吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 愈諗愈唔鍾意我99!剩係想搵個地方呻下

婆媳關係今日: 2|主題: 27759

收藏本版

發帖

返回列表

跳至頁

查看: 982 | 回覆: 14

愈諗愈唔鍾意我99!剩係想搵個地方呻下 [複製鏈接]

yi615615

大宅

積分: 1150

1^#

發表於 15-8-9 12:26 |只看該作者 |倒序瀏覽 |打印

之前唔小心貼錯左第二版，轉番過黎呢到先

0 0 0

私人傳訊

yi615615

大宅

積分: 1150

2^#

發表於 15-8-9 12:27 |只看該作者

愈諗愈唔鍾意我99，不喜勿回覆！剩係想搵個地方呻下.....
其實件事都發生在我生前生後的時期，雖然已經過左好幾個月，但見住個仔或者同佢FACETIME時都會不期然咁諗起。。
我都知99同自己阿媽一定無得比，講真，雖然嫁入門幾年，但都FEEL到佢係一個喜人富貴嫌人窮，驚比人唱佢點點點果D，（簡單黎講啫係要面子，唔認衰果D）.
佢長時間都唔係香港，一年剩係會返黎住1至2個月到，所以雖然係住同一間屋，但都相安無事。DAY OFF咪同佢行行街，飲下茶食下自助餐，送下野比佢，煮餐飯過佢囉。咁我都無乜問題丫，始終係我99，做到的咪做囉.
係上年我知道自己有左，因為佢在鄉下要幫個大仔湊個女(1.5years),所以好老實，我預左佢唔會專登返黎陪我坐月，幫我湊BB，因為佢都驚辛苦啦，同埋大孫女又無人湊，所以我做足功課，搵左我丫媽同我阿姨再加個陪月黎同我坐月加湊B，因為知自己可能成世剩係會生1個BB，所以絕對唔介意駛多D錢黎搵人服侍自己個零月。

私人傳訊

yi615615

大宅

積分: 1150

3^#

發表於 15-8-9 12:27 |只看該作者

但好景不常，可能真係有D親戚比說話佢聽，佢在我四個月時話返黎睇下我，幫下我手睇BB。佢話孫女個婆婆肯過去照顧幾個月，咁佢就可以過黎幫下我咁。
講真，我聽到時都FEEL到佢雖然可能係驚人唱佢先咁做，但我都多謝佢返黎幫手的，始終多一個人黎湊BB都無壞，而我老公的嫲嫲就話；有你99返黎服侍你，你唔駛再叫你阿姨過黎同請陪月啦，留返D錢比自已人賺好過啦。

私人傳訊

yi615615

大宅

積分: 1150

4^#

發表於 15-8-9 12:27 |只看該作者

在阿嫲講到出面的情況下，我好天真好傻真係叫阿姨唔駛黎幫手同埋無再搵陪月D資料。一路都盤算阿媽同99黎幫手坐月便OK。點知在我臨生前的一個月，99話孫女的婆婆唔舒服喎，落唔到去鄉下湊孫女，在無其他情況下，佢要湊埋個大孫返黎，仲在無知會過我地的情況下訂晒票，仲自己打比我阿媽話佢唔得閒啦，因為要湊個大孫，醫院都唔會黎，唔好意思啦甘。。。我丫媽當然嬲啦，同樣都係孫，點解湊得一個就唔可以幫手湊下另一個丫？你唔理你新袍無問題，因為始終唔係有血緣，但果個係你個孫黎架喎，係未都唔應該咁講丫？我媽於是就答佢，你唔得閒唔緊要，你剩係幫個孫沖涼得了，因為我好耐未試過同初生BB沖涼，咁我99就好爽快答OK，無問題。

