吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 請問有無奶媽依家開始收工？

母乳餵哺今日: 0|主題: 85706

收藏本版

回覆發帖

返回列表

跳至頁

查看: 1480 | 回覆: 10

請問有無奶媽依家開始收工？ [複製鏈接]

susuki415

洋房

積分: 378

1^#

發表於 08-5-26 01:40 |只看該作者 |倒序瀏覽 |打印

時間過得好快！囡囡已經食咗1年人奶。但最近因去健康院打針時發現佢輕磅(同6個月磅時嘅磅數差唔多

)！但由於囡囡依家係食2餐粥仔，而且係食1個大人碗份量，同埋煲得都幾「杰」！另外，佢依家都瞓得算ok！1晚醒1-2次食奶，然後再瞓，1日加埋午睡，每日都可以瞓到12-13個鐘，都算係食得瞓得，但囡囡依然唔長肉！

依家健康院醫生話怕囡囡身體有問題，怕佢唔吸收，2個月後要返去再磅過，若果都無咩重就要睇專科醫生！

依家奶奶同我阿媽同我c6都話係我d奶唔夠營養，搞到囡囡咁輕，叫我唔好餵人奶！其實佢哋一路都唔贊成我餵人奶，不過我好堅持，但依家佢哋話我唔識湊囡，又硬頸，結果搞到囡囡咁！我好內疚，好唔開心！

我想問吓，如果依家轉食奶粉，邊隻牌子好d？係未日本奶粉會無咁甜同似人奶多d呢？謝謝各位姊妹！

0 0 0

私人傳訊回覆引用

bosch

瑪瑙宮

積分: 128545

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

2^#

發表於 08-5-26 02:05 |只看該作者

去到1歲唔係人奶係輔食品咩? 就算冇營養都唔關事架喎... 食到4號仔奶粉都係少d 營養架啦....

私人傳訊回覆引用

sasasui

大宅

積分: 1822

3^#

發表於 08-5-26 10:11 |只看該作者

原文章由 susuki415 於 08-5-26 01:40 AM 發表
時間過得好快！囡囡已經食咗1年人奶。但最近因去健康院打針時發現佢輕磅(同6個月磅時嘅磅數差唔多 )！但由於囡囡依家係食2餐粥仔，而且係食1個大人碗份量，同埋煲得都幾「杰」！另外，佢依家都瞓得算ok！1晚醒1-2次食奶 ...

人奶係最有營養,無咩及得上人奶,你會唔會向D粥度落手,例加D碎內...魚肉..又或者你同你老公本身係瘦,所以呀女咪似你地囉,我個女歲半啦,一日仍然5支奶奶,我99湊,又無麥食固體食物,只係食菜同麵,粥同飯一定唔食,我都無佢乎...所以你唔好咁擔心,我都後悔咁早比佢介人奶,所以你唔好放棄...

私人傳訊回覆引用

elmolly

男爵府

積分: 7423

4^#

發表於 08-5-26 11:40 |只看該作者

我上個禮拜開始由泵少1次奶 (3次-> 2次), 因為放工晏, 想陪個女多d. 點知奶量少左50%, 睇怕就快要收工

私人傳訊回覆引用

susuki415

洋房

積分: 378

5^#

發表於 08-5-27 00:16 |只看該作者

原文章由 sasasui 於 08-5-26 10:11 發表

人奶係最有營養,無咩及得上人奶,你會唔會向D粥度落手,例加D碎內...魚肉..又或者你同你老公本身係瘦,所以呀女咪似你地囉,我個女歲半啦,一日仍然5支奶奶,我99湊,又無麥食固體食物,只係食菜同麵,粥同飯一定唔食,我都 ...

sasasui,
其實姑娘同醫生都話人奶係最有營養，不過我囡囡自從食咗粥仔後，我d奶量係小咗(我係全職奶媽，所以無泵奶)。同埋我煲d粥仔已經有落肉碎/魚肉及菜及蛋黃，不過我同老公都係瘦(但我生咗囡囡後肥咗)，但醫生話唔關遺傳事啊！因為佢哋由一開始已經叫我餵奶粉(尤其99同我mama)，我堅持咗1年，依家囡囡咁樣，我都唔可以再堅持落去，我已經比我mama日日「鵝」住，話我比唔夠營養bb，我都唔想再爭論，所以放棄呢！

