少年成長 今日: 2 | 主題: 16055

積分: 3524

1^#

發表於 08-6-5 17:12 |只看該作者 |倒序瀏覽 |打印

SandraLo 前輩 - 求救
我一直有看妳教其他父母如何教小朋友 – 要讚, 但我已試了約3個月, 不成功, 不知那裏出了問題, 請賜教!
小女2歳4個月, 有以下問題 :
1. 自己食飯
2. 飲水
3. 交換
4. 擦牙
5. 痴身
1. 我要佢自己食午飯, 最初佢唔食, 我就唔比佢食, 我想佢肚餓自然會食, 結果佢無食然後sleep, 瞓醒肚餓, 結果食番之前d飯, ok 無問題. 過咗一排, 晚飯都開始自己食, 但間中亞婆同爸爸(如他們在)都會餵吓, 中途有 keep住讚.
呢排她又開始唔肯自己食, 我比小小通心粉佢食, 因太熱, 要分幾次比, 佢食完第一碗就話飽, 唔要再食, 我由得佢, 但我在旁邊食的時候, 佢會不段開口話要食, 結果即等如我餵. 食晚飯的時候, 佢食咗小小, 就開始唔食, 我唔理佢, 佢竟然用手食, 我再唔理佢, 佢就將d飯掉落地, 激死我. 這幾天佢醒目咗, 會食咗自己喜歡的餸, 然後就話飽(其實未飽, 因有人餵就會開口), 唔再食. 等下午茶食其他嘢或晚飯後食生果, 我唔比佢佢就索性瞓(我知佢瞓得唔好, 呢啡好燥, 常發皮氣 – 佢平時好叻, 自己瞓, 半夜起身都唔會叫, 自己玩, 玩到tired再瞓), 等下一餐的來臨.
佢是坐在有安全帶的小椅上食飯的, 佢經常借尿頓想離開小椅(有時真, 但假的佔多). 試過比無安全帶的小椅, 佢坐不到一陣就走咗去玩, 唔食飯.
2. 用奶樽時, 佢一日可飲20安水, 現在用杯, 一日都無5安, 已經幾個月, 都有讚, 無甚進步….. 佢有時想食零食, 我會要求佢先飲水, 唔飲無得食, 我知這樣交換不對, 但我無辦法(倒至下一問題).
呢排常話要飲奶, 指着奶樽.
3. 叫佢做嘢, 差不多樣樣都要交換, 例如收拾玩具, 目的想玩另一樣嘢或看電視, 叫飲水, 目的是想食零食.
4. 唔擦牙, 我要佢擦才比佢食早餐, 其實應該由得佢遲d再試還是堅持, 佢d牙都有d黑黑黃黃.
5. 佢唔喜歡一個人玩, 會喊到有人陪為止, 幾長氣, 想做d私人嘢都唔得.

唔好意思, 噤多問題, 希望妳幫幫忙.
如其他人有意見, 亦歡迎比d意見.

0 0 0

私人傳訊

積分: 33215

2^#

發表於 08-6-7 23:32 |只看該作者

Sorry 我啱啱先睇到C6又要瞓, 明天答你！

私人傳訊

積分: 3524

3^#

發表於 08-6-9 10:25 |只看該作者

回覆 #2 SandraLo 的文章

謝謝. 等妳回覆.

私人傳訊

積分: 33215

4^#

發表於 08-6-9 23:06 |只看該作者

原文章由 eqlow 於 08-6-5 17:12 發表
SandraLo 前輩 - 求救
我一直有看妳教其他父母如何教小朋友 – 要讚, 但我已試了約3個月, 不成功, 不知那裏出了問題, 請賜教!
小女2歳4個月, 有以下問題 :
1. 自己食飯
2. 飲水
3. 交換
4. 擦牙
5. 痴身
1. 我要佢自 ...

eqlow :

如果小朋友仍是2歳4個月的話, 你對他似乎是太「緊」了些, 和小朋友一起, 氣氛該是愉快的！
你明白父母不能太縱容小朋友, 應該陪養他們自理、獨立和有手尾, 但若太harsh, 做得過了位, 他便會形成對人對己要求也太嚴謹的性格, 反叛的話, 到他大些你管不了的時候, 他甚麼都會和你做相反的！

我不知道你讚時的情况, 例如氣氛好嗎？他是開心的嗎？你可將他的反應和對話告訴我, 看看有沒有讚錯。

1. 自己食飯

「佢竟然用手食, 我再唔理佢, 佢就將d飯掉落地, 激死我」~~ 佢做呢d 嘢時你點反應？佢懶所以話唔食, 係想你餵, 咁你唔餵, 佢玩吓嚟自娛或者引你理佢都係好正常, 如你決定唔俾(或唔駛)佢再食, 應俾佢離枱, 免得佢以為飯枱是玩的地方。
「會食咗自己喜歡的餸, 然後就話飽」 ~~ 飯餸撈埋一齊給他行嗎？或者吃兩口飯才一口餸？
吃飯時的氣氛如何？有傾計嗎？試試和他講吓那一餐的食物, 是知識性的又好, 和他講故事式也好, 看看效果如何。