私人傳訊

yi615615

大宅

積分: 1150

5^#

發表於 15-8-9 12:27 |只看該作者

在我生前同生後，佢當然係無照顧過我啦，連我老公的嫲嫲，80幾歲的老人家都做得多過佢。。。不過，都係果句啦，我都佢無血緣的，絕對預左佢唔幫手，我亦都無話可說。
我生產的過程並不算太順利，BB同我都係在公立醫院住左五日先出到院，出院之後我自己又患左感冒，完全無法自己親自照顧BB，得阿媽，老公，同嫲嫲幫手, 在呢整整2個月入面我當然遇到好多唔開心的事，但唯獨以下三件，我諗我係永遠都無法忘記同睇開D...
1) 我大肚時-
話說剛開始放產假，諗住趁自己唔係好攰，想親自落廚煮返餐飯比老公食。於是我就諗住搭車落街市，買少少餸，都唔怕的，於是我出門時同99講聲啦，佢話佢都想出去買餸，煮D啱大孫食的餸。於是我地就一起搭車落街市，佢就前面揹住個大孫，後面揹住個背包咁出去。咁我見佢咁辛苦揹住個細的，就幫下佢揹個背包囉。行左一陣街開始去街市入貨啦，在入之前我同99講得好清楚，我剩係諗住買2個人的餸（因為我99會過隔離同爺爺嫲嫲食飯的，順便比佢地見下個大孫，所以我煑晚餐唔駛預埋佢果份）。點知。。。。佢係入足一星期的貨，又冬瓜又肉又幾斤蕃薯，佢揹住個成歲幾的小朋友在前面，仲點拎到咁多野丫，結果咪我幫佢拎晒囉，可能有D JM問點解我咁笨要拎，咁果個始終都係我99，揹住的又係我老公個姪女唔通真係自己拎自己餸咁衰女咩，好唔容易終於都去完街市入完貨，搭到車返到屋企。。（我住村屋，屋企有三層的），佢一返到屋企，自己放低晒D野就走左上樓休息，叫我擺返好晒D餸煮個面比佢做晏晝。大佬，雖然話同你無血緣啫，但你都唔係咁對一個大肚婆丫？幫你拎完咁多野，你唔講唔該都算，一句問候我攰唔攰丫，叫我抖下都無句，扔低晒D野係到仲要煮埋比你食？你記唔記得我有個細係肚入面架？我都攰架大佬！！我絕對唔係要你做D乜，你簡單一句問候下都好卦，唔駛當我賓妹咁一返到黎就做野卦？

私人傳訊

yi615615

大宅

積分: 1150

6^#

發表於 15-8-9 12:27 |只看該作者

繼上次街市入貨事件後，我老公叫我返阿媽到住到生為止，費時比99點做野喎，於是直至我生果日我都返左阿媽到住。正如我之前提及，我生產的過程並不太順利，而99都無問過我的死活，總之最尾返番村屋到坐月，99一路都當自己隱形咁，無理過我，無問過我老公攰唔攰，間歇性睇過下我個BB佢個孫，咁都算，都係果句啦，佢做我會好感激，佢唔做我都唔會有特別感覺，直頭另一件事的出現：
2)一"家"人吃飯事件-
在我生左一星期之後，我爸爸同姐姐黎左探我同BB，順便係到食埋晚飯先走，基於禮貌我媽咪邀請埋99食，我爸爸負責入街市買餸，阿媽負責煮，我因為生完傷口痛同無力，瞓左係張床到休息，而老公就負責湊BB，我99佢呢剩係抱住個識行識走的大孫坐在張梳化到等食，一句問駛唔駛幫手都無，食飯時好D的，無開到聲嫌D餸難食，不過佢個表情話晒比全世界知唔啱佢食囉，於是佢食完就自動行番去梳化到坐，連佢食完個碗都唔放番入廚房，要我媽執手尾。係梳化到坐左陣就走左，一句唔該都無，莫論幫手洗碗清潔張枱啦。果晚我己經忍唔住爆我老公，佢老味都底乜Q事，可以無禮貌成咁，當我阿爸阿媽係佢工人丫？問一句駛唔駛幫手駛死架？執返自己個碗落廚房唔得架？佢殘廢架隻手？唔該我爸爸媽媽都無聲丫，呢件事件令我勁嬲，佢對我唔尊重唔緊要，但唔該唔好咁對我父母！我父母唔係你工人丫99！！事後我老公同99講番，佢的答案真係令我O晒咀，佢話阿仔服侍我係天經地義架喎，我做乜要郁手？我真係X佢，佢邊忽見到餐飯係我老公煮架？佢明明見住我老公由頭到尾都係到幫BB餵奶換P，邊有入過廚房？99，你比人拆穿你無家都唔好搵你個仔黎做理由啦。你唔心疼你個仔湊B湊到攰唔緊要，仲話要佢服侍你？丫99你唔係真係四肢殘廢丫？咁多日子你唔選，選正我阿爸阿媽煑飯老公湊B新袍坐月時先黎服侍？你有無賤格D

