母乳餵哺

跳至
   0


洋房

積分: 378


發表於 08-5-26 01:40 |顯示全部帖子
時間過得好快!囡囡已經食咗1年人奶。但最近因去健康院打針時發現佢輕磅(同6個月磅時嘅磅數差唔多 )!但由於囡囡依家係食2餐粥仔,而且係食1個大人碗份量,同埋煲得都幾「杰」!另外,佢依家都瞓得算ok!1晚醒1-2次食奶,然後再瞓,1日加埋午睡,每日都可以瞓到12-13個鐘,都算係食得瞓得,但囡囡依然唔長肉! 依家健康院醫生話怕囡囡身體有問題,怕佢唔吸收,2個月後要返去再磅過,若果都無咩重就要睇專科醫生! 依家奶奶同我阿媽同我c6都話係我d奶唔夠營養,搞到囡囡咁輕,叫我唔好餵人奶!其實佢哋一路都唔贊成我餵人奶,不過我好堅持,但依家佢哋話我唔識湊囡,又硬頸,結果搞到囡囡咁!我好內疚,好唔開心! 我想問吓,如果依家轉食奶粉,邊隻牌子好d?係未日本奶粉會無咁甜同似人奶多d呢?謝謝各位姊妹!


珊瑚宮

積分: 106738

2019新春慶豚圓 2019勳章 開心吸收勳章


發表於 08-5-26 02:05 |顯示全部帖子
去到1歲唔係人奶係輔食品咩? 就算冇營養都唔關事架喎... 食到4號仔奶粉都係少d 營養架啦....


大宅

積分: 1753


發表於 08-5-26 10:11 |顯示全部帖子
原文章由 susuki415 於 08-5-26 01:40 AM 發表
時間過得好快!囡囡已經食咗1年人奶。但最近因去健康院打針時發現佢輕磅(同6個月磅時嘅磅數差唔多 )!但由於囡囡依家係食2餐粥仔,而且係食1個大人碗份量,同埋煲得都幾「杰」!另外,佢依家都瞓得算ok!1晚醒1-2次食奶 ...



人奶係最有營養,無咩及得上人奶,你會唔會向D粥度落手,例加D碎內...魚肉..又或者你同你老公本身係瘦,所以呀女咪似你地囉,我個女歲半啦,一日仍然5支奶奶,我99湊,又無麥食固體食物,只係食菜同麵,粥同飯一定唔食,我都無佢乎...所以你唔好咁擔心,我都後悔咁早比佢介人奶,所以你唔好放棄...


男爵府

積分: 7423


發表於 08-5-26 11:40 |顯示全部帖子
我上個禮拜開始由泵少1次奶 (3次-> 2次), 因為放工晏, 想陪個女多d. 點知奶量少左50%, 睇怕就快要收工


洋房

積分: 378


發表於 08-5-27 00:16 |顯示全部帖子
原文章由 sasasui 於 08-5-26 10:11 發表



人奶係最有營養,無咩及得上人奶,你會唔會向D粥度落手,例加D碎內...魚肉..又或者你同你老公本身係瘦,所以呀女咪似你地囉,我個女歲半啦,一日仍然5支奶奶,我99湊,又無麥食固體食物,只係食菜同麵,粥同飯一定唔食,我都 ...



sasasui,
其實姑娘同醫生都話人奶係最有營養,不過我囡囡自從食咗粥仔後,我d奶量係小咗(我係全職奶媽,所以無泵奶)。同埋我煲d粥仔已經有落肉碎/魚肉及菜及蛋黃,不過我同老公都係瘦(但我生咗囡囡後肥咗),但醫生話唔關遺傳事啊!因為佢哋由一開始已經叫我餵奶粉(尤其99同我mama),我堅持咗1年,依家囡囡咁樣,我都唔可以再堅持落去,我已經比我mama日日「鵝」住,話我比唔夠營養bb,我都唔想再爭論,所以放棄呢!


