想生BB 今日: 2|主題: 109632

收藏本版

發帖

返回列表

跳至頁

查看: 1490 | 回覆: 2

純分享（長長的） [複製鏈接]

npwawa

大宅

積分: 1688

1^#

發表於 17-12-18 22:22 |只看該作者 |倒序瀏覽 |打印

三年前結婚後就開始做人大計，努力左二年都冇聲氣（當中不停用紅d ，浸腳，食補充品，照輸卵管）。朋友介紹下去左威院不育專科，所有報告都合格，於是就懷疑係身體內既朱古力瘤關後，即刻安排入院做手術！手術後二個月，驗到成功！好開心，滿懷期待！點知9週產檢，發現係空心胎，傷心欲絕！努力左三年，做埋手術，都唔可以比個bb 我！之後去QE 食藥引產，果種痛，永世難忘！點知，相間一星期檢查，照到重有血塊未排出，要再食藥引產，如果今次都排唔曬，就要做手術！內心既驚恐出曬來，唔知應該點做？再經歷一次痛（今次冇第一次甘痛苦）第二次食藥後，再搵私家醫生照，都係未排曬（重有0.8）！心想，唔通真係要做手術？好彩，醫生話少過1cm 可以唔使！再比藥我返屋企食，試下能否排出。但，今次，我唔想再食藥，我已經感覺到子宮不能再受傷害！（間唔中子宮有抽痛既感覺）我只求要一個小朋友，上天對我既考驗真大。我應該如何走下去？雖然，我堅信只要努力定必成功！但我唔想再等。好難行既道路！