吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 平心而論(長編)

婆媳關係今日: 0|主題: 27758

收藏本版

發帖

返回列表

跳至頁

查看: 6495 | 回覆: 51

平心而論(長編) [複製鏈接]

12 3

lovechin

大宅

積分: 1792

好媽媽勳章

1^#

發表於 16-10-5 11:29 |只看該作者 |倒序瀏覽 |打印

本帖最後由 lovechin 於 16-10-5 13:37 編輯

同9962姑仔相處12年，當初同居各有各生活，62就返夜班，一星期只見一次。
99比較開通，而姑仔因為當時最小(當時14歲)，大家好多事也就佢，所以佢事無大小就嘈，而我好多時唔會理佢地，返回入房自己玩或者看電視，當時是無咁多爭執。

自從個仔出世後，大家都好錫佢，成日買野俾佢！但仔仔越來越大，爭吵也越來越多(仔仔+姑仔)，可能個仔的存在，姑仔的地位受到改變。開始大無小事同個仔嘈。不過仔仔有時又鐘意攪下個姑姐、有時食飯又踢到姑仔隻腳又嘈，爭玩具又嘈。爭野食又嘈！總之大大小小，她們一起在一室的時間，就一定會嘈！其實每天的爭吵真的有點煩！
好多時我同奶奶都會話個仔先，唔好攪你姑姐及其物品！之後再好心提下佢，唔俾人掂我的野，唔俾人食的野，不如放返入妳房，無謂每次也嘈，因為放得係廳的野都係隨便食，隨使玩。之後我奶奶都會說一人少句啦！

跟住姑仔就好鐘意說(不屑+發脾氣的態度)：[咩都係我唔o岩，咩都係我錯。佢(指我個仔)o岩晒，咩都幫住佢啦！我係家中無地位。講咩都唔o岩聽！]之後就開始單單打打的發脾氣攻擊！(其實都無人再理佢！由佢發。)

姑仔每次嘈完(不論同家人、朋友、或是公司的同事上司)，就好鐘意在FB 留言話人不是，自己有自己的論點。每次也是說其他人對佢的針對，對佢唔好，無人理解佢等....(同她說了好幾次，唔好咁樣，因為有機會將來的老闆，上司無意間發現，就會影響到妳的前途。佢會講SET 了私隱無有怕，所以我地無再理佢D幼稚言論。)

再之前，姑仔與之前的男朋友，有次她的男朋友去fd 家中BBQ，叫佢放工坐的士入去，個男仔去村口接佢，但佢就發脾氣，要個男仔一定要去佢公司接佢！之後個男仔因為咁而無去接，又嘈左好耐！

有一次，就為了一合奇X迷你月餅，因為姑仔愛食這個品牌。而這合月餅係我取回家中分享給大家食。放在家中數天，月餅也給家人食晒，後來99知道佢未食，已經擔心佢會嘈！之後不出所料，佢知道月餅食晒，{就嘈仲咩唔留返一件俾佢！有無攪錯...離晒鐠....之後叫佢阿媽買返合俾佢。}99叫我在公司附近留意下，我話，佢咁大個人，自己想食自己買都得！佢元朗返工，元朗都有啦！不過我最後都再說多句，返工見到就買啦！(當然我無理到，因為我本人都唔愛吃，而家中還有其他月餅未食！)最後都不理理之！

這一次姑仔的脾氣，就觸發我今次請大家討論的情況！
事源家中的(非洲鼓)，是6299在旅行買回來給小兒玩的！但因為拍鼓的聲音，他們覺得噪吵而收起個鼓放在柜頂。前幾日的晚上(19:00)，因為小兒入到學校非洲鼓班，非常之開心同家人分享喜悅。姑仔得知後，就取回鼓自己玩了一陣，之後就小兒取來玩！小兒玩了一陣，就俾姑仔話好嘈，叫我個仔STOP。我個仔當然唔理佢，難得有得玩，打多幾下！之後姑仔搶回個鼓放回柜頂。我個仔跟住扭計。
我回左一句，如果覺得嘈，棄左個鼓去啦！無啦啦囉個鼓出黎引佢(我個仔)仲咩o者？
之後我feel到姑仔開始黑面，也無理會，叫個仔開台取椅食飯！
姑仔自己夾開飯送，坐係梳化食。99問佢咩事。姑仔火氣說：我唔x同這些人一起食飯！我做咩都係錯，做咩都俾人話。
之後無人理佢，我地自己食飯。老公剛剛由洗手間出黎，不知發生什麼事，只是一出黎就問個仔，係咪又係你引起呀！
我就火起講，唔好下下都話個仔啦！今次唔關你個仔事！無啦啦囉個鼓落黎玩，自己玩的時間唔覺得嘈，點解到我個仔玩一陣就話嘈！
之後無人再出聲，99也說一人少句。食完飯洗麻碗回房。
當晚也同奶奶say sorry，破壞了食飯氣氛，難為了佢！但同時也解釋我發火係唔想什麼事也跟小兒過不去，什麼事也關我個仔事！

