0-6個月今日: 0|主題: 37423

收藏本版

發帖

返回列表

跳至頁

查看: 447 | 回覆: 0

【分享】懷孕時選奶粉 [複製鏈接]

jellywonghk

大宅

積分: 4970

1^#

發表於 11-4-9 02:25 |只看該作者 |倒序瀏覽 |打印

懷孕時, 同好多媽媽都一樣, 係度諗到底會俾邊隻奶粉俾BB食.

<日本奶粉>
開始時, 都係度考慮買日本牌子, 後來有一次上早教的課程, 個講師係度話, 日本人本身都唔係好食日本出產的奶粉, 佢地通常都係買歐洲或其他國家製造的奶粉.
其中一個原因係, 日本奶粉內加添左微量的輕瀉成份的物質, 令BB飲後便便會好D.
講師話BB便便最好係靠BB本身自然咁排出會好D, 尼D加添左輕瀉成份的奶粉始終無咁好, 開始聽完都半信半疑, 後來問左一個朋友, 佢媽媽嫁左去日本後定居, 之後生的弟妹都無飲日本出產的奶粉, 佢媽媽話日本人普遍唔會飲日本奶粉的(同早教的講師講的一樣), 原因係佢地日本人認為無錢先會買返日本奶粉, 有錢的會買入口奶粉的. 但就無講咩輕瀉成份.
聽完之後, 我已經即刻對日本奶粉抱持懷疑的態度了....

< A加 VS 美讚神 VS 惠士 >
咁唔買日本奶粉仲有咩選擇, 朋友中最多人飲的係 A加, 美讚神及惠士尼三個牌子, 好多朋友都話 A加好, 都心思思諗緊買唔買的了, 咁岩2個姪仔都係飲惠士, 都大大件無咩病痛, 加上有D朋友原來細個時都係飲惠士, 感覺好似好老字好咁樣. 加深左我對佢的印象...其他兩個牌子都無再細心去研究了.

後來一次產前講座攞左罐400G的1號惠士, 咪諗住俾BB試下飲啦, 點知佢又好似好鐘意飲咁, 而家每日都有便, 就係咁, 由BB一出世便開始飲惠士尼個牌子了.

其實, 係途中, BB塊面曾生粒粒, 有D人話係奶閃, 有D又話係敏感, 有D又話係奶粉熱氣. 最後忍唔住睇醫生, 又話係BB要將我的荷爾蒙排出來先會攪成咁, 次次生二三日便會自動消失, 都攪到我心大心細唔知要唔要轉奶粉.
不過, 99一句話點醒左我, 佢話, 好多BB飲其他牌子的奶粉都有尼D情況發生, 加上醫生又話隻隻奶粉的配方都差唔多, 而我本身又有餵人奶的, 營養方面應該唔洗擔心, 所以, 最後都費事轉奶粉, 驚轉左BB的便會無咁好.