吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 全程只需2小時

大仔大女媽媽會今日: 0|主題: 177860

收藏本版

發帖

返回列表

跳至頁

查看: 1726 | 回覆: 15

[2008年] 全程只需2小時 [複製鏈接]

mooncatlady

複式洋房

積分: 163

1^#

發表於 08-7-16 12:36 |只看該作者 |倒序瀏覽 |打印

原本因為皮膚問題決定7月9日4:30pm開刀，5號同醫生講其實想摧生，不過醫生話頭仔仲係好高，未必成功，所以最後就決定9號開刀﹝就醫生時間﹞，我同老公都覺得係我地揀嘅日子，都唔係bb自己選擇，好似唔係幾好咁，不過冇辦法，因為皮膚問題真係好嚴重，唯有開刀。

就係8號，我諗開刀之後好多野都唔食得，所以果日又食西瓜、又食雪糕、又飲幾杯橙汁，點知9號凌晨3點幾有D好似M痛又似想去大便，又真係去咗1次大，之後隔咗冇耐又去多1次，今次發現有少少紅，以為痾損了，點知係見紅。

4點15分開始又有d M痛feel，而且過咗一陣又有，我開始諗唔係要生卦，今日下午先開刀喎，bb唔係要出黎卦，而且成日都聽第1胎見紅同陣痛都要10幾個鐘，所以就開始計時同等下忍下痛啦，點知d痛冇晒規律，持續咁痛，間中好痛，間中少痛，總知唔係我上堂聽果d有規律嘅陣痛。

到5:15am，我同老公講既然朝早都預咗要入院，不如依家入啦，因為真係好好好好痛，25分就上的士，由將軍澳去浸會只係10幾分鐘，好彩係凌晨冇咩車，所以好快就到，但係我果時痛到好驚會係架車到生，落咗車都行唔到，要用輪椅推去產房。

去到產房護士同我檢查已經話要生得，問我幾時痛？我話4:30，佢就即刻call我個醫生，問開刀定自己生，醫生話可以自己生，我記得我不停聞笑氣，好似真係好d，冇幾耐醫生就到，好快就生咗啦！

之後聽d護士講我5:45am到浸會，6:06am就生咗，真係好快，我都諗唔到會係咁快，前後唔駛2個鐘，護士話一來後生，二來我真係好努力做運動，可能有d幫助，原來bb都想9號出黎，而且唔駛媽咪捱一刀，又唔駛媽咪痛得咁辛苦，可能bb知道媽咪因為皮膚問題已經好苦啦，所以好乖咁自己快快手出黎。

不過經過女人最痛之後，真係咩都唔怕啦，原來生果下真係好似去大咁，仲有就係一生完bb，d皮膚明顯好咗好多，好神奇呀！

0 0 0

私人傳訊

blueski

公爵府

積分: 27079

父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018母親節勳章 2018復活節勳章 15週年勳章親子王國15週年勳章趣教勳章畀面勳章叻叻勳章有「營」勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋 BK Milk勳章 hashtag旅遊勳章 hashtag影視迷勳章 DHA勳章育兒性格勳章認識瑞士牛牛第二回認識瑞士牛牛第三回最關心BB問題熱投勳章美好大世界2017勳章開心吸收勳章

2^#

發表於 08-7-16 13:47 |只看該作者

恭喜你順利生bb

真係好啦, 唔駛痛咁耐就可以生到bb, 可以唔駛捱一刀, 你真係好叻, 我而家仲等緊bb出世, 本來預產期係13號, 計埋今日已經過左3日, 我只係諗我又小左3日去休息, 希望bb乖乖快d出世就好了.. 祝你同bb健健康康!!

私人傳訊

littlemouse2008

洋房

積分: 95

3^#

發表於 08-7-16 14:13 |只看該作者

恭喜晒.....
bb真係好乖好鍚媽咪呀, 我個b都係過期居留左2日, 預產期係7月14日, 而家日日都你屋企等生 , 唔知阿b幾時出嚟見我哋呢?

私人傳訊

YUYANTHONY

別墅

積分: 596

4^#

發表於 08-7-16 14:30 |只看該作者

恭喜晒你呀,你呀b真係好,錫住你,唔洗你開刀,亦唔洗你痛好耐,我都明天入院了,後日開刀,早幾日我都以為我要生,突然又肚痛又

,點知.......現在唯有等開刀啦~你好好坐月休息多啲啦~

私人傳訊

cherry2008

別墅

積分: 691

5^#

發表於 08-7-16 15:09 |只看該作者

恭喜晒丫...bb真係錫住媽咪喇...聽完你講先知原來第一胎未必要痛好耐先生得架,真係因人而異架...好多謝你分享你過程,希望bb同你都健健康康啦...

私人傳訊

mooncatlady

複式洋房

積分: 163

6^#

發表於 08-7-16 16:55 |只看該作者

係呀，bb囡真係好鍚媽咪，感謝天主，因為果時每個星期日都去望彌撒，祈求一切順利，尤其臨生37w突然d皮膚有問題，真係好擔心呀！

其實當時係屋企，我話俾老公聽有好似m痛咁嘅痛，佢就叫我一唔痛就話佢知，佢做記錄，點知我d痛都冇規律，我記得我痛到彎晒腰，佢仲走去睇書睇下d陣痛係點？因為佢話我唔似上堂講果d，我真係俾佢激死，叫佢快d啦，仲睇書去醫院啦！

不過因為個過程太快啦，我生果陣真係諗好彩去咗大，唔係就慘啦，哈哈！不過好攪笑係一入院就要生，連醫院衫都冇得換，仲一路生一路叫我簽d文件，我當時手都陣埋，又冇戴眼鏡，都唔知自己簽咩，總知當時都幾攪野啦！

之後果晚老公番到屋企話好似打仗咁，因為係凌晨關係，而且情況太趕急，我地成日都冇擦牙......

所以未生嘅媽咪唔駛擔心，唔一定痛10幾個鐘，同bb講多d野就得架啦，佢真係知架！不過第1胎痛咁少，使我更唔怕生第2個啦！因為d人話第2胎會快d架，我諗到時如果係一痛就要入院啦！哈哈！

私人傳訊

littlehei2008

大宅

積分: 2581

7^#

發表於 08-7-16 19:16 |只看該作者

Congrats ar! Easy and smooth to deliver a lovely baby girl

I'm still waiting for my baby, I'm also affected by sensitive skin problem sometimes, especially occurred on my sensitive red face...

I hope the problem will be disappearred after born baby lar~~

私人傳訊

WWBaby

大宅

積分: 1427

8^#

發表於 08-7-16 22:25 |只看該作者

Congratulations & very 羨慕 ar!
Hope that I can deliver safetly, quickly & smoothly as you did la........: )

私人傳訊

BOBOWIN

別墅

積分: 731

9^#

發表於 08-7-16 23:12 |只看該作者

原文章由 mooncatlady 於 08-7-16 16:55 發表
係呀，bb囡真係好鍚媽咪，感謝天主，因為果時每個星期日都去望彌撒，祈求一切順利，尤其臨生37w突然d皮膚有問題，真係好擔心呀！

其實當時係屋企，我話俾老公聽有好似m痛咁嘅痛，佢就叫我一唔痛就話佢知，佢做記錄，點知我d痛都 ...