吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› 呢個醫生同我個仔打針，腫到豬蹄咁，你地話有冇搞錯？ ...

嬰兒醫護今日: 0|主題: 79115

收藏本版

發帖

返回列表

跳至頁

查看: 3497 | 回覆: 21

呢個醫生同我個仔打針，腫到豬蹄咁，你地話有冇搞錯？ [複製鏈接]

pakchunmama

大宅

積分: 1529

1^#

發表於 08-6-26 00:41 |只看該作者 |倒序瀏覽 |打印

今個星期一我帶o左阿仔去屋企樓下青衣城o個間卓x連鎖醫療中心打肺炎鏈球菌針(因為貪佢夠近，所以比較貴都算)，但打完第二日就開始大脾腫，仲愈o黎愈腫，今日已經腫到好似豬蹄咁，而且有d痕！

本來我都未有諗過今日帶bb番去醫生度問個究竟，但我阿爸同我老公都話腫得實在太勁，要去問下醫生或者姑娘究竟發生咩事。其實今次已經唔係第一次腫，上個星期二我bb亦o係呢個醫生度打水痘針，打完第二日大脾亦有腫，但冇今次咁勵害，上次只係大約有半個手掌大o既腫(兩次唔係同一隻腳)，不過今次係差唔多全個大脾腫晒，真係好似豬蹄咁，腫到連樓下商場o個d姐姐都問大脾仔做乜o野(bb今日著三個骨褲)，所以下晝5點幾我同老公就帶bb落去問下。
當到達醫療中心，我地話o左俾姑娘知bb打完針呢兩日大脾腫得好勁，而且今日開始仲有d痕tim，問佢係咪正常，個姑娘竟然連望都唔望下bb隻腳就好求其咁話叫我地等下啦，仲有8個o者。之後我老公就有d不滿咁話我地係o黎投訴o既，希望佢可以着緊d。
好喇，大約10分鐘後終於入去見醫生喇，我地亦好耐心咁聽佢o既解釋，但佢竟然話未見過腫成咁(我地心諗，唔係掛！)，佢仲懷疑打完針後我幫個仔按傷口按得唔夠耐，但我話我有照佢意思按。之後佢又話我個仔唔知會唔會藥物敏感，我就話bb冇藥物敏感，而且之前都試過o係第二度打過呢種針，但完全冇事，就算連之前全部政府包o既針打晒都冇發生過呢種情況。我亦有同佢講番上次o係佢度打水痘針都有腫，但講到最尾，佢依然話未見過咁腫，依然冇解釋過點解o係佢呢度打兩支針都腫，但o係其他地方打就冇事。甚至點解今次勁腫，佢都只係話會開d藥俾bb試下，最後仲竟然要我地俾番藥費tim！我地兩個梗係激氣到爆啦！我地覺得呢d係醫生自己做成o既問題，但竟然要我地俾錢，好唔公平！

其實我地有問過兩個媽咪經驗，佢地都話bb打完呢d針冇乜o野，所以我地就更加覺得呢個醫生有問題！
仲有，我同個仔去佢度打兩次針，兩次打完佢都好冇手尾，第一次打完後，並冇立即將個針筒掉o左，只係放o係枱度，後來仲o係正我右手手臂旁邊跌o左落地，差少少就針到我(約四寸距離)。到第二次，因為我有上次o既經歷，所以我呢次好留意佢打完針o既動態，但佢依然冇立即將針筒掉o左，就咁放o係枱度，所以我真係覺得呢個醫生不旦祇打針手勢好差，而且仲連基本處理針筒o既意識都有問題！

[ 本文章最後由 pakchunmama 於 08-6-26 01:59 編輯 ]

0 0 0

私人傳訊

PigPigMother

複式洋房

積分: 301

2^#

發表於 08-6-26 12:02 |只看該作者

真係又紅又腫喎!
你不如去睇第二個醫生啦,我囡囡打過咁多次針,都未試過咁.