2. 不要在家中放太多零食, 也盡量不要將飲水和吃零食扯上關係, 免得對飲水也生厭, 你也知道和他講「條件」講得多是不好, 因後果是他很快也會學懂這一套, 用同樣方法來對你和其他人！我女細時我會和她講故事時告訴她那些飲水的重要, 為什麼要刷牙等等, 甚至吃零食為什麼會註牙, 我也有告訴她！兩歲半幼兒對奶樽仍會有戀慕的, 如她是因樽到杯的改變而拒絕喝水, 你可以帶同她department store讓她選她喜愛的杯, 該有幫助！
(明續)

私人傳訊

紫蘿蘭

積分: 2967

5^#

發表於 08-6-10 11:16 |只看該作者

delete

delete delete delete

[ 本文章最後由紫蘿蘭於 08-6-10 11:32 編輯 ]

私人傳訊

des1971

積分: 3174

6^#

發表於 08-6-10 13:51 |只看該作者

我都好想求教

呀仔7歲小一啦, 由K3開始教到佢今時今日, 都唔可以自己放學做晒功課等我, 佢唔係唔識做, 功課都唔算多, 佢成日做漏, 求其亂寫.....好激氣

用過好多方法, 例如做晒功課可以落公園玩/未做晒or做漏就要罰炒!!
又成日四圍跑四圍爬, 叫唔停, 問老師又話唔係過度活躍, 室內室外都一樣......

私人傳訊

積分: 3524

7^#

發表於 08-6-10 18:34 |只看該作者

回覆 #4 SandraLo 的文章

我以為所有嘢都要由細開始教, 無想過會過於嚴, 前輩請多多指點, 謝謝.
1. 我同老公都是不多說話的人, 食飯是望著電視的, 同囡囡食飯都一樣, 現在有時會關了電視(因亞囡只顧看電視), 我會將餸混在飯內給囡囡吃, 最初, 當囡囡自己”畢”飯放入口, 我就會話囡囡好叻, 自己”畢”飯食, 叻叻, 比隻大母子妳, 囡囡會重覆我的說話, 然後伸隻大母子出來同我 touch, 佢好開心咖, 如在場有其他人, 佢就會同每一個人講同一番說話, 要每一個人都話佢叻. 最近都差不多, 但有時就會只答叻叻, 然後繼續”畢”自己喜歡的餸. 當爸爸見佢只”畢”餸無飯, 就會話佢, 唔可以只食餸, 要同飯一齊”畢”, 有時佢會同爸爸爭只”畢”餸, 有時又會”畢”番d飯, 然後望著爸爸大大啖放入口, 爸爸就會話對.
我會將部份餸放在碗底, 等囡囡食咗面d餸話唔食的時候, 話底部還有餸, 要佢食咗面d飯就可以食到下面d餸 – 佢有時會撥開d飯只找餸吃; 現開始試比白飯, 食兩口才比餸.
你話同佢講吓那一餐的食物, 在入坐時已講咗, 另外我正教佢食飯唔好講嘢, 噤點???
我又教佢要個個食飽才可離枱, 有安全帶無問題, 無就會走佬.
2. 條件 – 其實我都有講比佢聽點解要飲水(大便唔會流血及痛, 飲多d水會靚靚)及擦牙(唔會有虫咬及痛), 我唔知佢是唔明還是有其他原因, 佢已經有幾隻杯(佢喜歡的), 不過唔系佢選的, 我再試吓同佢去買個隻.

私人傳訊

積分: 33215

8^#

發表於 08-6-10 21:59 |只看該作者

原文章由 des1971 於 08-6-10 13:51 發表
我都好想求教呀仔7歲小一啦, 由K3開始教到佢今時今日, 都唔可以自己放學做晒功課等我, 佢唔係唔識做, 功課都唔算多, 佢成日做漏, 求其亂寫.....好激氣用過好多方法, 例如做晒功課可以落公園玩/未 ...

des1971 :

你睇住呢度先：
http://forum.baby-kingdom.com/viewthread.php?tid=845448&extra=page%3D1&page=1#14472081

你可以用獎勵同timetable幫佢, 目標係等佢較快取得成功感, 你可以睇番呢個topic：
http://forum.baby-kingdom.com/viewthread.php?tid=840915&extra=&page=2

(由舊開始)以下嘅post, 先暸解timetable同獎點用：
Jan 11, 2008 page 53 HIMMAMA3 問 post #1062
Jan 14, 2008 page 54 jpkp313問 post #1067 / #1070 / #1071

私人傳訊

積分: 33215

9^#

發表於 08-6-10 22:55 |只看該作者

原文章由 SandraLo 於 08-6-9 23:06 發表
eqlow :
如果小朋友仍是2歳4個月的話, 你對他似乎是太「緊」了些, 和小朋友一起, 氣氛該是愉快的！
你明白父母不能太縱容小朋友, 應該陪養他們自理、獨立和有手尾, 但若太harsh, 做得過了位, 他便會形成對人對己要 ...

eqlow :

續昨...

