論盡家傭 今日: 2 | 主題: 134001

積分: 1230

1^#

發表於 06-1-14 10:50 |只看該作者

我需要一些安慰

我o係亞女18個月時炒左個衰印, 咁即番個乖樣既, 都知會蠢d架啦, 諗住算啦, 乖乖地咪仲好, 請工人姐, 唔使太醒目既.
咁佢的確係比較乖既, 而且又錫我個女.

咁做左兩三個月後, 我意外懷孕. 咁諗住佢都ok 既. 平時我都冇點理佢, 諗住佢o係香港做左幾年, 咩都自動波架啦.

點知有一日, 我發現bb d 奶樽有黑色漬, 咁緊係即刻話佢啦. 自此之後, 我就開始check 緊番佢d 野. 咁就緊係成日都有錯, 話極都冇記性.....之後.....惡夢開始.....

咁我d 脾氣開始黎啦, 黎下黎下, 真係插到佢狗血淋頭. 我懷疑自己可能有d 產前抑鬱添呀, 我真係頂佢唔順啦..................

我插佢, 老公可能覺得我太過份, o係工人門人好惡咁話我. 攪到家嘈屋閉. 咁我咪仲憎個工人law, 對佢仲衰d 添. 不過有時插得佢好勁, 我個心都好難受, 我真係控制唔到自己既情緒啦. 佢一有dd 錯, 我就不停係咁插佢.

有一日我走左去搵新工人, 去過好多間agent. 搵左成日, 我決定唔炒佢, 留佢o係度, 因為原來我個心都係想佢o係度做既, 同埋重點我個女都好跟佢, 阿女開始大啦, 而家兩歲啦, 我驚佢要重頭跟個新工人會唔慣. 咁決定自己改過, 唔再話佢, 睇開d. 加上知道佢真係好驚我同變到好唔開心, 我都好過意唔去.

咁就好左個幾禮拜, 都幾好咁, 我忍得都忍. 終於有一日, 佢又做左d 好唔合理既錯, 我又插佢一輪. 之後我又變番一個衰人喇, 係顛婆先真. 我個肚六個月架啦, 我真係驚自己個肚頂唔順呀, 壓力好大, 大都不得了.

知道自己一定要繼續用佢, 但係見到佢又會勁憫, 一方面又覺得佢慘. 有時見到佢蠢到死又驚佢湊唔掂兩個, 老公唔係太明白我. 只係覺得我成日因少少野就插佢.

其實我知架, 我明佢o係咁遠地方黎到香港打工, 仲要比人蝦係好慘. 我都知自己有時真係好過份. 不過我唔知點解控制唔到, 我咪對住個工人喊law, 叫佢唔好再整嬲我啦, 我真係頂唔順啦.

我有段時間想催生個bb, 咁咪唔使煩湊兩個既問題law. 我真係好唔開心, d 心情好差, 為左個工人攪到自己咁樣, 好唔值.
但係我真係唔想個女要識應新工人.

唉, 唔該你地安慰下我, 等我個心舒服d. 我再一次決定唔再話佢架啦, 因為琴晚我喊得好勁, 我真係唔想再咁樣落去啦. :-(

私人傳訊

flyingmom

積分: 2652

2^#

發表於 06-1-14 11:09 |只看該作者

Re: 我需要一些安慰

千祈唔好為工人而令自己及屋企人唔開心！盡量抽一点時間出外逛逛，約朋友飲茶、傾計，同朋友溝通好重要，可以乜都講，有時有的老公係唔会明。其实妳工人有的乜嘢唔啱妳心水要成日插佢呢？或者妳提出來我哋可以俾的意見，或者可以令妳覺得好的！

p.s不如星期一至五1000-1300聽香港电台第二台'風騷快活人'会好開心架！

私人傳訊

JRMAMA

洋房

積分: 230

3^#

發表於 06-1-14 11:18 |只看該作者

Re: 我需要一些安慰

係呀, 唔好為o左工人的問題而唔開心, 有產前/產後抑鬱就唔好啦. 或者睇吓bb出世後, 有冇屋企人可以幫到你?

