吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 各位bk媽咪打救下我啦!

少年成長今日: 0|主題: 16056

收藏本版

發帖

返回列表

跳至頁

查看: 2094 | 回覆: 19

各位bk媽咪打救下我啦! [複製鏈接]

sin2ling

大宅

積分: 1070

1^#

發表於 08-7-23 01:48 |只看該作者 |倒序瀏覽 |打印

我個囡囡2歲.好少帶她出街.就算帶她出街都要用車仔推住她.因為我知她實搞人地舖頭喲野.
放她落地下如果有人阻住她視線就推人.
有時周圍走不特止仲唔比拖又唔比抱仲發埋脾氣.總之激到你個頭識噴火啦.她仲最識爬地.低聲同她講又唔聽.大聲話她又唔聽.叫她起身就係唔起.捉住她隻手打她個屁都唔起.我都用晒力扯她起身抱住她離開現場都唔夠她力.她試過有個bb坐係bb車到拿住條腸.她去拿bb條腸.
2歲啦我個朋友個bb細她1日已經唔用車仔啦.
已經行到好多路啦.
今日同個朋友同她個仔行商場,大家都咁大點解他會咁乖而我個女就....唉......
我朋友她教仔好嚴.下下都煎巴個仔塊面到.煎到哭為止.塊面都紅晒有手印.
我....唔忍心打她我試過打她.打親她我隻手都會痛.何況她會唔痛.我打她一下咋!
最激氣她反而聽我朋友話多個聽我話.她竟然拖我朋友.仲比我朋友抱她都唔比我抱.我冇0晒面啦唔知係未驚我朋友惡呢!我朋友對她她惡架!
我真係唔識教她我唔想比人話冇家教.我打又打過大聲話她又試過細聲都試埋她都一樣唔怕我.
我個c6仲話我要我令到女女驚我先得.唔係湊唔掂女女.又話我對得好最多要我湊到她聽教聽話先得.
問題1:有冇方法令到女女行多些路沿途又唔使我抱又唔會扭計爬地.
問題2:有冇方法令到女女每次帶她出街都唔搞人野.唔搞破壞.會拖我行路.唔周圍走.
問題3:有冇方法令到女女唔會打人呀!
我朋友個仔唔比她拖她就打人又咬埋人.
我朋友話咁樣唔得.到時去到幼稚園見家長見到你暈呀.救命呀!我個頭爆啦!(我最想她改呢樣)
唔係搵鬼幼稚園修她.各位bk媽咪打救下我啦!
你地叫我以後點敢帶她出街.我都係唔帶她出街.終日同她一齊困憬屋企算啦!
鬼叫她萬千寵愛在一身.呀嫲嫲同姑姐最錫她.試過連自己呀媽呀爸都唔跟.鬼叫咩第一粒孫女.而呀婆婆公公果邊又係第一粒外孫女.
(已經被種壞晒了)呀女有親咩野事(係好係壞)我就有如被千人所指(連我個佬).起勢咁話我.
唔可以咁要咁咁咁.........起初成檯人得一個話我一句之後起勢變左你一句佢一句.嫲嫲.姑姐衰佬.爺爺炮轟我.我緊係say晒yes啦唯有講係.嗯.哦.知道.她彩的是我唔使同她們住....

[ 本文章最後由 sin2ling 於 08-7-23 01:51 編輯 ]

0 0 0

http://us.f6.yahoofs.com/hkblog/sdS7Tu6BGRmFS7FR27g05Q--_1/blog/20070418020436349.jpg?ib_____DK7gKK5zp

私人傳訊

三月媽咪

別墅

積分: 724

2^#

發表於 08-7-23 06:29 |只看該作者

我念，2歲既bb應該好仲意去街，因為佢唔行就小d帶佢出街都唔係辦法，不如帶佢出多d，同佢講“你睇下d哥哥姐姐都唔坐車車自己行路幾“藶”，不如你行行比媽咪睇啦。”

同埋你講到甘多人寵佢，你女女唔仲意扭計就假啦，唯一既做法就係同屋企人講清楚叫佢地盡量配合，如果唔係，你女女係甘既環境之下長大好難教。

私人傳訊

smallmama

大宅

積分: 2350

3^#

發表於 08-7-23 11:22 |只看該作者

我覺得一定要嚴同埋你要比佢知道做錯係要打既, 你可以先比口頭警告, 話明3次要打, 但3次係真的要打 (打手或PATPAT, 一定不要打面), 不要只說不做, 咁樣佢才會慢慢明白, 做錯媽媽係會罰.

