本帖最後由 usakumya 於 13-1-22 04:36 編輯
mimics218 發表於 13-1-21 14:50 
我小朋友由4歲開始學到5歲一年幾, 仲係填色出界,老師派回來一幅畫, 問佢學畫左咩, 就話唔識畫, 我老公嘈畫 ...
我唔係專業人士，只係鍾意畫畫。以下係我既意見：
你小朋友得５歲，你對佢有咩期望？繪畫技巧？發揮創意？用繪畫表達自己？
所有小朋友都係天生既藝術家，留意係＂藝術家＂，唔係乜都識畫仲要畫得似果Ｄ，果Ｄ唔算係藝術。
如果你期望佢乜都識畫，期望佢有繪畫技巧，我建議你等佢１０幾歲先比佢去學。
以前我大部分同學細個完全唔識畫畫，１６丶１７歲先學，學半年已可以畫得好靚好似。
但上到大學教授要求大家放低所有技巧，學小朋友咁畫畫，點解？
因為成年人畫畫過份考慮別人既感受，忘記左尊重自己既意願同想法。
只有小朋友才能夠無拘無束用顏料表達自己，佢地既畫最能直接表達自己既心聲。
而你卻準備限制佢，唔比佢表達自己，要求佢做你想佢做既野。
佢只有５歲，手部肌肉都未發展成熟，執筆都未掌握得好，佢可以畫得有幾靚？期望佢識構圖要求實在太高，對成年人來講都太難。
小朋友學野係需要大量INPUT先會有OUTPUT，大人一眼望完就識畫，因為你已經見過類似既野好多好多次，腦裡已有記憶。
而你既小朋友腦裡係冇呢種深刻既記憶，需要時間去BUILD UP
５歲正係好奇心旺盛既時候，你應該陪佢多Ｄ觀察身邊事物，而唔係一味要佢畫出來。
佢畫到出來證明佢細心觀察左好耐，你應該多Ｄ稱讚丶鼓勵，咁樣佢先會更有動力去多Ｄ觀察。
而我完全唔明白填色唔出界有咩意義。訓練色感？運筆？
訓練色感有好多方法，你可以比唔同顏料佢自己EXPLORE，比佢嘗試溝色丶上色
試得多佢自己會摸索到點樣配搭先可以有理想既效果，點樣可以溝到唔同既顏色。
用填顏色訓練運筆係冇意義既，想油得平均整潔，係同手部肌肉運用有關，隨著年紀增長丶運用得多自然會油得靚。
有Ｄ小朋友油得特別靚唔出界係因為佢肌肉運用得比其他小朋友好。
你想訓練佢既話唔應該用填色來框住佢，多Ｄ比機會佢拿畫筆丶顏料畫自己喜歡既野更實際。
填色既意義對我來講，在於享受過程，小朋友可以自己決定顏色，創作獨一無二既野。
佢選擇既顏色同時反映左佢既內心，建議你唔好干預佢既選擇
我會介紹你睇一本書：我在法國養小孩，裡面有提及法國人好重視幼兒心理，佢地好欣賞同重視幼兒既畫作。
雖然唔係最好既一本，但呢本書可以比到我啟發。
希望你唔好咁攻利咁去諗畫畫呢件事，唔好諗住攞獎丶同人地比較丶升學有優勢之類。
否則只會抹殺佢既創意同埋思考能力。
你要明白抄畫丶臨摹係冇意義既，要抄大把人抄得到。
想似可以用相機，想填色唔出界可以用小畫家油桶倒色。
但個人風格係其他人冇辦法抄襲，你既思想同意念先至係一幅作品既神髓，冇野可以取代。
所以唔會話有人有天份有人冇天份，只在於佢有冇動力去透過一Ｄ顏料丶物料既排列丶組合，來表達佢想表達既野。
你應該問下小朋友畫室上得開唔開心，留意畫室能唔能夠啟發到小朋友既創意。
多d鼓勵佢創作，同時尊重佢既作品。
七個月成功從全奶粉轉為全人奶，nothing is impossible！
get rid of formula, normalize breastfeeding
發表於 
返回列表
