夫婦情感

跳至

首頁
12

尾頁
   0


大宅

積分: 3939


發表於 04-5-9 11:19 |顯示全部帖子

好嬲...好嬲呀...

事原係噤既,今年新年我老公係度玩野無去我家拜年,都算啦!!之後我每次返屋企食飯,我叫佢都唔去,佢講唔想有噤多應酬喎...我已經心諗有無攪錯呀,佢去我屋企叫應酬,我個個星期總有兩日要見住佢屋企人,我又咪係要應酬佢屋企人,已經好唔服氣....好嬲!!好啦..到母親節,我昨天叫佢上我屋企食飯啦,我仲話新年無去同埋都好耐無上過去我家,佢口話好,之後又比個死人樣比我睇,話好攰好攰喎....我簡直嬲到爆,因為佢次次上去我屋企都話好攰呀,唔去得唔得,一係就比個死人樣我睇....好嬲呀!!簡直不知所謂,我係咪要做到以其人之道還以其人之身,佢先知咩事呀..但我又唔想做到噤樣喎,好似係度攪野噤...我好嬲呀,可以點呀??我覺得好多野好唔公平囉,成日都偏晒佢屋企人,但係佢屋企人就個個隻眼都得個$$$$$字同埋好假既,我又唔係好鍾意,我都會認佢所求去應酬下啦,點解佢唔可以噤做遮...真係好唔公平呀!!
同埋我覺得隻死佬唔上去我家(其實佢都好少上去,除左中國的大時大節會上之外),我好似比我媽受緊佢氣噤,好似好委屈我媽噤呀....其實我媽都算係疼他的,只要我跟我媽說他有咩唔舒服,我媽都叫我煲d野比佢食,又買埋比我整比佢食添.....我簡直....嬲呀!我媽對佢都唔算差啦,點解佢仲要噤遮...有時諗諗下,大家都噤辛苦,倒不如離婚算數,唔駛再煩尼樣煩個樣....
呻玩舒服d啦,多謝妳地聽我呻呀! :-P


複式洋房

積分: 198


發表於 04-5-9 11:51 |顯示全部帖子

Re: 好嬲...好嬲呀...

火火山,你唔好咁激動住仙呀,嬲係解決唔到問題咖,你放鬆一些唸番你老公以前係咪咁咖,如果係0既話,即係既然你以前都接受到,d男人會認為係理所當然咖,他們冇唸到會係一個問題,但如果以前唔係咁,而家變左這樣0既話,當中可能發生左一些事而大家都未曾察覺到,咁你兩個就要座下來慢慢傾0下,搵出個原因啦,其實大家當初決定一起生活係經過長細0既了解,慎重0既考慮後決定出來的,唔好放棄呀!!!!我希望可以幫到你啦!!!!!


大宅

積分: 2175


發表於 04-5-9 12:05 |顯示全部帖子

Re: 好嬲...好嬲呀...

火火山,
我好明白你嘅感受, 因我老公都係咁, 但就冇你老公咁明目將膽囉, 次次唔係話呢樣就嗰樣, 一時又話我屋企食飯食得夜, 自己食完野先上去, 去到又黑口黑面, 大佬, 我屋企人唔駛搵食咩, 食飯緊係等齊人架啦, 唔通分幾次食???我呀媽6點幾收工仲去買餸煮比你食, 點早呀???


水晶宮

積分: 72446

2019新春慶豚圓 2019勳章


發表於 04-5-9 12:06 |顯示全部帖子

Re: 好嬲...好嬲呀...

我十分同意"小傻妹"的講法~
係咪你地不嬲都係咁架,如果佢不嬲都無去你屋企,你以前覺得無所謂或無話過佢,佢根本唔知自己有唔啱,亦都唔知你唔鍾意,嘗試多表達自己的感受同需要,對雙方的關係都有幫助~


男爵府

積分: 9517

醒目開學勳章 畀面勳章


發表於 04-5-9 16:23 |顯示全部帖子

Re: 好嬲...好嬲呀...

