吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公話後悔咁早娶我，好心痛！

夫婦情感今日: 10|主題: 42727

收藏本版

發帖

返回列表

跳至頁

查看: 4963 | 回覆: 38

老公話後悔咁早娶我，好心痛！ [複製鏈接]

crycry

民房

積分: 6

1^#

發表於 05-9-12 17:32 |只看該作者

老公話後悔咁早娶我，好心痛！

近呢半年我都好唔開心:-( :-( ，成日同老公冷戰，時好時差，啱啱星期六先同老公叫好番，但星期日又令到我好唔開心。

我老公以前唔蒲唔wet，份工好忙，一放工就返屋企，自從升咗職之後，反而唔洗做咁多paper work的工作，成日都可以早放工，但佢就成日”群”佢班同事，放工去飲酒，雖然同2個同事一齊去(1男1女)，但佢對個女仔好好，又送人返屋企，我都唔明3條友有咩咁好傾，有時仲玩到天光成5、6點先返，佢話工作壓力大，要出去放鬆吓，但我真係接受唔到，因為我唔係呢類人，如果結婚前佢已經係咁，我唔怪佢，但唔係，係佢變咗，我接受唔到。

尋日我同佢係度傾計，問佢有無後悔娶我，佢話都有少少後悔，有得比佢揀過，佢會選擇玩多幾年，然後儲多d錢先結婚，唔洗好似依家成日要諗錢，我以前都有問過佢同樣的問題，以前佢會話後悔咁遲先娶我，應該早d結婚早d生仔，將來就可以唔駛咁辛苦，佢以前堅持要生2個小朋友，我話經濟上會好辛苦，佢話貴有貴養、平有平養，最緊要一家人開心，但尋日佢話亞仔同我同個家比佢好大壓力，令佢無咗好多自由(因為我唔比佢去wet)，仲話好彩亞仔咁得意，咁多人錫，如果唔係佢會驚自己會唔鐘意個仔。

我個心真係好痛，我只係一個平凡的小女人，我可以為個家付出好多多，只係希望有個愛我的老公，喺呢一刻我相信我老公無做d對我唔住的事，但我無信心佢將來唔會，佢真係好自私，佢無諗過付出，只係計較無咗的嘢，我同佢的距離愈來愈大，我好驚去面對將來，如果要我去接受佢的一套價值觀、生活方式，我真係接受唔到，但如果要迫佢去就我，我覺得好無意思，遲早都係得個完字，我真係好煩，唔知應該點樣去面對佢……

私人傳訊

elf

侯爵府

積分: 24063

2^#

發表於 05-9-12 17:49 |只看該作者

Re: 老公話後悔咁早娶我，好心痛！

crycry,

我好明白你既感受, 真架....雖然我冇親身經歷過, 我亦都未結婚, 但我以前同ex bf都有過你既情況....佢當時既說話好hurt到我, 佢話「你會唔會太認真? 我拍拖都係為左搵個人陪下自己, 開心唔開心都有個人喺身邊」...... :-(

但我唔係咁諗, 我對感情好認真, 如果只係為左有人陪自己, 我係唔會拍拖......我都係想做個平凡小女人架咋!

crycry, 我明白你既感受, 但你唔好放棄呀, 你同老公傾下計, 佢如果對你係真, 佢一定知你為左屋企付出左既野。我諗佢都想家庭生活開心架,係咪?

私人傳訊

臭吉媽咪

大宅

積分: 2474

3^#

發表於 05-9-12 17:52 |只看該作者

Re: 老公話後悔咁早娶我，好心痛！

看到妳的故事，真係幾傷心~~~

你老公而家先開始去玩，佢一定無咁快收手的，
不如妳試下同佢講玩還玩，要定下規舉，例如：
一星期只可去一次~~或一定要幾點返到屋企。

妳要俾佢知道妳唔係管佢，而係個家大家都有份，
唔係唔俾佢去玩，但要佢要識做。

如果佢要妳對佢有信心，咁佢都要做D野出來，
等妳覺得有信心先得架！如只係不停話：妳懷疑
我，係妳自己問題……等等！哇~~大佬呀~~你
都要俾我覺得你值得信先得架？講就要信，我不如去
信耶穌？(SORRY~~此句如引起大家不高興)

而且妳要開始裝備自己了，就算第日唔係要分開，
正如妳話唔想，同佢的距離愈來愈大嘛~~試下
找人照顧BB，找份工做，或者進修下先~~幫輕下
佢的經濟嘛~~都都話壓力大啦~~

另妳的注意力，都不用只集中他身上嘛~~

至於佢話有D後悔咁早結婚的說話，妳不要放在心
上，每個人生不同的經歷，都可能令人懷疑自己當
初的決定~~咁起碼，佢都只是有感而發~~因經濟
壓力大~~

希望幫到妳

私人傳訊

yst424

大宅

積分: 1420

4^#

發表於 05-9-12 17:53 |只看該作者

Re: 老公話後悔咁早娶我，好心痛！

男人就係咁賤架啦, 追你果陣當你係寶, 追到就咪當草囉, 歌仔都有得唱啦, 路邊的野花不要採, 係咪唱得多聽得多d男人就真係唔採呀, 唔係喎, 好似有好多bk既媽媽成日都會講一句說話, 就係"邊度有貓唔食魚架", 有機會有時間同埋最緊要係有錢呀, 有邊個男人會放過機會去滾呀, d男人簡直係夾岩天時地行人和去滾啦, 係咪?

