少年成長

收藏本版
發帖
返回列表
跳至頁

首頁
1

尾頁
   0
阿咪


別墅

積分: 744


1#
發表於 05-4-26 13:44 |只看該作者

怎麼令哥哥或姊姊不嫉妒?

擁有兩個小朋友的請指教.

我大女兩歲, 自從弟弟出世後, 她變得很反叛, 越叫她不要做的, 她越要做. 例如弟弟瞓左覺, 叫她不要大聲吵, 她便更大聲. 有時更刻意走去弟弟耳邊大叫嚇佢.

就算解釋比佢聽這樣會令弟弟好驚, 她有時聽, 有時唔聽.

當我抱住弟弟時, 佢就喊住叫其他人抱弟弟, 然後叫我抱佢.

她整日吵吵鬧鬧, 好煩呀! 唔知點教佢好!!??
私人傳訊

阿咪


別墅

積分: 744


2#
發表於 05-4-27 18:31 |只看該作者

Re: 怎麼令哥哥或姊姊不嫉妒?

Let's share your experience, please
私人傳訊

bobolo


別墅

積分: 503


3#
發表於 05-4-28 02:15 |只看該作者

Re: 怎麼令哥哥或姊姊不嫉妒?

這個問題都令我好煩惱，我大仔2.6歲，弟弟出世時他2.3歲，這3個月來他真的好反叛，我已經大部份時間照顧他，細B有我媽媽幫助照顧，但他的情緒都唔係好stable，但他都好錫弟弟，見不到他時他時常問弟弟呢？但有時又故意弄哭他，仲好容易扭計、大哭。打又打過，罵又罵過，我想要等他慢慢適應，我見最近也有些好轉。

我常想為何有人說三年抱兩是件好是事？！ 2歲的小朋友實在仍很細，要他當哥哥，實在有些為難。
Smiles Always :-D
私人傳訊

Karen_eng


大宅

積分: 1068


4#
發表於 05-4-28 07:40 |只看該作者

Re: 怎麼令哥哥或姊姊不嫉妒?

阿咪﹐
我細女出世頭兩個月時﹐我大女十足十好似你大女咁﹐成日吵吵鬧鬧﹐煩到你死﹗

而家我襯細妹訓左﹐就即刻攬實佢﹐同佢傾多D﹐陪佢玩。細妹醒左要抱﹐我就話媽咪要抱細妹啦﹐一陣再抱囡囡。有一排真係每隔5分鐘輪流抱兩個女﹐除非細女無喊﹐如果唔係﹐D時間盡量陪大女﹐等大女知道媽咪仍然好錫佢。

私人傳訊

ringoivy


翡翠宮

積分: 76971


5#
發表於 05-4-28 11:38 |只看該作者

Re: 怎麼令哥哥或姊姊不嫉妒?

我都係我個仔出世時個女四歲, 本來佢話好想細佬快d出世但一出左世就好嫉妒又反叛, 所以我個仔一訓左覺我即刻陪個女玩又抱佢又唱歌仔, 跟住解釋比佢聽拿bb細個我地一齊要照顧佢的, 若果bb訓左媽咪一得閒就會陪你的但bb扭計我地就要一齊湊bb了, 有時又比佢坐底抱下bb, 過左兩個月我個女情況好轉了, 家陣都好鍚細佬係有時都好吃醋但慢慢解釋都ok.
私人傳訊

YC


大宅

積分: 2097


6#
發表於 05-4-28 16:37 |只看該作者

Re: 怎麼令哥哥或姊姊不嫉妒?

之前我個大仔話唔要細佬, 後黎有個媽媽教我話買份禮物俾個大仔, 話係細佬買俾佢, 點知真係掂, 而家兩個成日玩埋一堆, 不妨試o下, 同埋可以俾的責任佢, 叫佢幫手做下同細佬有關o既o野, 例如 : 攞尿片, 摺手巾等, 另外最緊要係多的注意個大o既
私人傳訊

HCPOON


大宅

積分: 1134


7#
發表於 05-4-29 11:12 |只看該作者

Re: 怎麼令哥哥或姊姊不嫉妒?

我估大部份有兩個小朋友都會有這樣情況出現 !

我都係三年抱倆 ! 細佬出世時, 家姐仔只有兩歲 !
大著個肚時已經成日問佢,"BB係邊到呀 ?"
"妳錫唔錫佢呀?" 到細佬出世回家時, 送咗份禮物比家姐,
係一個BB公仔+沖涼用品 !

佢好開心, 仲成日想抱細佬 ! 但在大人的立場會覺得色險,所以都只比佢望著張BB床 !

細佬好鍾意靜, 而家姐就成日對著佢大叫"細佬 !!"

其實我都覺得比家姐的時間比較多 ! 因為細佬仲未識 ! :tongue:
而家細佬差不多一歲, 佢哋開始一齊玩 !家姐始終有母性會照顧細佬, 當然有好多時方法係好奇怪或不當 ! 但這個係佢哋兒時回憶 (記得拍低佢)
比現今只有一個BB的家庭, 以買少見少了 !
兩個>>打架都係好 !!!

