有點樣既父母就會遺點樣既細路…
問99野，要講過萬句說話佢先答到你問既第一條問題…因為佢係…
[萌萌99獸]有專屬天真mode，覺得自己仲係好可愛好萌的[得意妹]，好容易受人唆擺，同比人厄錢（希望肉體無啦），屬於[無知]屬性，無論你點問佢佢都好天真咁答你其他唔關係既野，你唔再問佢佢就自己講出佢應答既野（嗯！真係好得意呀！好想鐘你呀！），當佢遇上懷舊金曲就會自然進化成為[花癲獸]～真係魅力是沒法擋
問62野，要等幾日先答你……………因為佢係
[忍者62獸]有專屬的沉默mode,佢可能離婚前想同99 調較到可溝通的channel，所以唔講野等99自己招供（慳返唔少口水同時間）屬於[隱形]屬性，無咩事都只會厘埋係房入面，用whatsapp問野佢先答你（嗯！當我無問過啦！）…暫時係未有進化功能
問c6野，佢會問返我過萬句說話先肯答我第一次問題…因為佢係
[炸傻c6獸]佢繼成了萌萌同沉默mode,屬於[呆佬]屬性，同佢講咩佢都會應你好，因為佢只會沉迷係電話d game之中，完全左耳唔入右耳唔會有野出，發現領咗野就狂問返發生咩事，到得罪咗我果時就會[得意仔]上身問我嬲咩啫～～（嗯！真係好想摑佢呀),當萌萌獸得罪佢時，佢就會進化成[忟憎獸]面容有如包公上身，會唔睬人直至忟完唯止…
問姑仔野，佢答完等於無答，仲要串你佢好勉為其難地答咗你啦…因為佢係
[飄忽姑仔獸]佢有齊以上三位人士之優秀血統，加上佢係女人，佢有[九唔答八/無辜/傻豬公主mode]，屬[分裂]屬性，叫佢做野只會有頭無尾，講野正常時好有文路，到唔正常時會推翻自己岩岩講既野，投訴佢既話佢會進化成為[理論獸]，會一論咀講到自己好偉大好辛苦幫你做咗好多野等等（嗯！我明白架啦，唔洗你幫手啦，你安心收皮啦！）
我搞咩鬼？我只係想佢地比個擺酒人數同名單我啫…以上就係呢4個人既回應…我決定唔再問了
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!
發表於 
作死
返回列表
