吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 好嬲...好嬲呀...

夫婦情感今日: 3|主題: 42760

收藏本版

發帖

返回列表

跳至頁

查看: 4637 | 回覆: 24

好嬲...好嬲呀... [複製鏈接]

火火山

大宅

積分: 4754

1^#

發表於 04-5-9 11:19 |只看該作者

好嬲...好嬲呀...

事原係噤既,今年新年我老公係度玩野無去我家拜年,都算啦!!之後我每次返屋企食飯,我叫佢都唔去,佢講唔想有噤多應酬喎...我已經心諗有無攪錯呀,佢去我屋企叫應酬,我個個星期總有兩日要見住佢屋企人,我又咪係要應酬佢屋企人,已經好唔服氣....好嬲!!好啦..到母親節,我昨天叫佢上我屋企食飯啦,我仲話新年無去同埋都好耐無上過去我家,佢口話好,之後又比個死人樣比我睇,話好攰好攰喎....我簡直嬲到爆,因為佢次次上去我屋企都話好攰呀,唔去得唔得,一係就比個死人樣我睇....好嬲呀!!簡直不知所謂,我係咪要做到以其人之道還以其人之身,佢先知咩事呀..但我又唔想做到噤樣喎,好似係度攪野噤...我好嬲呀,可以點呀??我覺得好多野好唔公平囉,成日都偏晒佢屋企人,但係佢屋企人就個個隻眼都得個$$$$$字同埋好假既,我又唔係好鍾意,我都會認佢所求去應酬下啦,點解佢唔可以噤做遮...真係好唔公平呀!!
同埋我覺得隻死佬唔上去我家(其實佢都好少上去,除左中國的大時大節會上之外),我好似比我媽受緊佢氣噤,好似好委屈我媽噤呀....其實我媽都算係疼他的,只要我跟我媽說他有咩唔舒服,我媽都叫我煲d野比佢食,又買埋比我整比佢食添.....我簡直....嬲呀！我媽對佢都唔算差啦,點解佢仲要噤遮...有時諗諗下,大家都噤辛苦,倒不如離婚算數,唔駛再煩尼樣煩個樣....
呻玩舒服d啦,多謝妳地聽我呻呀！ :-P

私人傳訊

小傻妹

複式洋房

積分: 198

2^#

發表於 04-5-9 11:51 |只看該作者

Re: 好嬲...好嬲呀...

火火山,你唔好咁激動住仙呀,嬲係解決唔到問題咖,你放鬆一些唸番你老公以前係咪咁咖,如果係0既話,即係既然你以前都接受到,d男人會認為係理所當然咖,他們冇唸到會係一個問題,但如果以前唔係咁,而家變左這樣0既話,當中可能發生左一些事而大家都未曾察覺到,咁你兩個就要座下來慢慢傾0下,搵出個原因啦,其實大家當初決定一起生活係經過長細0既了解,慎重0既考慮後決定出來的,唔好放棄呀!!!!我希望可以幫到你啦!!!!!

私人傳訊

Rion媽咪

大宅

積分: 2175

3^#

發表於 04-5-9 12:05 |只看該作者

Re: 好嬲...好嬲呀...

火火山,
我好明白你嘅感受, 因我老公都係咁, 但就冇你老公咁明目將膽囉, 次次唔係話呢樣就嗰樣, 一時又話我屋企食飯食得夜, 自己食完野先上去, 去到又黑口黑面, 大佬, 我屋企人唔駛搵食咩, 食飯緊係等齊人架啦, 唔通分幾次食???我呀媽6點幾收工仲去買餸煮比你食, 點早呀???

私人傳訊

小manman

翡翠宮

積分: 86111

4^#

發表於 04-5-9 12:06 |只看該作者

Re: 好嬲...好嬲呀...

