Hi princessdear ，明白最近BB半夜經常起身又飲夜奶， 會令媽媽好煩惱! 全日瞓到12-15個鐘嗎? 佢地瞓覺有時會反覆，同大人一樣瞓瞓下都會轉下姿勢、郁下、可能會反身甚至會醒左， 有機會唔可以自然瞓返， 試下俾BB蓋住有媽媽氣味毛巾瞓，佢嗅覺好敏感周圍有媽媽的氣味，會讓佢感到有安全感。增加日間活動量，製造一個大D空間俾活動和玩，係屋企地下加D地墊俾BB同碌來碌去，用D顏色鮮豔、識得發聲玩具引佢爬行，消耗左精力夜晚都會易D入睡，黃昏後盡量避免玩得一D太刺激活動，臨瞓前同佢做親子按摩、唱兒歌，睇下有冇幫助呀。
princessdear 發表於 19-9-23 17:13
唔該晒！我想順便問下，bb而家早上8點，11點，下午3同7點都食固體，4餐固會唔會太多？因為bb已唔鐘意飲奶 ...
通常將近9個月大BB，每日大約食到2-3餐，共約1碗固體 (1碗容量250-300ml)，菜蔬類2-4湯匙(1湯匙容量20g)，1湯匙肉魚蛋豆類，飲奶2-3次(500-600ml)，最重要係建立多元化和均衡飲食習慣‧如果bb已唔鐘意飲奶，俾多D高鈣食物例如:芝士、yoghurt、硬豆腐、芝麻、果仁、小魚乾、連骨魚(鯪魚肉)、深綠色蔬菜、全麥方包都有豐富鈣質架。想BB腸道健康好仲要培養BB飲水習慣，BB鍾意飲水嗎?
發表於 
返回列表
