醫護健康 今日: 2 | 主題: 7732

積分: 15915

2^#

發表於 11-8-29 17:42 |只看該作者

happymama11 發表於 11-8-29 16:51
如題, 想問問係咩情況, 家中成員有否因為此而經常勞氣, 又不知如何是好, 不知如何面對個老人家呢? 可以分享 ...

家人一定要有耐性, 要諒解老人家會因為病情的關係, 慢慢有性格上的轉變. 有些轉變, 是家人無法接受, 但要明白, 其實都不是老人家自己的意願, 所以要有耐心, 愛心, 體諒.
讓老人家有多與人交談的機會, 心情開懷, 一定對病情退化有正面幫助, 孤獨抑鬱的情緒會影響病情惡化.

私人傳訊

successbaby

男爵府

積分: 5422

3^#

發表於 11-8-29 18:33 |只看該作者

我識我老公既時候，知佢阿媽有呢個病，當時覺得小問題，點知婚後搞到我差唔多痴線咁滯，因為我基本上係未見過佢正常果時係點，但痴線野就日日發生，例如佢會自己出左街唔知去左邊要全家人去搵佢，佢會講d極其陰毒同刻薄既說話，有時又好似好正常，同我姑奶講話老左你就同我執屎尿，搞到d仔女雞飛狗走，因為我老公係大仔，好彩唔同住，但我地住得近，要成曰去睇佢，最慘係我大肚時，姑奶同佢講話有咩教下d後生啦，佢就話：生左出來啦咩？生左先講啦！我咪又無人教！最緊要張披唔好挶親，吸住個口，唔係死左咪白生？你話死未？最後我真係流產了，之後我無再見佢了，我老公都好嬲佢，雖然我知唔關佢事！

私人傳訊

pinocchio_manma

大宅

積分: 2680

4^#

發表於 11-8-29 21:23 |只看該作者

本帖最後由 pinocchio_manma 於 11-8-29 21:24 編輯

以前家有長者患上這個症，試過為了要出街，用刀想斬爛把門鎖，我亦被對方用傘打過我。不過，如果習慣了對方的性格，會容易些相處。
適當的時候要順應對方的意思，或者嘗試轉移對方的焦點。

私人傳訊

積分: 118281

5^#

發表於 11-8-29 22:04 |只看該作者

本帖最後由 wonderlulu 於 11-8-29 22:49 編輯

回覆 happymama11 的帖子

我覺得successbaby個case好似我外婆, 啲人俾佢鬧走晒, 就係講野好似唔通大腦就出嚟, 你話佢錯咩, 佢又唔錯得晒, 但用字同說法令人好難受, 好似一些自閉症咁完全唔顧人感受。

最慘係佢地同陌生人說話好”正常”, 我會覺得successbaby嘅家婆講野粗線條啫, 但successbaby同佢老公就一定好難受, 原因係陌生人分辨唔到佢講嘅合唔合理, 但屋企人知㗎嘛, 變咗成日為呢地爭辯, 好傷感情。

個陣, 阿婆得返我一個會唔介意同佢一齊住, 反而係因為我由細到大唔得佢歡心, 變咗我無期望佢改善態度, 初時我仲成日要出差, 工作又忙, 基本係個菲傭睇頭睇尾。但老人有感覺嘅, 我地摸到佢早上11/12點最醒, 最鐘意人地拖住佢手講野(有啲身體接觸係可以令好多痴呆老人聚下焦), 就把握星期六日呢段時間同佢聊天, 從講舊事到佢嘅身後事想做乜儀式都講得好有條理, 到佢走咗之後, 我覺得其實自己都係過程中下咗啖氣, 唔會一提起佢嘅偏心時就唔憤氣。

私人傳訊

happymama11

珍珠宮

積分: 47459

6^#

發表於 11-8-29 23:00 |只看該作者

successbaby 發表於 11-8-29 18:33
我識我老公既時候，知佢阿媽有呢個病，當時覺得小問題，點知婚後搞到我差唔多痴線咁滯，因為我基本上係未見 ...

多謝回覆, 有關你小產, 我聽到好難過, 希望你已經冇事啦!

另外, 你99既case雖然同我爸爸唔完全一樣, 不過都有少少相似...就好似出街咁, 佢已經唔識得講自己住邊, 電話唔識聽, 成日自己出街, 攪到我地成日要週街去搵佢...即使識返屋企, 但又唔記得自己住幾多樓, 成日去揿人地門鐘, 俾樓上樓下投訴我地!

仲有, 大小2便, 通屋瀨, 一時大便痾落浴缸, 一時就瀨落條褲, 小便痾落梳化, 一係痾落廚房個垃圾桶到..攪到間屋好臭, 佢有著成人尿片, 但就因為咁連廁所都唔去...