其實一天後，我都當無事發生，不過姑仔係一個十分小氣之人，都估到佢有排發。

前天就是62一星期放假一天，今日姑仔放工，已經發晒脾氣入房，62也GET 到佢個女嬲。
之後到食飯，6299叫我個仔拍門叫姑仔出來食飯，我個仔拍門無反應。我同個仔講唔應就算！唔好理佢。之後奶奶拍門叫，她大聲爆：唔X同這些人一起食飯。之後都無人理佢。咁我地自己食！
食飯期間，姑仔黑住面出出入入幾次，最後一次就囉住隻碗出黎說：[我夾送入房食都唔X同這些人食！]
我老公即刻火起，企起身話：你想點X樣！
之後62發火，拍台話老公：[攪X咁多野做咩，同我坐返低，好好地食餐飯，嘈咩X野！一星期返黎食一餐飯，攪到家嘈屋閉。]
我老公話：邊個發脾氣先，你無知當中原因。
62話唔理邊個o岩同錯，就係唔好再發神經。
之後跟手話麻99，你點x睇住呀！人小小都攪到家嘈屋閉。(當然我99忍住，場地清潔食完飯就回房)
老公話：咁當我唔o岩，我唔再講啦！(之後走左去無食飯！)
而我因為62發脾氣拍台，瀉了d湯在我身上，我處理後都無去食飯，通知仔仔食完飯通知我，我返回入房了。

我都唔知我姑仔係幼稚或是港女？依家就黎27歲。(小氣、斤斤計較、思想負面、亂發脾氣)

咁樣嘈，真的好怕我個仔全面接收，有樣學樣！
(講晒粗口黎嘈交，99 EQ最好，我發火唔會在仔面前停粗口，就算沖口也會急停到。而我老公、62、姑仔就唔理，咩粗口都會爆發。)
(因為姑仔發脾氣就好鐘意大力關門。有次我個仔發脾氣，入洗手間下，真的大力關門。個下嬲到我同我老公即刻捉個仔訓示。)
(可以在家中亂發脾氣=,=)

另外，唔通真係要我同我仔講，唔好同姑姐玩，唔好理姑姐，唔好攪姑姐D野！因為唔知幾時又觸動佢神經。
(但小朋友，有時沖口話姑姐咁樣做唔o岩，之後又會觸動佢神經。)

我應該點做！(預計2年-2年半後有居屋可以入住新居，不過首期是62借。)

0 0 0

私人傳訊

luvkaka

水晶宮

積分: 67804

2^#

發表於 16-10-5 11:40 |只看該作者

回覆 lovechin 的帖子

我同你差唔多, 又係同6299姑9 住咗幾年, 相安無事的, 但一有咗小朋友就大鑊囉. 我最終都頂姑9 唔住, 搬咗出去先海闊天空, 你要加油呀!

私人傳訊

lovechin

大宅

積分: 1792

好媽媽勳章

3^#

發表於 16-10-5 11:55 |只看該作者

luvkaka 發表於 16-10-5 11:40
回覆 lovechin 的帖子

我同你差唔多, 又係同6299姑9 住咗幾年, 相安無事的, 但一有咗小朋友就大鑊囉. 我 ...

我忍到都唔想嘈！但無理由對自己的指標同我個仔指標不同！

私人傳訊

luvkaka

水晶宮

積分: 67804

4^#

發表於 16-10-5 11:56 |只看該作者

lovechin 發表於 16-10-5 11:55
我忍到都唔想嘈！但無理由對自己的指標同我個仔指標不同！

到你頂到極點你就會爆, 之後就好似我咁不相往來, 我唔想你咁囉.

私人傳訊

xavierma215

男爵府

積分: 5711

5^#

發表於 16-10-5 12:00 |只看該作者

點解仲要一齊住
做乜要62借首期
始終係人地屋企
明知姑仔係咁嘅人
辛苦d細細地出面都租住先
唔買樓其實唔會死
但係咁樣再住落去就終有一日反哂面
99又難做

私人傳訊

lovechin

大宅

積分: 1792

好媽媽勳章

6^#

發表於 16-10-5 12:02 |只看該作者

luvkaka 發表於 16-10-5 11:56
到你頂到極點你就會爆, 之後就好似我咁不相往來, 我唔想你咁囉.

其實我發完個下我就會無事。不過姑仔一日在家黑口黑面及單單打打。爆發個個可能係我老公。

私人傳訊

lovechin

大宅

積分: 1792

好媽媽勳章

7^#

發表於 16-10-5 12:07 |只看該作者

本帖最後由 lovechin 於 16-10-5 13:44 編輯

係62自己提意借。之前係因為我個仔無房。
（早2年姑仔原本有個結婚對象，不過最後也散了。諗住仔仔大個住姑仔間房）
其實我底線係我個仔，如果唔係我個仔錯又賴到佢身上，我係唔會理我姑仔D脾氣。

私人傳訊

QY08040408

伯爵府

積分: 18354

8^#

發表於 16-10-5 12:30 |只看該作者

lovechin 發表於 16-10-5 12:07
係62自己提意借。之前係因為我個仔無房。
（早2年姑仔原本有個結婚對象，不過最後也散了。諗住仔仔大個住姑 ...