不要怕千夫所指, 你要知道, 將來佢有乜唔好, 其他人會話你寵佢, 會忘記是因為佢哋一齊寵壞佢, 因為你才是她的母親.

我都咁教我仔, 曾經有一段時間比幼稚園老師覺得我好嚴, 但我也不怕, 所以有同學仔媽咪都會讚我仔乖 (我勞氣教冇人知), 當然你打她時要給她知道你是出於錫她想她好, 要講出口, 佢會知的.

我仔而家都會知道我打他, 係因為他曳做錯野, 佢仲話係最錫我添 (他今年7歲)

加油呀, 唔好放棄, 一定會.

私人傳訊

家希媽媽

別墅

積分: 523

4^#

發表於 08-7-23 12:49 |只看該作者

其實係咪真係要用適當嘅打先可以呢? 我個囝囝嘅情況同樓主有一d相同, 佢係一個好自我嘅人, 又係鍾意點就點, 又係萬千愛在一身, 個個都縱佢, 尤其我老豆, 每次探完佢亞公之後就係有幾日係特別扭計, 我係需要出盡力調較番佢先會乖番(因為佢怕我, 所以佢算聽我話, 基本上只要無爺嫲公婆響到佢都係乖d, 不過我覺得佢好似有愈來愈曳嘅情況), 有時我真係教到心力交瘁, 睇書就話唔可以打, 不過我又覺得用適當嘅體罰係好, 但我又驚會影響親子關係.....我真係唔識教, 會偷偷地喊, 感覺好大壓力

我都想有人教教我應該點~~

私人傳訊

chanwendy

伯爵府

積分: 16931

5^#

發表於 08-7-23 12:56 |只看該作者

如果 grandparent 咁縱佢的話, 我建議你盡量少見佢地. 同埋一定要比佢知邊當你教緊女時, 唔可以插手幫口, 否則反面. 你個囡知有人幫就梗係唔會再聽你講啦.

我個一歲開始就唔肯坐車架喇, 自己行, 行到攰先叫我抱. 如果我拎好多嘢或者我都好攰, 我就會同佢我好攰, 冇力再抱佢喇, 咁佢都會肯自己再行一段路. 如果佢出街唔乖, 我會叫佢睇吓四週哥哥姐姐全部都好乖之類的說話.

另外我都會打囡架, 雖然打完自己都手痛, 但係我唔會手軟架, 而家唔教, 返咗學仲難教呀.

私人傳訊

kellyly

侯爵府

積分: 24623

好媽媽勳章畀面勳章

6^#

發表於 08-7-23 13:46 |只看該作者

原文章由 chanwendy 於 23/7/08 12:56 發表
如果 grandparent 咁縱佢的話, 我建議你盡量少見佢地. 同埋一定要比佢知邊當你教緊女時, 唔可以插手幫口, 否則反面. 你個囡知有人幫就梗係唔會再聽你講啦.

我個一歲開始就唔肯坐車架喇, 自己行, 行到攰先叫我抱. ...

AGREE呀
老人家就一定縱la.
你女女做錯野時邊個都無面比一定要罰or教,其他人出聲既就要鬧埋,如果唔係既你女再大d你就慘la.
而要佢行,你可出街前同佢講家,要自己行,如果唔自己行既就唔去街.
而打人既,佢一出手你可捉住佢對手臂仔,用好嚴厲既語氣同佢講咁做係唔啱既,你咁做係錯既,mami好唔鐘意小朋友咁,你咁做mami會好唔開心
重要佢say sorry.

之前我教仔又係ka,個個都加把口ka.
試過一次唔記得呀仔做錯咩ka,我要呀仔道歉,點知呀99出聲話由得佢la,之後仲攬住呀仔,話唔洗怕麻麻係到麻麻錫番.
我即大鬧話:呀99我而家唔教佢係咪等佢大個左做錯野比人拉左咁至黎後悔呀,我教佢係想佢好ja
呀99一聽到嚇死佢,因連佢都比我鬧埋.
咁呀仔無人幫就道歉.
所以我教仔我理得你係天皇我都照鬧.
你要努力呀.

