吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 我番左黎喇~~

懷孕前後今日: 5|主題: 330355

收藏本版

發帖

返回列表

跳至頁

查看: 1104 | 回覆: 14

我番左黎喇~~ [複製鏈接]

kawai928

子爵府

積分: 14359

好媽媽勳章醒目開學勳章

1^#

發表於 05-11-21 21:19 |只看該作者

我番左黎喇~~

好掛住BK同大家呀~

其實尋日都番左黎架喇~不過有好多bb既野要執,又要同老公果邊d人食bb餐滿月飯,頭先又要出去買bb個沖涼盤,所以好懶,攪掂晒所有野依家先上黎say hi囉~~
哈哈...我駛唔駛報告下我傻臭B個情況比你地知呀??

P.S*我想改左個大頭照佢...但點解我上傳唔到既... ?-(

私人傳訊

callymum

男爵府

積分: 8706

2^#

發表於 05-11-21 21:36 |只看該作者

Re: 我番左黎喇~~

kawai928 ,
hihi~

記得我嗎?
你個bb係囝or囡?

私人傳訊

anny18

大宅

積分: 1326

3^#

發表於 05-11-22 01:04 |只看該作者

Re: 我番左黎喇~~

你番黎喇! 恭喜晒呀

係呢你果日入院既情況係點架?

同埋梗係要報告下你個BB個情況比你我地知啦

kawai928 寫道:
好掛住BK同大家呀~
其實尋日都番左黎架喇~不過有好多bb既野要執,又要同老公果邊d人食bb餐滿月飯,頭先又要出去買bb個沖涼盤,所以好懶,攪掂晒所有野依家先上黎say hi囉~~
哈哈...我駛唔駛報告下我傻臭B個情況比你地知呀??

P.S*我想改左個大頭照佢...但點解我上傳唔到既... ?-(

我的相片璁璁@BabyFace我o係05年12月14日出世o架 ! !

私人傳訊

m琳琳

伯爵府

積分: 18962

4^#

發表於 05-11-22 01:07 |只看該作者

Re: 我番左黎喇~~

kawai928 :
恭喜妳~
妳bb個樣好似好大個咁~

私人傳訊

大白兔

大宅

積分: 3263

玩具勳章畀面勳章 BK Milk勳章 hashtag影視迷勳章

5^#

發表於 05-11-22 01:10 |只看該作者

Re: 我番左黎喇~~

hi,kawai

你好呀,成個幾月冇見喇,
你同bb好嗎?
報告下你生bbo既情況丫,
你亞b依家幾大呀?幾重呀?
佢好似好多頭髮咁喎,
仲幾抵打咁潻,恭喜,恭喜!

私人傳訊

kawai928

子爵府

積分: 14359

好媽媽勳章醒目開學勳章

6^#

發表於 05-11-22 13:48 |只看該作者

Re: 我番左黎喇~~

嘩...好彩重有媽咪記得我喳....hehe~~

ok,咁等我簡略咁講一講係點啦~(我驚我口水多得滯,所以要簡略d...hehe~)

10月10號：
下午2:00我發覺有見紅既情況,之後沖埋涼,洗埋頭,執下野,打電話通知老公同媽咪我會入醫院~
下午5:00我去到瑪嘉烈產房,一入去就攪下手續,問下野,,比佢地check下,之後就唔比行,訓起張床度比人推左上產前房~
下午6:00度上到產前房,又係檢查下之後就冇野做...成晚都冇動靜會生得,不過就一路有見紅,但又唔係好多,只係少少咁樣,係去完toilet抹先有果隻~
之後就一覺訓天光~

10月11號：
上午7:00就比人嘈醒左喇~食野果d啦~
上午8:30度我專登我一次toilet睇下重有冇見紅...點知連抹都冇紅出現...心中就諗住一陣問下醫生可唔可以出院(因為醫生好悶

)
上午9:20度醫生睇到我隔離床喇,心中重諗好晒一陣問佢可唔可以出院果d野...點知突然feel到下?面有好多一pet pet既野湧出黎既感覺~即刻話比姑娘知...醫生即刻過黎睇如同內檢啦...之後佢地講乜我當然唔知啦~我淨係聽得明醫生話[2 finger]...咁我以為已經開左2度粒~之後佢地即刻叫d"姐姐"推我落產房~
上午9:30我落到產房,咁好多助產士入黎幫手攪我d野...又聽到佢地鬧個醫生...話1度都未開,2 finger之嘛,咁快推落黎...