依D港女性格，我諗佢就算佢嫁左都會霸住間房喇。真係低能嘅，樣樣同個幾歲細路爭……你都話可以爆佢，辛苦你99做夾心餅

私人傳訊

Rilakkuma312

子爵府

積分: 12598

9^#

發表於 16-10-5 12:31 |只看該作者

lovechin 發表於 16-10-5 12:07
係62自己提意借。之前係因為我個仔無房。
（早2年姑仔原本有個結婚對象，不過最後也散了。諗住仔仔大個住姑 ...

寄人籬下甚艱難

私人傳訊

lovechin

大宅

積分: 1792

好媽媽勳章

10^#

發表於 16-10-5 12:36 |只看該作者

QY08040408 發表於 16-10-5 12:30
依D港女性格，我諗佢就算佢嫁左都會霸住間房喇。真係低能嘅，樣樣同個幾歲細路爭……你都話可以爆佢，辛苦 ...

所以忍到小事我個仔唔啱我都話個仔，忍到就忍。不過個日就忍不住了。

私人傳訊

Gi-leung

伯爵府

積分: 18331

11^#

發表於 16-10-5 12:54 |只看該作者

回覆樓主:

樓主姑仔咁嘅性格都幾難嫁得出簡直係公主病

私人傳訊

fatfat0423

大宅

積分: 3485

12^#

發表於 16-10-5 13:01 |只看該作者

老爺借首期姑仔知唔知？知道佢一定話唔公平，有機會你第時間屋佢話佢有份，要霸返間房

私人傳訊

lovechin

大宅

積分: 1792

好媽媽勳章

13^#

發表於 16-10-5 13:03 |只看該作者

fatfat0423 發表於 16-10-5 13:01
老爺借首期姑仔知唔知？知道佢一定話唔公平，有機會你第時間屋佢話佢有份，要霸返間房:heh ...

期實個首期，老公講明會還！
全屋都知！

私人傳訊

lovechin

大宅

積分: 1792

好媽媽勳章

14^#

發表於 16-10-5 13:04 |只看該作者

fatfat0423 發表於 16-10-5 13:01
老爺借首期姑仔知唔知？知道佢一定話唔公平，有機會你第時間屋佢話佢有份，要霸返間房:heh ...

佢鐘意可以霸依家住緊個間。

私人傳訊

fatfat0423

大宅

積分: 3485

15^#

發表於 16-10-5 13:10 |只看該作者

lovechin 發表於 16-10-5 13:04
佢鐘意可以霸依家住緊個間。

個問題係⋯⋯佢覺得你嗰間佢都有份，所以有機會係兩間都霸

私人傳訊

日日媽媽

子爵府

積分: 11548

16^#

發表於 16-10-5 13:14 |只看該作者

辛苦啲都應該分開住
辛苦99左右做人難
話就話自己個女唔啱
但新抱唔係到住
其實99又唔會覺得個女唔啱
因為係自己個女
99做人呀媽你都係仔仔既媽媽
做人媽媽永遠都會以自己小朋友行先
盡力搬
2家人都舒服啲

私人傳訊

lovechin

大宅

積分: 1792

好媽媽勳章

17^#

發表於 16-10-5 13:26 |只看該作者

本帖最後由 lovechin 於 16-10-5 13:47 編輯

fatfat0423 發表於 16-10-5 13:10
個問題係⋯⋯佢覺得你嗰間佢都有份，所以有機會係兩間都霸
...
這個問題，等佢阿哥自己攪，現在新買個間細屋，1大房、1小房。
因為我個仔仲讀緊樓下小學，放學99接。
所以應該到我個仔中學時，我姑仔就可以霸晒佢依家間屋！唔使睇佢D死人臭脾氣。真係佢父母先頂得佢順。

私人傳訊

lovechin

大宅

積分: 1792

好媽媽勳章

18^#

發表於 16-10-5 13:36 |只看該作者

本帖最後由 lovechin 於 16-10-5 13:49 編輯

日日媽媽發表於 16-10-5 13:14
辛苦啲都應該分開住
辛苦99左右做人難
話就話自己個女唔啱

老人家思想，仔命女命。
不過我99好開明，就算佢個仔唔O岩，佢唔會幫個仔講說話。
99長期都係HOME，點會唔知個女D臭脾氣。不過爆完一、二句就一人小句。(只係姑仔記仇，輕的記你一個星期，重的記到無止一樣！)
係62長期都唔係到，根本都唔知發生什麼事！只係覺得我地2公婆要就下佢個女，到時佢百年終老，佢地(兄妹)就要亙相照應。(不過我之後同我老公講，如果佢個D臭脾氣唔改，都幾難照得住。)

另外，我個仔錯，我一定要佢認錯，正如我做錯，怪錯我個仔，我也一樣會同仔仔SAY SORRY...
我唔會任意給他放縱脾氣。發完就算！唔可以再出言單打。

其實我住左咁耐，真係好少咁樣爆發！可能真的踩了我的底線！