私人傳訊

nyhong

禁止訪問

積分: 221

7^#

發表於 08-7-23 15:00 |只看該作者

提示: 作者被禁止或刪除內容自動屏蔽

私人傳訊

newcook

水晶宮

積分: 51389

2025勳章 2025勳章蛇年勳章 2024年龍年勳章 2023年兔年勳章牛年勳章好媽媽勳章醒目開學勳章畀面勳章

8^#

發表於 08-7-23 16:11 |只看該作者

原文章由 nyhong 於 08-7-23 15:00 發表
o下! 原來都幾多人打仔喎!

我個仔現時三歲, 記得第一次打仔係佢沖完涼後掛住玩唔著衫, 搞在好耐都著唔到, 鬧又唔得, 我發火好大力咁打在佢pat pat一下, 佢即刻定一定神並有點疑惑地望住我, 我即時覺得 ...

好爸爸, 如果我老公好似你咁就好啦~

私人傳訊

smallmama

大宅

積分: 2350

9^#

發表於 08-7-23 16:48 |只看該作者

通常打仔都係亞媽做, 我老公都唔打仔, 但結果亞仔痴我多過佢, 你要比佢知道你點解要打佢, 唔係一開始就打, 亞仔由細到大, 我都係講明比3次機會, 第4次就打, 仲要持之以恆, 而家我講第二次, 亞仔通常都唔會再曳, 因為佢知我真係會打佢, 就算而家都會, 不過相對地越來越少 (他今年7歲), 我覺得最緊要堅持同有信用, 咁小朋友就會明白架.

原文章由 nyhong 於 08-7-23 15:00 發表
o下! 原來都幾多人打仔喎!

我個仔現時三歲, 記得第一次打仔係佢沖完涼後掛住玩唔著衫, 搞在好耐都著唔到, 鬧又唔得, 我發火好大力咁打在佢pat pat一下, 佢即刻定一定神並有點疑惑地望住我, 我即時覺得 ...

私人傳訊

豬豬蛋

大宅

積分: 2752

好媽媽勳章

10^#

發表於 08-7-23 16:58 |只看該作者

其實小朋友個個都會好奇, 佢地又唔係木頭人, 無可能你想佢點就點, 我囝囝同你囡囡差唔多, 出街都鍾意周圍攪, 不過我唔會阻止佢, 小朋友好多時靠接觸同觀察去學習身邊事物, 我只會同佢講玩完要放返好架!跟住自己放返好, 佢睇得多, 自然知道玩完要放回原位.

私人傳訊

sin2ling

大宅

積分: 1070

11^#

發表於 08-7-23 17:27 |只看該作者

原文章由 smallmama 於 08-7-23 11:22 發表
我覺得一定要嚴同埋你要比佢知道做錯係要打既, 你可以先比口頭警告, 話明3次要打, 但3次係真的要打 (打手或PATPAT, 一定不要打面), 不要只說不做, 咁樣佢才會慢慢明白, 做錯媽媽係會罰.

不要怕千夫所指, 你要知道, ...

首先我見到有咁多人教我多謝各位教我.
我會嘗試先講後打呢個道理!

http://us.f6.yahoofs.com/hkblog/sdS7Tu6BGRmFS7FR27g05Q--_1/blog/20070418020436349.jpg?ib_____DK7gKK5zp

私人傳訊

sin2ling

大宅

積分: 1070

12^#

發表於 08-7-23 17:37 |只看該作者

原文章由 kellyly 於 08-7-23 13:46 發表

AGREE呀
老人家就一定縱la.
你女女做錯野時邊個都無面比一定要罰or教,其他人出聲既就要鬧埋,如果唔係既你女再大d你就慘la.
而要佢行,你可出街前同佢講家,要自己行,如果唔自己行既就唔去街.
而打人既,佢一出手你可 ...

你好勇呀!我唸如果我咁樣話他們!老爺又會打小報告比個衰佬聽.
佢殺左我都有份呀!
如果他們幫口就會變左我個女女唔會再聽我講.
又要重新教過...唔知仲會唔會聽我話......

http://us.f6.yahoofs.com/hkblog/sdS7Tu6BGRmFS7FR27g05Q--_1/blog/20070418020436349.jpg?ib_____DK7gKK5zp

私人傳訊

kellyly

侯爵府

積分: 24623

好媽媽勳章畀面勳章

13^#

發表於 08-7-23 22:08 |只看該作者

原文章由 sin2ling 於 23/7/08 17:37 發表

你好勇呀!我唸如果我咁樣話他們!老爺又會打小報告比個衰佬聽.
佢殺左我都有份呀!
如果他們幫口就會變左我個女女唔會再聽我講.
又要重新教過...唔知仲會唔會聽我話...... ...