我覺得你一定要出聲話佢, 比著我, 我實剷到佢上天花板!!! :-x :-x :-x
http://jackylau.com/FreePhoto/PhotoData/U0047102.gif


大宅

積分: 4459

2019勳章 好媽媽勳章


發表於 04-5-9 16:23 |顯示全部帖子

Re: 好嬲...好嬲呀...

我老公都係咁嫁!自從個女出世後我同佢阿媽出現了問題我媽咪開頭幫我揍BB時佢對我媽咪已經冇咁好, 我媽咪對我喊過我的心很不舒服, 我唔想我媽咪唔開心只好時常話他忙, 基本一年只有一次即新年先上去食飯, 而我同佢阿媽的關係已經去到水火不容的地步, 佢阿媽經常做小動作攬事, 我有兩個仔女了吓吓話我欺負她叫我老公唔要我, 我老公唔係孝順係愚孝所以佢阿媽可以有咁多機會扮可憐, 我常堅信婚姻應是倆人的事, 只要我還是愛對方我唔會被身邊任何人影響的, 除非我自己想放棄, 就因我對他還有情我的婚姻才能維持到七年, 亦因這個'情'字婆媳問題折磨了我七年!


大宅

積分: 3276


發表於 04-5-9 17:52 |顯示全部帖子

Re: 好嬲...好嬲呀...

火火山,
你個case同我掉轉, 我每個星期都要番我mum到同我奶奶到一次, 而我係o個個唔太想番奶奶到的人. 我o係想食完飯就走, 事關奶奶住得太遠, 所以不太想去, 而我老公知我咁就會咁同我講, 令我改變.
"番父母到唔單只只係食番, 係睇下d老人家, 見下佢o地, 如果我掉番轉唔去探你父母, 你會有乜感受, 你要我錫你父母, 你同樣都要錫我父母, 哩d野係相輔相成"
經佢同我講完係, 我都有去佢父母到, 你試下咁......
好好同你老公講.......


象牙宮

積分: 203154

2019新春慶豚圓 2019勳章 HiPP勳章(1) 2018復活節勳章 15週年勳章 親子王國15週年勳章 親子王國15週年勳章 玩具勳章 畀面勳章 環保接龍勳章 大廚勳章 親子達人勳章 wyeth冷知識勳章 BK Milk勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 最關心BB問題熱投勳章 開心吸收勳章


發表於 04-5-9 23:11 |顯示全部帖子

Re: 好嬲...好嬲呀...

如果我老公唔肯同我屋企人食飯,我唔會嬲,盞谷壞自己,但係佢都唔駛旨意我會去佢亞媽屋企食飯,以其人之道還自其人之身!


民房

積分: 43


發表於 04-5-10 00:59 |顯示全部帖子

Re: 好嬲...好嬲呀...

如果我老公係咁,我一定出聲話佢,實行剷到佢上天花板再反彈落地:-x. 仲會話番比佢亞媽聽,你個仔咁對我亞媽,等佢自己教仔.


子爵府

積分: 11510


發表於 04-5-10 02:10 |顯示全部帖子

Re: 好嬲...好嬲呀...

stkyo 寫道:
如果我老公唔肯同我屋企人食飯,我唔會嬲,盞谷壞自己,但係佢都唔駛旨意我會去佢亞媽屋企食飯,以其人之道還自其人之身!


比著我,我都會咁做~!無謂自己收埋嚟嬲,佢唔去外家,都咪駛旨意我會番佢屋企食飯囉~!再唔係我會响奶奶面前'呻'(名義上係呻,實際上係告狀...KiKiKi.............!! ),等佢亞媽嚟煩住佢...等佢仲夠唔夠膽蝦我~~~!!! :-P


水晶宮

積分: 72446

2019新春慶豚圓 2019勳章


發表於 04-5-10 16:28 |顯示全部帖子

Re: 好嬲...好嬲呀...