私人傳訊

yi615615

大宅

積分: 1150

7^#

發表於 15-8-9 12:28 |只看該作者

係果件事件之後我已經極唔開心，我媽咪黎幫我坐月已經好攰，要照顧我BB同埋99呢個廢人。直頭另一件事的發生，令我更加唔想再叫佢99.最後一單，（我剩係細選左三單啫，當然中間仲有好多的）
3)偏心偏出面：
當其時我仔仲未滿月，作為新手媽媽的我當然係特別緊張，同埋生得咁辛苦，令我更加疼惜我的BB，話說有一次，我99幫BB餵緊奶，個大孫在隔離睇住，突然間個大孫想坐上黎張梳化到，佢一隻腳爬上梳化，一手隻居然壓在BB的腳上想借力，我見到當然即時推開大孫，耐何已經遲左，BB雖然無法喊到，但我都勁驚，即刻望有無事，個大孫見到自己比人（我）推開，又無人理佢即刻爆喊，我於是咪講左句：BB比你整親都未喊，你喊咩丫？99當場黑晒面，無教番個大孫佢的行為係唔啱的，剩係唔出聲，跟住個大孫繼續喊，99依然係無諗過教育下個大孫（我當然唔係想99鬧個大孫啦，因為我都明白個大孫咁細未必知點解我會咁緊張，我剩係想99幫手話過佢知點解佢唔可以咁壓落個BB到，我唔想再有第二次），但好明顯，丫99由頭到尾都剩係擔心個大孫喊，無睇過BB點，最後我自己抱番個BB，99依然係無反應，隔左一陣大孫繼續喊，佢先粒聲唔出抱住個大孫走。由頭到尾無諗住教育下個大孫，無睇下我個仔有無事，剩係擔心個大孫喊幾喊會出事。果下已經勁炆，於是我在電話到同老公報告呢件事，因為我知我99都會同我老公講，我同老公講的時候絕對無加工，連我點話個大孫我都隻字不漏咁講番比我老公知，費時比99唔知講成點。果然我老公一放工，99就即刻話我鬧個大孫，好惡果隻喎，話就算個大孫做錯都唔駛咁惡喎，我老公心入面有個底，咪答返佢，做錯野係要話架啦，細個唔話幾時得黎大？於是我99繼續黑面，依然覺得係我的錯。我想講的係，我唔介意你話我鬧你個大孫，你鍾意醜化我到好似刻薄個大孫都無緊要，但點解你由始至終都無問個我個BB有無事的？由比大孫壓到的一刻到我老公返黎，你第一句的居然唔係問被壓到的BB點，而係講個大孫點比我鬧。99你的先後次序係未有D問題，你偏心係未偏到咁出面？

私人傳訊

yi615615

大宅

積分: 1150

8^#

發表於 15-8-9 12:28 |只看該作者

係我BB滿月之後佢都同埋佢個大孫返鄉下了，佢走左之後老實講，我真係開心左好多！不過都終於明白，無血緣的就係咁的了，世上果然只有媽媽好。我亦都同老公講，在成個生前生後的過程入面，係得你阿媽先拎我唔開心，特別呢幾件事件。我請你（老公）唔好怪我將來再見佢的話話會有幾冷淡，佢第時有事都唔好旨意我會照顧佢。係咁多。故事完畢，呻完就算，多謝各位晒時間睇我咁大篇野