1-3歲

收藏本版
發帖
返回列表
跳至頁

首頁
1

尾頁
   0
goody999


洋房

積分: 43


1#
發表於 22-9-22 17:34 |只看該作者
一間非常令人失望的位於觀塘電訊新一代廣場27樓的C字頭🌞幼兒english center, 其管理及行政差已經都算, 怎可能任由一個17月大的學生未到放學時間離開左center都唔知。。。相信作為媽媽(家長)聽到個刻個心都會真係驚到直跳出黎, 嚇到魂不附體!!!!

首先依間center除左親子playgroup外, preschool及其他課程與分離班一樣， 都是由小朋友自己獨立上課的。

那17個月大嘅小女孩每日(一至五) 11-1pm都在觀塘電訊新一代廣場27樓C字頭🌞的一間幼兒english center上preschool課程, 每日都必定是由婆婆或媽媽接送， 從不假手比工人姐姐接送, 依點Center負責人及其他一起上堂的家長係非常清楚的。

無論家長有幾小心, 都一樣會有心寒同嚴重事情出現。。。事發當日9月20日上午11時， 媽媽如常帶小女孩到上述english center上preschool 課程， 安全交給老師後就離開。而當時center內只有一位南亞裔老師在埸。

女孩媽媽打算早一點上center"候命著等待接小女孩放學", 大概12點15分已在觀塘電訊新一代廣場1樓等候升降機， 此刻該廣場管業處姐姐跑來攔住, 告知媽媽剛才她的女兒自行從27樓背著書包， 雙手拿著鞋, 如赤腳般自行入了升降機, 從27樓落到1樓。此時正值lunch hour所以1樓也有不少人流(幫手阻塞著小女孩), 幸好小女孩遇上這位機警的管業處姐姐並認得小女孩就是每天都會去27樓上堂的， 所以姐姐立即抱起女孩, 阻止她走去扶手電梯, 及後抱著小女孩返回該樓層交回給老師, 但可悲的是老師根本不知道剛才差點發生大大件事。。。

媽媽聞事嚇得魂不附體， 驚惶失措地立刻衝上27樓與老師對質， 媽媽問老師點解她女兒在12時會自己走左去，老師解答唔到， 而負責人又不在場。此時的小女孩看著媽媽都衝了出來大哭著。。。媽媽個心"乸"到不能形容, 自己都差啲哭出來但忍著。。。center外還有另一位學生的工人姐姐坐著等小主放學， 媽媽就問埋工人姐姐， 但只有一句: i don't know. i am watching my phone.
媽媽心痛又無奈, 之後再打比負責人， 第一次係冇人接聽。

試想一下, 如果沒有這管業處姐姐, 女孩可能已經碌咗落去扶手電梯或者走咗出去成業街呢條車來車往的馬路上, 後果難以想像咁恐怖。。。

負責人在相隔一段時間後回電解釋回答道: *是因為你女兒跟著另一位學phonics 12點放學嘅3歲男學生走出來， 加上那時候另一位學生的工人跟女孩打招呼, 所以老師以為有大人接女孩放學。*

Oh My God.... 即是center沒有責任? 責任就這一推, 推在其他學生的工人身上嗎？


問題一：
明明女孩是1pm 才放學，點解會12時讓她離開？ 女孩已經在此C字頭🌞english center 上了4個半月的 preschool每天都是11-1pm的課堂呢。。。

問題二：
女孩12pm出來時已經背著書包， 看來老師也不知道女孩是1pm才放學的。。。咁center有溝通過嗎？ 已經是常規般的規律, 究竟是哪裡出錯???