沖涼又已經唔識自己沖, 衫又唔識著, 褲又唔識著, 依家只係食/瞓/坐..冇其他, 有時見到真係好火囉~

我雖然唔係同佢一齊住, 不過晚晚都上去食晚飯, 唔多唔少都會take care佢d大少2便等等, 我就少d, 我細佬就真係全程take care佢..其實我地大家都知道佢有病, 要體諒, 包容..不過有時見到真係不其然好忟o架...依家等緊社工安排評估, 睇吓可唔可以入到坊間政府既老人日間護理中心照顧佢, 到晚上我地再照顧番去囉..我地都唔識照呢方面既病人, 個個又要返工, 湊小朋友, 希望社工可以幫到我地一家! (我講咗咁耐, 大家可能以為個老人家已經好老, 但實質只不66歲而已

私人傳訊

積分: 118281

7^#

發表於 11-8-29 23:48 |只看該作者

其實你地會唔會考慮俾佢入老人院呢?
前排我去一間私家嘅探老人, 才知道政府會向佢地買位俾有需要照顧嘅長者, 我去探果個都係67歲咋, 未到你形容你爸爸咁, 但亦大小便失禁兼常走失, 半夜2點都走出外去買餸, 一家人又係筋疲力盡。
我朋友要自己俾錢(7000千食住+千多尿片, 但聽聞政府批嘅會包晒, 要問社工詳情), 搵咗呢間直情係佢屋邨樓下, 除咗清潔照顧, 有防走失, 咁朋友一家總算有覺好瞓, 不過要日日去探佢, 有人睇住啲老人,職員不期然會照顧多兩分(公私營都一樣), 佢地亦會周宋接佢回家吃飯, 朋友話大家情緒都好咗, 仲可以老人同去公園行下。

私人傳訊

happymama11

珍珠宮

積分: 47459

8^#

發表於 11-8-30 00:04 |只看該作者

wonderlulu 發表於 11-8-29 23:48
其實你地會唔會考慮俾佢入老人院呢?
前排我去一間私家嘅探老人, 才知道政府會向佢地買位俾有需要照顧嘅長 ...

多謝你俾到咁好既資料我, 我地依家就係等緊社工安排做評估, 再約姑娘上門做家訪, 如果符合資格的話, 然後再排期入老人護理中心!

至於, 入老人院...我地一家人冇打算俾阿爸住Full Time, 目前因為日間個個要返工, 要湊小朋友, 唔可以全程照顧佢, 所以才打算搵機構幫手日間照顧, 夜晚我地可自己照顧返阿爸囉...我地都唔想阿爸以為我地唔再理佢!

另外, 如萬一社工o個邊真係唔批, 唔合資格, 我地唯有去私營既日間護理中心囉..不過就好貴, 只係日間照顧, 唔包食/住都要$7,000一個月...好大負擔!

私人傳訊

alicelam921

別墅

積分: 602

9^#

發表於 11-8-30 16:58 |只看該作者

我婆婆都有腦退化症,係記性差,搞唔清d時間日期,近期d事好容易唔記得.但冇講d衰野同鬧人..我覺得自己都係未夠耐性同愛心..要改善下

私人傳訊

msbear

男爵府

積分: 5481

10^#

發表於 11-9-14 11:19 |只看該作者

我公公都係甘, 90歲行得走得, 而家食住藥有時會好d, 本來我最細舅父一家同佢住, 但係都頂唔順, 要搬走, 因為我公公成日發脾氣, 係又鬧唔係又鬧, 舅父一家有信仰, 所以都頂到好多年, 到後尾舅父都差d攪到有情緒病先搬走, 而家公公獨居, 每人有鐘點去煮午飯做家務, 晚飯就由舅父返去煮比公公食, 星期六同假期就由7個仔女,輪流當值陪佢, 不過近排就差左好多, 有時出左去唔識返黎, 唉, 連個鐘點都話唔做, 公公又唔鐘意請外傭, 更加唔好提話入老人院, 而家都好頭痕, 都唔知點安排先好!

私人傳訊

anthony0083

大宅

積分: 2831

11^#

發表於 11-9-14 20:51 |只看該作者

提示: 該帖被管理員或版主屏蔽

私人傳訊

teekayma

洋房

積分: 79

12^#

發表於 11-9-15 23:41 |只看該作者

我阿婆都有呢個病
日日loop帶播差唔多既說話，一個問題問十次
又成日發脾氣，講野無晒分寸，小小新事物都接受唔到 (例如屋企多左舊電器，佢會問二百次係乜來)
搞到大家都頂唔順了

但係對比起樓上周街賴屎果d，我又覺得自己屋企個case已經好小事

大家都加油 ~!!
有fd同我講過，其實佢地慢慢變返做小朋友，有少少似湊B咁湊

私人傳訊

ching070707

公爵府

積分: 29915

認識瑞士牛牛第三回

13^#

發表於 11-9-16 00:56 |只看該作者

我太奶奶又係咁.原先好強健,但自從太老爺走左,太奶奶就變...攪到我老爺佢地就黎要食精神藥...

