心聲留言 今日: 1|主題: 17526

我有做的,我做到的.

星期一至五,回家99晚飯,中午我會買定水果(因放工街市已收檔),回到99家,未回家之前,阿仔係比ipad湊住既. 我回到99家除了只負責食外,就是陪玩專員,同阿仔傾下今日的事,給他安慰關壞及愛. 老公如果唔玩手機,會同阿仔係咁易玩下,然後會按摩,玩手機, 最後仔同99玩埋飛行棋,8:00回去自已的家,回到家阿仔玩或睇電視5至10分鐘,然後開始做回餘下功課,然後刷牙,沖涼, 最後如有時間,9:30讀埋故事/玩下好玩遊戲. 我負責阿仔全部+我自己, 而老公負責自己沖完涼後洗衫晒衫,多衫的話一,三,五,六日都洗.

早上自己先7:00起身,收衫,摺衫,梳洗,自己早餐,7:45分,叫阿仔起身,換校服, 比暖水佢飲,食水果,提佢著鞋,8:30前出門口,拎埋包牛奶出門口邊行邊飲.

老公早上負責同阿仔洗面. 會同阿仔係咁易玩下.

星期三早上吸一次塵

星期五,煲湯的話,早上到街市(極速)買材料,晚上煲,如不煲的話, 早上到街市(極速)買蔬菜.

星期六,由於我是5天工作,放假,會7:00起身,收衫,摺衫,梳洗,整我同仔早餐(一般是通粉,面) ,然後叫阿仔起身,叫佢自己著衫,食完早餐,會做一星期學過的功課練習,我自製的額外知識,或比阿仔自己玩電腦30分鐘,聽英文閱讀,或會去公園或商場或圖書館)

中午,預備午餐,食完後阿仔上基督少年軍2小時,那是我私人時間,接回阿仔,給他小睡一會,預備阿仔同自己的晚餐(老公由佢放工開始都係自由,打機又得,訓覺又得,晚餐食自己), 間中我們出街食. 出街食都係我照顧阿仔,同佢share一個餐,食到天一半地一半,都係我執來執去.晚餐後是老公負責同阿仔刷牙沖涼,或需要洗衫, 而我就自己沖涼,同阿仔睇電視,讀書或玩下玩具,之後就叫阿仔訓覺, 阿仔訓左覺,我同老公各自各玩, 我又會繼續睇電視煲劇.

星期日,老公早上去打籃球,我會7:00起身,收衫,摺衫,梳洗,整我同仔早餐(一般是通粉,面) ,然後叫阿仔起身,叫佢自己著衫,食完早餐,然後去上英文班,1小時後又接回, 我預備午餐, 老公打完籃球回來,沖涼洗衫晒衫,有時出去食,如果在家食,我同阿仔食意,粉(老公由佢晒完晒衫開始都係自由,打機又得,訓覺又得,午餐食自己),下午在家,阿仔自己玩具,睇爸爸打機,阿仔睇下(米奇老鼠光碟, 有時老公會落樓踢波,有時我會阿仔去圖書館,體育館,或出街,直到5點回娘家晚餐,晚餐後是老公負責同阿仔刷牙沖涼,或需要洗衫, 而我就自己沖涼及收衫,同阿仔睇電視,讀書或玩下玩具,之後就叫阿仔訓覺, 阿仔訓左覺,老公仲可能需要洗多一機衫,我同老公各自各玩, 我又會繼續睇電視煲劇.