私人傳訊

wilfredchan

男爵府

積分: 6505

5^#

發表於 05-9-12 18:00 |只看該作者

Re: 老公話後悔咁早娶我，好心痛！

如果我老公甘同我講, 我實

私人傳訊

mamafashion

禁止發言

積分: 9054

6^#

發表於 05-9-12 18:04 |只看該作者

Re: 老公話後悔咁早娶我，好心痛！

提示: 作者被禁止或刪除內容自動屏蔽

私人傳訊

思思Kelly

別墅

積分: 749

7^#

發表於 05-9-12 18:13 |只看該作者

Re: 老公話後悔咁早娶我，好心痛！

yst424真係講得好岩,追你果時當你如珠如寶,拍拖頭頭果1~2個月都好好,但一耐左就當你係草,何況結婚之後,點解天下男人都係咁?正如我家有隻河東獅裏面一句話,點解女人可以對男人從一而忠,而男人唔可以??點解個個男人都咁花心,可能佢唔會做出黎,但心裏面同埋對眼就想個個女人都係同佢有關係,睇住呢個諗住果個...我果個都係咁,但又冇你呢個咁過份既,只係出親街無論你著得幾少衫都好,都周圍望,如果其他女仔著到好似我咁,佢一定會望到眼金金,但我著就望都唔望一眼...

私人傳訊

小manman

翡翠宮

積分: 85262

8^#

發表於 05-9-12 19:07 |只看該作者

Re: 老公話後悔咁早娶我，好心痛！

crycry:
如果我honey咁樣同我講,我一定會好傷心好傷心~~~
我相信你老公暫時對你都未變心,只係佢的心態已經唔同左,睇你問你老公個個問題就知,都係相同的一個問題,只係佢以前的答案同依架的答案已經唔同左~~~
其實,我honey都係別人眼中的好好先生,但我同佢未結婚,我係佢初戀情人,佢從來都未玩過,嫖賭飲蕩吹佢都唔會,又唔講粗口,又唔出夜街,又唔鍾意同朋友出去吹水or飲酒.........基本上佢比到100%的安全感比我,但我咁講並唔係哂命,而係有人同我講呢類男人先要好好睇住,因為呢類男人乜都未試過先唔會去玩,但當佢試過一次之後,佢可能會玩上癮,就好似你老公一樣,我睇到"臭吉媽咪"話:你老公而家先開始去玩，佢一定無咁快收手的..........我都好擔心,唔知我honey將來會唔會咁,其實,以前你老公的心態同我honey可能都係一樣,基本上佢依架都唔使我管,因為佢根本就無出去玩的心,但當佢個心野左的時候,我知我想管佢都難,因為佢會認為係我專制,仲會話同我一齊會好辛苦........但我都知將來的野唔擔心得咁多,希望佢唔會識到d豬朋狗友喇!!!

私人傳訊

ebab

大宅

積分: 1004

9^#

發表於 05-9-12 19:13 |只看該作者

Re: 老公話後悔咁早娶我，好心痛！

本帖最後由 ebab 於 12-6-12 18:35 編輯

.

私人傳訊

Esseniti

別墅

積分: 556

10^#

發表於 05-9-12 19:16 |只看該作者

Re: 老公話後悔咁早娶我，好心痛！

[quote]
@wendy@ 寫道:
一個家庭有了小朋友,生活上就會有好大的變化,女人生完就會想盡量去照顧小朋友和老公,希望他們得到最好的,把所有的心幾也放進去.而男人就會覺得有了個小朋友,就要找多一點錢回家,希望把最好的物質合BB和老婆,但他們偏偏就忘記了女人需要關心多過金錢,所以夫妻之間就覺得出現了問題,我和老公也會好似你一樣,自已唔開心希望老公分擔,但老公唔開心就希望和朋友分享,想真一點他只是唔想你唔開放心.有時真的要隻眼開隻眼閉,你自已又想下你老公講的說話你自已也有想過吧！如果你只想老公成為你心中所想的一樣,不如想下自已做

