論盡家傭 今日: 1 | 主題: 134048

積分: 21322

1^#

發表於 04-8-6 10:39 |只看該作者

My Mother 吾鐘意同印印住??

我媽咪同我一齊住, 但揍阿b揍到兩隻手根發痰脹起同梗左突起, 我吾想佢咁辛苦諗住請個印印幫手揍阿b, 但佢話吾鐘意有個外人係屋企, 吾方便喎! 仲話辛苦都要揍呀! 但我驚咁落去佢隻手遲早出事??
大家有冇試過呢種情況? 有冇方法說服到d老人家?? 分分鐘我整多件咪仲大鑊? 請幫忙! thanks!!!

私人傳訊

ballpen

積分: 2119

2^#

發表於 04-8-6 11:13 |只看該作者

Re: My Mother 吾鐘意同印印住??

聰明豆,

我諗你媽媽都係驚個工人會搶左佢個位啫,不如你對佢講,請個工人返來都係想幫輕吓佢,湊BB嘅重責,主力都係你媽媽,只不過有時啲粗重嘢,例如餵BB(因要長時間抱住BB),就搵工人幫手,總之要長時間用手力嘅工夫,就搵工人做.

你最好同你媽媽講,你會打算生多個,到時都要辛苦佢,總之你要畀佢感覺,佢都好重要,唔會因為有左工人,佢就無機會湊BB,
其實好多老人家都係咁,好驚無得湊孫.

私人傳訊

onlycat

民房

積分: 63

3^#

發表於 04-8-6 11:20 |只看該作者

Re: My Mother 吾鐘意同印印住??

梗係啦..有時老人家寧願辛苦都要自已做…因為這樣才覺得自己有價值...唔駛湊咪無所事事….好冇用...當然又怕工人照顧得個孫唔好…… 你可以同媽咪講，我都唔係靠晒個工人，你係好重要架….你同我監督住個工人….教佢做野…辛苦野梗係搵佢做啦…. 總之媽咪最重要…呢個係你工人嚟…有個人去服待吓你…唔係人人都有架…諸如此類的話…..總之要捉到佢心理…肯定媽咪的價值…

私人傳訊

積分: 21322

4^#

發表於 04-8-6 12:12 |只看該作者

Re: My Mother 吾鐘意同印印住??

我都叫佢我有能力的話都吾想妳咁辛苦啦, 有工人幫手先係享褔嘛! 佢竟然話吾洗慣人, 如果見個工人做得辛苦 (人心肉做), 佢都可能吾忍心幫返佢轉頭喎!
我都有嚇佢話可能要湊兩個, 佢都話冇問題喎! 比佢激親! 仲之吾鐘意多個陌生人啦! (其實我兩公婆因工作要夜晚9-10點才返歸的, 所以佢要自己對住個工人梗係吾鐘意啦, 呢! 反而我諗我倆公婆都係屋企佢反而冇所謂喎!)

私人傳訊

晟媽

積分: 4653

畀面勳章

5^#

發表於 04-8-6 14:09 |只看該作者

Re: My Mother 吾鐘意同印印住??

聰明豆:
無錯! 我唸我亞媽同你亞媽d性恪好似. 以前我未生, 佢只係同我細佬住, 我細佬返左工, 佢一個人係屋企可以由朝到晚除左買"送"之外, 一年365日可以足不出戶.
自從我生左之後, 佢吾放心我返工之後由工人一個人獨力照顧bb(我都好擔心, 但無開口叫佢來住, 因為知佢性格鐘意獨來獨往). 後來, 佢搬來同我兩公婆同工人同bb一齊住, 佢極之吾慣一下子同咁多人住, 又要對住個工人, 好勞氣. 叫個工人做野又吾會百份百合佢意, 佢寧願自已全力照顧bb, 等工人淨係煮飯, 洗衫, 仲早過我亞媽上床"訓".
吾係話請過人一定會幫輕亞媽, 佢同我講要佢一日到黑對住個吾聽話既工人仲慘過折磨佢.

受苦受難又受氣...
佢同我講千祈吾好再生.

私人傳訊

積分: 21322

6^#

發表於 04-8-6 16:13 |只看該作者

Re: My Mother 吾鐘意同印印住??

晟媽,
咁妳媽咪最終都同妳地一齊住, 點解索性比佢湊呢? 咁咪連請工人都費事囉?
不過我媽咪有樣野同妳媽咪吾同, 就係佢其實好鐘意出街, 不過如果我地吾陪佢去, 佢又冇嘜人陪佢去咁解咋!

私人傳訊

晟媽

積分: 4653

畀面勳章

7^#

發表於 04-8-7 09:21 |只看該作者

Re: My Mother 吾鐘意同印印住??

聰明豆:

我媽本身身體吾係咁好, 我吾想佢太辛苦, 所以一定會請工人幫輕佢, 而佢自己都知一個人湊bb會辛苦, 體力又支持吾到, 所以又要辛苦又要受苦, 都係為我同bb好... 我都好感激個天錫左個好媽比我!

係呀, 我亞媽又係無乜朋友, 出街只係會同我兩公婆同bb去行街買野, 買到平野佢就會好開心... :mrgreen:

私人傳訊

晟媽

積分: 4653

畀面勳章

8^#

發表於 04-8-7 09:32 |只看該作者

Re: My Mother 吾鐘意同印印住??

聰明豆:
講番你媽咪件事, 可以考慮請鐘點嗎? 但價錢分分鐘貴過請外傭. 咁鐘點做番d粗重野可以走人, 你媽咪又吾駛咁辛苦囉. 不過如果你打算整多件, 你媽咪隻手可以真係支持吾到.

有無帶佢睇醫生或跌打? 手根發炎最好儘快去睇醫生, 我亞媽試過腳根發炎, 扯到隻腳痛到行吾到, 睇完西醫打左隻消炎針情況好轉左, 過左一個月後去中山做腳按摩, 佢講覺得成隻腳舒服哂, 年幾以來都無再痛. 吾知隻手係咪一樣咁醫? 你最好帶佢睇醫生先.

私人傳訊