吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 你亞哥同亞嫂係咁，你地會點？

夫婦情感今日: 9|主題: 42727

收藏本版

發帖

返回列表

跳至頁

查看: 2244 | 回覆: 8

你亞哥同亞嫂係咁，你地會點？ [複製鏈接]

靚靚靜媽媽

複式洋房

積分: 162

1^#

發表於 07-5-14 11:05 |只看該作者

你亞哥同亞嫂係咁，你地會點？

我亞哥同亞嫂結左婚7年，但兩年前已分居…

其實我哥同呢個女人拍拖時，根本無人鍾意佢，佢癡線架，晚晚都一，兩點打黎我屋企，跟住就同我哥嘈交，響到鬧我哥，我哥有同佢講話我地訓晒覺，叫佢唔好咁夜打黎，佢都唔聽。我老豆每日零晨四，五點就要起身返工，晚晚都嘈到我老豆訓覺，有晚我老豆直頭拎起個電話鬧佢，跟住好過一排，但之後又係咁。

終於佢地因為有左BB，而需要結婚，當然所有酒席，洗費都係我亞媽俾錢，就算佢兩個一齊 "look" 咭既咭數，都係我媽幫佢地找埋，加埋都有十幾萬。佢兩個一樣咁大洗，特別我亞嫂，做成6千幾7千蚊人工既工，就走去買成6千蚊既名牌手袋，您地話，點養家？而個BB就由我媽湊，返幼稚園 - 小學，由沙田到銅鑼灣，日日如是。佢地連家用都無俾我亞媽，淨係俾BB既學費。我地跟我哥同嫂唔係一住的。

佢地結左婚五年期間，其實都成日鬧交，點知有一日，我亞婆唔響度，我哥去完醫院，返到屋企，個八婆張我哥D野掉晒出走廊趕佢走！自始我哥就搬回我地屋企住。個八婆連個BB都唔洗我地湊。雖然我地真係唔知佢地兩個為咩嘈而令到佢要咁做，但係我婆係我哥最錫既人，佢係咪應該顧及下我哥感受？

佢地分開左之後，我哥有試個同佢挽留，但佢就吊高黎買，以為自己好重要，我哥無佢唔得，我哥一打去，佢就鬧。個八婆不但無檢討自己錯咩？仲要打電話週圍同人講係我屋企對佢唔住，話我地對佢唔好，佢自己有幾慘，響我地屋企幾受氣？(初初結婚時，佢地係同我地一齊住的。有日佢病，我老豆特登落街買碗粥佢食，佢食都無食到，成碗掉落垃圾筒，仲要俾我老豆發現，咁邊個對邊個唔好呀？)…因為佢打俾我舅母，舅母當然同我地講返啦，因為舅母知我地無咁樣對過佢。

依家分開左兩年啦，都唔肯去攪離婚，我都唔知佢地想點？但八婆到依家仲係成日同人講我地屋企對佢唔住，我真係唔明，佢咁做有咩目的？
依家唔肯攪離婚既係佢兩個，問心，我地真係無做過D乜野對佢唔住。不過我身邊既朋友，第一眼見到佢，都話佢唔好。之前我都會同D朋友同佢一齊食飯，因為我會帶BB同我朋友出街，但次次食飯，佢都扮晒野唔俾錢，有時買野又話無帶錢，張咭爆左叫我俾住先，到頭來都係無俾返錢我既，我都算啦。我亞媽真係貼錢幫佢地湊BB，唔該，多謝都無句，佢仲想我地點？

私人傳訊

kila

洋房

積分: 234

2^#

發表於 07-5-14 11:26 |只看該作者

Re: 你亞哥同亞嫂係咁，你地會點？

搵6 . 7 千一個月，都走去買一個咁貴既袋？怕且都是一D洗腳唔抹腳的人，莫講話養頭家，淨係叫佢養自己都唔掂喇!!!

