吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 有冇人試過淋巴漲大似粒大話梅？

自由講場今日: 933|主題: 1352249

收藏本版

發帖

返回列表

跳至頁

查看: 6558 | 回覆: 14

有冇人試過淋巴漲大似粒大話梅？ [複製鏈接]

jesskwok

洋房

積分: 71

1^#

發表於 05-9-9 18:28 |只看該作者

有冇人試過淋巴漲大似粒大話梅？

我的淋巴漲大似粒大話梅，無痛，上星期五無意中發現的．．．睇醫生，醫生話有幾個可能性，一係受感染，受感染正常會好快好返，二係ｄ肉有時生得吾正常，但純粹多舊肉，冇問題的，第三個可能性係淋巴瘤即cancer．

如果有傷風感冒喉嚨痛等都會令淋巴受感染而漲大，會痛的．
問題是我非常健康，無傷風感冒喉嚨痛．．．
第一位醫生開左三日抗生素我食，話如果收番細，即受感染，就吾使驚，但食完三日藥，完全冇細到，於是即睇專科，個醫生建議我去”刺針”（我吾知係咩）睇下舊野係咩，但佢話要好幾千蚊，我於是選擇睇多個零禮拜，會吾會好番，吾使白使錢，醫生於是開左一個禮拜抗生素，但就講：如果呢兩個禮拜吾收番細，你就死喇，因為你拖左自己時間！
出診所門口果一刻都冇咩，但依家過左兩日就越想越緊張．

但我知道淋巴漲大可以有好多原因，想問有冇人試過淋巴漲大？
有冇人知淋巴癌會不會在２個月兩生出黎？
因為我２個月之前做過產前檢查，七月尾至出報告話所有健康正常，
照計吾會有cancer掛！

私人傳訊

魚生

禁止訪問

積分: 35771

好媽媽勳章畀面勳章

2^#

發表於 05-9-9 19:57 |只看該作者

Re: 有冇人試過淋巴漲大似粒大話梅？

提示: 作者被禁止或刪除內容自動屏蔽

私人傳訊

momokomeimei

複式洋房

積分: 242

3^#

發表於 05-9-9 22:25 |只看該作者

Re: 有冇人試過淋巴漲大似粒大話梅？

我試過係近頸的所骨位置生了一個瘤,
但當時唔知係什麼,去睇街症他叫我去專
科排隊,一排便是3個月(唔知驚).專科一看
便要我抽很多嘢化驗,最初以為我係胇勞菌,
但驗左唔係,跟住再去抽針驗,但都係抽唔到有
癌細胞,最後醫生都係決定開刀睇下係什麼,
好彩最後証實係普通的淋巴發炎.
不過我都係建意你去試下"剌針",睇下係咩黎
好d.

私人傳訊

jesskwok

洋房

積分: 71

4^#

發表於 05-9-9 22:29 |只看該作者

Re: 有冇人試過淋巴漲大似粒大話梅？

多謝你魚生,
粒野ｏ吾痛,又ｏ吾會走,半硬的,不至於硬到石頭.

個醫生係同我講:粒野吾收細,你就死啦...
我在新都綜合醫務中心,集團式,專科,牙科咩科都有,成十間以上,主要在新界區...

詳細對話其實大概係:

（由於我係睇左全科醫生,由該位醫生寫紙轉介看專科,於是那位專科醫生睇完封信之後咩都冇講就話）
寫紙你上醫院檢查,你有冇買保險,住院之類...
我答:有冇買都要檢查
然後醫生答:因為都要幾千蚊不等...
於是我就問有關病情,因我心想,假如並非急性,可考慮去政府驗...
我問佢如果係感染，２星期會好得番？
醫生答，如係感染，會好得好快．．．於是，我便做了決定，叫佢轉介我去公立（因我想睇多２星期，可能冇事呢）
醫生望望我，話，我地醫生ｏ吾會ｏ甘快同你講CANCER，會嚇死你，但病情好難講,可以好多變化,如果粒核起只係一個禮拜 ,cancer機會係微Ｄ，可以開住一個禮拜藥，但如果２星期都ｏ吾收番細，ｏ甘你就死喇，你拖左自己時間！

我已排左政府，排到出年８月尾，唉∼
假如２個禮拜都有大冇細，我都會去私營醫院睇．

呢幾日狂上網睇有關淋巴漲大的原因，
全部都話冇痛的淋巴核漲大，有可能是淋巴癌，因為其他感染都會痛的，而最可怕是惡性果隻可以在半年至２年內令病者死亡．．．

其實我完全吾知粒野幾時開始有，發現就係約一星期，
都真係有ｄ吾安樂同緊張．

所以各位得閒無事都要周身摸下自己．