在職全職 今日: 12 | 主題: 48022

積分: 6914

1^#

發表於 09-3-3 09:10 |只看該作者 |倒序瀏覽 |打印

各位在職媽咪,

眼見同事不段進修,希望有個學位將來都容易搵工, 但自己英文唔好, 放工又要接囡囡看功課, 各位有什麼課程合我呢?

0 0 0

私人傳訊

nonowong

積分: 4303

2^#

發表於 09-3-3 10:03 |只看該作者

原帖由 vickycheung36 於 09-3-3 09:10 發表
各位在職媽咪,

眼見同事不段進修,希望有個學位將來都容易搵工, 但自己英文唔好, 放工又要接囡囡看功課, 各位有什麼課程合我呢?

我而家都讀緊書, 可以同你分享下 ! 如果你可以一星期抽一至兩晚出來都可以讀, 我自從讀左書之後覺得自己開心左, 因為d同學個個既目標都係一樣, 係想快攞個學位保住份工/搵到好工, 好多都係爹d媽咪, 大家都係日忙夜忙, 年紀差唔多, 都係因為自己讀書既年代無機會入大學, 而家趁有能力讀番書 !

我讀緊dms(你可以上網search下), 讀完12科(大概兩年)可以銜接一d海外/香港既part time degree, 讀多兩年左右就大學畢業, 我就無想太長遠, 首先讀完dms攞番張dipolma先再考慮讀唔讀大學.

我囡囡讀小四, 我而家每星期讀2科(星期三晚上及星期六下午), 每科上15堂, 每堂2個鐘, 我好多同學d英文都麻麻, 但係因為要全英語上堂, 所以久而久之聽既能力係好左, 但係好似如果你果斑無外國人, 係可以要求用廣東話授課既, 我只有中五程度, 我都ok, 相信你都問題不大既 ! 努力 !!!

私人傳訊

tingchichi

積分: 7989

好媽媽勳章

3^#

發表於 09-3-3 10:23 |只看該作者

請問讀 dms 學費貴唔貴

如果好似妳讀完dms攞番張dipolma, 全部學費要幾多錢 ?

原帖由 nonowong 於 09-3-3 10:03 發表

我而家都讀緊書, 可以同你分享下 ! 如果你可以一星期抽一至兩晚出來都可以讀, 我自從讀左書之後覺得自己開心左, 因為d同學個個既目標都係一樣, 係想快攞個學位保住份工/搵到好工, 好多都係爹d媽咪, 大家都係日忙夜 ...

私人傳訊

nonowong

積分: 4303

4^#

發表於 09-3-3 10:38 |只看該作者

原帖由 tingchichi 於 09-3-3 10:23 發表
請問讀 dms 學費貴唔貴
如果好似妳讀完dms攞番張dipolma, 全部學費要幾多錢 ?

我係hkma讀, 會員價每科$2800, 要4年之內讀晒12科,12科考試要全部pass, 唔pass只可補考一次, 補考都唔合格要re-take(比錢再讀果科一次), 即是如無意外, 全部考試都合格, 應該35,000左右 (因為會費要年年比, 唔記得好似佰零二佰蚊一年, 首年又要比入會費又係佰零蚊左右) !

私人傳訊

tingchichi

積分: 7989

好媽媽勳章

5^#

發表於 09-3-3 10:56 |只看該作者

thank you ! 我先預祝妳全部一次過 pass 哂

原帖由 nonowong 於 09-3-3 10:38 發表

我係hkma讀, 會員價每科$2800, 要4年之內讀晒12科,12科考試要全部pass, 唔pass只可補考一次, 補考都唔合格要re-take(比錢再讀果科一次), 即是如無意外, 全部考試都合格, 應該35,000左右 (因為會費要年年比, 唔記得 ...

私人傳訊

積分: 6914

6^#

發表於 09-3-3 11:16 |只看該作者

nonowong,

我的英文真的很差, 差到你唔信, 而且一個星期返兩天實在太多, 因家沒有工人一放工就要接囡囡. 星期五都可以, 是否有些是搖

私人傳訊

tingchichi

積分: 7989

好媽媽勳章

7^#

發表於 09-3-3 11:19 |只看該作者

我情況跟妳完全一樣. 以前都有諗過讀 "open u" 的課程, 但學費實在太貴.

原帖由 vickycheung36 於 09-3-3 11:16 發表
nonowong,

我的英文真的很差, 差到你唔信, 而且一個星期返兩天實在太多, 因家沒有工人一放工就要接囡囡. 星期五都可以, 是否有些是搖

私人傳訊

markluk

積分: 1158

8^#

發表於 09-3-3 11:39 |只看該作者

我都好想讀番書..自己學歷程度唔係咁高..但始終都係懶..而家有個小朋友就更加的唔起心肝去讀書..時間和金錢都係好重要既問題..如果有時間都陪住小朋友..有錢都寧靜留番比小朋友將來...所以讀書永遠都係得個"諗"字

私人傳訊

積分: 6914

9^#

發表於 09-3-3 12:44 |只看該作者

政府有官補貼, 如果唔讀比人抄左都搵唔返份工仲有什麼錢留給她?

