1-3歲 今日: 0 | 主題: 19614

積分: 56

1^#

發表於 18-12-10 00:55 |只看該作者 |倒序瀏覽 |打印

bb囡19個月大，由認人開始到依家見到好少見嘅親戚朋友都狂喊，要人抱住都喊，收埋自己個頭係大人心口，周不時再偷看啲人走左未，望到有人又好驚再繼續喊，喊到人走哂為止。

平時落樓見到保安都會驚，因為保安會同佢打招呼講兩句，佢都會伏係大人心口，等行過左先肯落地。

平時如果只有佢熟悉嘅人同佢去街（如爸，媽，婆，工人），就算是嘈吵環境，酒樓，商場，都唔會咁，只要無其他人望實佢/同佢講野就ok，佢sense到嗰個人focus唔係佢度就ok，但親戚朋友佢知道係我地認識嘅人佢就狂喊。

自閉係咪咁？
- 佢平時係屋企好開心，少喊
- 有上playgroup，N班面試，大部分都唔喊，可能有玩具

0 0 0

私人傳訊

積分: 56

2^#

發表於 18-12-10 01:00 |只看該作者

Vercatcat912 發表於 18-12-10 00:55
bb囡19個月大，由認人開始到依家見到好少見嘅親戚朋友都狂喊，要人抱住都喊，收埋自己個頭係大人心口，周不 ...

希望有經驗嘅媽媽交流一下，暫時都仲未可同親戚朋友食一餐完全唔喊嘅飯...(除左佢喊到瞓左)..好苦惱

私人傳訊

積分: 5731

3^#

發表於 18-12-10 08:22 |只看該作者

我囡囡細個都系咁，返去搵健康院，轉介去睇專科，醫生話佢唔系自閉，只系性格比較內向，你可以問返健康院，姑娘會處理，我囡囡而家7歲啦，老師都話佢比較靜，但都會同同學玩，而且熟左，仲會玩得好癲

私人傳訊

積分: 56

4^#

發表於 18-12-10 09:28 |只看該作者

jessica~pong 發表於 18-12-10 08:22
我囡囡細個都系咁，返去搵健康院，轉介去睇專科，醫生話佢唔系自閉，只系性格比較內向，你可以問返健康院， ...

請問你果時幾大返去健康院？同埋專科醫生有冇教家長可以做啲咩幫到佢？使唔使做果啲專業治療？你囡囡到返pn/k1情況有好轉嗎？就黎做冬過年，我都唔知點同我囡囡出去見親戚

私人傳訊

積分: 5731

5^#

發表於 18-12-10 09:40 |只看該作者

Vercatcat912 發表於 18-12-10 09:28
請問你果時幾大返去健康院？同埋專科醫生有冇教家長可以做啲咩幫到佢？使唔使做果啲專業治療？你囡囡到返p ...

我囡囡好似系1歲半打針個時同姑娘講，姑娘會問返佢日常既情況，因為我囡囡連去公園見到D小朋友都驚，帶佢同親戚朋友食飯，全程要抱(面向我)，人地一望佢，同佢講野就爆喊，喊都攰就訓....
醫生會接見我地，同囡囡傾計，玩玩具，... 初初幾次，完全做唔到D咩... 佢淨系喊，幾次之後，肯同醫生講野，同佢玩，醫生建議我地帶多D佢出去玩，我個時一唔駛返工就同佢出街，去公園，初初佢地唔肯架，要返屋企〝我就帶佢中意玩既波波水，氹佢去公園玩，不過D小朋友一行埋黎，佢就喊要走(勁尷尬)
開始返K1，老師都系話佢唔出聲，好少有同小朋友互動，系觀察型既小朋友，返左幾個月之後就開始好D啦
媽媽我完全明白你，我個時都唔知點，好彩個時返健康院有問姑娘，你都試下打返去問下，希望幫到你

私人傳訊

積分: 56

6^#

發表於 18-12-10 09:48 |只看該作者

jessica~pong 發表於 18-12-10 09:40
我囡囡好似系1歲半打針個時同姑娘講，姑娘會問返佢日常既情況，因為我囡囡連去公園見到D小朋友都驚，帶佢 ...

見到你回覆好感動

我囡囡同你講嘅一模一樣，去公園都會發生一樣情況。我上次一歲半去健康院姑娘只話同佢去多啲公園，開心自然會玩。想問下你最後健康院有無叫你去睇醫生？定其實不是病？我好怕囡囡其實有事，錯過左時間。
你果時有照去見親戚嗎？但我見到我囡喊到抓狂我又唔忍心，唔見又唔係，請問我應該點做？強迫她應不是好方法？

私人傳訊

積分: 5731

7^#

發表於 18-12-10 09:58 |只看該作者

Vercatcat912 發表於 18-12-10 09:48
見到你回覆好感動我囡囡同你講嘅一模一樣，去公園都會發生一樣情況。我上次一歲半去健康院姑娘只 ...