我係無辦法ja.
因眼見呀99佢地湊佢個孫女

我唔出聲容咩易多個好似佢孫女既生番小朋友
我死都唔得掂呀.

私人傳訊

nyhong

禁止訪問

積分: 221

14^#

發表於 08-7-23 23:07 |只看該作者

提示: 作者被禁止或刪除內容自動屏蔽

私人傳訊

neriyan

大宅

積分: 3182

15^#

發表於 08-7-24 04:37 |只看該作者

首先2歲是一個trouble two的年紀, 即一般到這個年紀都有的問題, 你預左會有點難教, 但都要教, 未必即刻有改善, 但辛苦過了一段時間就會好好多, 我個仔的情況都有你所講的, 出盡法寶都無乜改善, 但過了一段時間, 問題就沒再發生. 其實咁細的小朋友最怕係無人理, 即忽略佢, 當然是在安全情況下和在他做錯事時用的啦, 有時你越緊張佢, 佢都會唔怕你, 因bb都會feel到, 你需要佢, 多過佢需要你, 睇吓你忍唔忍到心, 佢扭計唔好理佢, 唔好俾佢見到你, 仲有, 教法都要一致, 唔好時時轉得咁快, 唔好俾佢感覺到你好似無佢符咁樣(雖然係, 都要有番個勢), 還要一定給他"後果", 做錯事, 當然要有後果, 仲要一定是他唔想要的後果, 最好是即刻俾, 每次都要俾, 要堅持一致啊! 讓他知道錯在那裡, 並且要教他正確的做法! 個個媽咪都是從實戰中學會如何做媽咪的, 係咁架啦, 俾心機!

我個人不贊同用打的方法, 因我總覺得有好多方法, 不一定要用到打, 越少越好, 因用開, 好容易不知不覺間會變成發洩情緒, 自己都唔知, 希望你搵到啱自己的教仔女方法, 因各種方法用起上來, 效果都是因人而異的!

私人傳訊

家希媽媽

別墅

積分: 523

16^#

發表於 08-7-24 12:30 |只看該作者

其實都覺因應每個小朋友嘅性格去搵適當嘅教導方式, 好似我個仔咁, 佢好硬頸好自我, 受硬唔受軟, 所以對付佢, 都係三次機會後就打一兩下, 但係要痛, 所以佢就多數數到二就會聽, 基本上由佢出世到依家, 打佢嘅次數一隻手都數得晒! 不過踏入terribe two, 我唔知會唔會破記錄

私人傳訊

Carlsson

大宅

積分: 4011

17^#

發表於 08-7-24 12:38 |只看該作者

除咗打和罵之外...
我哋做父母的, 要記得"讚"...
當孩子做得好/做得啱時, 我哋要"跨張地"讚賞他們...
妳諗吓, 我哋大人被人讚賞時, 我哋都開心...
何況小孩子...
妳的讚賞, 係對他們的肯定及認同...
令他們更有自信...

我係唔同意打的...
雖然我囝囝都會扭計, 但佢會聽我的(淨係我)...
個個都唔明, 但佢好聽我的話...

當然我知點解, 在囝囝歲半時, 我都有試過錯敗...
因為同妳一樣, 個個都竉佢...
只有我一個人, 什麼都say "NO", 詳都"唔准"...
這時囝囝唔跟我, 唔叫我, 唔同我玩 (好唔開心/仲有些痛心)...

我62覺得我好衰人, 成日係度"鬧"仔...
本來好平靜, 想教好囝囝, 但多個人係旁邊, 即刻變成"鬧"...

這時我好唔開心, 好彩有位BK mami, 叫我:若果覺得自己係對的, 要堅持自己...
到今日, 個個都認同我...
我的努力無白費...
我囝囝E+成日都叫住: mami, mami...
我真的由心開心出來...

所以妳都要努力, 要同咁多人對抗, 係好辛苦的...