火火山 :
如果我honey好似你老公咁,我諗我都會嬲到爆炸,不過,我一定會鏟到佢上天花板囉!!!我一定唔會就咁算,亦唔會咁易罷休,因為我覺得佢呢個行為係非常之唔尊重我同我屋企人,但我都會覺得如果佢唔去你屋企,你又學佢一樣唔去佢屋,咁唔係一個好的解決辦法,而且你都識講咁好似唔係幾好,咁只會係一個惡性循環,而且有問題應該及早解決左佢,我同我honey的相處方式就係一早講好左有問題唔可以放係心裏面,亦唔可以將問題帶過夜,一定要講出黎解決左佢,你都試下用呢個方法呀,咁樣可以更了解對方的需要~
其實,係佢新年的時候佢唔去你屋企,你已經唔應該就咁算,你有左一個唔好的開始,佢就會愈整愈衰,遲早佢成年都唔見你屋企人一次,因為我爸爸和媽媽就係一個好好的例子,以前我爸爸和媽媽都會互相去大家的屋企飲茶和食飯,但唔知點解整整下,我媽咪平時唔會同我麻麻飲茶,但簡唔中都會,新年就一定會食飯,但我爸爸就真係一年都唔會去我媽咪個邊d家庭聚會一次,就連我媽咪d屋企人黎我屋企拜年,佢都出左街玩失蹤,仲要避到好夜先返黎,連我honey都睇唔過眼,係我面前話我爸爸好過份,一d面都唔比我媽咪,但我媽咪係一個好樂觀的人,佢話由無辦法變到依架無所謂喎,你都唔想變到好似我爸爸同媽媽咁呀~
而我同我honey就會互相去大家屋企飲茶食飯,但都係我去佢個邊多d,因為佢的家庭聚會多過我呢邊,而且我幾鍾意同佢屋企飲茶食飯,我honey都鍾意黎我呢邊架,我地大家都幾enjoy同大家的屋企人一齊,因為我地都鍾意熱鬧,而且有一個共同的嗜好─就係"打麻雀" :-P ,而且我honey好重視同尊重我爸爸媽媽,如果佢地開到聲,我honey一定唔會唔黎,不過,佢知我爸爸唔係咁鍾意應酬人地黎我屋企食飯,佢對我honey已經算係咁~


伯爵府

積分: 15534

hashtag影視迷勳章 大廚勳章 畀面勳章 BK Milk勳章


發表於 04-5-10 16:45 |顯示全部帖子

Re: 好嬲...好嬲呀...

眾裡尋他千百度,驀然回首,那人卻在燈火闌珊處!!
生死有命,富貴由天


男爵府

積分: 9250


發表於 04-5-10 17:10 |顯示全部帖子

Re: 好嬲...好嬲呀...

小manman :
恭喜你嫁到一個真正對你好既男人!其實要嫁到一個肯對自己好之餘,仲對自己父母都好既男人真係好難好難的!你係幸運之神眷顧既其中一份子!
我果件...唉...我嫁左畀佢咁耐,莫講話請我父母飲餐茶,即使唔駛佢畀錢請,淨係陪下,都未試過呀!
佢唔係無錢,不過總係話無時間囉,而事實上我都有眼睇佢真係好忙好忙!但係忙到可以去陪佢老母,不過就無時間陪下我老豆老母飲餐茶囉!
而家佢老母已經走左喇!早兩日佢竟然同我講,每個月都要返舊屋(即佢老豆老母間屋,而家已經無人住)清潔下,打掃下!講真丫!佢根本忙到連陪我同個女既時間都無,以前佢阿媽老,話要多d陪佢,ok,無問題!而家人都唔響度,都仲要返舊屋做呢樣做果樣!我真係想問佢,你咁忙,乜仲有時間去執屋咩?點解有時間唔陪多d我呀?點解有時間唔陪多d個女呀?
不過當時我無剷佢,事關佢老母唔響度都只不過係最近既事,我就當佢未復元,再過多幾個月(守完孝),如果都仲係咁,我真係驚我剷到佢上天花板!又或者我會選擇唔剷佢,不過我會同個女執包袱走人!


水晶宮

積分: 72446

2019新春慶豚圓 2019勳章


發表於 04-5-10 18:29 |顯示全部帖子

Re: 好嬲...好嬲呀...