我十分同意"小傻妹"的講法~
係咪你地不嬲都係咁架,如果佢不嬲都無去你屋企,你以前覺得無所謂或無話過佢,佢根本唔知自己有唔啱,亦都唔知你唔鍾意,嘗試多表達自己的感受同需要,對雙方的關係都有幫助~

私人傳訊

finger

男爵府

積分: 9521

醒目開學勳章畀面勳章

5^#

發表於 04-5-9 16:23 |只看該作者

Re: 好嬲...好嬲呀...

我覺得你一定要出聲話佢, 比著我, 我實剷到佢上天花板!!! :-x :-x :-x

http://jackylau.com/FreePhoto/PhotoData/U0047102.gif

私人傳訊

babyhi

大宅

積分: 4842

好媽媽勳章

6^#

發表於 04-5-9 16:23 |只看該作者

Re: 好嬲...好嬲呀...

我老公都係咁嫁!自從個女出世後我同佢阿媽出現了問題我媽咪開頭幫我揍BB時佢對我媽咪已經冇咁好, 我媽咪對我喊過我的心很不舒服, 我唔想我媽咪唔開心只好時常話他忙, 基本一年只有一次即新年先上去食飯, 而我同佢阿媽的關係已經去到水火不容的地步, 佢阿媽經常做小動作攬事, 我有兩個仔女了吓吓話我欺負她叫我老公唔要我, 我老公唔係孝順係愚孝所以佢阿媽可以有咁多機會扮可憐, 我常堅信婚姻應是倆人的事, 只要我還是愛對方我唔會被身邊任何人影響的, 除非我自己想放棄, 就因我對他還有情我的婚姻才能維持到七年, 亦因這個'情'字婆媳問題折磨了我七年!

私人傳訊

Minniechung

大宅

積分: 3276

7^#

發表於 04-5-9 17:52 |只看該作者

Re: 好嬲...好嬲呀...

火火山,
你個case同我掉轉, 我每個星期都要番我mum到同我奶奶到一次, 而我係o個個唔太想番奶奶到的人. 我o係想食完飯就走, 事關奶奶住得太遠, 所以不太想去, 而我老公知我咁就會咁同我講, 令我改變.
"番父母到唔單只只係食番, 係睇下d老人家, 見下佢o地, 如果我掉番轉唔去探你父母, 你會有乜感受, 你要我錫你父母, 你同樣都要錫我父母, 哩d野係相輔相成"
經佢同我講完係, 我都有去佢父母到, 你試下咁......
好好同你老公講.......

Make a pregnancy ticker

私人傳訊

stkyo

象牙宮

積分: 206249

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

8^#

發表於 04-5-9 23:11 |只看該作者

Re: 好嬲...好嬲呀...

如果我老公唔肯同我屋企人食飯，我唔會嬲，盞谷壞自己，但係佢都唔駛旨意我會去佢亞媽屋企食飯，以其人之道還自其人之身！

私人傳訊

真叻

民房

積分: 43

9^#

發表於 04-5-10 00:59 |只看該作者

Re: 好嬲...好嬲呀...

如果我老公係咁,我一定出聲話佢,實行剷到佢上天花板再反彈落地:-x. 仲會話番比佢亞媽聽,你個仔咁對我亞媽,等佢自己教仔.

私人傳訊

bandband

子爵府

積分: 11510

10^#

發表於 04-5-10 02:10 |只看該作者

Re: 好嬲...好嬲呀...

stkyo 寫道:
如果我老公唔肯同我屋企人食飯，我唔會嬲，盞谷壞自己，但係佢都唔駛旨意我會去佢亞媽屋企食飯，以其人之道還自其人之身！

比著我,我都會咁做~!無謂自己收埋嚟嬲,佢唔去外家,都咪駛旨意我會番佢屋企食飯囉~!再唔係我會响奶奶面前'呻'(名義上係呻,實際上係告狀...KiKiKi.............!!

),等佢亞媽嚟煩住佢...等佢仲夠唔夠膽蝦我~~~!!! :-P

老公VOICEMAIL 1 2 3

私人傳訊

小manman

翡翠宮

積分: 86111

11^#

發表於 04-5-10 16:28 |只看該作者

Re: 好嬲...好嬲呀...