,之後幫我博機check住bb心跳呀咁樣...之後又係等...因為我未開始痛~
上午11:25我開始feel到下面既後面,近尾龍骨果度有d痺痺地同陰陰痛~但唔定時既~~之後一個人o係間房度...等等等...聽到出面助產士講笑...好鬼大聲

下午3:40我計到自己開始10分鐘痛一次...期間我聽到幾個媽咪生左...第一個重係咁比醫生鬧...應該係自由行...生果陣講晒粗口咁,醫生鬧佢鬧到好大聲...我聽到之後好驚自己會比人鬧...心中叫自己一陣一家唔好叫...唔係死梗 ?-(
下午5:30探期,我已經5,6分鈕9痛一次了~老公黎左先...黎到問我野咁囉~我話比佢知依家好痛~但佢話一陣6:30要番工part time...真係想喊...
下午6:00度我兩個E媽黎左...我見到佢地即刻好想喊,因為我果時已經好鬼痛...佢地係咁講話知我辛勞果d...攪到我心中諗...終於有人知道依家好鬼痛...
之後佢地出去先,媽咪同daddy入黎...我可以話比大家知,我好鬼冇用,一見到佢兩個我就即刻忍唔住喊左出黎... :-(
之後助產士入黎問我要唔要做無痛果d,我同老公,媽咪都話唔做無痛...要諗下打唔打止痛針先,因為我媽咪話依家唔係算好痛架喳o係成個產程入面~
下午6:20我都係頂唔順,我平時都ok忍得痛,但我今次真係忍唔到,後面條骨好痺,痺到好痛,所以要求打止痛針,但原來唔係打手臂架...係打petpet既...助產士話打起肌肉會快d見效~
打完針佢話會冇咁快有藥力,就比左笑氣我,叫我痛就大力吸一下,又大力fool一下~
下午6:30...我老公要走喇...好唔開心...但冇辦法,我知佢都唔想...我見到佢呢...佢見到我喊佢就黎都想喊埋一份喇...
晚上7:00因為本來我媽咪daddy細佬妹係同我矽個E媽一齊食飯既,所以兩個E媽同我daddy走先睇住d細路...
我媽咪都話去食完飯先番睇我架,但我要求佢唔好走o係度陪我

之後佢當然會o係度陪我啦~~我吸左好多笑氣喇,但我可以同佢係咁講笑囉...我懷疑自己傻傻地... ?-(
晚上7:30探期完喇...媽咪要走...佢話會起出面等到我生!!!之後個人已經迷迷糊糊,我諗大概8:00度(因為助產士話除左眼鏡好d,所以我睇唔清楚床尾個鐘)我聽到助產士話我2,3痛一次喇~痛得好好喎...

同埋已經開到3度~
之後我好肉酸,因為好痛好痛好痛!!我竟然係咁張張床個木床欄係咁搖,因為之前探期助產士佢...佢放番好我個救命鐘...但之後...冇放番落黎...我叫唔到佢地...所以係咁搖果舊木欄...攪到比人鬧...
晚上8:45度啦我諗...我真係好痛喇,好似有好大舊臭臭要屙出黎咁,我又起勢咁搖舊木欄,之後又比助產士話...但我話唔得呀,今次真係好痛,好似想屙屎咁呀!!好似出緊黎喇~~
之後佢就幫我內檢,我聽到佢話...哎呀,生得喇~~之後就幫我穿水...一穿左水...好鬼痛丫!!!!!!!!!!!!!!!!! :-(
點生我都唔識講喇...總之好辛苦!!!!!!!不過我分享下,我知道自己幾時比人剪左,因為佢擺定把較剪o係下面時我feel到喇~
同埋係唔痛個囉~~知道佢剪左,但係係冇感覺架~~
晚上9:38...我隻可愛既臭b仔出左黎喇!!!!都重成3.29kg~助產士抱比我睇...我第一時間係話...點解唔似我既...

助產士話,哈哈,唔係丫,幾靚仔丫~~之後係話,點解咁多頭髮既...助產士話,係呀,我頭先都話見到個頭頂,成個都黑mi蚊蚊既~~
之後就幫bb打左d針,同埋要特別打左一支解毒針,因為我打左止痛針唔夠4個鐘就生左bb出黎,一定要打既~~
我之後重即刻睇下自己個肋骨位...因為醫生頭先好大力係咁一下一下咁"uut"我...幫我頂住胎盤同推bb出黎...嗚嗚嗚...比佢"uut"到"於"晒...好痛~
之後我打比番緊工既老公,我話生左喇...佢第一句問我,我好鬼記得,唔係問我有冇事...而係：生左喇,仔定女呀??

個死佬....

