胡鬚佬, 扮到好似不經意咁講, 其實我知好想個仔聽到問邊個係胡鬚佬, 咁岩隻佬聽唔到, 因為隻佬從來唔懷疑我既堅貞, 互相信任, 係個條衰婆成日諗埋一面, 驚個仔蝕底, 隻婆話細路仔講野先可信, 童言無忌, 變左佢成日套取個囡既說話, 我咪飯後講返比老公知, 我老公都話個囡變左二五仔, 他即刻係佢媽面前扮僣鬚, 叫個囡幫佢僣{sorry, 僣鬚個僣字我唔識打, 惟有同音唔同字}, 所以我做任何野都要好小心, 費事比佢足到痛腳, 你地話同埋一齊住好似學生咁, 小小野都睇你唔過眼, 覺得好煩.

私人傳訊

ho0918

複式洋房

積分: 144

2^#

發表於 04-7-4 23:09 |只看該作者

Re: 你地奶奶會唔會套取小朋友說話來知你行蹤....

我都係俾奶奶湊b,但奶奶唔會問阿b我地的行程,只係有時阿b會話俾奶奶聽我地同佢去過邊度!

私人傳訊

yuki22

大宅

積分: 1603

3^#

發表於 04-7-5 11:17 |只看該作者

Re: 你地奶奶會唔會套取小朋友說話來知你行蹤....

我唔係同奶奶住,但每1-2星期,便返奶奶到,她成日有意無意,問我個女,妳口地平時去邊到?或者打電話問我個女,問佢去左邊,媽咪有無煮飯比你食,有無湯飲呀,媽咪呢係咪睡覺呀......成日check住,好煩,而家返親去,我都唔會講我的野比佢聽,當佢問我個女時,我就即刻同佢玩,同佢唱歌,等我個女唔使答佢.

私人傳訊

ube0713

大宅

積分: 3124

4^#

發表於 04-7-6 00:37 |只看該作者

Re: 你地奶奶會唔會套取小朋友說話來知你行蹤....

哈哈~~~我奶奶都係好鍾意問我個女...媽媽有冇煮飯俾你食呀...有冇湯飲呢...呢d問題..同埋問..媽媽有冇打你架..真係好煩架佢...其實我係有打個女架..但個女次次都會話我冇打佢(我冇教佢咁講架)...不過..好在我幾個月先見佢一次姐

私人傳訊

HoWangMami

子爵府

積分: 11679

5^#

發表於 04-7-6 11:49 |只看該作者

Re: 你地奶奶會唔會套取小朋友說話來知你行蹤....

我都係同奶奶住,她都好鐘意問我個仔去邊,但我個仔通常都唔答佢的,好似有次早上我想同個仔去剪髮和打水豆針,她一起身見我地想出去,就問個仔去邊,我便答她去剪髮,她又聽唔倒咁,重係咁問,結果我冇再答佢,個仔又冇答佢,跟住就出去了.
其實有時唔係唔唔想答她,而係好多好多日積月累的事,另我覺得好難受,至會咁唔想理佢GE,有機會再講

私人傳訊

lau

子爵府

積分: 11754

6^#

發表於 04-7-6 12:46 |只看該作者

Re: 你地奶奶會唔會套取小朋友說話來知你行蹤....

所以我真係好羨慕唔駛同奶奶住既媽咪.

好似今日咁, 我囡話想住對面第二層樓單位, 因為佢成日見到有人企出露台, 咁我奶奶就對她講, 你飛過去咪住到, 我心諗叫佢點飛過去, 唔通真係學雀仔咁飛, 我又唔想當面話佢, 費事咬交, 過後等佢去左返工, 先教個囡唔好聽麻麻講, 佢講既唔岩, 人係唔識飛, 只用腳行上去, 小朋友是一張白紙, 你教佢乜就學乜, 我咁辛苦教到佢咁乖, 咁聽話, 比佢教一教, 又要我努心努力再教過佢邊d岩邊d唔岩, 見到今日報紙登個2.5小朋友係樓跌落來我就好驚, 你估我唔驚個小朋友學雀仔咁飛, 就係佢靠害, 後來佢又教佢個公仔唔醒打死佢, 我即刻出聲, 我真係唔想自己個囡學到咁''部累'', 到佢返學咁對d同學仔時, 比老師投訴就唔好, 總之見到呢個奶奶我就好煩, 好怕佢背後唔知點教個囡而我唔知.

私人傳訊

yukkie

男爵府

積分: 7827

7^#

發表於 04-7-6 17:55 |只看該作者

Re: 你地奶奶會唔會套取小朋友說話來知你行蹤....

lau,
我都係好羨慕唔駛同奶奶住既媽咪﹐不過我就快可以途出生天啦

我奶奶好識做戲架﹐從來唔會當面話我﹐但我個老爺就似老買老﹐好鐘意管東管西﹐老實講唔通做人媽咪會害自己個仔咩 :-x
講開﹐你奶奶都唔算差﹐我奶奶重老土。我未結婚之前佢地幫我二伯湊仔﹐間屋係我老公﹐所有電燈煤氣全部我老公交﹐甘結婚前我都同我老公講﹐第時我地有自己細路﹐佢在我地家住唔係甘方便﹐所有人都以為我老公結左婚有小孩。而且個細路都成兩歲啦﹐重唔識講野﹐甘返去佢父母身邊會好好多。
都有成年啦﹐點知上個幾個月﹐個細路同個工人去我姑奶到玩﹐我奶奶專登拉開個細路﹐同個細路講﹐唔係我唔湊你呀﹐係你媽咪唔比我湊