私人傳訊

積分: 1230

4^#

發表於 06-1-14 11:22 |只看該作者

Re: 我需要一些安慰

有就唔會咁煩啦, 我上一胎都攪到好耐先穩定D咋.
產假得十個星期, 加埋大假都係多一個星期. 唉.......................................................... :-( 我越諗越煩呀
連o係公司都冇咩野講添呀

私人傳訊

bosco_shop

複式洋房

積分: 276

5^#

發表於 06-1-14 11:24 |只看該作者

Re: 我需要一些安慰

其實我唔係咁讚成小小事就換工人, 但你衣家有左bb, 最緊要心情好, 如果你覺得人夾人緣, 佢喺你屋企係"dud"眼"dud"鼻, 咪炒左佢囉。
個工人又唔會同你打死一世工, 你個囡囡遲早都要適應過新生活。
唔好令屋企人唔開心。

晉熙媽咪

私人傳訊

JRMAMA

洋房

積分: 230

6^#

發表於 06-1-14 11:27 |只看該作者

Re: 我需要一些安慰

o甘佢有乜嘢唔啱妳心水要成日比你話？你話完佢之後, 佢有冇反應?

私人傳訊

tssm

積分: 617

7^#

發表於 06-1-14 11:35 |只看該作者

Re: 我需要一些安慰

ginnieginnie,

你唔好影響個胎呀!你要經常笑架.

你不如試下每次個工人有咩唔妥,就叫你老公去話個工人囉,等佢知道handle工人係點辛苦既工作,我依家都係咁架,有咩野就同隻死佬講囉,叫佢去

私人傳訊

積分: 1230

8^#

發表於 06-1-14 11:38 |只看該作者

Re: 我需要一些安慰

如果真係炒左再請, 起碼要2月尾3月先黎到, 要湊個兩歲之餘. 之後一個月bb 就會出生, 我驚唔夠時間呀. 真係真係好驚呀, 我一諗到咁樣盲會放棄炒工人.

同埋我話佢o個陣, 佢咪碌大隻眼望住我law. 講對唔住呀, 知道, 唔好....我聽到佢把聲就憎. 有時佢會忍唔住即埸喊出黎添. 有時真係好憎佢, 但諗深一層又唔知為左咩架wow. 所以希望同d 有工人既家長分享心得, 等你地安慰下我.

我要番工, 朋友同d 同事多數單身, 根本唔明一個媽咪既担心. 加上自己本身性格屬於剛烈火爆型, 攪到而家咁樣樣. 而家打緊字諗起都想喊呀, 淒涼................................. :-(

私人傳訊

tssm

積分: 617

9^#

發表於 06-1-14 11:44 |只看該作者

Re: 我需要一些安慰

ginnieginnie,

你個工人真係唔使炒住架,佢都係蠢d

私人傳訊

ganbare

侯爵府

積分: 22928

好媽媽勳章醒目開學勳章畀面勳章環保接龍勳章親子達人勳章

10^#

發表於 06-1-14 11:48 |只看該作者

Re: 我需要一些安慰

ginnieginnie ,

首先你成日喊已經對你個bb吾好，如果比你個大女見到都吾好啦，其實你有無問過你婦產科個位醫生有咩可以令你平靜d呀 !?

不如你去cd舖買d releax 音樂番黎聽下 !
重有工人做錯事咪尤佢囉，你鬧佢~你有吾開心，佢又吾開心，家嘈屋"bai" ，為咩姐 ?????
有d咩吾開心就話比我地聽，ok !

私人傳訊

JRMAMA

洋房

積分: 230

11^#

發表於 06-1-14 11:56 |只看該作者

Re: 我需要一些安慰

好多bk mami 都反映大部份工人好蠢. 好過有d 態度唔好, or 好狡猾.

或者考慮比你個大女讀 nursery , 起碼你工人每日有幾粒鐘淨係take care 個 bb.