私人傳訊

motherlau

男爵府

積分: 7292

好媽媽勳章畀面勳章大廚勳章

14^#

發表於 11-9-16 03:46 |只看該作者

煩惱中, 想問吓有冇jm家中有腦退化症既老人家?

我老爺都有，我同26,99 一齊住，有病初期，我地比个銀牌佢，寫左佢个名，我電話号码，當佢係街有咩事，其他人都可以联络我地。但后来情况嚴重，再加上佢開始行动不便，成日係街跌親，入過e院幾次，所以冇辦法之下，入左老人院。
佢地真係咩都会唔知，唔記得，成日講返以前d野，好大脾气，又固執。不过多d同佢倾計，會好d.
其實照顧佢地係要好大包容，有時真係

怒傷肝，喜傷心，思傷脾，憂傷肺，恐傷腎........

私人傳訊

高齡產婦

積分: 16118

玩具勳章好媽媽勳章畀面勳章 wyeth冷知識勳章陪月勳章環保接龍勳章

15^#

發表於 11-9-23 16:35 |只看該作者

我噚日都同媽媽去pwh睇咗老人精神科, 醫生評估咗都話佢係腦退化症...
但我哋仲未決定食唔食精神科藥物呀...我覺得佢只係初期, 因食藥有副作用...但真係怕佢愈來愈嚴重...佢獨居的...所以醫生都suggest我哋依家開始排安老院, 佢好抗拒啦...但一定要遊說到佢, 唔係到情況再差d時, 都唔知點好, 只怕佢有咩家居意外呀

私人傳訊

積分: 118281

16^#

發表於 11-9-24 20:27 |只看該作者

回覆高齡產婦的帖子

腦退化症, 會吃"補腦藥", 本身唔使精神科藥物, 但有些老人因為常常會想返時不快的經歷如打仗/生活困結,遇上壞人, 會出現錯覺 /錯亂, 就會吃精神科藥物"開心丸"懵仔丸"。
但腦退化症會令佢地失憶, 唔識返屋企, 所以準備卡片/於防走失係必做。安排安老院,都要等㗎, 要近屋企更加耐, 但會易講啲。同時要留意安老院有冇隨身追蹤器, 因為都會走失㗎。

私人傳訊

高齡產婦

積分: 16118

玩具勳章好媽媽勳章畀面勳章 wyeth冷知識勳章陪月勳章環保接龍勳章

17^#

發表於 11-9-26 16:09 |只看該作者

回覆 wonderlulu 的帖子

wonderlulu,
醫生係話有兩種藥可以食, 一係"補腦藥", 一係"精神科藥"...兩隻都有副作用...
而醫生見意, 食後者, 佢話前者好多人食咗都冇咩功效...
唉...真係好難決定呀...我個人偏向唔好食囉...因兩隻藥都真係...唉!

私人傳訊

積分: 118281

18^#

發表於 11-9-26 16:34 |只看該作者

高齡產婦發表於 11-9-26 16:09
回覆 wonderlulu 的帖子

wonderlulu,醫生係話有兩種藥可以食, 一係"補腦藥", 一係"精神科藥"...兩隻都有副作用...
而醫生見意, 食後者, 佢話前者好多人食咗都冇咩功效...
唉...真係好難決定呀...我個人偏向唔好食囉...因兩隻藥都真係...唉!

補腦藥有乜副作用,公立醫院多數俾嘅係維他命e, 所以副作用唔大; 私家係外國有藥貼, 好貴, 但香港好似唔多流行。

"精神科藥", 我覺得真係好睇佢情况, 有暴力abusive傾向就一定要吃。

如果只係鬧人, 佢地都好辛苦(唔開心/鬱結), 正常家人都會壓力越來大, 受唔住。我見過一個阿婆, 日驚夜驚人地上門追債(當然冇件咁事), 初時鎖門鎖窗, 自己躲係床底, 家人搵佢, 佢唔記得為乜; 又試過出街唔知見到乜刺激, 掙脫周圍走大叫有人追斬佢, 跑足二個鐘,腳都流血唔知痛, 好困擾。所以我覺得家人都要意識自己有幾多能力承受, 你地精神唔好, 點照顧佢地呢?

吃"精神科藥"係有副作用, 但依家用藥多數由最低開始, 副作用低好多, 尤其是長者, 唔會一吃"懵"咗咁, 最緊要係你地有時間陪佢去見醫生, 若假手於人, 受僱的照料者偏向吹大, 咁醫生俾重藥, 就差好多。

私人傳訊

高齡產婦