私人傳訊

歌莉亞

伯爵府

積分: 17693

11^#

發表於 05-9-12 19:26 |只看該作者

Re: 老公話後悔咁早娶我，好心痛！

你有沒有工作 ?是否令佢有好大壓力 ?男人成日都想自己自由，但佢唔會想想女人在家中所付出的一切，正一自私鬼。

私人傳訊

Jessy

珍珠宮

積分: 45661

2025勳章 2025勳章蛇年勳章 2024年龍年勳章

12^#

發表於 05-9-12 23:32 |只看該作者

Re: 老公話後悔咁早娶我，好心痛！

問佢有無後悔娶我，佢話都有少少後悔，有得比佢揀過，佢會選擇玩多幾年，然後儲多d錢先結婚，唔洗好似依家成日要諗錢，我以前都有問過佢同樣的問題，以前佢會話後悔咁遲先娶我，應該早d結婚早d生仔，將來就可以唔駛咁辛苦，佢以前堅持要生2個小朋友，我話經濟上會好辛苦，佢話貴有貴養、平有平養，最緊要一家人開心，但尋日佢話亞仔同我同個家比佢好大壓力，令佢無咗好多自由(因為我唔比佢去wet)，仲話好彩亞仔咁得意，咁多人錫，如果唔係佢會驚自己會唔鐘意個仔。

Cry, 睇到你的message我都覺得好唔開心, 如果我係你我會同佢好好咁傾下, 會話比佢知:以前你親口同我講後悔咁遲娶我, 應該早d結婚早d生仔, 依家你又話後悔早左, 你知唔知你變左好多, 你自己覺唔覺?

等佢起返起佢以前講過既說話, 比佢諗下, 睇下佢有咩講, 如果佢識反省既話, 都仲有得救既.

希望每天開心渡過 ;-)

私人傳訊

talkative

禁止訪問

積分: 205825

畀面勳章環保接龍勳章

13^#

發表於 05-9-12 23:44 |只看該作者

Re: 老公話後悔咁早娶我，好心痛！

提示: 作者被禁止或刪除內容自動屏蔽

私人傳訊

已刪除用戶

已刪除用户

積分: 20771

2018復活節勳章開心吸收勳章育兒性格勳章畀面勳章 15週年勳章親子王國15週年勳章

14^#

發表於 05-9-12 23:46 |只看該作者

Re: 老公話後悔咁早娶我，好心痛！

提示: 作者被禁止或刪除內容自動屏蔽

私人傳訊

yellow

大宅

積分: 2247

15^#

發表於 05-9-13 11:26 |只看該作者

Re: 老公話後悔咁早娶我，好心痛！

男人

係咪真係要到失去o既時候先識得珍惜呢

私人傳訊

ywpw

男爵府

積分: 6545

好媽媽勳章

16^#

發表於 05-9-13 11:26 |只看該作者

Re: 老公話後悔咁早娶我，好心痛！

你都無謂太傷心，　有ｄ說話未必係真，　可能當時你地不愉快佢先咁講，　ｄ男人唔明白女人會好記住呢ｄ說話，　好似我都問過我老公類似呢ｄ說話，　佢既答案我記到宜家｛我都唔知點解會結婚｝，佢比我感覺係唔知點解要同我結婚，　覺得結婚好無謂．　

私人傳訊

chilli

珍珠宮

積分: 30695

醒目開學勳章

17^#

發表於 05-9-13 11:29 |只看該作者

Re: 老公話後悔咁早娶我，好心痛！

@wendy@ 呢句說話講得好啱.

[quote]
@wendy@ 寫道:
一個家庭有了小朋友,生活上就會有好大的變化,女人生完就會想盡量去照顧小朋友和老公,希望他們得到最好的,把所有的心幾也放進去.而男人就會覺得有了個小朋友,就要找多一點錢回家,希望把最好的物質合BB和老婆,但他們偏偏就忘記了女人需要關心多過金錢

私人傳訊

parker

別墅

積分: 551

18^#

發表於 05-9-13 12:02 |只看該作者

Re: 老公話後悔咁早娶我，好心痛！

兩夫婦要行既路幾十年長, 會經歷唔同階段, 要兩個人永遠步伐一致, 同心同行係好難, 有時你會行快d, 有快佢會行快d, 有時佢會行到唔見左人.....我覺得你唔洗太在意佢番說話.後悔可能只係果一刻, 或係呢個階段. 兩夫婦, 講真, 一定各自有後悔時候, 所以唔使太執著.

反而要留意係佢同個女同事. 如果成日見, 仲要飲酒吹水, 好易酒後吐真言, 互生好感, 仲要咁gentleman送人返屋企, 就算你老公無野, 個女仔好易有遐想. 但而家風頭火勢, 你出聲嘈, 只會令佢更反感, 所以你冇野可以做, 唯有令到佢覺得返屋企舒服, 有野留戀, 等佢玩夠自己識回頭, 再嘈只會傷感情, 死快d.