複式洋房

積分: 308


發表於 08-5-27 15:06 |顯示全部帖子
我同你的case差唔多。亞仔出世時6.8磅,都算標準啦!由亞仔出世到現在(已14個月)都是全人奶。但是磅數都是under最輕磅的3%條線以下,到1歲時(17磅)才算剛剛達標。最終,亞仔都要轉介去看兒科醫生和營養師。當然,老人家都會講下,轉奶粉啦!
當初,辛辛苦苦做奶媽都希望亞仔肥肥白白、健健康康,估唔到效果是與現實不同,仲加上家人的壓力。所以,我都好明白你的心情。
在過程中,我有一些體會能與你分享:
1) 當亞仔看完兒科醫生後,他說只要bb的輕磅不是因為病而影響,並且都有上升的趨勢,便ok,可以做的只有觀察。這樣我便放心了。更何況,我帶亞仔看醫生、營養師、nurse都好,大家知道我餵人奶,我都問過他們需不需要轉奶粉,沒有一個明確表示轉奶粉會好d。-- 不過,如果你擔心的話,可以先找信任的兒科醫生看看。
2) 只要你堅持人奶是對亞女最好的話,要堅持呀!-- 只有做亞媽先可以決定怎樣做才是給bb最好的。所以,決定權在於你,要相信自己。到現在我都係堅持人奶,因為我覺得bb已吃固體食物,他可以在其他地方吸取營養。
好啦!如果你有什麼問題都可以pm我,大家一齊分享!

[ 本文章最後由 misspiggy 於 08-5-27 15:12 編輯 ]


洋房

積分: 378


發表於 08-5-28 01:45 |顯示全部帖子
misspiggy,
多謝妳呀!睇pm啦!


大宅

積分: 3926


發表於 08-5-28 12:35 |顯示全部帖子
susuki415, 你不用內疚. 其實吃人奶和輕磅未必有關係, 我姐姐個仔飲奶粉, 一樣輕磅, 可能係你個bb細食.


男爵府

積分: 5016


發表於 08-5-28 14:34 |顯示全部帖子
樓主,你堅持左咁耐,我估你都係相信人奶是最好的,係咪?
長時間受到家人的反對,相信你都會覺得好難受。
我的意見是,不要放棄母乳住,見一見醫生/營養師先。聽一聽專家的意見,唔好未知咩原因,就話係母乳令到個bb輕磅。
仲有,你睇果個表,係唔係奶粉bb個表呀?who已出了一個母乳bb的表,係版主置頂的項目中,你可以先參考一下。
另外,人的高矮肥瘦,同基因是有一定關係的,父母的身材,對bb是有影響的。
其次,bb已一歲了,母乳已不是主要食物。要增加營養,我覺得應從固體食物着手。
另外,母乳在一歲後,雖然不再是主要食物,但卻仍然給多bb珍貴的抗體,呢樣係咩奶粉都無的。

最最重要,係母乳能給予bb安慰,尤其bb越大,想食奶奶的時候,好多時都唔係一定肚餓,而係想親親媽媽。呢份親密的感覺,我就非常唔捨得喇,你呢?


大宅

積分: 1953


發表於 08-5-28 19:25 |顯示全部帖子
susuki媽媽: 面對奶奶日鵝夜鵝,仲聽埋呢d說話, 一定係好心傷, 但係唔好放棄, 其實d 老人家諗嘢係咁固執, 總之足你d唔好嘢, 叫你放棄餵人奶, 我bb一直都係飲人奶, 仲係大碼bb, 我奶奶都照係叫我唔好餵人奶, 6個月bb會唔夠營養, 我都唔埋佢, 只要bb無病無痛就得, 始終我係佢媽媽, 我會比最好bb, 所以堅持!!


洋房

積分: 378


發表於 08-5-29 02:04 |顯示全部帖子
MamaQueen,yanlongma,joannechow1031
多謝妳哋嘅意見呀!不過我覺得自己D奶量越來越少,已好耐都無脹奶感覺(唔知點解,突然好似少咗咁 ),所以我唸都要試吓比囡囡食奶粉!但我仍會堅持早晚餵人奶,希望能餵得幾耐得幾耐!

跳至
你需要登錄後才可以回帖 登入 | 註冊