晚上11:00醫生終於黎同我聯針喇...個醫生傻傻地架,之前佢幫我抽血同插吊鹽水果支針,係咁同我講...叫左你唔好生架啦,咁痛,自己攞黎既...點解我同你講野你唔應人既...嘩...果時我未開始痛...唔想同佢講野,係好想打佢... :evil:
之後黎幫我聯針...佢係咁專登狂打喊喎,扮眼訓嚇我,又話我唔彩佢...雖然我果時成個人冇晒力,連講野都冇力,但我實在忍唔住...我話:醫生,你係咪見我細個所以諗住我好多精力同你玩呢...跟住佢望一望我...之後就冇出過聲,又冇扮過d乜野...唉...20幾歲既醫生...真係有d令人信唔過既感覺~

但佢好快手...10分鐘同我聯好過傷口喇~
晚上12:00度我比推左出去上產後房...見到媽咪同老公,媽咪重見到bb tim,因為bb之前推上去沖涼果d~同埋原來老公收左工就仆過黎,不過就見唔到bb囉~~因為佢岩岩就係遲左5分鐘...
我訓起床見到佢個樣...開心到口水都流晒出黎咁呀...哈哈~~

好喇,講住咁多先,產後房果d 23號番黎先講過啦~
因為我依家要番去瑪嘉烈交住院d錢(因為出院果日係等老公接,晚上所以比唔到,之後又番左去媽咪度,費事專登釉去交,所以依家先去囉...都係懶啦因為:mrgreen: )同比番張出世紙copy佢地呀~~
之後我又會起媽咪度訓,因為我之後同bb起牛頭角健康院登記,book左我23號上午9:00番去做產後檢查,如果起呢度出去,我上午6:30要起身喇,又要轉車~
所以23號果日/果晚番黎再傾過啦~~
我好多好多野想同你地講呀~~~hehe~~

私人傳訊

wkchoy

伯爵府

積分: 18101

7^#

發表於 05-11-22 14:46 |只看該作者

Re: 我番左黎喇~~

恭喜晒呀

簡短得黎都好詳盡

睇完我都驚驚地，好似好痛咁

私人傳訊

Gmajor

別墅

積分: 855

8^#

發表於 05-11-22 14:49 |只看該作者

Re: 我番左黎喇~~

Hi kawai928, 恭喜您呀！睇到我眼濕濕添，好感動，不過最緊要調理好身體。
我好怕痛架，睇晒成個過程，有d驚 ~

私人傳訊

kakyu

別墅

積分: 878

9^#

發表於 05-11-22 15:23 |只看該作者

Re: 我番左黎喇~~

我睇完好感動但我好驚啊!到時真的點好啊!

晴晴私家blog入黎交流下

私人傳訊

m琳琳

伯爵府

積分: 18962

10^#

發表於 05-11-22 15:45 |只看該作者

Re: 我番左黎喇~~

kawai928:
有樣野想問,點解晚上9:38生左b,但係要等到晚上11:00先幫妳聯針既??妳果個幾鐘訓喺產房做咩呀??妳傷口係咪冇人理過呀??
我果時生完即刻聯針ga,即刻處理ga,妳有冇問過醫生點解咁耐,同埋怕唔怕會有細菌入左去呀??

私人傳訊

kawai928

子爵府

積分: 14359

好媽媽勳章醒目開學勳章

11^#

發表於 05-11-23 23:03 |只看該作者

Re: 我番左黎喇~~

m琳琳寫道:
kawai928:
有樣野想問,點解晚上9:38生左b,但係要等到晚上11:00先幫妳聯針既??妳果個幾鐘訓喺產房做咩呀??妳傷口係咪冇人理過呀??
我果時生完即刻聯針ga,即刻處理ga,妳有冇問過醫生點解咁耐,同埋怕唔怕會有細菌入左去呀??

下...咁又冇問喎...聽d姑娘係度講...好似如一時間都有幾個生呀...所以我生完...都要等一陣...
果陣皇邊有氣力諗有冇細菌呢樣野丫...
因為我之前係連一個關於產程既講座都冇聽過...而且o係pet pet度打左止痛針...我開頭係唔識用力架,即係我feel到好痛,但我對腳係自己出唔到力架...比佢地係咁話用錯晒力呀...而且我都聞左好鬼多笑氣...所以我一生完...已經累到講野都講唔到...生到臨尾果時我都累到唔想再屙.但佢地話唔屙bb就會有事架喇...咁我就係聽到佢地咁講...就唔知邊度比d力我...我一屙就屙左bb出黎喇~~
我係累到醫生黎同我聯針...佢話助產士冇幫我清一清d血先...之後...我好鬼記得...佢就咁用隻手o係我下面隊出隊入咁清D血出黎...係好痛,但我已經冇力去理喇...