言而那位"幸運的媽媽"特別感謝和讚揚管業處的KK姐姐, 如果不是姐姐有盡責地看著cctv, 女孩所搭的升降機不是直達1樓, 如果小女孩又沒有幸運地遇着KK姐姐.... 如果真的不幸地是在6,7,8樓層停車場開門的話, 小女孩真的很大可能已經出左去亂行著, 小朋友心慌了, 不知怎算時, 小女孩得17個月咋, 咁細粒。。啲車會唔會見唔佢??? 但於事件上, 實在太多太多如果都足以令後果難以想像咁恐怖咁嚴重, 眼淚直標, 心都實哂, 真的好似呼吸唔到。。。

作為家長, 知道此事都難以成眠, 輾轉反側。。。經過深思熟慮才決定打下這長文的, 只為希望令所有家長引以為戒， 事已至此已經不是想追究甚麼責任。只盼作為家長睇完, 會多一分警惕。

呢個事件令到媽媽及其家人, 特別是小女孩至今仍然害怕， 心理陰影還有一種無形嘅壓力感， 那種心有餘悸至今揮之不去。

所以真心奉勸各位家長為自己嘅小朋友選擇學習centre時, 真係需要留意多啲周遭環境及安全， 過濾過要選擇一間憑著愛心及同理心經營嘅教育機構。

目前, 事件發生至今已超過兩天， 負責人除了退回餘下課堂的款項外， 就只有訊息一句抱歉, 就從沒有來電慰問過小女孩情況， 大家可以自行判斷這English Center有沒有內疚過, 覺得小女孩這件嚴重事件, 是一個大錯誤是一個大問題？

謝謝各位的寶貴時間😔😔😔
私人傳訊

Nbs


水晶宮

積分: 61954


2#
發表於 22-9-22 21:50 |只看該作者
17 個月自己上堂？自己走咗出去？
Oh my god, 我細女都係17 個月，喺屋企我都睇到實，想象唔到佢自己一個喺街？！ 隨時命都無㗎喎！ 呢間嘢咁過份嘅？！
私人傳訊

chowtai1314


男爵府

積分: 5473


3#
發表於 22-9-22 23:22 |只看該作者
咁過份，係自由講場開post好d
私人傳訊

janede1314


男爵府

積分: 7818

開心吸收勳章


4#
發表於 22-9-23 01:05 |只看該作者
小朋友而家十七個月大，上左四個月，即十三個月大已經比佢自己上課

家長使唔使咁急，咁都放心得落

私人傳訊

goody999


洋房

積分: 43


5#
發表於 22-9-23 01:09 |只看該作者
我知小女孩哥哥也是在該english center 上課，所以先放心比佢上。
私人傳訊

止


複式洋房

積分: 138


6#
發表於 22-9-23 21:41 |只看該作者
goody999 發表於 22-9-22 17:34
一間非常令人失望的位於觀塘電訊新一代廣場27樓的C字頭🌞幼兒english center, 其管理及行政差已經都 ...

第一時間你係要報警，叫警察攞商場CCTV俾你，出律師信再去追究間公司！而家呢間公司冇造成人命傷亡，佢更加會撒賴唔會有任何賠償俾你。
私人傳訊

bunbunbunny


男爵府

積分: 6364


7#
發表於 22-9-24 00:34 |只看該作者
已經上左四個半月分離班
即係一歲就開始上堂
佩服樓主咁放心

當然呢件事center一定係有疏忽
私人傳訊

loveChantel


大宅

積分: 2851


8#
發表於 22-10-10 12:01 |只看該作者
有啲正規幼稚園都有埋playgroup，嗰啲放心啲喎
私人傳訊

ASP2019


男爵府

積分: 7019


9#
發表於 22-10-17 01:31 |只看該作者

回覆樓主:

17個月要自己上堂，係咪早咗d?

我小朋友上既分離班，最細要20個月才有資格參加，仲要頭幾堂一定由一個家長陪伴，到老師認為小朋友得，先讓家長離去。
話雖20個月可以參加，我都冇打算咁早上分離班，比小朋友上埋18至24個月playgroup班先開始分離班也不遲，讓小朋友足兩歲先考慮（有些朋友係等小朋友足兩歲先返N班）。
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見