私人傳訊

nonowong

積分: 4303

10^#

發表於 09-3-3 13:01 |只看該作者

原帖由 vickycheung36 於 09-3-3 11:16 發表
nonowong,

我的英文真的很差, 差到你唔信, 而且一個星期返兩天實在太多, 因家沒有工人一放工就要接囡囡. 星期五都可以, 是否有些是搖

比d信心自己, 我公司果d所謂大學生, d英文咪又係嚇死人

, 你可以試下等個小朋友大d再去讀書, 我都係等囡囡四年級, 佢而家已經唔需要我管住先做功課同溫習, 加上佢又有自己d同學仔, 有自己既空間, 我先可以抽個身出來 (當然唔係完全唔理, 一星期走開一兩晚都可以), 好坦白, 我就係因為學歷唔夠, 見到d人"渣" 到死都可以做manager, 發覺沙紙真係好重要, 雖然我自己已經去到盡 (我係大老板秘書), 但如果老板退休我都要bye bye lu, 如果要我出去比d妹妹仔點, 我一定受不了,但係得果中五程度, 人地又點會請你做經理呢 ? 都係趁後生為自己打算一下, 仲有二十年要捱呀姊妹 !

私人傳訊

建男媽咪

積分: 3472

11^#

發表於 09-3-3 13:35 |只看該作者

我都好想進修, 但係又怕自己真係捱唔住會好辛苦, 我知道如果再唔踏出第一步, 永遠都原地踏步, 除非有好多錢, 比人炒咗可以自己開鋪頭, 我由上年諗到而家都仲未踏出第一步, 我知道如果我比人炒咗就無咁既人工喇

私人傳訊

bobo_bo99

積分: 4947

12^#

發表於 09-3-3 14:01 |只看該作者

你會唔會考慮讀一d短期course先, 好似diploma/cert 既課程先.

有d都係一個星期上一次堂. 另交2功課. 冇考試, 甘會唔會比較輕鬆d.

原帖由 vickycheung36 於 09-3-3 09:10 發表
各位在職媽咪,

眼見同事不段進修,希望有個學位將來都容易搵工, 但自己英文唔好, 放工又要接囡囡看功課, 各位有什麼課程合我呢?

私人傳訊

積分: 6914

13^#

發表於 09-3-3 18:05 |只看該作者

bobo_bo99

都是好提議, 有什麼課程可以介紹下.

私人傳訊

irenelwl

積分: 8715

14^#

發表於 09-3-3 20:02 |只看該作者

如果英文唔好, 可以先進修一些英語的短期課程。
我以前會考英文不合格, 但知道重要所以我都好努力咁考到合格為止。
一張沙紙真係好重要, 係基本入場卷, 我之前在OUHK讀, 但因為工作忙又生了BB, 所以沒有再讀。但眼見很多新力軍的學歷都比我高, 但能力又唔見得高喎!為了不落後, 我今年開始又再継續讀番了, 如果以DEGREE為目標, 最後要比的錢同其他學校都差不多, 但如果諗住讀下D 短期課程先就可能要諗下其他學校了。

私人傳訊

積分: 6914

15^#

發表於 09-3-4 17:55 |只看該作者

hi 各位媽咪,

很多謝你們的意見, 看到你們又返工又要照顧bb都努力學習. 我都要快快進修為了自己亦為小朋友.

私人傳訊

bobo_bo99

積分: 4947

16^#

發表於 09-3-4 20:58 |只看該作者

好似TST既YMCA, HKMA 都有D短期課程, 咩範圍都有. 英文, HR, 船務, 會計....ETC. 可以考慮下.

原帖由 vickycheung36 於 09-3-3 18:05 發表
bobo_bo99

都是好提議, 有什麼課程可以介紹下.

私人傳訊

Midagemum

積分: 1008

17^#

發表於 09-3-4 22:59 |只看該作者

原帖由 irenelwl 於 09-3-3 20:02 發表
如果英文唔好, 可以先進修一些英語的短期課程。
我以前會考英文不合格, 但知道重要所以我都好努力咁考到合格為止。
一張沙紙真係好重要, 係基本入場卷, 我之前在OUHK讀, 但因為工作忙又生了BB, 所以沒有再讀。但眼見 ...

==========================
我插吓嘴,要睇下你讀來d目的是什麼, 係個人增值(純屬知識上的長進, 抑係想得到沙紙), 如果係後者, 不如諗下想讀物, 然後take a course, 我而家都無進修,我唔同意讀d短期課程, 我以前都係一直進修d短期課程, 但係一直係"量"變不是"質"變, 而家黠都係一個F5, 但係我一個老死, 她比我聰明, 10年前我識她時她得F2程度(早出來做事), 英文唔得, 但她一路讀短期英文課程(補夠中5, THEN又在港大校外讀英文,又一邊讀"澳門東亞大學(中文), 去年她畢業, 英文又OK, 工作經驗又搭夠,結果, 去年她轉工, 因為有學位, 所以申請的POST係"ACCOUNT OFFICER"人工比我多3K, 剛過完年後又轉另一份工, 都無受金融風暴影響, 反而我就唔敢郁,也無得郁, 係處於被動地位.

私人傳訊

Alice00

積分: 3715

18^#

發表於 09-3-5 09:55 |只看該作者

irenelwl, 你讀緊ouhk ar?我都consider緊ar~~~seems係唯一一間唔駛返咁多學的choice, 因有左囡囡真係好難再arrange d時間用來上堂, 介唔介意share你讀緊乜major ar?你覺得ouhk認受性高嗎? &係咪真係要好自律靠自己set好d time schedule溫書ar?

私人傳訊

CherryIce