Welcome to our blog: http://hk.myblog.yahoo.com/edwardlmk

私人傳訊

kittypo

子爵府

積分: 11896

3^#

發表於 08-6-26 12:40 |只看該作者

嘩...好腫WOR...我阿女2個月都打肺炎針...
都無腫...咁你個E生真係好唔掂...
唔女1再幫襯哪,唔係BB又要受罪...
睇目到..心痛

mouth:mouth:" />

私人傳訊

kkw0816

別墅

積分: 931

4^#

發表於 08-6-26 16:17 |只看該作者

嘩 ! 心痛死 !
個醫生好有問題wor !:

私人傳訊

pakchunmama

大宅

積分: 1529

5^#

發表於 08-6-26 23:55 |只看該作者

多謝大家都同我有相同o既感受，講真，真係好心痛o架！我真係冇諗過打d咁common o既針都可以搞成咁！不過，其實我個仔打呢支肺炎鏈球菌針第一針都幾唔好彩，剩係第一支都打o左兩次，可能你地會問---點解o既？原因係上年三月時去青衣美景花園某位醫生度打，因當時我地冇去了解到原來呢隻針要打完第一針後兩個月再打第二針，而o個個醫生又竟然完全冇提我地，之後等到差唔多過o左成年我地先至知過晒期，所以今次醫生話要由頭再打過。

私人傳訊

hoyshc

男爵府

積分: 5902

好媽媽勳章

6^#

發表於 08-6-27 00:10 |只看該作者

你試吓貼張(退熱貼)在針口上, 幫下bb冇咁痛.有"傘"熱用作. (因我bb每次打針, 我都幫佢貼),(係姑娘教架). 你睇吓可唔可以消腫.希望可以幫到你.
睇到都心痛.

私人傳訊

pakchunmama

大宅

積分: 1529

7^#

發表於 08-6-27 00:31 |只看該作者

原文章由 hoyshc 於 08-6-27 00:10 發表
你試吓貼張(退熱貼)在針口上, 幫下bb冇咁痛.有"傘"熱用作. (因我bb每次打針, 我都幫佢貼),(係姑娘教架). 你睇吓可唔可以消腫.希望可以幫到你.
睇到都心痛. ...

好多謝你o既教路，但我個仔好唔鐘意貼退熱貼o架！佢一個月前發燒，我地同佢貼o左兩次，都唔成功，佢發晒皮四，可能好耐冇貼過，對上o個次貼都已經係一年半前喇(而家就快兩歲喇)，o個時可能細，唔識o野，而家大o左就冇咁順灘喇！
不過聽日我都會試下o既。Thanks！

私人傳訊

kayiii

大宅

積分: 1760

8^#

發表於 08-6-27 02:25 |只看該作者

hi, 睇到你呢篇主題, 要即刻入黎同你share一下~~

我個仔仔由3個月大開始打第一針肺鏈, 第一針完全冇事係輕輕有d發燒。5個月大打第二針大脾腫到似雞蛋, 我又係同你一樣怪個醫生手勢差, 之後又要佢咁細個bb食抗生素消炎!!! 我仲以後都唔去佢果間醫務所! 我有寫blog記底:

http://hk.myblog.yahoo.com/kayi73/article?mid=927

之後到左6個月大, 返健康院打2支針, 一支係乙型肝炎，一支係混合疫苗, 佢對乙型肝炎疫苗冇敏感，但對混合疫苗就敏感, 因為2支打唔同腳所以好大分別, 一隻冇事一隻就腫到豬蹄, 加上我個仔由人奶轉奶粉既時候對普通奶粉都過敏, 要食低敏奶粉, 醫生話我個仔係對蛋白質敏感, 因為混合疫苗入面有蛋白質, 同樣地肺鏈針入面都係有蛋白質, 個醫生話其實100個之中有1個bb會有類似情況, 佢地會有比較大既疫苗反應, 佢叫我要小心唔好咁快俾雞黃佢食, 而且冇必要既針(包括肺鏈針) 都唔好同佢打, 因為佢反應咁大, 打左針佢發足5日燒大脾又腫3日, bb會好辛苦, 所以最後我地都冇打第3&4針肺鏈喇~~~我又有寫底:

http://hk.myblog.yahoo.com/kayi73/article?mid=1138

補充講句, 醫生話之前佢打針都唔會咁大過敏反應, 因為人既身體有memory, 第一次反應可能只係發下燒, 之後一次會比上一次嚴重, 代表佢抗拒緊呢樣野進入佢身體, 唔知我咁講你明唔明~

其實諗返轉頭我個仔都係咁, 佢3個月大肺鏈第一針, 燒一日; 4個月大返健康院打針, 又燒2日; 5個月大打肺鏈第二針就腳腫+發燒, 但好快就退, 可能食左抗生素; 6個月大健康院打2針, 就發左5日燒+腳腫3日。我個仔呢個case又真係一次俾一次嚴重!

私人傳訊

karry

別墅

積分: 697

好媽媽勳章

9^#

發表於 08-6-27 10:33 |只看該作者

我個女三歲時打一支肺鍊球菌,又係腫到豬蹄咁,佢之前打針都唔會喊,但嗰次就係咁叫痛,又話行唔到路,重燒咗三日,去到醫生(係嗰d集團式醫生),佢話可能打既時候小朋友已經有唔舒服,所以就會有咁既返應,又話要食抗生素,又話喉嚨發炎(但我個囡話無喉嚨痛),比完藥都係要收錢,最後我都係唔放心,無比佢食抗生素,第二日再去睇家庭醫生,個醫生話小朋友無事,只是敏感,都無開藥比我地,不過之後我個囡都有一排成日病,身體差咗

私人傳訊

LoloJuly

別墅

積分: 707

10^#

發表於 08-6-27 11:48 |只看該作者

真係心痛死

我囡囡上次去打肺炎鏈球菌針都有少少腫

你個醫生叫咩名, 等我地大家提高警覺

mouth: 我囡囡今日會去打水痘打, 都選在去盈健連鎖醫療中心, 以加開始好擔心

私人傳訊

karry

別墅

積分: 697

好媽媽勳章

11^#

發表於 08-6-27 15:51 |只看該作者

始終覺得連鎖醫生無料及吓吓要抗生素收多d錢,試過有朋友問我有無見過醫生帶耳環,佢話睇過個醫生帶耳環兼好串(又係連鎖醫生),我心諗醫緊人就唔好帶住,話晒專業人士,放工我話之你,連鎖醫生比我感覺係d新人及無經驗的

私人傳訊

fook06

複式洋房

積分: 184

12^#

發表於 08-6-27 16:47 |只看該作者

我都係住青衣成上面住,又係搵卓x連鎖醫療中心幫個b打針,請問你個醫生姓セ？等我小心d。

私人傳訊

Rayli

複式洋房

積分: 417

13^#

發表於 08-6-27 23:39 |只看該作者

我住青衣, 住灝景灣ump個兒科醫生打, 話晒都係兒科醫生, 安心d. 價錢應該平過青衣城個間.

私人傳訊

birdbird

水晶宮

積分: 60865

14^#

發表於 08-6-29 23:39 |只看該作者

樓主
你返去醫務所投訴時, 醫生懷疑係藥物敏感, 唔出奇呀. 正如 kayiii 所講, 每支針藥的成份, 份量及用途都唔同, 第一次打冇事, 第2次打唔代表又冇事. 你唔放心的話, 最好去另一個晒生度睇睇. 而且, 你再帶bb打針時, 要同個醫生講番呢次的情形, 等醫生判斷一下需唔需要打果支針或者係要點樣處理打完針之後bb的生理反應.

私人傳訊