3. 同之前 2.講的一樣, 收拾玩具或叫他做嘢又係唔須要同其他嘢扯上關係, 否則他只學懂樣樣討價還價, 有好處才做, 有朝一日, 佢無慾無求, 難道乜都唔駛做？抑或你就會叫唔到佢做？你可以在他取玩具出來時提他玩完要放回, 到玩完時, 你叫他放好, 如有數種(數量較多), 你可「幫」他一起執, 完成便要讚他; 如他不肯執, 你可以set一個簡單的timetable, 例如玩玩具之後是茶點時間, 如他在你會幫的情況下也不願收拾, 你可等一等, 並提他收拾好便一齊吃茶點, 他若仍不收拾, 便不會去timetable的下一項, 要注意並不是說「不執玩具便沒有茶點」, 因「沒有茶點」變成是「不執玩具」的懲罰！！假若他真的不介意沒有茶點, 就由得他, 不要不斷對他說「再唔XX就冇XX啦！」到第二天他再取玩具時, 就要他承諾收拾玩具, 否則只准他取一或兩件……..

5.
Timetable 又係可以幫到, 冇小朋友鍾意自己玩, 幼兒係透過遊戲學習, 你唔同佢玩佢會學少好多嘢, 想有私人時間, set 响 timetable , (好似Supernanny咁貼响牆度) 等佢知邊段時間你會同佢玩, 例如冲涼後晚飯前, 其他時間佢扭就企硬, 唔好拖拖拉拉, 要喊由得佢！如佢跟到, 當然要讚啦！等佢大個d, 亦可加用貼紙貼落 timetable度獎佢好的行為。

明續

私人傳訊

積分: 33215

10^#

發表於 08-6-10 22:59 |只看該作者

eqlow :

唔記得提你, 以後有嘢揾我可入番嚟呢度：
http://forum.baby-kingdom.com/vi ... p;extra=&page=1

私人傳訊

maymay220hk

水晶宮

積分: 51186

2024年龍年勳章好媽媽勳章醒目開學勳章畀面勳章

11^#

發表於 08-6-11 08:33 |只看該作者

原文章由 SandraLo 於 08-6-10 22:55 發表

eqlow :

續昨...

3. 同之前 2.講的一樣, 收拾玩具或叫他做嘢又係唔須要同其他嘢扯上關係, 否則他只學懂樣樣討價還價, 有好處才做, 有朝一日, 佢無慾無求, 難道乜都唔駛做？抑或你就會叫唔到佢做？你可以在他取玩 ...

hi sandralo

入一入黎睇又上左一課啦

私人傳訊

積分: 3524

12^#

發表於 08-6-11 17:34 |只看該作者

回覆 #9, 10 SandraLo 的文章

知道 - 如有新問題會轉到小朋友大脾氣可以點教再請妳指教.

明白表達用語的方法, 會試吓用 timetable.
我屋企好細, 沒有獨立地方可以做自己嘢, 如我set咗timetable, 我在佢玩的地方旁做嘢, 佢一定會攪攪震, 噤點 ???

多謝指點.

私人傳訊

elmostoney

男爵府

積分: 6299

13^#

發表於 08-6-11 22:41 |只看該作者

del del del del

[ 本文章最後由 elmostoney 於 08-6-11 22:44 編輯 ]

私人傳訊

積分: 33215

14^#

發表於 08-6-11 22:59 |只看該作者

原文章由 eqlow 於 08-6-10 18:34 發表
我以為所有嘢都要由細開始教, 無想過會過於嚴, 前輩請多多指點, 謝謝.
1. 我同老公都是不多說話的人, 食飯是望著電視的, 同囡囡食飯都一樣, 現在有時會關了電視(因亞囡只顧看電視), 我會將餸混在飯內給囡囡吃, 最初, ...

eqlow :

查實點解食飯唔好講嘢呢？
睇電視我反為覺得有問題喎……
食飯係一家人坐埋一齊嘅時間, 大家傾吓計應該好開心, 尤其係仔女大咗, 大部份時間都嚉住電腦個陣, 食飯係最好嘅溝通時間, 絕對應該善用, 開咗電視, 就完全唔係個回事啦！
兩歲幾嘅小朋友, 專注力有限, 想佢自己食飯, 重要食得乖, 都真係要entertain吓佢, 你囡囡掉嘢落地明顯係悶引你注意, 點解唔索性同佢傾d 趣味性嘅話題？
佢鍾意食餸唔食飯, 即係都會食啦, 撈埋一齊, 完成全部才算完成！
唔擦牙會牙痛呢d 太遠期啦！對佢冇影響, 齋講冇用, 圖書館有大把呢類同健康有關嘅幼兒
書籍, 絕對係上佳的故事題材, 圖文並茂, 借過你就知有幾好用！

私人傳訊