十月媽咪:
多謝你,不過,我仲未嫁架~
我同我honey都好想今年可以結婚,但佢仲未揾到野做呀!!!
依架佢都好煩腦~


複式洋房

積分: 198


發表於 04-5-10 22:44 |顯示全部帖子

Re: 好嬲...好嬲呀...

小manman,你同你0既男朋友仔都唔好放棄呀,支持你地呀


子爵府

積分: 11401

好媽媽勳章


發表於 04-5-10 22:56 |顯示全部帖子

Re: 好嬲...好嬲呀...

其實我老公響結婚初期都係唔鐘意我屋企人, 唔鐘意見佢地(因為結婚時雙方家人意見不一), 我開頭都好嬲架, 仲同佢嘈一大餐, 更揚言我都會以其人之道還是其人之身, 唔駛旨意我對佢地好.

不過, 我都係得個講字, 我對佢屋企人好好, 佢屋企由麻麻地鐘意我, 變成鐘意, 甚至鬧佢對我唔好. 之後? 佢可能覺得虧欠左我, 所以對我屋企人愈黎愈好.

其實有時兩夫婦既野, 你tum下我, 我tum下你. 你想佢對你好, 你要先不問回報對佢好. 唔知響邊度睇過, 如果愛情係10分, 大家要覺得自己要付出6分, 如果計得咁君真大家只付出5分, 就會有條隙無人付出, 關係就唔會長久.


男爵府

積分: 9250


發表於 04-5-11 09:28 |顯示全部帖子

Re: 好嬲...好嬲呀...

哎也!小manman,乜原來你未嫁架,唔好意思呀!不過唔緊要呀,老公有冇錢雖然唔係唔重要,但係最重要係嫁到一個真心對自己好之餘,亦都對自己屋企人好既老公!呢樣野真係要好修得到至可以得到架!
我自問暫時都未有呢種福氣,而家佢阿媽已經走左喇,希望情況會有改善!噚晚同佢阿嫂傾完電話,知道左原來點解我老公會咁對我,原來一切都係佢阿媽同d家姐細妹響度作怪,怪唔得無論我付出幾多,情況都無乜點改善過啦!再加上我老公係愚孝到不得了果種,各位,唔該祝我好運丫!


子爵府

積分: 11510


發表於 04-5-11 09:36 |顯示全部帖子

Re: 好嬲...好嬲呀...

阿早! 寫道:
...其實有時兩夫婦既野, 你tum下我, 我tum下你. 你想佢對你好, 你要先不問回報對佢好. 唔知響邊度睇過, 如果愛情係10分, 大家要覺得自己要付出6分, 如果計得咁君真大家只付出5分, 就會有條隙無人付出, 關係就唔會長久.


阿早!

好同意你既講法,你講既道理同經驗都提醒咗我好多!有時我自己都會覺得自己愛老公已經十分,自己付出咗十幾分...搞到有時我會炆老公付出唔夠我多.但查實我老公都對我好好,亦付出咗唔少,例如佢改哂以前啲牛脾氣啦(雖則都仲有少少,但係正常,唔似得以前燥到要打人嗰隻),開始識得氹我就我啦,同埋噚晚又願意幫我洗哂啲碗同幫手一齊煮飯食等...;其實兩公婆真係要無條件咁去付出,否則大家咁樣計住計住,只會令對佢既愛減少,我暫時領會到既就係咁多! :-P


子爵府

積分: 11401

好媽媽勳章


發表於 04-5-11 12:45 |顯示全部帖子

Re: 好嬲...好嬲呀...

我成日都話bandband你好鬼幸福架啦, 有個對自己好好既老公, 羨慕得我呀.


子爵府

積分: 11510


發表於 04-5-11 17:29 |顯示全部帖子

Re: 好嬲...好嬲呀...

阿早! 寫道:
我成日都話bandband你好鬼幸福架啦, 有個對自己好好既老公, 羨慕得我呀.


野~~~!!!咪咁話我啦~~~!!!查實可能我太愛我老公,我對佢既容忍程度高(=.= 我朋友講既,我朋友都話係得我先至忍到...),所以咪覺得ok囉~~~!!

首頁
12

尾頁

跳至