將來佢哋會自己玩唔使你煩時, 你會好開心架 !
一女一仔萬事足笑看人生無求欲 :-P  :-P  :-P
私人傳訊

rmvv8888


大宅

積分: 1704


8#
發表於 05-4-29 12:04 |只看該作者

Re: 怎麼令哥哥或姊姊不嫉妒?

大女5歲半，細女１歲半。
當我懷孕期間已經不斷貫輸給大女知道一定要和睦相處，幫手照顧妹妹。
妹妹出世後，佢真的做到。當然間中都會有磨擦，但都接受到。
我會從日常生活細節和用遊戲或傾計方式感化和教導她們互相愛惜對方。千萬唔好用鬧和語氣重方法話她，只會另到她覺得妳偏心。
我有兩個女 大女Vanessa好生性 細女Venus好生肉
私人傳訊

rmvv8888


大宅

積分: 1704


9#
發表於 05-4-29 12:13 |只看該作者

Re: 怎麼令哥哥或姊姊不嫉妒?

其實我都覺得三年抱兩係好幸苦。
我係相差４年，所以大女能夠明白我所教的事。
我有兩個女 大女Vanessa好生性 細女Venus好生肉
私人傳訊

Jumbo


民房

積分: 339


10#
發表於 05-4-30 03:02 |只看該作者

Re: 怎麼令哥哥或姊姊不嫉妒?

阿咪，
我大仔和細女相差6年，細女初初出世後哥哥一星期兩至三晚會半夜哭，我們
私人傳訊

CKMA


別墅

積分: 908


11#
發表於 05-5-2 12:32 |只看該作者

Re: 怎麼令哥哥或姊姊不嫉妒?

My elder son is 6.5 yrs and my daughter is 2 mths old only , up to this moment, 大仔 loves 細女 very much and will kiss her when he go to school ...

I agree with Jumbo, it is better to have 2nd child when the elder son is around 5 or 6 yrs old

CKMA
私人傳訊

晞晴ma


民房

積分: 54


12#
發表於 05-5-2 23:16 |只看該作者

Re: 怎麼令哥哥或姊姊不嫉妒?

我都係3年抱兩,真係好辛苦,呢2日假期仲辛苦個返工,家姐剛3年歲,其實她有時很錫細佬,細佬哭他會唱歌,安慰他...但有時候,很煩,特別當我們出街.就一定要爸爸抱,因她表示我抱細佬,我覺得好大壓力,經常要處理姐姐情緒.怕她討厭細佬.

這段日子,很不開心,每次放假都好怕,因老公不想請工人,放假做家務同照顧2個小朋友.你話點捱

我好想正面d去面對...... :-(
私人傳訊

ringoivy


翡翠宮

積分: 76971


13#
發表於 05-5-3 11:33 |只看該作者

Re: 怎麼令哥哥或姊姊不嫉妒?

晞晴ma放鬆d啦, 我唔係三年抱兩但都明白三年抱兩既苦況因為大嗰個似懂非懂咁, 所以要溉輸正確知識比佢確有難道, 但最緊要係抱住平常心即係唔好偏幫一方, 係啱就啱錯就錯唔好因為bb細就鬧個大既, 咁自自然大嗰個會從日常生活中學曉咩係應該做咩係唔應該做的, 好似我大女咁佢會投訴bb點對佢, 我會抱住bb細細聲鬧佢, 你唔準蝦家姐架, 你蝦家姐媽咪會打打的, 然後再同家姐講bb家陣仲細有好多野都唔明你係家姐你要教佢, 例如佢掉玩具落地你幫佢執之後佢再掉你就話, 你再掉我就唔同你執. 咁個大既又唔會呷醋又會聽話囉.
私人傳訊

rmvv8888


大宅

積分: 1704


14#
發表於 05-5-3 11:40 |只看該作者

Re: 怎麼令哥哥或姊姊不嫉妒?

晞晴ma ,
平日返工，邊個照顧佢地？

其實如果經許可，最好請個工人分擔工作，至少可以help you to do 家務。真的好吃力！
我有兩個女 大女Vanessa好生性 細女Venus好生肉
私人傳訊

阿咪


別墅

積分: 744


15#
發表於 05-5-3 13:45 |只看該作者

Re: 怎麼令哥哥或姊姊不嫉妒?

Thank you so much for sharing your experiences.

我會試下用你地o既方法.

其實最近我都多左同大女講道理同陪佢多, 情況好似好轉左. 希望佢地兩姐弟關係會越來越好啦.
私人傳訊

zimba


大宅

積分: 2174


16#
發表於 05-5-19 12:41 |只看該作者

Re: 怎麼令哥哥或姊姊不嫉妒?