私人傳訊回覆引用

misspiggy

複式洋房

積分: 308

6^#

發表於 08-5-27 15:06 |只看該作者

我同你的case差唔多。亞仔出世時6.8磅，都算標準啦！由亞仔出世到現在(已14個月)都是全人奶。但是磅數都是under最輕磅的3%條線以下，到1歲時(17磅)才算剛剛達標。最終，亞仔都要轉介去看兒科醫生和營養師。當然，老人家都會講下，轉奶粉啦！
當初，辛辛苦苦做奶媽都希望亞仔肥肥白白、健健康康，估唔到效果是與現實不同，仲加上家人的壓力。所以，我都好明白你的心情。
在過程中，我有一些體會能與你分享：

1) 當亞仔看完兒科醫生後，他說只要bb的輕磅不是因為病而影響，並且都有上升的趨勢，便ok，可以做的只有觀察。這樣我便放心了。更何況，我帶亞仔看醫生、營養師、nurse都好，大家知道我餵人奶，我都問過他們需不需要轉奶粉，沒有一個明確表示轉奶粉會好d。-- 不過，如果你擔心的話，可以先找信任的兒科醫生看看。
2) 只要你堅持人奶是對亞女最好的話，要堅持呀！-- 只有做亞媽先可以決定怎樣做才是給bb最好的。所以，決定權在於你，要相信自己。到現在我都係堅持人奶，因為我覺得bb已吃固體食物，他可以在其他地方吸取營養。

好啦！如果你有什麼問題都可以pm我，大家一齊分享！

[ 本文章最後由 misspiggy 於 08-5-27 15:12 編輯 ]

私人傳訊回覆引用

susuki415

洋房

積分: 378

7^#

發表於 08-5-28 01:45 |只看該作者

misspiggy,
多謝妳呀！睇pm啦！

私人傳訊回覆引用

MamaQueen

大宅

積分: 4016

8^#

發表於 08-5-28 12:35 |只看該作者

susuki415, 你不用內疚. 其實吃人奶和輕磅未必有關係, 我姐姐個仔飲奶粉, 一樣輕磅, 可能係你個bb細食.

私人傳訊回覆引用

yanlongma

男爵府

積分: 5016

9^#

發表於 08-5-28 14:34 |只看該作者

樓主，你堅持左咁耐，我估你都係相信人奶是最好的，係咪？
長時間受到家人的反對，相信你都會覺得好難受。
我的意見是，不要放棄母乳住，見一見醫生/營養師先。聽一聽專家的意見，唔好未知咩原因，就話係母乳令到個bb輕磅。
仲有，你睇果個表，係唔係奶粉bb個表呀？who已出了一個母乳bb的表，係版主置頂的項目中，你可以先參考一下。
另外，人的高矮肥瘦，同基因是有一定關係的，父母的身材，對bb是有影響的。
其次，bb已一歲了，母乳已不是主要食物。要增加營養，我覺得應從固體食物着手。
另外，母乳在一歲後，雖然不再是主要食物，但卻仍然給多bb珍貴的抗體，呢樣係咩奶粉都無的。

最最重要，係母乳能給予bb安慰，尤其bb越大，想食奶奶的時候，好多時都唔係一定肚餓，而係想親親媽媽。呢份親密的感覺，我就非常唔捨得喇，你呢？

私人傳訊回覆引用

joannechow1031

大宅

積分: 1953

10^#

發表於 08-5-28 19:25 |只看該作者

susuki媽媽: 面對奶奶日鵝夜鵝,仲聽埋呢d說話, 一定係好心傷, 但係唔好放棄, 其實d 老人家諗嘢係咁固執, 總之足你d唔好嘢, 叫你放棄餵人奶, 我bb一直都係飲人奶, 仲係大碼bb, 我奶奶都照係叫我唔好餵人奶, 6個月bb會唔夠營養, 我都唔埋佢, 只要bb無病無痛就得, 始終我係佢媽媽, 我會比最好bb, 所以堅持!!