我係開心CarCar...
我最鍾意係車車

私人傳訊

lojo11

翡翠宮

積分: 98294

2024年龍年勳章牛年勳章

18^#

發表於 08-7-26 09:57 |只看該作者

教小朋友真係好難, 要同佢角力, 有耐性, 真係少d EQ都唔得.... 仲要身邊的人配合, 真係非常難....

總之努力啦, 大家的問題雖然差不多, 但每個小朋友的性格都唔同, 好難比到一個合用的SOLUTIONS.

要有耐性, 要相信個小朋友將來會乖...

我都用左年幾時間, 由個囝歲半到宜家三歲, 佢先乖乖....

私人傳訊

rat

大宅

積分: 1096

19^#

發表於 08-7-28 13:56 |只看該作者

原文章由 家希媽媽 於 08-7-23 12:49 發表
其實係咪真係要用適當嘅打先可以呢? 我個囝囝嘅情況同樓主有一d相同, 佢係一個好自我嘅人, 又係鍾意點就點, 又係萬千愛在一身, 個個都縱佢, 尤其我老豆, 每次探完佢亞公之後就係有幾日係特別扭計, 我係需要出盡力調 ...

其實我都教法同上面的媽咪一樣，最重要係細時教，一過4，5歲這係唔WORK，佢地都"成型"，我教仔係佢3歲時，佢犯錯，輕就打下手掌，佢當然喊，但唔可以理佢，尤得佢喊，好似樓主，佢爬地就打佢屁，唔好話輕輕下，打就唔好仇人用盡力，只要係佢痛就OK，心痛當然有，但妳現在唔控制佢，再大點...因為"就"慣咗，睬妳都傻，我仔係男第一個孫子，女家係最細一個，對上表姐都升中三，亦都係萬千寵愛，但我就好惡，好似佢返K1時玩到瘋去咬同學仔DADDY，佢DADDY 見到我就同我講，我一手捉住同仔要佢同人地道歉，佢喊，但都要佢當住面道歉，返到屋企，我就用籐條打咗5下屁屁，佢喊晒...我都唔理，之後我捉住佢隻手咬佢一啖，問佢痛唔痛，佢話痛，我話叔叔比你咬仲痛，K2時就開始輕事就教道理，仲要以佢自己來做例，唔好長篇大論，好似佢唔鐘意輪，就話你自己唔鐘意輸，一輸就發脾氣掉野，咁你估有無朋友仔鐘意輸，點解你D同學仔輸咗仲同你玩，但你輸咗就唔玩，咁人地都可以輸咗繼續，但你就這樣對同學，同學會唔開心，如果係你，同學一輸就唔同你玩就走咗，你開心嗎，咁佢就明好多，上到K3，我就己經同佢講，你大個仔，媽咪都知你好多事情好壞都了解，媽咪唔想再打你，打你媽咪都手痛，你自己都痛，咁你係未懂得媽咪叫停就停，咁如果遇到佢百厭，我會口頭警告，再來第二次，第三次就打屁屁，仲話比佢知媽咪警告你兩次叫你停，你有無聽到.........其實最重要係2-5歲的階段，如果妳唔能好好教佢，就好難控制場面，但係未要打，妳要自己諗諗，有人讚成，有人唔鐘意，但我眼見有適當的體罸(打手同屁)，小朋友係會聽教，但唔以長遠係咁，但唔讚成的家長，我見佢地10 個有7個，到現在小朋友6歲，佢都係要追住個仔叫佢停，重要係佢個仔當佢無到，我仔見佢仔仔打開媽咪手袋，我仔話"唔好，你有無問過媽咪，一陣唔見野就慘！"佢媽咪就乘機話"係囉！唔好搞。"佢個仔望下我個仔，再望下佢亞媽，繼續在袋中尋.......，好似我仔仔今年升小一，係幼稚園畢業那天，有個同學一上車，佢DADDY叫佢食包啦，因為預計要5個鐘才有得食，車上個個小朋友都係咁，點知個小朋友發脾氣閙DADDY，佢DADDY 未嬲囉，話"係未要打，你同我收聲"，但個小朋友當佢耳邊風，仲發脾氣，搞到要老師話佢佢才收聲，個DADDY 好唔好意思，搞到出晒醜。校長未話細時你地太就佢，佢一唔如意就發脾氣，仲要係自己想點就點，點解老師佢會怕，唔怕妳地父母.....。

[ 本文章最後由 rat 於 08-7-28 14:01 編輯 ]