吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 有冇jm 個c6 好口臭/口賤?

自由講場今日: 102|主題: 1352305

收藏本版

發帖

返回列表

跳至頁

查看: 1055 | 回覆: 26

有冇jm 個c6 好口臭/口賤? [複製鏈接]

sunshine135

男爵府

積分: 6413

1^#

發表於 15-11-4 08:50 |只看該作者 |倒序瀏覽 |打印

本帖最後由 sunshine135 於 15-11-4 08:59 編輯

大家感情係好既, 佢亦都對自己好好, 但把口就好刻薄, 口臭, 成日俾佢激到好勞氣, 嬲到想喊, 覺得咁多年相處用互鬧既方式已經頂唔順, 真係有衝動大巴大巴咁車埋去佢到, 佢話我有情緒病, 我開始認真面對呢個問題, 覺得真係有少少情緒病, 我對其他人好溫文, 但對住佢就好勞氣, 似係俾佢既負面野影響到我開始有情緒病.. 可以點解決? 大街大巷俾佢咁屈完又唔可以同佢大嘈, 被迫忍左啖氣佢, 就算當佢透明, 但真係好影響心情..
事例:

1. 去酒樓食飯, 問佢想食乜, 海鮮好唔好? 佢就答, 你咪叫囉, 都係洗哂我d $ 者..

(我同佢各自有一大舊 savings, 佢買野俾我好疏爽既, 只係口賤, 酒樓食飯都係食五百蚊到, 入去酒樓前係門口佢又唔講, 叫餸先俾說話我聽, 搞到我都冇mood 食呢餐)

2. 有時好心提醒佢, 例如垃圾袋唔岩size 笠得唔好 sir 左落去, 唔好扔落去住, 佢就會鬧: 叫我執檯又唔俾我扔垃圾, 好霸唔霸霸住個垃圾桶,痴鬼線?!.. 我就鬧返佢: 好心提你咋, 你咪扔囉, 到時逐樣執返上黎呀..

0 0 0

私人傳訊

shareholder

珍珠宮

積分: 34802

2^#

發表於 15-11-4 08:59 |只看該作者

回覆：有冇jm 個c6 好口臭-口賤

好少事洗咩咁認真，當佢發up風算啦

點評

la_source

發表於 15-11-4 10:28

山豬

發表於 15-11-4 09:07

菩提自性本來清淨，但用此心直了成佛。

私人傳訊

Makeupforever

子爵府

積分: 14295

3^#

發表於 15-11-4 09:02 |只看該作者

回覆：sunshine135 的帖子

我ex嗌交就係咁，講野唔經大腦

點評

wcpcelia

發表於 15-11-4 09:53

私人傳訊

sunshine135

男爵府

積分: 6413

4^#

發表於 15-11-4 09:02 |只看該作者

shareholder 發表於 15-11-4 08:59
好少事洗咩咁認真，當佢發up風算啦

可能我 eq 太低, 而家有小朋友, 我真係覺得佢咁樣對個家庭好大影響, 佢把口又唔收, 我要提高自己 eq, 我驚我黑面都會影響d 仔女..

私人傳訊

cloudyjess

伯爵府

積分: 15033

5^#

發表於 15-11-4 09:06 |只看該作者

回覆：有冇jm 個c6 好口臭/口賤?

你有無同佢講你好憎佢咁樣？大家要溝通下喎，你c6可能慣左口賤Ja,有果句up果句，又唔鐘意畀人話，但你就好介意佢講每句說話，而且仲好上心，明明你都知唔係代表咩，好似食飯果d佢講句洗哂佢d錢（其實我覺得緊係洗佢d錢啦唔駛養妻呀而家）但你會有d 大女人覺得自己又夠有一大筆錢咁lo,洗洗你咁既feel
兩個人一齊應該要互相迁就既，最好三口六面講清楚，廢事影響感情同埋自己情緒呀！
好似有d婚姻輔導既，搵人幫下手

私人傳訊

tester5

翡翠宮

積分: 81390

2018復活節勳章開心吸收勳章親子王國15週年勳章

6^#

發表於 15-11-4 09:09 |只看該作者

回覆 sunshine135 的帖子

先生的負面情緒其實好影響你的；我先生好正面，我負面少少，都受佢感染正面左，開心左。
但有時我先生都有脾氣，佢唔會向別人發脾氣，我就做左佢出氣袋，我覺得如果唔係好嚴重，少少情緒我接受到，唔出聲當佢唱歌，過後當冇事發生算。通常佢過後都知自己講錯野，會軟化示好或say sorry.
除非你先生自己發現問題，肯自動自覺去改，否則會否唸過一齊搵婚姻輔導傾傾？

私人傳訊

sunshine135

男爵府

積分: 6413

7^#

發表於 15-11-4 09:12 |只看該作者

cloudyjess 發表於 15-11-4 09:06
你有無同佢講你好憎佢咁樣？大家要溝通下喎，你c6可能慣左口賤Ja,有果句up果句，又唔鐘意畀人話，但你就好 ...