私人傳訊

小詠

珍珠宮

積分: 48381

12^#

發表於 06-1-14 11:57 |只看該作者

Re: 我需要一些安慰

ginnieginnie,

我同妳既CASE一樣, 只係我未有第二胎啫。

印印真係蠢得好交關, 都唔明, 好簡單既野都會錯, 仲係常識....我個仔整損了流了少少血, 佢都唔理, 我問佢: 妳個女在家整親會點做? 佢又識講當然要包好個傷口啦....大家話啦, 佢係咪想死呀。

我都好火爆, 見到唔得既野真係產佢上天花板架, 有時都知咁鬧法人都DIN, 佢都係人唔受得既, 但我真係有時都頂佢唔順, 老公有時唔明我都在工人面前同我為呢個工人嘈交, 個工人仲以為先生幫佢, 太太地位不保TIM......

所以我叫老公以後唔好再係工人面前同我嘈, 仲難教工人, 佢而家都無啦, 咩都好,講清楚, 大家就無誤會。

最嬲就係佢有錯唔認, 仲賴三賴四賴埋我同個仔, 真係想食咗佢, 我係咁審佢審到佢無聲出唔夠我講, 佢先識講: 對唔住係我錯啦! 但個樣仲係唔順超個隻。

所以請工人都係想通D, 佢只係工人, 又唔係同佢一生一世既, 妳只需要勞役佢就夠啦, 佢蠢定精, 唔關妳事, 係關佢自己同佢亞媽事, 我地唔駛負責教精佢, 成日無記性同唔細心, 就日哦夜哦。

昨天我買野回到家見到亞仔訓咗無蓋被, 工人就話有蓋係我個仔"FU"被, 唔關佢事, 我即刻鬧佢: 唔關妳事唔通關我同個仔事, 蓋一次就算唔駛成日CHECK吓架, 妳估呢度係印尼無冬天唔蓋被都唔會凍死呀.....

真係激死人。

所有遇見，皆有因果
要是每個人都懂你，那你得有多平凡

私人傳訊

積分: 1230

13^#

發表於 06-1-14 12:00 |只看該作者

Re: 我需要一些安慰

我都知.
我本身份人係燥底, 不過對工人都降低晒要求. 但係自從有左之後, 同埋佢整到bb d 水樽同奶樽有黑漬之後, 我真係性情大變. 唔係一點黑色, 係成個水樽蓋底都係黑色發mo 咁wow. 咁我咪顛law

顛顛下咪變到而家咁law, 又惱又憫又唔開心.

有時諗開左d, 但係一番到屋企一見到佢d 錯野, 我又唔記得晒. 又會憎到佢死架喇.

其實我係咪真係要炒左佢, 先至會平靜落黎呢. 再向現實諗深一層, 答案話比我知唔係law, 可能將會更多野煩.

由今日起, 要放低對佢既偏見. 一定要做到, 一定要......

私人傳訊

mymelody2003

男爵府

積分: 8641

14^#

發表於 06-1-14 12:10 |只看該作者

Re: 我需要一些安慰

ginnieginnie: 我囝囝都係2歲, 雖然我唔係大肚, 但我的情況都同你一樣, 諗住工人可以自動波去做野, 咪開始放鬆囉, 但係唔CHECK就冇問題, 一CHECK就好多問題, 因為工人係唔會有主動性的, 佢現你放鬆咪開始LAZY囉, 起初如果我CHECK到有問題的我都唔會即時話佢, 諗住佢今日唔記明天可以記得呢 ~ 結果係唔會的, 一定有問題即刻同佢講, 但變相令自己精神緊張, 成日唔開心, 你估罵人自己激氣咩, 又要成日對住佢, 自己的小朋友又要比佢湊, 真係唔驚就假, 但自己又忍唔到唔罵佢, 因為有些事係佢基本要做的怎可能做錯或唔記得呢!! 呢一點成日令到我都好唔開心, 咁老公見到咪話叫我睇開D唔好要求咁高, 小小事就唔好罵同佢講就算啦, 唔想搞到家嘈屋閉咁, 起初我都會有咁樣的耐性, 但日子長了就覺得佢重覆地犯錯真係好嬲就會越罵越過份, 有時自己都控制唔到

