自由講場今日: 2038|主題: 1350323

收藏本版

發帖

返回列表

跳至頁

查看: 1378 | 回覆: 3

宮腔境加刮內膜手術 [複製鏈接]

tsangyvette

大宅

積分: 1180

MommyPanel勳章 BB防敏心得分享勳章

1^#

發表於 22-6-28 21:34 |只看該作者 |倒序瀏覽 |打印

產後月經嚟返後，流量變多，食了幾年藥，終於決定接受醫生建議做刮內膜，我上網發現好少人分享有關資料，講真要做手術又好驚，決定將自己做手術時的流程分享。我婦科醫生係劉Dora,網上評價係一般，不過我睇佢已經有12年，睇開就一直跟佢，始終每年婦檢，唔想換醫生，怕尷尬。
當決定做手術時，會在診所取得一封信，姑娘會幫你打去私院book日子，我選擇了離家最近的浸會，信入面都係一啲claim保險的文件，最好打去保險問清包幾多費用，好作打算，刮內膜屬中型手術，幸好亦夠保障。
入院前一日早上，要去浸會自費200做一個新冠檢測，地點為C座地下，之後會有短訊通知，另外亦有短訊要你填定資料，記得填定，入院前一晚服食醫生開的Cutotec 200mg放鬆宮頸，到第二日手術日早上再服，副作用係肚瀉，我手術前痾左4次😅。早上7:00吃了幾粒果仁就開始空腹，準備下午1:00的手術。
到醫院入院部，先取籌號，出示檢測陰性短訊和填定資料的截圖，之後到櫃位辦理入院，俾封信和醫療卡和身份證，然後節多陣就有姑娘帶你上房，我選擇最平的普通房，反正就住幾小時。
上房後，會有姑娘不停對資料，問你其他醫療紀錄問題，同驗小便，量高磅重，之後就會提你手術前一小時自己換好手術服，因為8:00已到院，我換了自己帶的睡衣拖鞋就開始大覺瞓，其間都有護士入來量下血壓，度下體溫，期間我繼續因為藥物影響肚瀉，到了12:35左右，嬸嬸來叫我過床，並把貴重品鎖入櫃，key就交給護士，兩個嬸嬸推我去手術室，入去前麻醉師過來和我商量麻醉事宜，要一讚歐陽醫生，他非常輕聲細語，安撫了我很多不安，最後選擇了用監察麻醉，再過不久，我就推入了手術室，劉Dora也換好衣服對我加油，之後我又給過床到手術床，真係好凍，同床係斜斜地，下半身向下的，應該方便手術，姑娘幫我調整位置，幫我貼心電圖貼片，放暖氣管入被，我左手給接上一些儀器，右手麻醉師開始找血管落麻醉，少少插曲，我手背搵不到，所以要右手內側插，當時我已驚到豁出去，都不怎麼覺得痛了，之後他們給我套上了氧氣的鼻管，我覺得俾氧氣直噴入鼻，有點不舒適，不過好快，麻醉師說開始下藥，叫我張眼，眼瞓了才閉眼，我就覺得愈來愈有睏意，他問我有沒有覺得眼瞓，我答了：有啲眼瞓了，然後就不醒人事。
之後，麻醉師拍我左肩，可以啦，醒啦，我開始醒來，望下鐘係1:49，原來已過了45分鐘，Dora過來和我交代藥物覆診，我還不忘對她說要病假信，之後我給推回房間，再過床，然後我比較昏沉的休息到4:00,期間有姑娘量血壓，問傷口點，我再自己點了餐食，換了衣服，但期間無人來幫我拔豆，其他病床病人都好多人噓寒問暖，幫忙叫餐，但唯獨我無人理，因為我用醫療卡？我等餐也等了半小時，期間有姑娘問我個豆拔了沒有，我說：我以為你來幫我拔，佢先幫我拔了，然後叫我按住5分鐘，之後她再來，給了我兩張針口膠布，叫我自己貼。終於等到個茄牛通，非常的淡，不過已空肚太久，唔食真係唔得，在很肚餓情況下都覺得難食，可想而知幾難食😅
到6:00，姑娘來派藥，給了我信件，就去繳費處處理手續，我的醫院一日就完結了。我望下張單，共費為21869,手術室費4570,麻醉師費3042,Dora費10140,大房費800,其他均為雜項，和我一樣的姐妹們可參考，但7月浸會說加價，大家留意。
祝大家身體健康。