我大仔4.5歲, 細仔2 歲. 兩個成日响度爭玩具, 打架.
通常細仔爭唔到就會大喊, 要我抱. 我多數會抱住佢, 大聲係大仔面前話:"哦!好唔開心呀, 你好想同哥哥一樣, 玩嗰個呀? 不過哥哥玩緊喎, 點算呢? (通常細仔聽到會再大喊) 哦, 真係好唔開心喎! 哥哥又唔肯比你玩tim"
大仔聽到, 就會答"我唔係唔比佢玩, 我玩緊嘛!" 有時佢會讓弟弟玩, 或者攞第二件玩具比佢. 我就即刻叫埋細佬多謝佢, 佢就好ger啦.
私人傳訊

Sanho


洋房

積分: 403


17#
發表於 05-5-19 22:05 |只看該作者

Re: 怎麼令哥哥或姊姊不嫉妒?

三年抱兩既講法, 只係從女人生育既角度睇, 因為拿拿林生完收工, d用品呀, 床仔呀又可以用番晒.

事實上兩歲係terrible two, 係人第一個反叛期, 係最自我最惡頂, 好似明又唔明. 就算冇細佬妹, 都已經好難搞, 有埋, 你話佢心裏面唔翻天覆地至怪. 我覺得比較理想係隔至少三年或四年, 大果個己經返學, 明事理, 唔會需要咁多注意, 唔會廿四小時睇住阿媽錫第二個眼都
私人傳訊

tuenyima


大宅

積分: 3713


18#
發表於 05-6-2 22:14 |只看該作者

Re: 怎麼令哥哥或姊姊不嫉妒?

害怕失去父母的愛

很多成年人都不能理解,因為有許多引起孩子妒忌的事情,在成年人眼中,都是一些瑣碎的,微不足道的小事,但卻為何會引起孩子不滿的情緒呢?

引起妒忌的根源是恐懼,通常一個人害怕一些既有的,重要的東西會被人奪去,漸漸地,這種恐懼心態便會演變成妒忌.

以一個幼兒來說,其恐懼來源往往是害怕失去父母的愛,這種恐懼最能傷害他們弱小的心靈.特別是這個階段,他們的性格剛剛開始發展,他們認為失去父母的愛就等於失去了自己的人格一樣嚴重.

然而,幼兒還未能說出類似以下的說話:"大家不要忽略我,我也是很重要的!" 因此,當他認為父母疏忽了他的時候,他只能夠以慍怒,眼中充滿淚光,反叛等情緒,來表達他的感受.

要了解孩子的感受

倘若孩子做出一些令你不能接受的行為時,你當然可以教訓他,但更重要的是,要好好和孩子交談,以了解他的感受.

首先,你可以向孩子表示,你了解他的想法,同時亦很諒解他的感受,使孩子知道,你沒有忽視他的存在.

當然,單單表示諒解並不能把問題解決,你還要向孩子解釋,你不可能整天都陪著他,因為你還有別的事情要做,然而孩子在你心中,仍然佔著很重要的位置的. 與此同時,你可嘗試抽多些時間陪伴他.

最明顯的例子是,孩子妒忌初生的弟妹,每當你抱起弟妹時,他就會表現出不安的情緒,甚至纏著你. 遇到這情況,你可以向他說:"現在我不能放下寶寶,或許你也和他一樣,坐到我身上來吧!" 這樣可讓孩子覺得,寶寶和他對你來說,都一樣重要.

另一個方法是,分配給孩子一些工作,例如叫他為你取來嬰兒的衣服,或替弟妹圍上口水肩,孩子有工作要負責,便會覺得自己的位置重要,漸漸地會消除妒忌的情緒. 因為心理專家認為,妒忌的形成,往往是覺得自己沒有價值所致.
[img align=left]http://onfinite.com/libraries/487250/185.jpg[/img]我愛小端宜 :-D
私人傳訊

heiheima咪


男爵府

積分: 6709


19#
發表於 05-6-2 22:29 |只看該作者

Re: 怎麼令哥哥或姊姊不嫉妒?

YC,
係啦，禮物俾個大仔, 話係細佬買俾佢, 真係掂．
因為我其實都唔算三年抱兩，因為我生細女出世時大仔剛好三歲另十五日．
我重好記得我出院果日，我奶奶帶個仔來我度，點知我個仔死都不來，在街大哭．（沒有人同佢講我同bb出了院), 最後好難先帶到來我家, 我個仔一入屋我即指住份禮物, 說"是妹妹送比你的" 從此之後我個仔一拿份玩具玩, 就講是妹妹送比佢, 雖然妹妹出了世頭果2-3個月, 我個仔的性情是變化得好大, 但佢都好鍚個妹. 因為我逢節日都買一份小小禮物比個仔(十幾蚊到)話妹妹送比佢. 我個仔不知幾開心, 對個妹又好好.
我都同你諗法一樣, 叫佢幫手做下照顧妹妹, 例如 : 攞尿片, 紙片, 摺手巾等, 令佢覺得自己重要性.
真係現在兩兄妹都算ok, 但過多1-2年就不知. 我希望個哥哥不嫉妒妹妹就好了.
(多謝各位, 比我在此廢話一番, thanks)
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見