其實我拍拖時已經知佢係咁, 個陣都覺得呢d 人好難頂冇諗過會結婚, 但佢又真係對自己好好.. 而家多左小朋友覺得佢咁樣係個好壞榜樣, 所以先好勞氣..
佢成家都係咁, 周街口up up 串人, 驚人唔打佢地咁, 而家已經改善左架喇, 少左串街外人, 剩係俾說話我聽.. 好似樓上jm 講, 我真係覺得佢講野唔經大腦.. 有時我會冷靜落黎同佢講: 俾多次機會你收返頭先句野, 你再講多次你想表達乜.. 佢就知衰講返好d.. 但三兩日就咁樣講野, 而家先三十幾歲, 點同佢捱到老.. 可以點提高自己 eq? 唔知我係咪仲俾產後荷爾蒙影響緊..

私人傳訊

sunshine135

男爵府

積分: 6413

8^#

發表於 15-11-4 09:14 |只看該作者

tester5 發表於 15-11-4 09:09
回覆 sunshine135 的帖子

先生的負面情緒其實好影響你的；我先生好正面，我負面少少，都受佢感染正面左， ...

係呀真係覺得大家互相影響緊, 真係個種學好要3 年, 學壞就 3 日呀.. 佢就好左d 學左我既正面野, 我就差左學哂佢d 負面暴戾野..

私人傳訊

lalang02

大宅

積分: 4636

9^#

發表於 15-11-4 09:19 |只看該作者

回覆：有冇jm 個c6 好口臭-口賤

好明顯佢家教有問題啦，你62 99教得唔好或者教左唔聽囉。佢一定唔係識左你先咁口賤，一定係由細到大都係咁囉。你自己要教好仔女，口德唔好都幾麻煩。好失禮人。

私人傳訊

sunshine135

男爵府

積分: 6413

10^#

發表於 15-11-4 09:24 |只看該作者

lalang02 發表於 15-11-4 09:19
好明顯佢家教有問題啦，你62 99教得唔好或者教左唔聽囉。佢一定唔係識左你先咁口賤，一定係由細到大都係咁 ...

佢成家都係咁周街辣火頭架, 試過99 拖住個孫仔出街, 孫仔都會話: 你快d 鬧人啦.. 真係好醜怪..
以前冇小朋友時我冇咁嬲架, 而家多左小朋友, 真係好嬲佢繼續咁講野, 可能佢覺得呢d 鬧交既說話好小兒科, 就算佢鬧完我俾我鬧爆佢都唔當一回事, 但佢每次咁講野, 我覺得好傷害大家感情, 家庭真係好唔和諧, 佢話好唔鍾意細個屋企家嘈屋閉, 但佢自己重覆緊呢樣野, 如果唔嘈, 即要次次要我硬食哂, 我細個屋企從來冇人嘈, 同佢好大對比..

私人傳訊

tester5

翡翠宮

積分: 81390

2018復活節勳章開心吸收勳章親子王國15週年勳章

11^#

發表於 15-11-4 09:43 |只看該作者

sunshine135 發表於 15-11-4 09:24
佢成家都係咁周街辣火頭架, 試過99 拖住個孫仔出街, 孫仔都會話: 你快d 鬧人啦.. 真係好醜怪..
以前冇小朋 ...

似乎你先生都係受害人。
其實人要走出自己個zone, 係好難的，要好自覺、好願意去改、仲要有方法才可做到。

我講我自己：我自己知道打小朋友係唔啱，但我自細被打大，我教囡自然會依左我媽的方法，第一句唔係鬧、第二句都自已禁到自已、到第三句已想發火、我就知我再依我媽的教法咁講，下一句就係打。原來人即使明知唔啱，有些家教都在潛而默化中，自然而然地就可能做左出黎。我發現問題，唯有不斷搵書睇，睇下別人點可以不打不鬧教好小朋友，原來真係有方法，我試過又好work的，原來只係自己唔識。

你要幫你先生，理解佢雖然唔想家嘈屋閉，但都會不斷重覆緊99既家教，其實佢只係未知有另一d方法，你可以教佢，佢學到就可以應用。