我同左姑娘講左，系姑娘轉介我地去睇專科醫生，經醫生觀察，佢確定囡囡唔系自閉症，只系慢熱，觀察型，佢唔似其他大部份小朋友，一有得玩，就咩都唔理，佢會觀察左周圍環境，人，物，事....
醫生有同我地講過，可以預早同佢講，今日我地會去邊度，個度會有咩人，我地去做咩，會去幾耐等等.
等佢有心理準備 (我個時幾日前就同佢講定，每日再講，有時再突然問返佢記唔記得我同佢講過咩)
雖然初初都系無咩用，但系慢慢真系發覺好好多，因為佢系一D要有plan既小朋友，預早話佢知，等佢有個心理準備

私人傳訊

積分: 56

8^#

發表於 18-12-10 10:07 |只看該作者

jessica~pong 發表於 18-12-10 09:58
我同左姑娘講左，系姑娘轉介我地去睇專科醫生，經醫生觀察，佢確定囡囡唔系自閉症，只系慢熱，觀察型，佢 ...

姑娘轉介政府專科醫生要排期好耐嗎？你囡囡依家上有幾個月k1依家有同正常bb差不多嗎？我囡囡見大人都喊得仲激，小朋友就無乜事，依家同佢講去邊有邊個佢好似仲未好明，但我都覺得如果太突然佢會仲驚，好似返playgroup, 如果遲左去，課室入面有人佢會驚，但如果佢係第一個人入去，啲人慢慢入黎佢又好啲

私人傳訊

積分: 5731

9^#

發表於 18-12-10 10:13 |只看該作者

Vercatcat912 發表於 18-12-10 10:07
姑娘轉介政府專科醫生要排期好耐嗎？你囡囡依家上有幾個月k1依家有同正常bb差不多嗎？我囡囡見大人都喊得 ...

我囡囡而家7歲啦，果時排左好似幾個月(唔系好記得)，個時都有試過同佢返playgroup，又系喊到好嘈，我自己都唔好意思，要抱佢離開，之後上左幾堂就無返啦，同佢去下街，公園，約埋D同年齡既小朋友俾佢地一齊玩，等佢有個伴

私人傳訊

積分: 56

10^#

發表於 18-12-10 11:09 |只看該作者

jessica~pong 發表於 18-12-10 10:13
我囡囡而家7歲啦，果時排左好似幾個月(唔系好記得)，個時都有試過同佢返playgroup，又系喊到好嘈，我自己 ...

好多謝你回覆！等我去健康院約個時間返去，希望大個啲情況有好轉，有時見到她喊到咁真係好無助又心痛。

私人傳訊

ccydi

別墅

積分: 612

11^#

發表於 18-12-11 01:51 |只看該作者

我仔有排見親戚或陌生人都會喊，我就簡單啲，發覺原來預早同佢講定，一陣會見到邊個邊個，我地會做啲乜，等佢做定心理準備，咁就唔會喊，而家仲答番我：唔喊嘅(emoji)

私人傳訊

積分: 56

12^#

發表於 18-12-11 11:32 |只看該作者

ccydi 發表於 18-12-11 01:51
我仔有排見親戚或陌生人都會喊，我就簡單啲，發覺原來預早同佢講定，一陣會見到邊個邊個，我地會做啲乜，等 ...

我囡已經好耐都係咁，我試過同佢去街市諗住見多啲人，啲嬸嬸又會同佢講下野，佢冇喊嘅，淨係擰歪面，但可以唔係算同一個空間，好似坐係餐廳咁，係街市又行黎行去咁

私人傳訊

cookingbaby

大宅

積分: 2353

13^#

發表於 18-12-11 17:26 |只看該作者

咁平時你望住佢同佢講話，有無眼神交流嘅？有嘅話，一般都唔咪自閉。

私人傳訊

積分: 56

14^#

發表於 18-12-11 17:29 |只看該作者

cookingbaby 發表於 18-12-11 17:26
咁平時你望住佢同佢講話，有無眼神交流嘅？有嘅話，一般都唔咪自閉。

有架，佢係屋企好正常的，係出街見人就係咁喊

私人傳訊

loveck510

大宅

積分: 1199

15^#

發表於 18-12-11 19:22 |只看該作者

Vercatcat912 發表於 18-12-10 00:55
bb囡19個月大，由認人開始到依家見到好少見嘅親戚朋友都狂喊，要人抱住都喊，收埋自己個頭係大人心口，周不 ...

仲有冇其他奇怪野？
我個囡大你個囡2個月，我懷疑佢有亞氏保加症，懷疑階段，仲未睇醫生。
佢有好多奇怪野，例如見到陌生人會驚，但佢唔係喊係兇返人哋、佢記性超強、每樣野教幾次就已經唔記得晒、出街佢要行同一個路線......

私人傳訊

積分: 56

16^#

發表於 18-12-11 19:34 |只看該作者

loveck510 發表於 18-12-11 19:22
仲有冇其他奇怪野？
我個囡大你個囡2個月，我懷疑佢有亞氏保加症，懷疑階段，仲未睇醫生。
佢有好多奇怪野 ...

亞氏保加症係點? 佢點樣兇返人哋? 我個女係好驚,伏低,係咁喊... 冇話特別記性好強... 都冇話強行要做同一樣嘢... 咁你有冇諗住帶佢睇醫生？佢依家有冇返playgroup果啲？

私人傳訊

Ytfc

伯爵府

積分: 18952

17^#

發表於 18-12-11 20:19 |只看該作者

就咁睇呢啲特徵唔似自閉，似係性格內向或怕事多啲，去健康院問下姑娘安心啲

我覺得狂去公園有幫助

私人傳訊