但你阿哥都唔抵掙，明知呢個女人係咁，成家人又唔like佢(個女仔)，一早就應聽你們勸啦。不過....男女感情好難講，唉....我都明白。但既然成2年都係咁喇，你阿哥仲要等什麼呢？他們都不是一起生活，咁只是一對有名無實的夫妻，不如你問清楚你阿哥想點，問下係咪想被呢個女仔一世拖落去？

私人傳訊

靚靚靜媽媽

複式洋房

積分: 162

3^#

發表於 07-5-14 11:45 |只看該作者

Re: 你亞哥同亞嫂係咁，你地會點？

我一哥話依家一見到呢個女人就會起火，所以都唔想見佢。因為佢做既事太黑人憎。
其實佢地已經分左手一個月後，先發現有左BB，我哥又唔想唔負責任，所以先同佢結婚…

呢個女人真係好大口氣，結左婚無耐，仲就成日有人追。到依家仲同我亞媽話話有兩個人追佢，一個係老佬，佢覺得ok喎，不過話BB唔鍾意，所以唔揀。另一個係做生意既，不過自己就唔鍾意喎。作到咁大，邊有人信呀…如果係咁，點解佢唔自己單方面攪離婚？都分居兩年，已經可以攪架啦。

我就話佢仲等緊我哥，以為我哥會心軟。所以想講呢D說話俾我亞媽聽再轉給我哥。其實無用呀，佢既所作所謂，我地全屋企人已經知道晒，佢根本無得返轉頭！

私人傳訊

Irene_BB

大宅

積分: 1660

4^#

發表於 07-5-14 14:22 |只看該作者

Re: 你亞哥同亞嫂係咁，你地會點？

理論上分開兩年巳經可以正式離婚﹐不妨問吓律師﹐你呀哥應該爭番bb﹐因為個女人這様﹐比佢教只會害了小朋友呀

私人傳訊

onon1022

子爵府

積分: 12589

好媽媽勳章

5^#

發表於 07-5-14 14:38 |只看該作者

Re: 你亞哥同亞嫂係咁，你地會點？

其實最重要你阿哥點諗...佢想唔想離婚...只於個女人同其他人講咩...你地可以唔駛理...公道自在人心...佢成日咁同人講...人地聽得多都唔想理...唔想聽...

[url=http://lilypie.com][img]

私人傳訊

靚靚靜媽媽

複式洋房

積分: 162

6^#

發表於 07-5-15 14:45 |只看該作者

Re: 你亞哥同亞嫂係咁，你地會點？

最慘既就係bb好錫佢亞媽，寧願揀同佢亞媽都唔會揀同我地住。bb響佢亞媽面前就永遠扮到好乖，好聽話。依響我地面前就會發脾氣，咩都會頂咀。所以我都唔明點解可以教到個bb做一個雙面人？完全同佢亞媽性格一模一樣。

呢個女人仲要衰到…因為佢地欠我媽錢 (結婚時洗費及幫佢地還咭數，有十幾萬)，所以結婚時所有既金器都放左響我媽到保管，個女人當時當然話無問題啦。前排問我媽

私人傳訊

雲妮彭

伯爵府

積分: 19437

好媽媽勳章

7^#

發表於 07-5-15 15:20 |只看該作者

Re: 你亞哥同亞嫂係咁，你地會點？

靚靚靜媽媽,

原來呢個世界真係有d甘既人..你阿嫂同我阿嫂不相伯仲.同一類人:賤人!

講起佢,我都成把火.....唉,無謂講喇.......不過我最火滾係,佢搬左出去之後,對個仔一d都唔負責任,只係想見佢個仔時就打我哥既手機,call我哥帶個仔出去俾佢見.....我阿哥又係傻既,任佢指點!淨係識得買埋d垃圾零食俾個仔,其他野又唔教...功課又唔問......依家個侄仔,性格唔好,學習唔好...脾氣唔好.....好擔心佢第日變飛仔!

最無辜係我阿媽.同住時受佢氣,睇佢面色,仲要俾佢鬧.依家佢走左,仲要同佢湊仔,一毫子都無俾之餘,仲咩都唔理.又教個仔鬧我阿媽........

正一賤人!好憎呢d女人..係我地女人界既恥辱!點可以甘唔負責任,就算夫妻有咩唔好,起碼都要對個仔負責任啦....真係唔明點解可以甘忍心....唔理個仔既將來發展既呢?:evil:

私人傳訊

靚靚靜媽媽

複式洋房

積分: 162

8^#

發表於 07-5-15 16:52 |只看該作者

Re: 你亞哥同亞嫂係咁，你地會點？

咪係囉，點解d女人可以做到咁？問心，自己真係做唔出。

呢個女人到依家，淨係靠佢份人工養bb，我哥負責bb既所有學費。佢仲有個70幾80歲既老豆養。都可以見親佢地都係著新衫，新鞋。佢點做人亞媽？又要面，又唔衰得。

佢老豆就幫佢照顧個細既，但成日都對佢老豆唔好，郁下都話打爆佢老豆個頭。依家bb都係咁同佢公公講野呀！我都擔心bb既將來。