火火山 :
如果我honey好似你老公咁,我諗我都會嬲到爆炸,不過,我一定會鏟到佢上天花板囉!!!我一定唔會就咁算,亦唔會咁易罷休,因為我覺得佢呢個行為係非常之唔尊重我同我屋企人,但我都會覺得如果佢唔去你屋企,你又學佢一樣唔去佢屋,咁唔係一個好的解決辦法,而且你都識講咁好似唔係幾好,咁只會係一個惡性循環,而且有問題應該及早解決左佢,我同我honey的相處方式就係一早講好左有問題唔可以放係心裏面,亦唔可以將問題帶過夜,一定要講出黎解決左佢,你都試下用呢個方法呀,咁樣可以更了解對方的需要~
其實,係佢新年的時候佢唔去你屋企,你已經唔應該就咁算,你有左一個唔好的開始,佢就會愈整愈衰,遲早佢成年都唔見你屋企人一次,因為我爸爸和媽媽就係一個好好的例子,以前我爸爸和媽媽都會互相去大家的屋企飲茶和食飯,但唔知點解整整下,我媽咪平時唔會同我麻麻飲茶,但簡唔中都會,新年就一定會食飯,但我爸爸就真係一年都唔會去我媽咪個邊d家庭聚會一次,就連我媽咪d屋企人黎我屋企拜年,佢都出左街玩失蹤,仲要避到好夜先返黎,連我honey都睇唔過眼,係我面前話我爸爸好過份,一d面都唔比我媽咪,但我媽咪係一個好樂觀的人,佢話由無辦法變到依架無所謂喎,你都唔想變到好似我爸爸同媽媽咁呀~
而我同我honey就會互相去大家屋企飲茶食飯,但都係我去佢個邊多d,因為佢的家庭聚會多過我呢邊,而且我幾鍾意同佢屋企飲茶食飯,我honey都鍾意黎我呢邊架,我地大家都幾enjoy同大家的屋企人一齊,因為我地都鍾意熱鬧,而且有一個共同的嗜好─就係"打麻雀" :-P ,而且我honey好重視同尊重我爸爸媽媽,如果佢地開到聲,我honey一定唔會唔黎,不過,佢知我爸爸唔係咁鍾意應酬人地黎我屋企食飯,佢對我honey已經算係咁~

私人傳訊

janet

伯爵府

積分: 15905

hashtag影視迷勳章大廚勳章畀面勳章 BK Milk勳章

12^#

發表於 04-5-10 16:45 |只看該作者

Re: 好嬲...好嬲呀...

眾裡尋他千百度，驀然回首，那人卻在燈火闌珊處!!
生死有命，富貴由天

私人傳訊

十月媽咪

男爵府

積分: 9256

13^#

發表於 04-5-10 17:10 |只看該作者

Re: 好嬲...好嬲呀...

小manman :
恭喜你嫁到一個真正對你好既男人！其實要嫁到一個肯對自己好之餘，仲對自己父母都好既男人真係好難好難的！你係幸運之神眷顧既其中一份子！
我果件．．．唉．．．我嫁左畀佢咁耐，莫講話請我父母飲餐茶，即使唔駛佢畀錢請，淨係陪下，都未試過呀！
佢唔係無錢，不過總係話無時間囉，而事實上我都有眼睇佢真係好忙好忙！但係忙到可以去陪佢老母，不過就無時間陪下我老豆老母飲餐茶囉！
而家佢老母已經走左喇！早兩日佢竟然同我講，每個月都要返舊屋（即佢老豆老母間屋，而家已經無人住）清潔下，打掃下！講真丫！佢根本忙到連陪我同個女既時間都無，以前佢阿媽老，話要多ｄ陪佢，ok，無問題！而家人都唔響度，都仲要返舊屋做呢樣做果樣！我真係想問佢，你咁忙，乜仲有時間去執屋咩？點解有時間唔陪多ｄ我呀？點解有時間唔陪多ｄ個女呀？
不過當時我無剷佢，事關佢老母唔響度都只不過係最近既事，我就當佢未復元，再過多幾個月（守完孝），如果都仲係咁，我真係驚我剷到佢上天花板！又或者我會選擇唔剷佢，不過我會同個女執包袱走人！

私人傳訊

小manman

翡翠宮

積分: 86111

14^#

發表於 04-5-10 18:29 |只看該作者

Re: 好嬲...好嬲呀...