, 但老公都係唔諒我, 我就叫佢試下HANDLE工人一個月, 你就會知點解 ~ 可惜佢太忙了無可能咁做:-(

你依家大肚, 咁激動法對BB唔好架, 你試下叫老公去HANDLE工人啦, 一來可以比佢試下有幾嘔血, 二來自己可以出多D街行下, 放工SHOPPING一陣才回家, 等自己可以RELEX下, 返到屋企的感覺會好D (我試過為左工人唔想返屋企, 覺得見到佢就係壓力); 既然身邊冇人諒解自己, 多D上來傾下啦, 實會有人明白你的 ~~ 記住自己要開心D呀

私人傳訊

積分: 1230

15^#

發表於 06-1-14 12:25 |只看該作者

Re: 我需要一些安慰

係呀係呀, 你咪同我完全一樣law, 簡直係一樣. 我又係唔想o係屋企, 但係又想同bb 玩, 同埋大肚放工之後已經好累, 仲去得邊呀, 唉.

所以我要求奶奶多d 上黎, 等有個人o係度會分散d 注意力. 不過我奶奶始終都有自己既家, 唔可以成日黎.
所以一番到屋企就好大壓力, 忍唔住咪喊law.

個工人一味話以後會記住記住, 記左之後第日又咪會做埋d 好似你話齋基本野點會做錯既野, 改左一樣又衰第二飯.

唉, 真係冇陰公law :-(

私人傳訊

妤妤

男爵府

積分: 7009

16^#

發表於 06-1-14 12:46 |只看該作者

Re: 我需要一些安慰

ginnieginnie

你忟憎, 好大可能係你有咗 bb, 又要返工又要護住個大囡.

放鬆 d 啦, 唔好為小小野動怒, 對bb 唔好, 亦會影響家人感情.

其實唔會有一個工人可以做野做到完全如我地要求及理想, 只要唔係太過份, 就算啦, 要學識隻眼開隻眼閉. 試問自己返工做野, 都肯定唔會 100% 合老細要求, 如果吓吓老細都閙你, 你都會愈做愈唔開心啦.

工人做錯野, 你話佢一次, 講番你要求, 再觀察吓有冇再錯, 再錯至用 d 再肯定的語氣再講. 當係係公司教下屬, 都唔會下下插佢啦.

**************************************** 芍妤bb 10/11/2004 在聖保祿醫院出世，體重 2.6Kg。 ****************************************

私人傳訊

cacarol

積分: 775

17^#

發表於 06-1-14 12:57 |只看該作者

Re: 我需要一些安慰

千奇,千奇,千奇記住,記住要放鬆 d

私人傳訊

siuwa

積分: 1824

18^#

發表於 06-1-14 12:59 |只看該作者

Re: 我需要一些安慰

我就覺得最大問題係佢老公唔應該幫個工人, 講真佢愈幫d火就愈

. 我以前有第2胎時都比個賓賓激到 :-( :-( , 不過老公就

個工人, 話如果佢再激我就炒佢. 之後佢先改善少少, 不過d工人係好左一排又會返發, 慢慢你就會睇化, 唔係太大問題我都會算, 費時激死自己

私人傳訊

積分: 1230

19^#

發表於 06-1-14 13:08 |只看該作者

Re: 我需要一些安慰

係lu, 佢幫個工人, 點知攪到我地嘈左成晚, 佢好惡成. 攪到我第二日眼腫腫咁番工, 之後唔開心左好耐. 因為真係嘈得好勁.
佢好耐冇咁惡對我, 就係因為呢個蠢人. 所以仍成有一種憎佢既感覺.

之後老公見我咁, 驚我會抑鬱, 咪冇咁幫工人law. 同埋叫我睇開d, 是但ok 就算.

而家咪學習當中, 所以上黎呢度想多d 人分享我既感受同攞d 心靈上既安慰.

我睇到你地既回覆我個心會好d, 同埋睇多d 人地既心得, 等自己學多d 點睇開d

私人傳訊

Merrill