十月媽咪:
多謝你,不過,我仲未嫁架~
我同我honey都好想今年可以結婚,但佢仲未揾到野做呀!!!
依架佢都好煩腦~

私人傳訊

小傻妹

複式洋房

積分: 198

15^#

發表於 04-5-10 22:44 |只看該作者

Re: 好嬲...好嬲呀...

小manman,你同你0既男朋友仔都唔好放棄呀,支持你地呀

私人傳訊

阿早!

子爵府

積分: 11405

好媽媽勳章

16^#

發表於 04-5-10 22:56 |只看該作者

Re: 好嬲...好嬲呀...

其實我老公響結婚初期都係唔鐘意我屋企人, 唔鐘意見佢地(因為結婚時雙方家人意見不一), 我開頭都好嬲架, 仲同佢嘈一大餐, 更揚言我都會以其人之道還是其人之身, 唔駛旨意我對佢地好.

不過, 我都係得個講字, 我對佢屋企人好好, 佢屋企由麻麻地鐘意我, 變成鐘意, 甚至鬧佢對我唔好. 之後? 佢可能覺得虧欠左我, 所以對我屋企人愈黎愈好.

其實有時兩夫婦既野, 你tum下我, 我tum下你. 你想佢對你好, 你要先不問回報對佢好. 唔知響邊度睇過, 如果愛情係10分, 大家要覺得自己要付出6分, 如果計得咁君真大家只付出5分, 就會有條隙無人付出, 關係就唔會長久.

私人傳訊

十月媽咪

男爵府

積分: 9256

17^#

發表於 04-5-11 09:28 |只看該作者

Re: 好嬲...好嬲呀...

哎也！小manman，乜原來你未嫁架，唔好意思呀！不過唔緊要呀，老公有冇錢雖然唔係唔重要，但係最重要係嫁到一個真心對自己好之餘，亦都對自己屋企人好既老公！呢樣野真係要好修得到至可以得到架！
我自問暫時都未有呢種福氣，而家佢阿媽已經走左喇，希望情況會有改善！噚晚同佢阿嫂傾完電話，知道左原來點解我老公會咁對我，原來一切都係佢阿媽同ｄ家姐細妹響度作怪，怪唔得無論我付出幾多，情況都無乜點改善過啦！再加上我老公係愚孝到不得了果種，各位，唔該祝我好運丫！

私人傳訊

bandband

子爵府

積分: 11510

18^#

發表於 04-5-11 09:36 |只看該作者

Re: 好嬲...好嬲呀...

阿早! 寫道:
...其實有時兩夫婦既野, 你tum下我, 我tum下你. 你想佢對你好, 你要先不問回報對佢好. 唔知響邊度睇過, 如果愛情係10分, 大家要覺得自己要付出6分, 如果計得咁君真大家只付出5分, 就會有條隙無人付出, 關係就唔會長久.

阿早!

好同意你既講法,你講既道理同經驗都提醒咗我好多!有時我自己都會覺得自己愛老公已經十分,自己付出咗十幾分...搞到有時我會炆老公付出唔夠我多.但查實我老公都對我好好,亦付出咗唔少,例如佢改哂以前啲牛脾氣啦(雖則都仲有少少,但係正常,唔似得以前燥到要打人嗰隻),開始識得氹我就我啦,同埋噚晚又願意幫我洗哂啲碗同幫手一齊煮飯食等...;其實兩公婆真係要無條件咁去付出,否則大家咁樣計住計住,只會令對佢既愛減少,我暫時領會到既就係咁多! :-P